أبن مسرر هذي وينها ياسداح ماشفتها
للــــه درك شاعر ومبدع وسنافي وغالي وأحبك :):) كلها في أن واحد صح الله اللسانك وسجل اعجابي ومتابعتي لك للأبد اعجابي |
أخي العزيز حمد الدليهي
حضورك اعتز به واتشرف به شكرا لك وسلمت ، |
الغالي
عبدالرحمن السمين مرحبا بك ومسهلا ولا عليك زود يا الغالي |
أخي العزيز
عيضه الثبيتي سلمت والله يحييك وشكرا لحضورك |
سداااااااااااااااااااااااااااااح
:) هلا والله يا دكتور صح لسانك عدد كل حرف يا علم ولا هنت يالامير |
سامحك الله ياسداح
والله لقد ادميت قلبي بما كتبت هنا صح لسانك لين ترضى ياشيخ وادمك الله بصحه وعافيه. هذا هو عين الحقيقه اسأل الله ان يجعل بعد العسر يسر وبعد الضيق فرج حفظك الله يا نبراس وبادكتور وياستاذ الشعر وياشاعر المواقف. تقبل خالص تحيتي واعجابي الدائم |
[align=center]الدكتور
صح لساااااااااااااااااااااانك هذا اللي اقدر اقوله راحـت فلسطيـن مأكولـه ومشـروبـه عذاب الأقصى .. مـن القـوم الموالينـي الله يعجل بالفرج ودي وتقدريري [/align] |
الدكتور:سداح
تتقزم الكليمات امام هذه الباسقه اللتي تعالج الوضع العربي قبل ان تعالج الذائقه الشعريه وأوضاعها المتردية الآبداع غير مستغرب من منبعه لك كل الحب ايها الباسق |
عزالله انك صادق يادكتور
صح السانك مدد مبدع والله في كل مجال بس انا اردت عنوانها كذا (الطاولـه مـن قديـم الوقـت مقلـوبـه) تحياتي لك |
الدكتور
صح لسانك وضميرك وفكرك وكلك تقديري لك . |
واقلبـي الـلـي غــدا للهمّ لعبـوبـه
في غبّتـه .. كـلّ مـا يرميـه يرمينـي يلعـب ّ بـه ولعبتـه ماهيـب محسوبـه هـم ٍ يصبّحنـي .. وهــم ٍ يمسيـنـي والصبر لو يزهمـه مـا يلتفـت صوبـه الله يجيـره مــن الـهـمّ ويعافيـنـي أستغفـر الله .. بيـن الذنـب والتـوبـه وأعـوذ بالله .. مـن شـرّ الشياطيـنـي وهّاب خلقه .. ومنـه الخلـق موهوبـه وأنا لـو أجحـد نعيمـه .. تبّـت يدينـي لو يرتفع ضغـط دمّـي فـوق منسوبـه قامـت تزيـد الحـراره فـي شراييـنـي غنيّـت والشّعـر مـا ضيّعـت ماجوبـه وجريّت صوتـي مـع أصـوات المغنينـي شلته في عيني وراسـي جـاب مطلوبـه ولا هان من راسي .. ولا طاح من عيني ! مير أفسحوا لـي مجـال .. أفـرّ دالوبـه عـن آخـر أخبـار وأحـداث الميادينـي إلـى متـى وأمـة محـمـد بغيبـوبـه وإنعاشهـا ميّـت .. ولا لـه براهيـنـي تجـرّد الـذلّ معهـا .. وألبسـت ثوبـه وجاتـك بعـد ثوبهـا الأوّل بثوبيـنـي ! راحـت فلسطيـن مأكولـه ومشـروبـه عذاب الأقصى .. مـن القـوم الموالينـي يـا غـزّه العـزّه اللـي منـك منهوبـه أخذي عوضهـا مـن الزيتـون والتّينـي وينك و وين الفـرج .. والنـار مشبوبـه بين الفلسطينـي .. وبيـن الفلسطينـي !! ( حماس ) يزمر عليـك وينفـخ ذروبـه ويـرزّ ( فتـح ) البيـارق والنياشيـنـي شلّـة زلمـات ود وهــات والكـوبـه بالدين تلعـب .. وترفـع رايـة الدينـي تسلطّـوا ليـن كـل ٍ قــام منـدوبـه يصـرّح ولعنبوهـم مــن سلاطيـنـي الخايـن اللـي يغـش النـاس بأسلوبـه سياستـه واضحـه شكـل ومضاميـنـي الـدار مستعـمـره والأرض مسلـوبـه والشعـب مغبـون والقـاده مجانيـنـي وأنتي من اللي تضحّوا لـه وضحـوّ بـه تنثـر علـى دمـك زهـور البساتيـنـي وحسني مبارك نفض من حالـك جيوبـه ومعبـر رفـح قفلّـه بيـن الفريقيـنـي وأطلق شنب في العـرب يمنـاه معطوبـه لـو يحتـزم بالسيـوف وبالسكاكيـنـي حتى غديتـي علـى صهيـون مجلوبـه ( ومن دون ملعون بذّتـك الملاعينـي ! ) وقامـت عليـك اليهـود تفـكّ الأنبوبـه بالقصف والعصف بيـن العسـر واللينـي العـلّـه الباطنـيّـه فـيـك مصبـوبـه ميـر أنزعـي شرّهـا حتـى تشافينـي نستنكـر الـداب وإلا نشجـب جنـوبـه نبقى على حالنـا مـن حـرب تشرينـي عز الله أنـك علـى مـا قيـل منكوبـه وعزّ الله أنّـا علـى قولـك مساكينـي ! الطاولـه مـن قديـم الوقـت مقلـوبـه خـل الكراسـي تـدور وفالهـا شيـنـي الله الله الله الله الله الله فصلت ثوبها على قدّها يادكتور عزالله انك مابقيت ولاخليت ستبقى الشاعر الاقرب للذائقه صح لسانك مليوووون |
الغالي
محمد المغيبي شهادة شرواك اعتز بها وافتخر بها يعلم الله ماعليك زود و وجهك ابيض وشكرا لك على كلامك الطيب واللي يدل على نقائك يا القرم ، .. |
الغالي
محمد المغيبي شهادة شرواك اعتز بها وافتخر بها يعلم الله ماعليك زود و وجهك ابيض وشكرا لك على كلامك الطيب واللي يدل على نقائك يا القرم ، .. |
مديرنا الحبيب
محمد آل عبدان لاعدمتك يا بوعلي وشكرا لك |
الغالي
ناصر البرغش تسلم ولاعليك زود يا بو بدر لاعدمتك |
الاستاذ القدير
والاخ الكبير محمد بن رشيد تشريفك يابومالك يعني لي الكثير شكرا لك وسلمت ، |
الغالي فالح بن قشعم
الله يوفقك يا بومحمد ويسلمك ويجزاك خير والقلوب شواهد لا خليت منك تشرفني يعلم الله ، |
الغالي
غلاب بن عايض يا مرحبا يا بوعبدالله كلامك وسام على صدري وشكرا مليون ولا عليك زود |
الغالي عبدالله السعير
رايك شرف كبير يا بوغازي تسلم لاعدمتك .. ولا عليك زود |
أخي القدير نايف بن غتار
الشرف لي والله من متابعتك شكرالك وشرفتني يا الغالي |
الغالي حسين العتيبي
سلمت يا بو يزيد ورايك يشرفني يا شاعرنا القدير |
الغالي محمد مرزوق السميري
هلا يابو مرزوق ولا عليك زود شكرا لك والله يحييك |
| جميع الأوقات بتوقيت GMT +3. الساعة الآن 11:06 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية