المشاركة الأصلية كتبت بواسطة سداح (المشاركة 1088741)

السلام عليكم ،

بناءا على شرط رقم ( 7 ) وللخلاص من لجنة التقصي
ارجو قبول هالابيات ..


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

للمعرفـه والعلـم طالـب ومطلـوب=وللعولمـة طفـره وسرعـه مخيفـه

وللتقنية حاسـب وللذنـب حاسـوب=وللشّـر وازع بالنفـوس الضعيـفـه

وللناس طمعة روس وأحساس وقلوب=وللـراس مـخّ وللجـوارح وظيفـه

قام التطـوّر بينهـم ينفـض الثـوب=ويومي علـى روس الجبـال المنيفـه

على ما قالوا كـلّ ممنـوع مرغـوب=و مـدّور الممنـوع يلقـى حليـفـه

يا مولّعين اللايت في سايت ( يوتيوب )=عليـكـم أوزار الخـلايـق لفيـفـه

ما يمنعه حاجـب ولا فيـه محجـوب=واللي معه مقطـع فضيحـه يضيفـه

العرض وافر والحياء منـه مسلـوب=بيـن العلـوم المحزنـه والطريـفـه


بالصوت والصوره من بلاي لستـوب=من خشّ به جت له على كيف كيفه !!


جلسة شباب أشناب مع خمر وحبـوب=والبنـت ترقـص بالثيـاب الخفيفـه


والمطرب المشهور بأحضان رعبـوب=والكبتـن الطيّـار ويـاّ المضيـفـه

فضايح ٍ في وقـت ماهـوب معيـوب=العيـب فينـا والبصـايـر كفيـفـه


يـا أمـة الإسـلام والعـزّ منهـوب=يضحك علينـا الـذلّ ويسـلّ سيفـه

وحنا نجي ونـروح ونقـول مكتـوب=ونعمل على هـدم البيـوت الشريفـه

متى نعـود لخالـق الخلـق ونتـوب=ونعامـل الله بالقـلـوب النظيـفـه ![/poem]



وسلمتوا ،،