هلابك يا ابن شريييييييييف :)
ابد والله (وقفه) يعني وقفه مع النفس ..... وبريكٍ ياحسن :) اما (محراف) معناه منحرف وضاربٍ لك جاده ...... الله الله .... وعفاك :) سعد براك ....... ياويش دخلني يا ناااااااه :( |
........ الله الله ........
غالب الشريف : ابي بطاقتك الشخصيه بالكامل ...... وثلاث صور عنها :) |
ابو نجد انت تونس شي ؟؟؟ :teeth:
انا خابر انها وقفه ومحراف وهذا معناها انا اقصد وش قصتها يعني لها سبب في بدايتها والا مغير متنفس <--- متعوب على كلمة متنفس ذي :) تحياتي إلك |
الاسم / غالب ابن عبدالله العبدلي الشريف :)
المدينة/ الرياض العمر / يتكدّش الخمسة وعشرين المهنه / طالب جامعي " خبره لا تقل عن ست سنوات " والسابعه مقبله الهوايات/ القراءة وكورة القدم و" تنس طاوله "والشعر والبلوت والكنكان بس مهيب واجد والانترنت :) |
مساء الخير ياربعنا الي هنيا جميعاً
انا رجال معرف اطول الكلام اعطي مافي راسي واجي معود <<<<<<<==== بالله لاتزودونها معه خلو الأجودي يشارك معكم ويذلف ماعنده الا الدجه سؤالي للأخت / سراب س1 / من من الأعضاء تستهوين لقرأة قصائده س2 / كم خدمتك في المرقاب وماهو سبب انقطاعك عن المرقاب بين فينه واخر س3 / غاب عن المرقاب الكثير من اخواننا من تحسين بفقده س4 / عددي بعض اعضاء المرقاب التي تعجبك مشاركاتهم ولماذا ؟لكل عضو السبب ؟ وخيرت الله لاتنشدونه عن شيء تراه له اكثر من اسبوع وهو يسيوي هالأسئله يعني لو يبي يجاوب يبي يغلق الموضوع ويروح في الصفحه 20 ويعود يرفعه باااااااااااااااااااااااايااااااااااااااااااات |
ابو نجد انت تونس شي ؟؟؟ :)
انا خابر انها وقفه ومحراف وهذا معناها انا اقصد وش قصتها يعني لها سبب في بدايتها والا مغير متنفس <--- متعوب على كلمة متنفس ذي تحياتي إلك تونس والا المغرب <----- ينكت :( ههههههههههههههههههههههه <---- ويضحك بعد :) والله يا غالب مالها قصه حطيتها مسمى لتواقيعي قبل سنه تقريباً ومشت كذا .... الله الله .. وادرجها والله اللي يفرجها ..... وعفاك لبا قلبك :) |
أسعد الله جميع أوقاتكم بخير
عندي كم سؤال لاخينا مستور الذويبي مستور اولا البطاقة الشخصية كاملة ثاانيااا : منذ متى تكتب الشعر وهل تذكر اول قصاائدك تحيتي للجميع |
للأخت : سراب.... هلا بك أخوي هذة ثلاثة أسئلة : -لمـاذا أخترتي أسم ( سرااااااااااب )...؟؟؟ اخترته عندما أحسست أن كل ماحولي مهما يقترب بعيييييييييد ولم أستطع يوما الوصول الا لـ سراب -تحبين أن تصنفين شاعرة أم كاتبة !!! ولمــاذا ؟؟؟ أنا أعشق الكتابة عموما نثرا وشعرا ولم أفكر يوما بالتصنيف ولكن لو ملكت أدوات الابداع واللتي ابحث عنها بصدق أظني اتمنى اكون شيئ مميزا مخلصا لمسماي -ما الشي الذي تنتظرينة ( بشغف )..؟؟؟ كثير انتظر العودة فقد تعبت من الاغتراب .. وانتظر راحة البال أو ........ (( اللهم أحييني ما كانت الحياة خيرا لي و توفني إذا كانت الوفاة خيرا لي)) أجمل تحيه |
اقتباس:
8 8 هلا مبارك الخليفه وتبي الصراحه شعوري كشعور أي شاعر تنسرق منه قصيده :) ==== شكو؟؟ .. مدري !! |
يا سلام يا سلام على هالتفاااااعل الفللي
محمد جارالله قايلك ان الرجال جيّد بس عطه فرصه :) اول شي نوض .. ولا تعبتي :) بعدين نشوف اسئلة الشباب غالب الشريف .. لا والله يا خوك لذلحين قل يبي لي سنه سنتين وحول والله كريم اما الطلب سجيت منه بس هقوووتي انه يقول الحب في الارض بعض من تخلينا .. لو لم نجده عليها لا اخترعناه ُ نزار من قالها لكننا قلنا ... الحب قبله ومن عقبه على ماهو مشعاااان جعلك تسلم انا ما اقول وين تدرّس .. اقول وش تدرّس ما اسم الماده لو سمحت ؟ هذا اولا .. اما ابن وسام مبطي والله منّه لذلك جزاك الله خير ذكرتني بالوصل يجب ان اتصل له فوراا |
الله بالخير
ابلشنا 0محمد الجارالله ورطنا وفضحنا ياشين اللقافه تحور وتدور على شى 0وبعدين شايبكم ماهوب مثقف بعض المصطلحات يخثع فيها عموما الموضوع شيق000 يعنني الاخ فهد فالح الله يذكرك الشهاده ياخوك راحة علينا نومه وما صاب اسنان الرمح ماصاب عكوزه00وينهارايحه بالنسبه للموضوع اللى ذكرته 1-انا في منتدا المرقاب من بداية تاسيسه ولاكن بحكم ضروفى وانشغالاتي كنت لا اكتب كثيرا وبصراح كنت متردد خوفا من عدم استمرارية المنتدى رغم ثقتى بصاحبه 0وخوفا على ما اكتب وعدم ادراك والمام بالنت 2-بالنسبه للمحاوره وطلب سداح ومن ثم سداح اوعكاشه 0 لاثبات الوجود كما ذكرت0 اقول لى الشرف ان اتحاور مع سداح اوعكاشه وهذه الاسما غنيه عن التعريف وكل شاعر يتقن النقض والفتل هو امنيتى باللعب معه اما لاثبات الوجود فهذه لاتحتاج رد0 ابدا0 ولست بحاجه لاثبات وجودى شعرى امام الجميع ولاانتمى للشلليه لكي التمس منهم الدعم00 هذه نقطه الاخرى لوراجعة محاوراتى لوجدت اننى قبل طلب سداح اخذت كذا طاروق مع الشاعر مناحى السليس ونايف السلمان ومحمد صالح وعكاشه0وغيرهم 00حقيقه اطرب لمحاورت سداح شاعر يشهد له النقض والفتل وكذلك كلاش وال خليفه رموز كثيره تستمتع باللعب معهم رغم ان هناك سو فهم بالمعنى من اغلبهم لعدم احتكاكهم بى اوبالاصح معرفتهم بى وهذ ا طبيعى ومع الايام سيزول الاللتباس عند هاولا الاخوه والله يسامح ابن جارالله تعبت ايدياتى من النسخ وانا عليمى 3-عموما صدقونى جميعا ان هدفى هو النهوض بهذا الصرح الى المستوى الطيب وتفعيل الكلمه الطيبه بمساندة اخوانى المرقابيين جميعا وما انا الا اخر الصف فيهم 4- عمالقة المرقاب -سداح -مبارك ال خليفه 0كلاش-معيض العتيبى0عكاشه 0اكرر العذر ان بدر منى ما اسا لكم وصدقون سو فهم لااقل ولااكثر 0 لكم الحب والتقدير جميعا00 لاتعودها يابو فالح تحرجنى ترانى خبل اللى فى قلبى على السانى عاننى فليت الشريط تقول معروض معسر لكم الود والسلام اطرخوا معدى المرقاب |
[align=center]محمد السهلي..
مشكور على موضوع الكسول.. وعندي أسألــه..كثير لبعض الاخوان والاخوات .. ولكن لنبدأ..حبه..حبه >>>>>>الاخ ناويهم على نيــــّه..(sot- سؤالي الاول ..؟ نبي نبديه عليك .. بدون سبب.. خل نقول عشان انك انت منزل الموضوع.. **[/align] [align=center]تعرف سلطان بن نواف..؟ اذا ايه ..؟ شنو العلاقه اللي بينك وبينه..؟ واذا لا...؟ ليش نسيته..؟[/align] |
اقتباس:
اول شي ماعليك زود ياخالد ولا تهمش موهبتك انت شاعر ولا عليك قاصر والمجامله مالها مجال هنا ابدا ، يعلم الله اني اطرب لقصيدك كثير يا بو سعيد . كثرة التواجد أراها ممله قبل كل شي .. وكذلك اعتقد انها تأثر بمستوى الشاعر ، لكن هناك تفاعلات حدثيّه أن لم تحصل في وقتها لم تحصل ابدا لإنتهاء التوقيت بغض النظر عن مستوى الشعر التواجد والتواصل المستمر وبكثرة اعتقد انه سلبي ، والحكم في النهايه لجمهور الشعر لا للشاعر تحياتي الصادقه وتأكد ان شهادتك انت والأخوان اللي شرواك اعتز بها كثير وتشرفني . |
عوده لكم
ارحب يبومحارب جابك الله :) جواب سؤالك ميانه وثقه واشياء اخرى سؤالي لك طال عمرك ليه ماذكرتني بالموعد والمكان :) ؟؟؟؟ سؤال ثاني لماذا تتجنب المحاوره في المرقاب ؟؟؟؟ سؤال لسراب.... (كثير انتظر العودة فقد تعبت من الاغتراب ..) هل لنا ان نعرف المقصود بالاغتراب ؟؟؟؟ ودمتم |
أخوي الغــالي :
( القـريب من قلـبي كثيراً ) مشــعان الـبراق... هـذي اسئلة بطــريقة ...متى قلـت : - يـامن شرى لـة من حـلالـة عــلة : -رب صـدفة خــير من ألـف ميعـاد : -مـا عـاد أعـودهـا : -كـذا والا بـلاش : - أكـون او لا أكـون : ودمت بخــير... |
:
: هلا يبو براك :) تقول : ابو جار الله الا علي طارى الاسئلة وش قصة ( الجبال الزحلّي ) واقول : والله مدري مفردة طرت علي في بيت وناشبتني انت والحصيّن وقلتوا غلط :( وغيرتها :) وسلامتكم : : ا خ و ك |
:
: هلا يا وليد تقول : تعرف سلطان بن نواف..؟ اذا ايه ..؟ شنو العلاقه اللي بينك وبينه..؟ واذا لا...؟ ليش نسيته..؟ واقول : نعم اعرفه .. والعلاقه علاقه اخويه صادقه مغلفه بالود والتقدير والاحترام و محصوره في اطار التواصل الماسنجري :) تحيتي لك وسلم عليه :) : : ا خ و ك |
:
: معدي المرقاب الله يسامح الجميع :) وبعدين فرصه انك اتعلم اكثر على الكيبورد :) مبارك آل خليفه عزالله ان خويي جيد ومفكر وراحت عليه :) سعد براك سؤال : كم تبي فالايميل ؟؟ اتمنى يكون المبلغ فالريال السعودي ؟ :) تحيتي : : ا خ و ك |
:
: طلقات للغالي كلاش :) ط (1) _ اوكلت لك مهمه ادراة الامسيات لمهرجان تنظمه ادراة المرقاب .. حدد لك اربع امسيات في كل امسيه ثلاثة شعراء .. حدد اسماء الشعراء في الاربع امسيات .. ؟ ( الشعراء من المرقاب طبعا ً ) ط (2) _ ما اقرب منهج من المناهج الشعريه لذائقة كلاش : ( الكلاسيكي التقليدي ) .. ( الحداثي ) .. ( الفكري ذو المفرده المتجدده ) .. ( منهج آخر تود ذكره ) :) ط (3) _ اجمل قصيده مرت عليك ..؟ واجمل بيت ...؟ ط (4) _ اجمل قصائدك بوجهة نظرك ؟ وتقبل تحيتي : : ا خ و ك |
سؤالي للأخت / سراب حياك الله يا صديقنا الغاالي :) س1 / من من الأعضاء تستهوين لقرأة قصائده؟؟ شوف توقيعي :) وتعرف طبعاااااااا كثير من الاعضاء أحرص على متابعتهم بس أبحث دائما عن قصايد شاعرنا الأول // سداح س2 / كم خدمتك في المرقاب وماهو سبب انقطاعك عن المرقاب بين فينه واخر مدري والله كم لي !! بس المرقاب هو المكان اللي ما اقدر ابتعد عنه و انقطاعي لا يكون الا بالكتابه وانا دائما متواجده بالمتابعه وسبب الانقطاع الأول هو السفر الدائم ,, س3 / غاب عن المرقاب الكثير من اخواننا من تحسين بفقده ؟؟ صدقت والله غابوا وتركونا مع الشوق والفقد مثل رائعتي العنقاء وغاليتي الجافل ,, والمتميزه الافلاطونيه ومن الأخوه الشعراء عامر العمار ,, شفق السريع ,, بريق الحرف ,, راعي المغاتيير ,, والله كثير بس مايحضرني حاليا .. وانت فاقدينك يا سنجار كثيررررررر والله يكون في عونك س4 / عددي بعض اعضاء المرقاب التي تعجبك مشاركاتهم ولماذا ؟لكل عضو السبب ؟ كل الاعضاء لانهم كلهم رائعين فعلا ومتمييزين بكل حضور لهم بصراحه بدأت أكتب و لقيتني بيخلص اليوم وما وفيت المبدعين حقهم (*_*) أجمل تحيه يا أخوي |
مشعان البراق :)
عندي سؤال فيه من (الوطوطه) مالله به عليم :( ابي الاخ اللي اسمه مبارك آل خليفه .... انت معي ؟ ....... طيب ....... هو وش عنده يسأل عن الماده السؤال الثاني : انت بتجي مع معيض للكويت الشقيقه :) الله الله ........ وسلامتك |
[align=center][align=center]
على طاري سلطان انا من زمان ما شفته.. اخبره دش الحرس ..واختفى وبيننا تلفون.. عموما اوصل السلام..له يالغالي ** عندي كم سؤال لك يا محمد السهلي... 1_انا دعيت من قبل مشرف في منتدى السهول.. ويوم جيتهم.. لقيت مشاركاتك ضعيفه عكس ما اجدها هنا..؟ >>>>>>:type: الاخ قاعد لك قعده.. شنوالسبب.؟ 2_انا اذا ابي اسند لك قصيده خفيفه ماهي ثقيله على المعده اجتماعيه تخص امور كثيره في المجتمع..وتبيّض الوجه وتعالج قضايا..بعيداً عن الغزل المكرر والشكوى من الحبيب.. هل سوف ترد..؟ ام :) والباقي بالطريق..... >>>>>>>الله دخيلك تحقيق مو اسأله [/align][/align] |
مشرفنا المتميز ..ابو راكان سؤال لسراب.... (كثيرانتظر العودة فقد تعبت من الاغتراب ..) هل لنا ان نعرف المقصود بالاغتراب ؟؟؟؟ العودة من مكان لا اطيقة لآخر أحبه .. سؤالي للأخ عبداللطيف الغامدي من هو اكثر عضو // عضوة يــ//تــ زعجك ؟؟ ماهو الشيء اللذي يثير غضبك ؟؟ وش الفرق بين شعراء الخليج ؟؟ هل هناك اختلافات في الاسلوب وخلافه !! |
:
: هلا يا وليد تقول : 1_انا دعيت من قبل مشرف في منتدى السهول.. ويوم جيتهم.. لقيت مشاركاتك ضعيفه عكس ما اجدها هنا..؟ >>>>>> الاخ قاعد لك قعده.. شنوالسبب.؟ واقول : ما فيه سبب معيّن طال عمرك اللي اعرفه ان مشاركاتي هناك فوق الـ 7000 مشاركه .. لكن انا من تالي صرت اتواجد المرقاب بس ليه مدري :) وتقول : 2_انا اذا ابي اسند لك قصيده خفيفه ماهي ثقيله على المعده اجتماعيه تخص امور كثيره في المجتمع..وتبيّض الوجه وتعالج قضايا..بعيداً عن الغزل المكرر والشكوى من الحبيب.. هل سوف ترد..؟ ام واقول : اولا ً لي الشرف انك توجهلي يا وليد :) وثانيا ً ان الله ساعدني وقدرت ارد برد وان ما قدرت بقولك ما قدرت وبتعذرني ان شاء الله .. اخوك مامن جيد قصيد عادي ويالله يالله :) وتقول : والباقي بالطريق..... >>>>>>>الله دخيلك تحقيق مو اسأله واقول : الله يستر :) تحيتي : : ا خ و ك |
اجاباتي ياسراب
من هو اكثر عضو // عضوة يــ//تــ زعجك ؟؟ ابداً..... من جاب طاري الازعاج :) ماهو الشيء اللذي يثير غضبك ؟؟ العنصريه وش الفرق بين شعراء الخليج ؟؟ هل هناك اختلافات في الاسلوب وخلافه !! طبعاً وانا لست الخبير لكن يبدو ان اللهجات لها دور كبير في التفريق مع توفر الابداع بحسب موهبة الشاعر مهما اختلفت اللهجه تحياتي |
| جميع الأوقات بتوقيت GMT +3. الساعة الآن 12:30 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية