الانطباعات كثيره
وراح نبدا بسعادة المدير كنت اتوقع انه شايب ورسمي وشايف نفسه بس سبحانه الله ظلمته طلع وسيم ودمه خفيف ومتواضع وماتمل الجلسه وياه (كاتب الرد فالكويت ) الله وافط................ ههههههههه انطرونا مع بقية الانطباعات ولا اقول راح ادونها فالملاحظات |
اقتباس:
ههههههههههههههههه ههههههههههههههههه <---- يمكمل الجمله في خاطره :) |
[grade="00008B FF6347 008000 4B0082"]انطباعي عن الاخت
(الفجر البعيد) 1- رزينه 2- هاديه 3- خجوله 4- واعيه 5- عاقله 6- تحب المزح ولكن بحدود الرزانه 7- ذربه أحبها لله فلله [/grade] |
[align=center]ههههههه ابو محارب اسرد اسرد بارك الله فيك
ضيف الله الغنامي والله محد قالي انك جاي تفاجئت بوجودك الجميل يا محفوظ السلامه [/align] |
اقتباس:
اقولك حاجه حول رياضيات شكلك جيد فالحساب |
اقتباس:
ماتشوف الكويت منوره والجوء رومنسي راح اعطيكم من وقتي الى يوم الاثنين الساعه 9 مساء وبعدين بروح للشرقيه اكمل زيارتي الخاطفه لهم حق سراحه وبشوف احوال المرقابيين هوناكا |
انطباعي عن سعادة مدرس اللغه العربيه
ابو عيضه قبل المواجهه ثقيل طينه نفسه في راس خشمه شراطي في سوق الغنم يحب الكبسه ماله فالكوره حريف بلووت بعد المواجهه خفيف دم مرح ويحب يمزح طلع تاجر اسهم ماتمل الجلسه معه وطلع يموت فالكبسه ينسى اسمه طلع كورجي مايحب البلوت يشجع فرنسا ويستحي تقول تبي شي يقول مبا مبا بسرعه يحفظ مشاء الله عليه القصايد والمحاورات |
يا حلو مواضيعك يا هـ المودماني
انطباعي عنك يا ابو حمد قبل اقابلك كنت اتوقع انك مغرور ودايم تشيل بشتك معك وفي جيبك نظارة قراءه وعدساتها صغار وبعد ما قابلتك عرفت انك متواضع والبشت والنظاره تتركها في السياره دائم ! -- > مشعان تراني في وجهك ! .. . |
سعود بن ناهض الرويس
قبل المواجهه شايب راعي معرض فالدوادمي لابس نظاره تقول قزازت النقل الجماعي يموت في حليب البل مايحب اكل المطاعم بعد المواجهه انقلب 99 درجه طلع شباب يحب الفرفشه طلع طفران ماعنده معرض نظارته تقول قزازت كامري مايحب حليب البل يحب الكبتشينو يموت فالمشاوي عكس ابو عيضه والكبسه |
:
: المرقابي الذي صدمني .. فيصل الشريف : - كنت متوقع أنه (( ليبرالي )) خالص .. يعني تحرري بنمرة واستمارة .. !! - كنت متوقع أنه يحب النقاشات ويعشق فتحها .. - يتكلم كثير .. - مغرور (( المضمون )) و الشكل .. - كنت متوقع أنه يشتغل في (( بنك )) .. - مدمن على (( السفر )) .. !! - عكس أسمه (( الثاني )) .. !! - يدخن بشراهه .. !! وبعد لقائه أنصدمت .. صدمة جميلة ووجدته كما يلي : - يخاف الله كثير .. !! - ينزعج من كثرة النقاشات .. - كلامة قليل .. ويالله نسحب السالفة من (( بلعومة )) سحب .. - انسان بسيط .. والبسيط مايقدر يصير مغرور حتى لو حاول .. !! - ملحط بدون وظيفة .. ولا لقى لو في (( بنك )) الدم .. !! - ماقص جواز الى هالحين على ما اظن .. - على اسمة (( الثاني )) ويسعى أن يكون ايضاً مناسب لأسمه الاول .. !! - يخاف من (( الولاعة )) .. !! - اكتشفت مؤخراً أن يطرب على (( طمبر .. طمبر .. طمبيرة )) .. !! فيه (( بلاوي )) جايه فالطريق .. !! أنتظرونا مش حتسكروا أجهزتكم .. !! :) |
خذا عندك هالانطباع :)
فارس العصيمي × عناد النفيعي ! جمعتهم مع بعض .. لانها اول مقابله وكانوا مع بعض في زياره لهم للكويت قبل 4 سنين تقريبا :) وكانوا ساكنين في شقه فالسالميه .. ودقيت على عناد .. قلت وينكم ؟ وهو يوصفني الاخ : لف منا وادخل منا .. ولا جاك (مدري ويش) ادخل من دونه .. الخ المهم والكلام لـ عناد : لا جيت الشارع الفلاني شفنا فالعماره اللي على ايدك اليمين عند ( صااااااالون فارس ) !!! جيت على الوصف لين وصلت العماره .. وادوّر صالون اسمه ( صاالون فارس ) ولا لقيته .. واطلع من الشارع .. والقى لي ( سطرة حلاقين ) اساميها فرزاتشي .. كلاسيك .. الاناقه .. ومن هالاسامي اللي عليها الكلام !! وانزل عليهم .. واقعد انشد ( وين صالون فارس !؟؟؟ ) وكلهم يقولون يا ولد ما فيه فالسالميه كلها صالون اسمه (صالون فارس) !! وفيه واحد من الزباين قال ضاحكاً : ياخوي يمكن قصدك ( اسطبل .. والا جاخور ) :( المهم دقيت على عناد .. وعلمته بالسالفه .. وقعد يضحك لين قام يكح ! قلت العلم ! قال يا ولد انا اقصد ( صالون فارس ) يعني سيارته الصالون !! فـ قلت غاضباً .. علي الحرام لو ان منت بـ ضيف .. اني لا اتوطاك بـ صالون فارس :( باختصار <- امحق اختصار ! قبل المقابله :- كنت متخيّل شكل عناد النفيعي اللي في بالي .. هو نفس شكل فارس العصيمي بكل تفاصيله وكنت متخيل شكل فارس العصيمي اللي في بالي .. هو نفس شكل عناد النفيعي بكل تفاصيه ! بعد المقابله :- اكتشفت العكس تماااااااااماً ! :) وسلامتكم :( |
انط باعي
عن الحُصيّن قبل المقابله لا يوجد انطباع ! وبعد المقابله احسن مافيه انه لاعزم مايستعزم :) |
خذ عندك الانطباع هذا بعد ! :)
عبدالله بن قنيص × عبدربه ! قابلتهم في الحسا .. كنت عند واحد من عيال عمي هناك .. ودقيت عليهم وقالوا جهز القهوه .. مسافة السكه وجايينك ! شوي لا والله انهم اقرب منك :) قبل المقابله :- - عبدربه كنت متخيل انه ما يدخل مع الباب يعني ( جبو ) وكانت ذيك الايام بداية التزامه الله يوفقنا وياه .. قلت في خاطري اكيد اني بشوفه ملتزم وفي جبهته ( رضحة الصلاه ) وعليه آثار معاصي قديمه ! - ابن قنيص كنت متخيّل انه طويل وبشرته صافيه ولونه ابيض ( ماهوب ابيض ساطع ) يعني اللون الابيض اللي مشلوطته الشمس وصاير برونزي ! بعد المقابله :- - اكتشفت ان عبدربه طوله ما يتعدى متر و (20)سم ، انسان على فطرته اللي فطره الله عليها .. ما عنده تكلّف واللي في قلبه على السانه وكان الشنب خفيف واللحيه في بداية نموّها .. وبين عيونه ضربه .. اتوقع انها آثار جنبيه ! - اكتشفت ان ابن قنيص مثل ما ذكرت الا اللون .. كان لونه مثل دهن العود المعتّق يعني على ما قيل ( يكتحل من جنبه ) وكان ما يلبط عند عبدربه .. ولا يسولف لين يعاين في عبدربه .. عاد مدري هو خوف والا احترام ! <- لغفه عالطاير :) وكاد انهم اروع ثنائي مروا علي .. كل واحد يقدر الثاني ويحترمه لدرجة اني توقعت .. ان كل واحد راح يضم الثاني ويقعد يبكي :( وسلامتكم :) |
^
^ ^ ههههههههههههه الله يرجك يالملكع والله انك ذبحتني من الضحك جعلك الزين فيهم :) |
8
8 زود حرص ! .. |
اقتباس:
ههههههههههه الله ياخذ .. ابليسك تخيّلت ان السالفه صدق :) |
اقتباس:
ههههههههههههههههههههههه خالد الله يسلمك الأنطباع هذا كنه عن جوز (( كناري )) .. مهوب عن أثنين من أفراد الحرس الوطني .. !! teeth: |
^
^ قاتل الله بعض ردودك ضحكت لين نسيت ما جمعته من انطباع عن أحدهم :( |
هاكم انطباعي عن معيض الكرشمي
عمره بين 40الي 45 عوارضه بيض رجل سمين وقصير القامه (مربوع) دايم يقول خلوها و يلعب قلطه مع نفسه مدخن بشراهه ومثقف قديم وما يمزح بعد ما التقيت فيه عمره اقل من ذالك بكثير بكثير ماهو بسمين وما عنده لحيه طويل القامه ومتوسط البنيه في قمة النشاط واعلامي مميز مبتسم وبشوش الوجه وذو اخلاق عاليه |
^
^ طيب يدخن ولا مايدخن teeth: .. |
ابوحمد
وش ذا غياب وهطول جميل مثل المر سجل مناحي متاب الك ياصديقي |
اقتباس:
لايا ياسر وانا اخوك طلع مايدخن |
بصراحه كل انطباعاتي عن اعضاء المرقاب كما توقعت
لان الاخ ينظر لاخوته بعين الواقر ضيف الله الغنامي كما توقعتك تمااما قلب ابيض انت هنا كما انت هناك محمد ال عبدان اقسم بأنك كما توقعتك في كل شي الاخلاق وخفة النفس . الا في شكلك ( طلعت تقول فلسطيني ياولد ) بندر التقيته اكثر من مره ( راع البل ) كل مافي هذا الرجل حسن وكما هو هنا يجبرك على احترامه فأنك تحترمه خارج النت سلاام |
^
^ ^ لك وحشة .. يـ (( صديقي )) .. !! منوّر المرقاب .. !! لاعاد تقاطع .. !! :) |
[grade="00008B FF6347 008000 4B0082"]حضور ثاني وشكرا للاخ عبدالرحمن حمد على هذا الموضوع
انطباعي هالمره عن الاخت والشاعره (بنت وايل) 1- أقل شي يبكيها 2- قلبها رحوم 3- ماتكره أحد 4- صديقاتها محدودات (تحب تنقيهم نقوه) 5- عمرها اصغر من تفكيرها 6- تحب البساطه [/grade] |
| جميع الأوقات بتوقيت GMT +3. الساعة الآن 11:31 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية