منتديات المرقاب الأدبية

وش عاد تنشد له عن الحال لا اقفيت
وجسر الوصال اللي بنيتـه هدمتـه
حالٍ وقف يرقب مجيّـك ولا جيـت
وانساب تعبيره علـى قبـر صمتـه
واخذّ من اطراف المشاعر توابيـت
لاشـلاء حلـمٍ بالمفـارق صدمتـه
وابطى على الموعد يجر التناهيـت
وانا مـن احزانـه وهمـه رحمتـه
اخذت له ما ياخـذ الحـي للميـت
باقة وداع ولمـت حظـي /ولمتـه
ياللي على صـدّه وهجـره تجريـت
مرك شعوره صادقٍ مـا احترمتـه
وضعه كئيب ، ونبرته تكسر البيـت
ياما على قطـع الوصـال اتهمتـه
ما كان يبغى منك لا غبت وابطيـت
الا.. توضّـح دمعتـه /لارسمـتـه
ولا كان يزعل منك لو قلت واخطيت
ويقول مني والسبـب /مـا فهمتـه
حالي كذا ، يحيا شعوره وهو ميـت
ليتك من احساس الغلا مـا حرمتـه

ياسلاااام عليك يابن حرباش وعلى قصيدك الجزل الله لايضرك

صح لساانك مدد ولاهنت يالجزل ،،

سلامي على فكرك.