صح بدنك ريف
والابداع حضورك الفااخر شرفتي مقتطفاتي شاعرتنا شكري وتقديري,’’ |
الناس بردانه وأنا لاهب الشوق في صدري المكتوم يحرق لهيبه ماصوّره شعري ولانثر منطوق غريبه ونشرة حياتي غريبه لاصرت لافضفضت مـ أرتاح واروق بلاش والدمعه بعيني قريبه حدب الضلوع جْسور والقلب صندوق على خفايا الروح ياطيب طيبه غيم المشاعر لاسرى ليله بْروق يااخذ من الوجداان واافر نصيبه على سناه أنظم من الشعر لي طوق والبس وتخنقني طلاسم عجيبه |
خذيت لي سجه مع الهجس ياسعود فالجو من فوقي وتحتي سحابه اثر الفضاا مع ضايق الصدر محمود الى ارتفع فوق السحاب وضبابه ودي يطول الوقت يُم رقت ويزود مع كوب شاي وكاس ماي ورحابه لو الغنى مافيه عيبٍ ومنقود غنيت واتعبت القلم والكتابه واطربت من معنا مسافر وموجود وجاب القصيد العذب مـ الورق جابه شعر ومشاعر وانسجامه على المود وحروف تتشابه ولو ماتشابه! |
اقتباس:
الله الله الله ابدع وربي اخذت لي لفه بالركن وتهيّضت صح قلبج 🌹 |
صح بدنك ريف
تشرف الركن بمرورك لاعدمتك شكري وتقديري,’’ |
على بالي وانا ماودي الغالي على بالي قسم مـ عاد لاودي على بالي ولا باله ياليت عْيوني تْغمض وافتّح ماله ومالي وكلٍ ناسي الثاني وكلٍ رااح في حاله وكنّه ماحصل فـ الكون لاجيته ولا جالي وننسى مامضى وادله وهو مثلي بعد داله واعوّد طفله صْغيره بريئه والعَب بشالي على جال المدي مابين بستانه وشلاله مع امي والْاهَل مابين ابوي وعمي وخالي واغني بينهم طفله وكلٍ يحذف عقاله علي تشجيع للتبديع ازود وزاد في حالي ثوااني وانتهى ذاك الزمن حله وترحاله غفرانك ربي المعبود لا جريت موالي وتهيضت وتهيض خاطري والقاف غنى له |
مرسول الاشواق خذني فوق كف الغرام والليل ساكن وقلبي مع نجومه دليل أسري على الهجس غاية مهجتي والمرام مـ اضيع عن وجهتي في غربتي مستحيل متوهج الحدس ينطق لو يضيع الكلام حس المشاعر على جوّ التلاقي هديل والجو كايف وممطر والهوى ياسلام يهب لو حلم كنّه علم,ليلي طويل |
يرقص على حس المشاعر هجوسي تاخذ طيوره في سماا الفكر دوره مشكور لامن راح بي عن طقوسي وادْخَل على قلب الشقيه سروره أسرح معه وامرح وافصّل واقوسي والبس وانا بـ الْوان ذوقي فخوره مع هاجسي لو كان غير مْحسوسي جوله على جسر الخيال مْحكوره ياما سرحت وطال بي الجلوسي فكري شرد,ولابقَى غير صوره وخذيت من رحلة حياتي دْروسي تفيد والا ماتفيد,,امْعذوره |
|
ياطير شفني ذا مكاني مْن عْصير ايلين تطلع نجمة الصبح مانمت فـ المزرعه والفكر ياخذ مشاوير فيني.وانا في جلستي ماتكلمت في بيتنا والحمد لله وبْخير لاشك طالت مدة الحجر وحْلمت اني بنجد وبين الاحباب ياطير واسترسل الحلم وفرحت وتعشمت فـ الحلم لين ايقنتها اضغاث لاغير فرحَةْ لقاا لكن صحيت وتحطمت ياواهنيك تصفق الريش وتطير وتْشوقني فوق الحديقه الى حمت هيضتني والشوق واهج وتفكير مجتاحني لو فـ المشاعر تحكمت واليوم لو تسمح بطلبه وتقدير دام الحجر مرفوع عنّك ومادمت ناوي على نجد العذيه مسافير وناوي تحلق في سماهم وعزمت بلغ تحياتي وعذب التعابير لناسي,وسلم لي على الكل وسْلمت |
|
العيد لمة كل غالي بْغاليه وحنا حدتنا وابعدتنا كورونا فيروس مستفحل وطالت لياليه متى على الله لـ انتهَى وبشرونا وابرق سمانا بالفرح عز واليه في مملكتنا من بَعَد مـ احجرونا حكامنا فـ اوّل حدثنا وتاليه ذاعوا وباعوا لـ اجلنا واشترونا |
https://1.bp.blogspot.com/_6jcPqttUC...1160249062.jpg يازين شوف الغيم ياسابر الغيم لـ قام نسناس الجنوبي يسوقه ثار القريحه وامتلأ خاطري ديم من رش هجسي لـ تلاعج بروقه والشوق حطم حاجز الصدر تحطيم والقلب سيل الود فتّق عروقه |
ياسمو المشاعر ناشد الليل قلّه ليش يجلب همومي كل مـ اسدل ظلامه ليش قلبي ليا ذعذع نسيمه يتله وليش عيني ياعيني تسهره ماتنامه فيه قدره عجيبه تذهل الكون كله يشعل الشوق والمشتاق يرفع غرامه يستثير ويثير وكل كوكب محله من بعيد لْبعيد بْهيبته واحترامه وان تهيّض جزيل الشعر والقاف شله مايبي لـ سرى الهاجوس غير السلامه! |
السلام عليكم ورحمة الله منتدانا الشامخ واعضاءهـ وزواره ومتابعيه طابت اوقاتكم ودام حضوركم وتحيتي وتقديري لكم ولجمهوري الكريم واعتذر عن الغياب,’’ |
يـ لاعب المنكوس لاتسحب القوس وتْجر صوتك لين تبحث خفايه وأنا من امس الخاطر العمس محيوس واصل من الضيقه لحد النهايه البس على نسج التجاريب واقوس ولا لحقت لشفي العسر غايه مدري متى يدري وياخذ له دروس ومن التجارب يرتقي في سمايه ما بـ الحياة وخالقي لعب وفلوس قرار واستقرار بس وكفايه ! |
أحب السحاب المرتكم والمطر والسيل واحب القصيد وكل شيٍ على حله وأحب المساا جوي ومودي ظلام الليل أعيشه بـ مافيني ولو طال مـ امله واحب السكوون ايوالله اني احبه حيل ولولا الحياا كان اعتزل عالمي كله معي مصحفي والدله وسبحتي والهيل واصلي واسبّح وابدع القاف واشله (دين ودنيا:smile:) |
ياحلم كم ضاعت منَ سْنين وايام وانا انتظر ولاتحققت ياحلم الحال مثله قبل واليوم والعام عيت تجي عـ الكيف مدري وش العلم نجري ورى الايام ونْقول قدام حياتنا قصه وانا نجمة الفلم البُعد والحرمان في حكم الاسلام ياشيخ وش فرقه عن الجرم والظلم؟ |
السلام عليكم ورحمة الله وبركاته
وتقبل الله طاعتكم وكل عام وانتم بخير,’’ |
أجْهَد التفكير فكري عسى مقسوم خير رحت مَعْه وجيت ماغيّر مْن الحال شي ياعذابي كل ماغنت الورقاا عصير فوق غصنٍ ليّن وتحتها مْن العذب مي أتسمّع سجعها واسحب الحس القصير لين مايسمع صدى بوحي الا هو وهي والمشاعر لـ تنادت معَ الارسال غير يجذب الاحساس حسّ الغلا لـ صار حي والبعيد اللي معه لوتحديت الكثير راحت الايام تطوي جديد العمر طي هيه ياشمس,الغروب ان تأخر وش يصير يافديتك كم يسوّي هوى ذالوقت في! |
عليها الله الضيقه ترقّب قدوم الليل تروّح علي مع غيبة الشمس لـ غابت وابي فزعة الصبْر وتعذر وقال الكيل طفح واعتذر يابنت عين الصبر شابت على الكتف مدري القلب احط الشقى واشيل وروحي من جروحي توارت ولاتابت غبيه وانا ماني غبيه وبالتمثيل لقيت المخارج واجده والغلا ثابت على لوحتي وارسم ويخدمني التظليل رسوم الخيال اللي على واقعي نابَت! |
يامرحبا عدّت يالمرقاب من بعد ماسكروا بابك صرح الادب غيير,والكتّاب لاهان من ردك وجابك |
| جميع الأوقات بتوقيت GMT +3. الساعة الآن 01:21 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية