ياليـت وقـتٍ ٍ مضى يعود بي ساعه
********** وأعيش بين الخيال وضـحكة الورعـه ..
وأنسى هموم البشر والضيق وانواعه
********** وأدلّه النفـس .. وأمسح آخر الدمعـه ..


توقيع لنوض

شوف الرجال الطيبه ينعـش الروح__عندي ويسوا عاشقيـن القهـاوي
والصدر صندوقٍ للأجـواد مفتـوح__مغلق عن أهل الشرذمه والحكاوي
أنا على أهل الطيب بالحيل مشفوح__أطرب ليا خاويـت ذيـب ونـداوي
أحب نقل اللي مـن الجـو مطروح__سمٍ على صيد الحبـاري رهـاوي
هذى غرامي وأكثر الحكي مشروح__شفي ونوماسي ليا صـرت نـاوي




للشاعر .. بدر ناصر العجمي

:)

أيه .. ياروحٍ من أشجـار الزمن مقطوعه
ـــــ موتي بروحك لو ان الناس بك مجتمعه

دام كلن يوم جيتي له دفن ينبوعه
ـــــ عـّودي للموت مالك في الخلايق طمعه


الجزل / مرزوق الروقي

نجـم ٍ علـى كـل النجـوم المطلّـه
بـدا وكـفّ أنوارهـا تحـت نــوره
كنّهـا عليـهـا هـابـط ٍ بالمظـلّـه
غطّـا علـى كـل النجـوم بحضـوره
بان ورعاه الله .. ماشاء الله ماشاء الله
تكفيه من عيـن الحسـود وشـروره
هـذا الكـلام اللـي عليـه الأدلّــه
يا مكبّرين الصوت .. للصوت صـوره
عـز الله انـه حايـز الصيـت كـلّـه
والصيـت وهبـه والبيـوت امعمـوره
تشهـد جماهيـره علـى ميـزة ٍ لّـه
ذايـع نبـاه مـن الكويـت لشـروره
العولمـه مـا تحرفـه عـن محلّـه
بعد إنفتـاح العصـر طـارت طيـوره
يعـز ّ ورث أجـدادنـا مــا يـذلّـه
يوم أن غيره يقلعـه مـن جـذوره !
أبحث وأخذ لـك مـن نـوادر سجلّـه
ثـلاث وخـل الرابـعـه للـضـروره
كتاب مطبوع .. وشريـط .. ومجلّـه
سبّـاق والسـبّـاق مشـهـود دوره
كلمـة وفـا مـن خاطـري مستقلّـه
الفضل لله ثـم لـك .. يـا بـو نـوره



وقفة وفاء من هرم الوفاء المرقابي ( سـ ...ـدااااح )
:)

أشـاهـد درب التبّـانـه
بالمجهـر والتلّسكـوبـي
لوعينـي ماهـي شفقانـه
ألاّ لمشـاهـد محبـوبـي
ميـر المديـون وديّـانـه
مثل الناهـب والمنهوبـي
قام الفضا حسـب إمكانـه
يرسـل لعيونـي مندوبـي
وسلّـة مندوبـه مليانـه
بالممنـوع وبالمرغوبـي
روتانا من هي روتانـه ؟
مـدري لكّنـه مذنـوبـي
من فيكم يعـرف عنوانـه
عبـر البريـد الحاسوبـي
عندي له جملـه عجلانـه
تركض كاتبهـا بأسلوبـي
خـاف الله ربـك سبحانـه
شرعه في عرضك مسلوبي
فـنّ وفـنّـان وفنّـانـه
والعايب يرقـص للعوبـي
وهاله سرحان السرحانـه
مدخلها فـي كـمّ الثوبـي
عجوز ابليـس الفسقانـه
أستاذة حسـب المطلوبـي
مع بنـت الليـل العريانـه
والمشهـد كلّـه ملعوبـي
نكبـه وأخـلاق ٍ تلفانـه
والجيـل التالـي منكوبـي
علـى يادانـه يـا دانـه
هزّي وأهتزّي يـا روبـي
عرض ٍِ فاسد ماله خانـه
وبسم الله عنّـا محجوبـي







شاعر المرقاب .. دكتور الوزن والقاف والمعنى .. ودكتور الدكاتره


ســداح

قوم اشتر مجلـة المرقـاب
كميـة السـوق محـدوده

تستاهل الشكر والإعجـاب
وكلٍ يراهـا علـى مـوده

من اول غلافهـا الجـذّاب
اليـن عافـت وعـامـوده

شيٍ ثري يسلـب الألبـاب
وياخذ من الصدر عنقـوده

اخبار مع شعـر مـع آداب
حتى الرياضـات موجـوده

وعمالقة شعر مـع كتّـاب
وكلٍّ حسب بـذل مجهـوده

ماتحسب حساب لايّ حساب
عـن المجـلاّت مفـروده

مال النقايـد عليهـا بـاب
مختومـه بخاتـم الجـوده

تبا الصراحه بدون اسهاب
عروس في ثوب مولـوده


للمبدع / فيصل السواط ،


..

عمار يا ساحـة الشعـار
ومطوعين الشعـر كلـه

مرقابنا والضلـوع كبـار
تسيـد النـت وأحتـلـه

يرقـا ويرقـا ولا يحتـار
والحمـل يقـواه ويشلـه

ما ينتسب له يكود خيـار
شعار مـا فيهـم جبلـه

متحـدرٍ كنـه الإعصـار
على هل الزيف والخلـه

يوم إن غيره بـدا ينهـار
ثابـت محلـه بـلا زلـه

واليوم جو الصاحفـه زار
وأكيـد بغـيـر المـلـه

يموت في غيضه السمسار
يضيع الـدرب مـا دلـه

وباكر لنا تشهد الأقمـار
مرقابنـا يدحـر العـلـه


من ابداع الغالي / بدر ناصر العجمي ،


...

على لسان الجميع
 

تميّز المرقاب لـه عـدة اسبـاب
(بالمنتدى), (والملتقى)، (والمجله)

ادارته، واعضاه، وضيوفه اصحاب
كل يعـدّ انـه هنـا فـي محلّـه

يامرحبا ترحيب عرفان واعجـاب
باصدارنا الاول وبالصـرح كلـه

للمكتبات بيوم (الاثنيـن) ترحـاب
(بهلالنا) اللي غطّ نـور الاهلّـه

ولاني بناسي من بذل فيه الاتعاب
وحطـوّا لنـا مجلـة ٍ مستقلـه

شكراً على مجلة الشعر (مرقاب)
ومبروك للمرقاب باللي وصل لـه


للمتألق دائماًَ

سلطان بن بتلاء

إلى صابرين الجنابي والآف الـصابرين من جبروت الـجن الآبي :




يابنت مهما تشتكين وتنوحين
الوقت هذا مايسرّك شبابه
ماتت ضمايرهم ولوكان حيّين
حياتهم والموت صارت تشابه
روّح زمان المعتصم ناصر الدين
وقفّا زمان الأنبيا والصحابه
والله ورب البيت منّا براضين
صارت بلدنا للنصارى نهابه
تريّثي والله يعين المساكين
وجرّي على جرح الزمان الربابه
تصبّري حتى تحرر فلسطين
وألا الحصاني اليوم صارت ذيابه!!

راكان بن محمد بن بدن

تستاهل موضوع بلحالها

بيض الله وجهك

غزيـت بـك ميـر أنـت مـا ينغـزا بـك
أبغـاك تصمـل ميـر مـا فيـك صمـلـه
لا عـادهـا الله يــوم طقّـيـت بـابـك
مـا سقتهـا للـي تسـاق ( النعـم ) لـه
لا قال: ( وش عندك؟ ) ولا ( ويش جابك؟ )
يقـوم مـع صاحبـه ويشـيـل حمـلـه


فيصل الشريف

عنـدي عليـك ملاحظـه
غيـر اللقـافـه والغـبـا
دايـم وعينـك جاحـظـه
ترمش ولا أدري وش تبا !

الدكتور سداح

http://up.mergab.com/uploads/63f4a17825.bmp

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]يا سامعين الصوت=ردّوه للـغـيّـاب
لا احدٍ عليه تفوت=مجلـة المرقـاب [/POEM]

لـ مبارك آل خليفه ،


...

يا مخاوي الشعّار عيّنـت الأطمـاع
شابت رموشك ما كسبـت الجمالـه
بانت مواهبهم على طـقّ الأصبـاع
وأنت أجودي عن طقّ الأصباع دالـه
هل تعلم أن الشّعر حرفـه وصنّـاع
مجـال نسعابـه لـحـل البطـالـه
وهل تعلم أن اللـي يغنّونـه أنـواع
وأن ما صلح لك نـوع دوّر بدالـه
فيهم جمال كبار .. وسباع .. وضباع
وكديش ..وخيول .. وغزال وغزالـه
وزواحف ٍ تزخف على روس الأكواع
وطيور وكـلٍ يكفـخ بمـا طرالـه
ميدان واللـي يدخلـه يهبـد القـاع
والكـذب يهـذب والمجامـل برالـه
تزبّـروا مابيـن شاشـه ومذيـاع
ومن يشرب الفنجـال كـبّ البيالـه
واللي طويل لسان وعيونـه وسـاع
يآخذ مـن الباقيـن صـك الوكالـه
وعقب احتمت والذائقه زبدهـا مـاع
طاح العشاء بين الرشـا والمحالـه
ساحة وباء غاضت وفاضت بالأوجاع
وكم يدفع الوجعان من حـرّ مالـه
اليوم كـل ٍ يبـدع وبدعـه إبـداع
والبدع بعضه بدعـة ٍ مـن ضلالـه
لو أن وجه الشّعـر مافوقـه قنـاع
ما قدمّ ابن عـون قـاف إعتزالـه

مايحتاج وسم وماركة فخامه مسجله لــ ســداح

مشكور يا ابو عتيق ;)

يا مخاوي الشعّار عيّنـت الأطمـاع
شابت رموشك ما كسبـت الجمالـه
بانت مواهبهم على طـقّ الأصبـاع
وأنت أجودي عن طقّ الأصباع داله
هل تعلم أن الشّعر حرفـه وصنّـاع
مجـال نسعابـه لـحـل البطـالـه
وهل تعلم أن اللـي يغنّونـه أنـواع
وأن ما صلح لـك نـوع دوّر بدالـه
فيهم جمال كبار .. وسباع .. وضباع
وكديش ..وخيول .. وغزال وغزاله
وزواحف ٍ تزخف على روس الأكواع
وطيور وكـلٍ يكفـخ بمـا طرالـه
ميدان واللي يدخلـه يهبـد القـاع
والكذب يهـذب والمجامـل برالـه
تزبّـروا مابيـن شاشـه ومذيـاع
ومن يشرب الفنجـال كـبّ البيالـه
واللي طويل لسان وعيونـه وسـاع
يآخذ مـن الباقيـن صـك الوكالـه
وعقب احتمت والذائقه زبدها مـاع
طاح العشاء بين الرشـا والمحالـه
ساحة وباء غاضت وفاضت بالأوجاع
وكم يدفع الوجعان مـن حـرّ مالـه
اليوم كـل ٍ يبـدع وبدعـه إبـداع
والبدع بعضه بدعـة ٍ مـن ضلالـه
لو أن وجه الشّعـر مافوقـه قنـاع
ما قدمّ ابـن عـون قـاف إعتزالـه


انشهد انه مصيبه سداح تبارك الرحمن