[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شريط الأخبـار .. بالأخبـار مليانـي=ليا دخل به خبر عاجل .. مسك دوره ! في شاشة ٍ تشتعل من كـلّ الألوانـي=ريموتها شاب بين الصـوت والصـوره خلّوه يرتـاح عنـد أحـداث طهرانـي=وبكـره يـدوّر نتايـج دوري الكـوره يا إيران وينك .. و وين حقوق الأنساني=و الحكم بالزيـف منهاجـه ودستـوره قامت تقـود البـلاد قصـار الإيمانـي=روافض ٍ من قديـم الوقـت مخبـوره تزعم بالإسلام ميـر إسلامهـا ثانـي=بدعة خوارج في شقّ الصفّ مذكـوره عمايم ٍ سـود مـا تذكـر بالإحسانـي=تضفي عليهـا عمامـة قايـد الثـوره الفرس دايم علـى البطـلان فرسانـي=والحـقّ مـن بينهـم يمنـاه مبتـوره لبست يا خاتمـي .. خاتـم سليمانـي=وجاك الولـيّ الفقيـه يمـدّك بشـوره من عقب لطم الصدور ودمع الأعيانـي=كـل ٍ يبـي يلطـم الثانـي بساطـوره نجاد يرفـع لـواء طابـور الأركانـي=والموسوي يدفع أنصاره على الثـوره من فاز بالغـش والتصويـت بهتانـي=لابـدّ بالقمـع يبـذل كـل مـقـدوره هذا جزاء فعلكم من مـاض الأزمانـي=في السنّه اللي من التعذيـب مقهـوره يا آية الله تـرا اللـي تستـره بانـي=هاذي هي الآيه اللي تشرح السـوره ! الحكـم مـا يعتـدل والحاكـم إيرانـي=وبلاد فارس مـن الأشـرار معمـوره لكن عسى كلهـم للنّـار مـن دانـي=روافض ٍ من قديـم الوقـت مخبـوره [/poem] آمين والله يسمع منك آمين والله يسمع منك آمين والله يسمع منك جعله لسانٍ ما يلجم يا دكتور |
أحمد الله ماعلى حالي خلاف
صايمه ومصليـه ومتعافيـه مانزلت بصورتي وسط الغلاف ولا تبعت دروب بنتٍ هافيـه يسلام يسلام يسلام ياااااااااااوجد كفو عليك |
8
8 سلمتس الله من كل شر:) نرووووح مرواح الطيور النوادر وعن الهوى والودّ ندله ونلهى واِليا طرى للبال ابو طرف خادر! جينا من اقصانا عطاشا وولهى عبدالرزاااق الذيابي :) |
حسبي الله على الشيطان .. والشيطان
دائماً عـن دروب الخيـر حادينـي مايجي غير لا جيت أتلـو القـرآن ثم قمت أتثاوب ودمعـت عينـي ! الله ؛ الله ؛ لـ عبدربه :) |
طير ياطير سلف لي جناحك كلمـا ضـاق بالـي
ضيقة البال تتعبني وانا مانـي بناقـص متاعـب ودي اني اطير من البسيطه وابعد الحـوم عالـي خص لاشفت الايام اتصاعب والليـال اتصاعـب راح وقت الملاعب والضمير اللي مع اللعب سالي واهني اللذي عاده بخيـر ولاهـي ٍ بالملاعـب الشايب / راجح الهاجري :) |
شعوري بحبك اللي دهور احوالي
خلاني اقـدّم .. و لانـي بمتنـدّم لكن ليا قلت أحبك .. يا هوى بالي لازم أشوفك تقدّم .. ربع ما اقدّم للولد الوسيم محمد ال عبدان :) |
ياشين الخطأ لاجاك من واحدِ تغليه \ ماتدري عليه تـرد والا تحملهـا
الله الله الله للرائع \ ناصر المرشدي |
وين ابلقا لي عن احساسي بديل
و وين ابرمي ذكريات ٍ شلتهـا الزمان يحـط وايامـي تشيـل والحقيقـه كلمـة ٍ ماقلتـهـا للمبدع / علي بندر |
شاورتني ؟؟ هاك الكلام اللي ما غيره لك كلام
بدعك حليو ومـا عليـه ننجحـه ونصقّطـه يمشي ولا يمشي ... تمـام لا ماهـو تمـام لنّك تدوج مع العرب وان طاح شـيّ تلقطـه اشعارك استرجاع لابداع الشواعيـر القـدام تطوّلـه وتقصّـره وتوسّـعـه وتحقّـطـه ان كنت مستانس برايي خذه واسرح في سلام وان كان ما ناسبك شاور ربعـك المتبقّطـه هههههههههههههههه لـ .. ابو راكان .:) |
انا غيابي عنك لو ماله اسباب
ماكان قدمت الك كل المعاذير !! وان كان لاودى اعتذاري ولاجاب تمسي وتصبح ياحبيبي على خير !! لي المبدع / محمد بن رشيد |
ثالث ثلاثه مـات انّـا الـى الله
في عزّ حاجتنا الثلاثه والاثنيـن الفقد في بن باز للحين ما امـداه مازال فينا مثل حـيّ البراكيـن ومازال فقد الشيخ الاخر مع الآه يجري مع الانفاس يابن عثيمين واليوم جانا حزن نبطي ما ننساه كمّل علينا فقدنا لابـن جبريـن شيخٍ نشا في طاعة الله بتقـواه اسمه ينير مع الرجال المسمّيـن اي والله انّا كثـر حبـه فقدنـاه وانّا عليه نجود في دمعة العيـن يارب تجعل جنـة الخلـد مثـواه وتضفي عليه رضاك ياوالي آمين وتعوضنا بشيوخ مثله وشـرواه الهمّ الاول عندهم رفعـة الدّيـن الله ؛ الله ؛ الله ؛ يا زين الابداع من اهله ؛ ويا زين الشعور الحقيقي والشعر السامي ؛ لله درك ياا بو راكان |
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا (.....) نبي منـك الانصـاف = واخذ الحقيقه كان تبغى الحقيقه قرارك اصلا كله اجحاف باجحاف= ضيعت مجهود السنه في دقيقـه قرارك الظالم وصل حد الاسراف= وطبقت اصول الغطرسه فالخليقه اهم شي اتحقق لنفسك اهـداف= وموظفين (......) في حريقـه خليتهم مابين خايـن وحـواف= واهل الثقه منهم سحبت الوثيقه ما للموظف وزن باسلوبك الجاف= وطريقتـك مانعتبرهـا طريقـه [/poem] يقوله المبدع عكاشه وانا اقول صح الله لسانك على كل كلمه :) |
اقتباس:
الله يرحم حال المساكين .. صح لسان عكاشه الف ..:) كيف عاد حنا ياللي رايحين فيها منذ زمان ..:) يابو راكان |
لاعاد تنشدني عن الحال ياحمود
الحال عاده حالي اللي تخبـره بندر بندر بندر :) |
لآ مآبديت بـ خير يآ شهر ( July ) !
جيت ، وزعل منّي وعآتبني الـ ( Moon ) !! ولآ عآد جتني مِنْه ( Hello ) ولا ( Hi ) لكنّ يآ ليته يعوّد شهر ( June ) !! : أدري إنه بيقضي الـ July :) لكن عجبني بحق ! لـ / مـآجد هلآل ؛’ |
الحب .. {كآئن حي} .. يولد و يكبر يعيش .. {بالاخلاص} ، ويموت .. {بالشك} توقيع قمّه للشاعر القدير خالد السيحاني |
مايحرق اعصاب المشاكيل الاحرار
الا تجاهلهم على غير تبريـر !! للمبدع / غلاب بن عايض ,, |
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
احيان احس اني بليّاك ماعيش= واحيان احس مفارقك شي عادي[/poem] محمد الصواغ:) |
يالشاعر الحُـر .. فـي فكـره وبأخلاقـة
عطنا من الشعر .. كمبـوده .. ومعتوقـه اطلق عناويـن فكـرك .. وانثـر الباقـة مادام الابداع .. له وسمـه علـى نوقـه ملّ الفضاء .. قلة المقفي .. عن اسواقـة وملّ الشعر .. كثرة المقبل .. على سوقه شاامخ الشاامخ :) |
الناس .؟ ماهي تبي حاجه من الناس
يا الآدمي شيمتك . مصـدر علـوّك ولا تقول العبـاد اشكـال واجنـاس بالكلمه الطيّبـه .! تكسـب عـدوّك الله الله الله الاستاذ ناصر مناحي |
يا الفاتنه قولي لرمشك من الطـول
لا يربك عيونـي ويعقـد لسانـي اخذيني المعقـول والغيـر معقـول انسان .. لكن عندك انسان ثانـي الضيق من بسمة شفايـاك مقتـول لو ان زمانك مـا يشابـه زمانـي تكلّمي واكبر خطا منـك .! مقبـول ولا تسأليني عن جديدي . ترانـي عندي مشاكل . بس ما عندي حلول واللي خذاني من هجوسي . خذاني البارحه جاني من الشعر مرسـول وقام يتنشدني وانـا فـي مكانـي يقول وين ابداعك العام .! واقـول ماعاد فجـزال المعانـي . معانـي عسى القصيد اللي كتبته قبل حـول يرضي غرور اللي بقى من زماني ايضاً للاستاذ ناصر مناحي صح لسانك صح لسانك :) |
يا الفاتنه قولي لرمشك من الطـول
لا يربك عيونـي ويعقـد لسانـي اخذيني المعقـول والغيـر معقـول انسان .. لكن عندك انسان ثانـي الضيق من بسمة شفايـاك مقتـول لو ان زمانك مـا يشابـه زمانـي تكلّمي واكبر خطا منـك .! مقبـول ولا تسأليني عن جديدي . ترانـي عندي مشاكل . بس ما عندي حلول واللي خذاني من هجوسي . خذاني البارحه جاني من الشعر مرسـول وقام يتنشدني وانـا فـي مكانـي يقول وين ابداعك العام .! واقـول ماعاد فجـزال المعانـي . معانـي عسى القصيد اللي كتبته قبل حـول يرضي غرور اللي بقى من زماني ناصر مناحي من جيت لـ( الدنيا ) ، على الحزن / مجبول ليا بغيت انسى ..! حضر ما نساني وقتي / بحر ، والحزن في بحري ( اسطول ) وانا و قلبي والقصايد : مواني من كثر ، ما عينته : يصول و يجول في ضحكتي ..! صرت : استحق ( التهاني ) اهديت قلبي .. واكثر الجهد مبذول واثر الزمن ؛ ما هو زمان التفاني يا الفاتنه ، فلي على المتن مجدول وجري بـ( صوتك ) لـ( الغرام ) الاغاني و ميلي على ناصر .. ترى عنده ميول وخليه ينسى الناس .. قاصي و داني خليه يكتب بك .. من الشعر .. مذهول حنا ، نتحرا شاعرك بـ( الثواني ) معروف ( صوت و شكل ) ؛ ماهو بـ( مجهول ) شيّد من الابداع .. عدة مباني وقولي لـ( ناصر ) .. صاحبك ، مرسل يقول: مرسولك اللي جاك ..! بالضبط ، جاني و ميلي على ناصر ترى عنده ميول وتقبلي .. ( شكري و جل امتناني ) طلال الجميلي صوت وصدى ولا اروووووووووع لله دركم يامبدعين |
| جميع الأوقات بتوقيت GMT +3. الساعة الآن 03:31 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية