بيض الله وجيهكم

وصحت السنتكم مليار وأكثر


ليلة مبروكة اللي جمعتكم


والف شكر لسطان بن حامد :)

,

تسجيل حضور متأخر ..

الله يبيض وجيهكم , شعراء مميزين, ومحاوره رائعه . . .

,

عز الله طارووق يدرّس


أساتذه في هذا الفن ابو مالك وابو مشهور


صح السنتكم

الله الله


تشرفنا بالحضور

واعذرونا على التاخير




استمتعنا شعريًا



بهذا الطاروق العالمي

الله الله

فاتتنا مباشره لكن ماقاتنا الإستمتاع بهذا الإبداع

لله دركم يالثنين وصح لسان كلٍ منكم


غيمار

الله الله الله

ابو رشيد ابو مشهور


عمالقه شعر بدون شك


تمنيت اني حاظر من البدايه لكن قدر الله وماشاء فعل

استمتعنا شعريا وصحة ألسنتكم ولاهنتو جميعا

[ALIGN=CENTER][TABLETEXT="width:100%;background-color:black;"][CELL="filter:;"]



محمـّد بن رشيد /

مرحبا ياوصل ابن مشهور ياشاعر عتيبه
في غياب حبيب ومستور وغياب الزلامي !!
انت شاعر معتبر مايجهلون الناس طيبه
من كبيرين البخوت ومن كبيرين الاسامي !!



وصل العطيـّاني /

البقا يالشاعر اللي هقوته ماهي قريبة
جاي فالصف الاخير ويحذف الصف الأمامي
كلّ ما جينا مكان نحصّل وجيهٍ غريبة
بينهم وجه النظيف وبينهم وجه الحرامي


محمـّد بن رشيد /

المسافه متعبه ياوصل والطرقه تعيبه
وانت تعرف ماقفي دايم ولاتجهل مقامي !!
وش نسوي بالشداد اللي على ظهر النجيبه
كل ماهب الهوى فوقه يميل اعن السنامي !!


وصل العطيـّاني /

تدري ان الرجل ما ياخذ نصيب الا نصيبه
البحر يهدر هدير و ماه ما يسقَ الظوامي
الشداد ليا تكسّر طيحته ماهي مصيبه
طيحته برد وسلام وقعدته برد وسلامي


محمـّد بن رشيد /

انت لك شهرين تحشد لك على الجبهه كتيبه
والكتيبه كلها ماكونوها بأمر سامي !!
الضمير اليا صحى مايلحقه شكه وريبه
وان توفى قلت له ياوصل يامال الرحامي !!



وصل العطيـّاني /

ما ارسل الا الفارس اللي يعتزي بي واعتزي به
يطرح الفارس على الفارس نهار الذبح حامي
رحمة الله طيّبة لو ما على رأسي نصيبة
يا محمد لا تخاويني وتسرق من حزامي


محمـّد بن رشيد /

انت خلك يالعتيبي من حرم مكه لطيبه
وش لزومك فالجنوبي والشمالي والتهامي !!
كان فاقد شي دوّر في عشيره والضريبه
يالعطياني ترانا مايصلنا الاتهامي !!



وصل العطيـّاني /

راتبي مضمون من خيرات دولتنا الحبيبة
مير خلك في دوامك لا تجيني في دوامي
ما تنشّدت العسوس ولا مضيّع لي ذهيبة
والتحية والسلام ختام يا مسك الختامي




[/ALIGN][/CELL][/TABLETEXT]

والله ماردني عنها غير الشديد القوي مخطورين وضيوف انشغلنا بهم عن هذ الدرس النموجي في فن المحاوره ,,,

عمالقه ومحبتي لكم لحال واعجابي بشعركم لحال ,,,

دمتم شامخين مميزين ,,

الله الله الله


قاف يطرد خوا اراس


صح الله السنتكم يامبدعيين