عشرين مليون 20,000,000
السلام عليكم كلكم
اعذروني على ذا الانقطاع لاسباب ظروف الدراسه ويعلم الله اني احبكم في الله واني اشتاقك لكم ولهذا الصرح الجميل اللي اجد نفسي فيه كثير ولكم هذي القصيده واعذروني عليها والله الله .. يالربع أمنوا وااجد وتروا على كل كلمة آمين لها حساب خاص :) [poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] يالله ياربي بـ عشرين 20مليون=تفك عني ضيقةٍ ضايقتني واصير داين عقب ماكنت مديون=ببطر بها وان كان بقعاء مهلتني واشَره اللي وضعه الدون في دون=حاجات دنياً قبلهم حيجتني وابني بها قصراً مشيد له اركون=من حر مالي والحكومه عطتني ارضٍ على الشارع ولاهم يعيون=في اي حاره كانها معجبتني اربع عشر قطعه على بلك مقرون=وربعي معي وبيوتهم حاوطتني لن المسائيل أصدقاً لي وانا امون=مادام جيبي عامرٍ ما نستني وضيافةٍ طرفه على اللي يمرون=ما ضيعت ضيفاني اللي نصتني فيها المجالس والنشاما يهلون=مجالسٍ ضخمه وقد كلفتني شي بكنب رسمي زخاريف وفنون=لاهل المشالح والعبي لا لفتني وبه مجلسٍ لاهل البرستيج يلفون=امدوكرٍ فيه التحف مبهرتني وبه مجلسٍ للي يروحون .. ويجون=لشله اللي تو ما صادقتني وعشرة خدم هذا مع اللي يصبون=بدلال بنٍ بشربها كيّفتني من غير ربعٍ دايمٍ معّي ياتون=عند العرب لا جيتهم واعزمتني اللي يشل البشت .. واللي التليفون=واللي يعدل غترتي فوق متني سلقلقٍ وانا اعرف اللي يكنون=لولا الفلوس الواجده ما اخدمتني وعشرة سيايرٍ .. وعشره يسوقون=وارقى وكالات المواتر هدتني مابين فرويلٍ .. ومابين صالون=من دولة الالمان للحوش جتني ما عاد هي بلحية كورلا.. وافالون= قرابعٍ في ركبها فشلتني لحية بي أم.. ورنج .. والبنز ابو عيون=اخر موديلات السنه واصلتني وابراج .. وبيوت .. وعمارات .. يبنون=ومؤسساتٍ في البلد نافستني ومزارعٍ .. وأملاك .. وأطيان .. وظعون=وسلايل الخيل الأصيلة زهتني وميتين خابط كل ذودٍ لها لون=وأقيامها بأغلى الثمن ماعسرتني لا جيت اشارك فالمزاين وممنون=من كثر دعوات المزاين دعتني وفي مجلس الامه ليا صار مضمون=كل العرب بأصواتهم رشحتني ومقابلات في الصحف .. والتلفزيون=حتى قناة البي بي سي قابلتني واكثر شعاعير الجزيرة يغنون=بأحلى القصايد والقوافي مدحتني وادسم لحاهم على مايقولون=وانا ادري انهم بالشعر نافقتني وطيارةٍ لي ماركبها ولا ازبون=مفخفخة ومن التعب ريحتني مره بامستردام ومره على بون=امسي ولا اصبح غير في وسط ستني وطارت بي احلامي وصكيت طبلون=مسرع ودوريات فكري نهتني ياحلم وقف عشق الثالث بهون=لخبطت وحبال القصايد خذتني وقفت لحظه والبلا فيني ظنون= لحلام واجد والفلوس قصرتني فكرت والا اني مبذر ومجنون=عشرين مليون .. وهي ماكفتني؟؟ بدعي وابرفع يدي وانتم تلبون=والناس اعاملهم بماعاملتني ادعو معي تكفون .. تكفون.. تكفون=وبجازي اللي من دعاهم نستني يالله ياربي بميتين 200مليون=تفك عني ضيقةٍ ضايقتني [/poem]. . . . . . . . |
:
: حجز 1 ستبطي عظم .. !! ياصديقي .. !! :) |
(( 2 )) والدرب زين
|
الله الله الله
صح الساانك وسلم راااسك والله يرزقنا ويرزقك بالجنه خيرمنها تحياتي |
:
: صديقي محمد بن شباب .. !! (( الغايب )) عن متصفح المرقاب والحاضر في قلبي باستمرار .. !! من طوّل الغيبات .. جاب احلام الملايين .. !! هكذا نحن الطفارى .. نحلم لنعيش في (( الواقع )) برئة الحلم .. !! يالله ياربي بميتين 200 مليون ـــــــ تفك عنـي ضيقـةٍ ضايقتنـي كم شرهتي منها يـاصديقي .. !!<-- عاش الدور .. !!:a16: صديقي ارجع وأؤكد .. انك ستبطي عظم ماشفت المليون فضلاً عن الـ 200 .. !! قصيده .. مبتسمة على جراح اضنتها الكورولا وماشابهها .. من مواتر (( الكادحون )) في الارض .. !! صح بيانك .. ياصديقي .. !! :) |
وأنا بعد أقول
تتبطي واقف teeth: اللهم آمين آمين آمين والله يرزقنا معك ، وصح اللسانك ملالالالالالاين وما ينقطع صوتك :) |
محمد شباب
ليتك طلبت الجنه خير من الدنيا ومافيها 20مليون يتعبك عدها وتفكيرك فيها دمت الله يرزقنا وياك الجنه ،، |
حجز
|
علي الطلاق لو إن عندي 20 مليون لأعطيك اياها عقب قصيدتك ذي
و احسن ما فيك انك تدسم الشعار بالدراهم <<< ناوي يسند عليك قصيده عقب العشرين مليون الوكاد إني احبك و مبطي عنك و عن قصيدتك لبا تسبدك و يعلم الله إني فرحت يوم شفت يوزرك يالمتحرر * لو ان الود ودي ارسلت نسخ من القصيده ذي لكل تاجر عنده ملايين و يبي يتمرجل و لا عرف |
اللي يشـل البشـت .. واللـي التليفـون
واللـي يعـدل غترتـي فـوق متـنـي سلقلـقٍ وانـا اعـرف اللـي يكـنـون لـولا الفلـوس الواجـده مـا اخدمتنـي الله الله يا ابو شباب .. من مبطي عن حضورك وقصيدك يا طويل العمر صح لسانك ولاهنت .. وآمين على العشرين .. وعلى الميتين .. آمين .. آمين .. آمين .. كل التقدير ..اخوك ابو نايف |
عبدالرحمن حمد
فديت خشمك ياصديقي |
محمد بن سعيد
. . ياخي والله ان غصتني العبرة يوم سمعت هالقصيدة منك هاك العصر وذلحين بعد ياخي بتسوي مثلي مير انت اشوى قنوع ماغير عشرين مليون وش رايك في رجال يقول 100 مليار ;) صدز لو الحلم مات الفقير :( بس تدري الله يرزقك عشان اجي اتملحج عندك بالنشيد مثلي مثل غيري وعان تشرهني واعرس وافتك الوكاد ,, اني احبك ياهالادمي حبا جما ,, ومشتاقلك ولقصيدك ولجلسة معك وبتجي ان شاء الله هااسلم وسلم ولاعاد تبطي :( هاحب لي خشمك |
مرحبا بعوتك يابو سعيد
وصح لسانك واللهم امين واللهم امين ماطلبت الا الغني الله يرزقنا وياك من حيث لا نحتسب :) <<< حـط نفسه فالحسبه :) محبتي واحترامي |
محمد شباب
صح لسانك 200.000.000 مرة تقبل مروري ........ ودمت |
يالبـــــــــــــــيه يابوسعيد
والله يعطيك اللي تبي فالدنيا والاخره ولاعاد تبطي |
الشاعر / محمد بن شباب
صح السانك قصيده وااااااااااااااافيه بمعانيها ما انت بطمااااع ما غير 20 مليون :) |
الله يرزقني بـ 10 ملايين // ويرزقك يا محمد 80 مليون
تزيّن الاوضاع وتسدد الدين // وتصير داين بعد ما كنت مديون ها قل آمين |
^
^ ^ اللـــــــهم أمين :) صح السانك يامحمد |
والله انك تستاهل الملايين يابوشباب .. مير صح لسانك وعذرك مقبول ولوإنا نطمح بحضورك
بين الفينه والأخرى :) لاهنت لاهنت |
يالله يـاربـي بميتـيـن 200ملـيـون
تـفـك عـنـي ضيـقـةٍ ضايقتـنـي آآآآآآآآآآآآآآآآآآآآآآآآآآآآآآآآآآآآآآآآآآآآآآمين آآآآآآآآآآآآآآآآآآآآآآآآآآآآآآآآآآآآآآآآآآآآآآمين آآآآآآآآآآآآآآآآآآآآآآآآآآآآآآآآآآآآآآآآآآآآآآمين آآآآآآآآآآآآآآآآآآآآآآآآآآآآآآآآآآآآآآآآآآآآآآمين وانا وابن قشعم ومسفر ومبارك آل خليفه معك ولا انسى سلطان ابن وسام القطري ماهوب السعودي آآآآآآآآآآآآآآآآآآآآآآآآآآآآآآآآآآآآآآآآآآآآآآمين آآآآآآآآآآآآآآآآآآآآآآآآآآآآآآآآآآآآآآآآآآآآآآمين والمسلمين |
المسرّي
ارحب ارحب |
محمد بن شباب
صح لسانك مليوووووون الله يرزقنا وياك بالدنيا والآخره وكل الود والتقدير |
| جميع الأوقات بتوقيت GMT +3. الساعة الآن 11:38 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية