彡( أشياء 乂 أشياء ) 彡
السلام عليكم ورحمة الله وبركاته هنا .. وبعيدا ً كل البعد عن ما كان هناك .. بعيدا ً عن ما يحرك المشاعر .. بعيدا ً عن تخاطب القلوب ..! في لحظة من عمر الزمن .. ( حادثة ٍ ) .. من الصعب على الكلمات وصفها .. تفوق ما يجول بخاطر أيّاً كان .. ويقصر دون إدراكها أي عقل ..! كنت أقف صامتا ً على أبعد ما يكون .. وأنظر إلى أبعد ما يكون ..! أرى الجميع .. ولا يراني سوى الله ..! إن نظرت إلى القريب ( زال ) .. وإن أغمضت عيناي وقعت ..! إن همست بصوتي ( ضياع ) .. وإن رفعت صوتي ( خطوره ) ..! في تلك اللحظات .. حتى الأعيان .. خافت على دموعها .. بينما العروق .. لم تبخل بدمائها .. حينما صافحها خنجر ٌ مسموم .. يصعب وصف مصدره..! إلى هنا .. استطعت المجازفة بـ/ أجمل الحروف .. واللتي بدورها .. أصبحت ( تخافني ) .. لأنها تعلم أنها ستكون ( الضحية ) ..! وسيكون من تلك الحروف .. إشراقة هنا ! مع فائق التقدير ابو نايف |
السلام عليكم ورحمة الله وبركاته
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] هذي رسالة حب.. رمز وعناوين = عنوانها .. يا اغلى البشر ليش غايب ! باقي ثلاث ايام.. وتحل الألفين = ونلحّف العقد الرهيب.. النصايب وتغرد اطيور الفرح بالبساتين = ودمع المحبين لشداها سكايب لاااااا يا صباح الخير يا اغلى المحبين = استغفر الله كان غيرك حبايب ! لأني على الدنيا واشوف المزايين = ما شفت مثلك يستحق الطلايب لك في صميمي مجلس ٍ للسلاطين = دونه ضلوعي ما تعرف القرايب تخضع لك اضلوعي على العسر واللين = ما كنّها الا يوم اشوفك نهايب عقدت فيك آمال عمري من اسنين = وارتاح قلبي يوم شفت السبايب تستاهل التفكير والقلب والعين = يا قمة الزين .. وعريب النسايب ما هو بأنا اللي قلت .. يا قمة الزين!! = كلا ً يقول اصلا ً .. جمالك غرايب وانا بأوصفك بشطر بين قوسين = ثامن عجيبة في زمان العجايب!! لك طلة ٍ يخضع لها انس وشياطين = ويمكن تكون لهم ضياع ومصايب تحتار في وصفك عقول الفطينين = واللي تجرأ ياصفك .. رد خايب! تدري .. ولو كل البشر بالموازين = وانتـه بكفـه .. حلقـّو للسحايب!! عليك اخاف اشياء من ايسار ويمين = حتى المطر خفته .. وخفت الهبايب! ادعي الولي .. واطلب منك كلمة ( آمين ) = نبغى نعيش .. وندفن .. اصدق حبايب!![/poem] 12/1999 تقديري ... ابو نايف |
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
(( رسمتك للوفاء صوره )) (( رسمتك للسنين آمال ))=(( رسمتك للصبر درب )) و(( رسمتك بالطبع هادي )) (((أحبك ..للأسف مازلت وافـي))).. وأقهـر العـذال=أحبك .. والظـروف تعانـد الدمعـة .. مـع اعنـادي اذا اللحظة من ايامـي معـك .. مـا هزهـا زلـزال=تكون امحبتك .. (( مثل السماء )).. والغير ف. الوادي واذا اوصافك غشاها ليل..(( يستبعـد عليهـا اظـلال=اذا ما طـل صبـح ٍ .. يلهـم العصفـور الأنشـادي)) ((وش اللي غير الماضي)) ..((وش اللي بدل َ الأحوال))=((وش اللي بعدك عني)) .. ((بعد نومك على ازنـادي)) [/poem] SH |
:
: : [poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] تبكي عليه ليه .. بعد اللـذي صـار=ما يهمنـي تـذرف دموعـك عليـه ((خسرتني)).. وأجمع ملفات الأعذار=وصوّر معاها .. بقمة الفيصليـه..! [/poem] : : : SH |
:
: : [poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ما لي حسايف على فرقـاك=كم لي .. وانا ادوّر الفرقـا كمّل جميلك .. وحثّ اخطاك=و صلّ بزماني معك .. شرقا ودوّر على واحد ٍ شـرواك=وجاوب معه .. نايح الورقا [/poem] : : : SH |
:
: : [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الله لو تدرين وش قدّ مشتاق = قدّ السماء والارض .. يا بنت شوقي !![/poem] SH |
بقايا من قصيدة .. ( مطار و قلب )
ذهبت ضحية فورمات للجهاز .. حفظت منها هذه الأبيات : : : : [poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] بين القلوب .. اصناف واشكال والوان = وقلبي .. مع التصنيف .. به شي نادر لا جيت اوصّف ميزته بعض الاحيان = احيان ما اقدر فيه .. واحيان قادر اصبحت يا قلبي مطارا ً للأحزان = حزن ٍ وصل .. والحزن الآخر مغادر وكنّ الوريد اليا تبدل بشريان = طيار وارد لك .. وطيار صادر ! يسكن بداخل حدّك اهموم الانسان = حزن الموظف بك .. وبعض الكوادر ولا فيه خارج حدكّ اقريب بنيان = ومتوفره فيك السبل والمصادر معزول .. وتخدم المدينة والأوطان = وبكل وقت .. لكل خير ٍ مبادر دايم كذا .. وآخذك مع صعب الأوزان = وأرصعّك بأجزل حروف النوادر اعاهدك .. مثل العهد بين الأخوان = لا أقفل مطارك .. واترك الحزن خادر وما دمت حي .. ويرتفع صوت الآذان = بأصبر .. وأقول ان الأمل له بوادر [/poem] : : : |
وهذه ايضا ً .. بقايا أخرى .. من قصيدة .. الليل
: : : [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] حبيب النور .. ويصافح يمينه = ودايم للوفاء .. مبدا التبايع جعله الله .. سبات لعابدينه = بديع ٍ سخر اياته .. بدايع صلاة ٍ بآخره برد وسكينه = وصلاة ٍ قبلها حفظ وشفايع ومع الثلث الآخير لداعيينه = نزل رب السماوات البدايع حقايق منبعه .. خلتّ عرينه = مناجم .. منتهى حفظ الودايع براد الليل .. بأنفاس السكينه = طموح ٍ للبشر .. بأية طبايع ذبول الليل .. نفحة ياسمينه = بعثها نور .. واغضى الليل طايع يذوب الليل .. ويداعب حنينه = مع اول نور .. يبدأ الليل ضايع! يقوم النور .. وتقوم المدينه = وذروة شوقهم .. ليل الروايع .. حبيب النور .. ويصافح يمينه = ودايم للوفا مبدا التبايع !![/poem] : : : |
وكذلك قصيدة .. مبدا الأحباب .. الصراحة
: : : [poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] للحب مبدا يجهله بعض الأحباب: = لازم تقول .. بكل وقت .. الصراحة اما صراحة ما على نورها احجاب = والا بلاش .. من الغرام وجراحه ما هو لا شان الوقت دورت الأصحاب = اللي هضمت حقوقهم .. وقت راحه لا طاح فاس براس .. ما ينفع عتاب = ولا ينفع المخطي .. بعدها صياحه يا ناعم الخدين .. يا تلع الارقاب = ما خان بك قلب ٍ وسيع انشراحه !! افرش لك ايام السنة .. ورد واطياب = واكون لك حب .. وملاذ .. ومساحه وتفرش لي ايام السنة ... ورد كذاب = ونطيح .. في ليل العذاب وصباحه ليش انت تاقف بي على بحر الاتعاب = وتهدني .. وانا ما اعرف السباحه لو لي قدر .. ما رحت مقفي مع الباب = وطعنتني .. في لطف بال وسماحه مع كل هذا .. بأحفظك حفظ الاقراب = وبآقول لك .. كل الخطاوي .. مباحه وبأعيش لك بين البشر .. سيف وانصاب = واكون لك .. عون .. وملاذ .. ومساحه معا ً .. نكون اجبال في وجه الاسباب = واليا افترقنا .. طير مطلق سراحه اهم شيء .. انك على مبدا الأحباب = وتبقى المثل بين البشر .. بالصراحه !![/poem] : : : |
:
: : [poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] عامين .. ادزه في رسايل تقارير = وترجع علي ارسالتي ما استلمها يا من يطمني عسى الغالي بخير = ويبشّر اعيون ٍ غيابه ظلمها مدري بعد غيبة حبيبي وش يصير؟ = الصبر طال .. وحالتي طال ألمها اغيب بالذكرى وبعد المشاوير = كنّه معي بديار .. ما اعرف علمها نرحل سوى.. ونعانق الغربي اعصير = ونغيب في نور السنين .. وظلمها ويوم انتبهت وطار في رزقه الطير = طعنة وفا .. واسبابها ما اعلمها ما اشّم ريحة ( عطر طفله ) مع الغير = اشمّها .. بأقدم رسايل قلمها الله يجيب إطلالتك.. يالتباشير = وأفتّك من دنيا المفارق .. وألمها [/poem] : : : |
:
: : [poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] بيني وبين الخوف .. خمسة ثواني = من بعدها .. ما لي علاقة مع الخوف لحظة وفاة الحلم .. ربي عطاني = قوة تصدي .. ما على شمسها كسوف رحلة ثلاث اسنين .. هدّت كياني = غربة .. وفقد اعوان .. ومكابد ظروف ارحل .. عبر بحرا ً بليا مواني = وحيد .. وأبحث والقهر غير موصوف ظهر السفينة .. غير صهوة حصاني = يحمل كفن حلمي .. على صفة رفوف مبحر .. وانا لحافي .. بقايا زماني = الين ما شفت الجبل .. يجذب الشوف حطّت سفينة رحلتي .. واعتراني = دهشة .. ودافع شوق .. مع شي مالوف ( وقفت لي تقريب عام بمكاني = احاول ان القلب .. يطلع مع الجوف !! آبي .. يدوّر فرحته في زماني = على الجزيرة .. يبحث الكنز ويطوووف وآبي .. يعوّض لي ضياع الاماني = ويعطي .. يتيم الفرصة الفين معروف ! هذا .. وان قلبي جفول .. وعصاني = ونبضه .. يقول ان التعب غير مخلوف وآقف .. وأجرّه مثل جر السواني = الين جاوب لي .. كما الخيل معسوف صعدت به ..شوق .. وغرام .. وتهاني = لأعلى الجبل .. ويخالج الموقف طيوف! وآصل معي .. يقرأ لسبع المثاني = واستقبله ريح الوفا .. يدفعه نوف عاش السنة .. بين الفضا والمحاني = يدرس .. مفاهيم الحياكة على الصوف واليوم .. جنـّد لي جيوش المعاني = وكلفته القايد لها .. بأربع حروف يآخذ معه سيفي .. بغزوة زماني = عسى التعب .. يا سيد الحرف .. مخلوف [/poem] : : : : |
:
: [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] تحت الخيال وفوق مبدأ الحقيقة=طلاسم ٍ ترسم مواعيد الأحباب ! موت انتظاري ما بقى له دقيقـة=وبآخر دقيقة للعذر مابقى اسباب [/poem] : : : SH |
((/_ ملف على طاولة التحقيق _\)) / / [poem=font="Simplified Arabic,4,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"] علـى الشبـاك .. وإطلالـة جريـح .. ومنظـر ٍ خـلاب=تزاحـم ذكريـات الليـل .. بيـن الأنــس والجـنـي .! هنا .. كنت أبتسم.. وأشوف مـن وجـه الزمـان اعجـاب=قبـل .. لألعـن دقايـق وقفتـي.. والـحـظ يلعـنـي..! هنا .. كنت أبتسم .. كنت أفتخـر بيـن المـلأ بأصحـاب=قبل لا أشوفهم .. لأقسى الجـروح ( الداعـم الفنـي )..! هنا .. كنت أبتسم .. والحب يضحـك ..والشعـر جـذاب=قبل خط القلم .. يملأ الورق .. فـي لونـه ( البُنـي )..! هنا .. كنت (( الملك )) .. قبل الزمن لا يصير فيه أرهاب=وتسقـط ( دولتـي ) .. وأخيّـب الهقـوات والظنـي ..! هنا.. كنت أحترف [ صنع الأمل ] .. داخل قلوب أحبـاب=قبل لا ينحرف .. [ برج الأمل ] .. بالواعـظ السنـي ..! هنا .. (صوت الأمل) .. (صوت الرجاء) صوت المساء الكذاب=قبل [ حرب العراق ] .. وطيحة ( الدولار واليني )..! هنا .. حلّ (( الدمار )) .. ولايصدق ما حكيت ( ألباب ) = وأشوف ( الصبح ) .. في نزعة ( ظلام الليل ) مستني..! هنا .. وجه الزمن .. جهز ( مزاده ) .. من قطع ( سكراب ) = بعد ما ( الدمع ) في وجهه .. لعب [ بالحكم والصني ] ..! هنا .. و ( الحزن) غطى وجهتي.. و ( الصبر ) جسره ذاب =ولا عشت بحياتي ..(( يوم )).. وألا (( نصف )) متهني ..! هنا ..جيت (( أنتظر )).. وأدعي عسى ( موتي ) يدق الباب=أبفتح لـه .. وأدق لـه التحيـة .. بعـد مـا أغنـي: ..! وصل ذاك (( الرسول )) .. اللي يمر [[ أرقاب قبـل أرقـاب ]]=وصل ذاك (( الرسول )) .. اللي يمر الأنس والجنـي ..! [/poem] / ولا زال الملف مفتوحا للتحقيق .. تحت ذلك الشباك ..! |
:
: السلام عليمك ورحمة الله وبركاته كان هذا عبارة عن لقاء بأسئلة .. وجوابها شعرا ً .. : : : يقولوا يدور بخاطرك شيء ! واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] اشياء كثيرة داخل البال تطري=يبي لها مليون بيت وقصيـدة [/poem] : : : يقولوا ماذا عن الحب بلسان الشاعر ؟؟ [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الحب من سنّ الطفولة دخلته=وشيّبت ادورّ مطلعي مالقيته [/poem] : : : يقولوا كيف يصف الشاعر لحظة الفرقى .. واقول [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] لحظة الفرقى .. وفاة احلى ليـال=وكم سمعت: (مفارق احبابه يموت) [/poem] : : : يقولوا الدموع بتصويرك الشعري كيف هي ؟؟ واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الدموع انواع.. واذكر دمعتين=دمعة الفرحة ودمعات الحزن! [/poem] : : : يقولوا أجمل لحظاتك ماذا تقول عنها ؟؟ واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] انتهت ممكن قبل خمسة سنين=يوم اشوف حبيّبي ويشوفني ! [/poem] : : : يقولوا لحظة صفا شاعري .. ماذا يقول فيه الشامخ ا عن قلبه ؟؟ [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] قلبي ..رفيقي. ملاذي ..وافي الخـوّة=كيف آخذك في يديني وارجع اضمك؟ [/poem] : : : الشوق من اسمى المشاعر الإنسانيه كيف هو في شعر ك؟؟ [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الشوق .. لحظة معاها يصدّق الشاعر=والشوق لولاه ما لك يالهوى داعي ! [/poem] : : : يقولوا الحب كيف تعترف فيه ؟ [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] لا وقف نبض القصايد و جرح القلب.. طاب=يمكن افتح للمحبة .. ملف ( اول حضور )! [/poem] : : : يقولوا كيف تعبر لي عن أحساسك بمشاعر ماتت بداخلك وجاء يوم وحسيتها تجددت لأنك رأيت من تحبهم بعد فتره من الغياب واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] كم تكبّدت المصاعب فـي رجـاء لقيـا معـاك=كم وكم شيء ٍ خسرت... وكم وكم شيء ٍ خطير! ماتت الوردة.. ولا فاح الشـذا.. وأثمـر لقـاك=كيف اصف ذاك الشعور اللي دفنتـه بالسعيـر! [/poem] : : : يقولوا لو سُئل شامخ الشامخ عن تصنيف نفسه مابين الشعراء وعن مدى قدرته الشعريه فباذا تجيب ؟؟ واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] انا وان جيت اقيّم شعر نفسي=مع الشعّار اشوف اني مصيبة! [/poem] : : : يقولوا ماذا تقول عن الفتاة الجميله وحظها العاثر ومايصيبها من يأس؟ [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الحظ .. ما يفرّق الرجّال والحرمـة=دايم على الخلق.. سوء الحظ متناثر![/poem] : : : يقولوا .. سؤالي لشاعر عن احساس لحظه يكون فيها عاجز عن انه يدافع عن مشاعره ويثبت انه صادق امام من يحبهم وهم يحاولون يشككون في مشاعره كيف يقولهم ؟ واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] نـاوي الفرقـى طلبتـك.. لا تـردد ف. الرحيـل=لا انت بأول من خسرت.. ولا انت بآخر من يخون ![/poem] : : : يقولوا ماذا تقول عن اقرب أصدقاءك وكيف توصل له انك محتاج له ومحتاج لوقفته معك. واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يا صديقي .. ما دريت ان الهمـوم=ثقّلت حمل الرفيـق و صـاح بـك يا صديقي .. عطني اليمنى بـ. أقوم=وأعضد بكتفك .. بقايـا صاحبـك!! [/poem] : : : يقولوا .. كيف تعبير عن الخيانه ؟ واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يا اللي سألت وكـان ودك جوابـي=اقسى من (افراق الحياة) .. الخيانه! [/poem] : : : يقولوا .. كراسي و طباشير وسبوره .. ومدرس بـ تعب يشرح وطالب بشغب يمرح .. أجواء الشغب / وقلب الكراسي .. كيف تصفها .. ؟ واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] على طاولة ذكرى السنين و زمان ٍ مـات=دفنت الزمان.. بداخـل القلـب وشعـوره سنين الطفولة ما بقى لك هنـا وصفـات؟=سوى طالب مشاغب؟ وكرسي؟ وسبوره!؟؟ [/poem] : : : يقولوا الـ عزف على رتم الـ حزن لـ يرقص غيرك بـ فرح !! أتقبل بـ الجرح / النـزف لـتسعدهم .. ؟ [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] لا صار جرحي ما حوى طعنته شـي=ما همنّي بعض الجروح ان ذكرتـه ! كل السنين اللي مضت ما اثرت فـي=واليا سألني شخص عنه .. شكرته !! [/poem] : : : يقولو .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] أبي أسألك عن موقف حزين ولاطرا بكّـاك=يفجر بك براكين الشجون وينثـر دموعـك إلا منك تذكرته تحيـر ولا تسيـر خطـاك=تموج القاع من تحتك وتطفي شعلة شموعك [/poem] واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] قريتك يالسؤال اللي تشـب النـار فـي معنـاك=الا قلي: متى عدّت عيوني نـصّ موضوعـك ! مضى يوم الثلاثاء وأكتمل جرحـي ولا يخفـاك=بدت خامس سنينك والهمـوم تجـول بربوعـك نهار اني فقدت اغلى الحبايـب.. دارت الافـلاك=و لاذت بك سهوم الموت يا قلبي مع اضلوعك !! [/poem] : : : يقولوا .. شامخ وش تقول في الانتظاار ...واذا وصل المنتظر .. وش تقول له ؟ [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] انتظاري.. وآه يا كـل انتظـاري=جاد حظي فيك يا بلسـم سنينـي مرحبا بك.. واعتذر منك اعتذاري=حطّ يمناك الوفيّـه فـي يمينـي بس تكفى لا تجرّح فـي وقـاري=شوف نار الشوق مشبوبه بعيني ! قول اكيد ان الأمر لاغبت طاري=لا تخون العهد.. ما بينك وبيني ! [/poem] يقولوا .. ما هو الحب الحقيقى فى نظرك ؟ وكيف تكون ردة فعلك عندما تنصدم بشخص يقولك أحبك وحبه حقيقى لك ولكنه للاسف حب من طرف واحد ؟ هل تفكر بالامر ام ترد عليه وما هو ردك له؟ [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] مابين (الحب) و(القلب الجريح) و(خيبة الآمـال)=سكن (حب ٍ حقيقي ) واندفن ما حقق (أحلامه)!! يمروني بعد ذاك ( الحبيب ) ويكتبون ( آقوال )=تلاشت ( مالها معنى ) بقلبي واعمق (اوهامـه), اذا قلت لغريب الطبع ( احبك ) تضحك ( الاطلال)=مشاعر (حبه قلبه ) ما تعـدى ريشـه (اقلامـه ) [/poem] : : : يقولوا .. ماذا يقول الشامخ عن الشوق المتجدد في كل لحظه في كل ثانيه في كل انفاس يتنفسها. واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] اشتقت لك شوق فوق الشوق=شوق ٍ له الشوق يشتاقي !! [/poem] : : : يقولوا .. وش تقول عند سقوط الأقنعه .. ؟ واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] كل كذبة لو تطول ابها السنيـن=تفشل الكذبة لزوووم وتنكشف .. [/poem] : : : يقولوا .. ماذا تقول عن إنتظارك كل العمر لشخص وتتفاجئ انه بعدهذا الإنتظار أختار غيرك وخلاك وهويعرف انك كنت تنتظره؟ واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] غريبه !! كيف انا اشري خوّتك واترك جميع الناس=غريبه!! كيف تترك خوّتـي وتـروح مـع ثانـي عطيتك كلمتي واخلصت لك واهديتـك الإحسـاس=و لكن وش يفيد ( الحب ) لا اقبل سود الألواني ! [/poem] : : : يقولوا .. وش تقول عن الزعل والعتب بين الاحباب؟ واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] المعاتب له خطوره فـي حضـوره والغيـاب=والوفاء في قلـب خايـن مستحيلـه رابعـة والزعل درب الهلاك وغير عن درب الصواب=يقتل ابحور الشعـور اللـي بقلبـك نابعـه! [/poem] : : : يقولوا .. كم رصيدك ( الفقد ) .. ؟ واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] عليك الحساب ومني الدافـع المشـروح=من اربع سنين ودمعة الفقد مسكوبـة! اعيش الليالي واتكبـد ثـلاث اجـروح=فراق وعتاب وشرهة ٍ الحزن واسلوبـه ثواني.. دقايق.. كل لحظة تعيش الروح=ألم فقد .. من دونه عطى الروح مسلوبه اموت بتفاصل الغياب و عـذاب البـوح=واقرر بعد ما شف غيره على التوبه !! [/poem] : : : يقولوا .. وصف لنا شعورك وانت مقبل على من تحب وتششوف في عينه الترحيب فيك؟ واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] لَبييييييييييه يا اللي في عيونك كلمتين و فرحه=شفتهـا يـوم اللقـاء ومقابلـي لعيـونـك! الشعور يخونني .. واصغر شعوري شرحـه=تكتبه كـل القصايـد.. نقطـة ٍ فـي كونـك! [/poem] : : : يقولوا .. يوصف لنا الأعتذار عن طول الغياب لأحبابه كيف يكون ؟ واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الغياب. اللي خذاني دون شوفـك=و الله انه ما يوصفّ ..يا حياتي ! افتدي وقت انتظارك مع وقوفـك=في حياتي.. واكتب لعينك وفاتي ! [/poem] : : : يقولوا .. جرح الكذب واحساسك بانك كنت عايش كذبه كيف تفسره؟ واقول .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ما عليناااا من غدر بعض الحبايب=( الغدر طبع البشر ) ماهي غريبة! الكذب .. سمّه يوديـك النصايـب=خصّ لا كذبّ حبيب ٍ مع حبيبـه ! [/poem] : : : |
:
: : سؤال أخير .. يقولوا ماذا تعني لكـَ كل من المفردات التالية ؟! الحب / الفرح / الحزن / الوداع / الفراق / الظلم الجرح / الثأر / الدموع / الأسى / الندم / الألم الصحراء / القنص / بيت الشعر / الدلة / السيف السماء / النجوم / القمر / الليل / السكون الشعر / النثر / القصة / المقالة / الصحافة الحياة / الأمل / اليأس / الحلم / الخيال / الواقع الأهل / الناس / الصداقة / الأخوة / التسامح الشتاء / الربيع / الصيف / الخريف الصخب / الهدوء / الحرية / الخضوع التمرد / القسوة / الرحمة / الغضب الحنان / الأمان / العطاء / الوفاء الشوق / الهيام / الوئام / اللقاء الورود / العطور / السفر / الغياب الأسود / الأبيض / الأحمر / الأزرق القلم / الكتاب / الشموخ / الكبرياء وآقول .. بنفس الترتيب .. [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] (الحب) مخلوط (الفرح) و(الحزن) = واقسى ليالي (الحب) لحظة (وداع) تنهي بوادير ( الفراق ) الشجن = و ( الظلم ) كان ( الجرح ) طوله ذراع! من راح يطلب ( ثأر ).. يلقى.. سجن = رغم ( الأسى ).. ( دمع ) ( الندم ) بأندفاع ! مجبور يدفع ( للألم ) باق الثمن = ويمشي عبر ( صحراء ) اللقاء والجماع يرحل عن احبابه ويبني ( وطن ) = قبل ( القنص ).. ( بيت الشعر ) بأرتفاع ويشرب من ( الدله ).. حروف ولحن = ويكتب من ( السيف ) الحدب.. لا يذاع تحت ( السماء ) وضو ( النجوم ).. الرهن = و الا ( القمر ) و( الليل ) سقط المتاع! بين ( السكون ) وحرف ( شعر ) ووزن = يستأذن ( النثر ) برحيله مُـجاع ! ويكتب من ( القصة ) ( مقالة).. ترن = بأذن ( الصحافه ) ياااااا ( حياه ) الضياع ! بين ( الأمل) و ( اليأس ) ( حلم ).. ورسن = تحت (الخيال ) وفوق ( واقع ).. مذاع بين ( الأهل ) و(الناس ) ماله زبن = حتى ( الصداقه) و (الأخوه ).. خداع ! راح ( التسامح ) ( والشتاء ).. جاء يحن = وقال ( الربيع ) ..اكيد به مستطاع كنه سحابه ( صيف ) تلبس ردن = لأجل ( الخريف ).. يكون نقطة نزاع وبعد ( الصخب ) عمّ ( الهدوء ).. والطمن = واعلن على (حريته ) بالدفاع ! مابه (خضوع ) ولا ( تمرد ).. ولـن = بعد ( القساوة ) ( رحمة ٍ ) وإستماع خلى ( الغضب ) رغم ( الحنان ) بـ( امن ) = يعط ( العطاء ) بكل ( الوفاء ) بأنخضاع ونادى حروف ( الشوق ).. رغم المحن = وجدد ( هيامه ) ( والوئام ) استراع وجهز ( وروده ) و(العطر ).. لأجل من = خلى ( السفر ) ..يفرض ( غياب ) وصداع واللون ( الأسود ) لونه ( ابيض ) فـتن = واللون (الأحمر ).. شكله ( أزرق ) شعاع حبر ( القلم ).. عنون ( كتاب ) الحزن = يبقى ( الشموخ ) ( بكبرياء ) الوداع ..!!![/poem] : : : |
:
: : [align=left]ما خسرتك ما خسرتك ما خسرتك[/align] من فقدتك .. قمت أردد ما خسرتك ________ والصدى في داخلي .. خسران روحي [align=left]خسران روحي خسران روحي خسران روحي [/align] : : : |
طلبنـي للفـــراق ..
وجيت كلي من سمـاي اخضـوع.. بعد ما وضح اسبابه .. تصاغـرت اعظـم اسبـــابـي.. |
من حياتك تـمّ تسجيـل الخـروج
.............. أمسح الكوكيز .. وألغ امعّرفـي |
خبرة ثمان اسنين في موت الأحلام
________ استقبله ( حلمي ) .. وأجهز( ضريحه ) !! وزن الامل فيني ولا ( مليّ اجرام ) ________ و ( مقدار عزمي ) .. ثوّر اقسى قريحه .. كلمة ( وفاء ) متبدلة من كذا عام ________ صارت ( وفاه ) وكل (( كذبه) صحيحه)..! |
:
: : [poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] حبيبي وش تسمي غيبتك عني بدون اخبار = اذا اني ما تقبلّت الغياب ولا توقعته غريبة .. من غيابك صارت الغيبة ملاذ افكار = تقلبني ظنوني .. والرجاء ان العهد ما بعته[/poem] : : : |
:
: : [poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] بعـض الحبـال القاسيـات المتيـنـه=لو تحتزم به مـا رجيـت العوافـي ! لا مـدّ لـك بعـض الرفاقـه يمينـه=لا قدمّك خطوه .. رجع بـك خلافـي[/poem] : : |
:
: : [poem=font="MS Sans Serif,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] في غربي العاصمه يشّـر لـي ارسالهـا=للديرة اللي بها زهـر الهـوى والرحيـق لا وقفت رجلـي الثكلـى علـى اطلالهـا=تستعرض العيـن جـلّ ايامهـا والدقيـق ما بيـن قصـة غـرام ٍ شـدت ارحالهـا=وما بين قصة غياب ٍ ما عرف له طريـق[/poem] : : : |
:
: الزوايا موحشة .. والنور طافـي ________ وأن سكت الدرب قدامـي تعسّـر يا غرامي لك وصية قلب صافـي_______ وأنت عارف .. ما تضيق ألا تيسّر : : |
:
: : أتعمـق .. ليـن أجـاوز لـ/ الهـبـل وأتخيل .. ليـن أجـاوز لـ/ الجنـون فـوق مـا تتخيلـه .. ب/ إثـري دبـل وفوق مـا تتوقعـه .. كـل الظنـون..! : : : |
: : : يا دافع الحب .. من قلبي ومـن عينـي صاحت لك حروفي اللـي فارقـت عينـك سبة رحيلك حشى ما هـو مـن ايدينـي وسبة رحيلي حشى ماهـو مـن ايدينـك ( قسوة حظوظ ) استغلت عطفـي ولينـي و ( قسوة ظروف ) استباحت عطفك ولينك فرقـى وتمـتّ وصـارت بينـك وبينـي واظلـمّ نهـار التلاقـي بينـي وبيـنـك وطال الفـراق وسكـن حبـك شرايينـي ونفسي تتـوق وسكـن حبـي شرايينـك وفي دفتر الحب شفـت اجمـل عناوينـي في ذكريـات الحزن عانـق عناوينـك البارحـة تـمّ عـام وضاعـت سنينـي بين الفراق .. ومخافـة ثانـي اسنينـك إلى هنا .. ضعت حزن ولا اعرف وينـي؟ بس الأكيد .. الجواب اليا عـرف وينـك! احفظ ختـام القصيـدة يـا نظـر عينـي لأنـي كتبتـه وذكـرى عينـي بعيـنـك و الله [align=left]لغيـر اقتـل الفرقـى بسكيـنـي وانـت الله الله علـى الفرقـى بسكينـك[/align] : : : |
| جميع الأوقات بتوقيت GMT +3. الساعة الآن 11:57 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية