الي إبني مع التحيه
 

أنا أعتذر عن غيبتي يالمطاليق=والعذر يقبل عند وافين الأشبار



تجديد عهد ومشاركه متواضعه أرجو قبولها



[poem=font="Arial,5,white,normal,normal" bkcolor="transparent" bkimage="backgrounds/2.gif" border="double,4,gray" type=2 line=0 align=center use=ex num="0,black"]
يالله يارازق كهول ومواليد =ياملتجايه في الرخا والشدايد

عني على وقتٍ غدا تاجره سيد =وأصبح قليل العرف للناس قايد
وراحوا هل النخوه وجونا المقاريد=وخلوا جماعتنا شعوب وبدايد

وأصبحت أدور عن بقايا الاجاويد=في عصر عباد الربا والفوايد
ولقيتهم مثل الفرح ليلة العيد=في عين بغداد العرب دون قايد
ولديت من حولي لقيت الحواسيد =عدوان من شافوه بالطيب زايد
وقررت اجنب كل سافل ورعديد=وعيش عن راع الرديه محايد
لوكان إخوي اللي شقيقي وش إيفيد =لكان هين عزم والطيب كايد
والله ما أجامل في الزمن زيد وعبيد =مايرحم التاريخ والعمر بايد
أوصيك ياعبد الله أصمد كما الحيد=أصمد ترى حمل الزمان إيتزايد
أصحى تخاف العاصفه وإقطع البيد =والبحر غوصه للعقود الفرايد
ولاتهجر القرآن حفظِ وتجويد=أذكر نهارٍ فيه للرب عايد
وخلك عزيز النفس واوف المواعيد=وصدق ولو قالوا ترى الكذب سايد
تبقى عزيز وهمتك دايم إتزيد=تزيد لو حمل الليالي تزايد
ويبقى طموح النفس من دون تحديد=وعمرك كرامة رجل عاف الوسايد

وأعرف ترى الشيمه عن المخطيه قيد=والحكمه الحكمه تخليك رايد
أحيان تلقى من بني عمك الكيد=وتلقى من الأجناب ناقص وزايد
وإليا حصل ماقلت لاتزيد وتعيد=إخذ السنام وخل عنك الزوايد
كلمة خبير وجود العلم تجويد=ولاتعلم الحساد وش أنت فايد[/poem]

1 ولي عوده ياجبل

صح الله لسانك يالذويبي

نص في غاية الجزاله

ودمت بخير

طايل الذويبي

الله يحييك من حضر ماغاب

والله يطرح البركه في عبدالله ويشفي كبدك

وصح لسانك مدد

غيمار

نص جميل من شاعر جميل يا الذويبي ,,,

هذي نصيحه للعموم ميهب لعبدالله بالحاله الله يبارك فيه ,,

الله يثبتنا وياك على الدين والعلم الغانم ,,,

تقبل تحياتي ,,,

طايل

صح السانك وبيض الله وجهك يالقرم

وافيه من وافي


تقبل تحيات مودعك


حمود بن فطيس

ولاتهـجـر الـقــرآن حـفــظِ وتـجـويـد

............................. أذكـر نـهـارٍ فـيـه للـرب عــايـد

هذه الوصيه كافيه مع عدم إغفال أهميه باقي الوصايا ..

طائل :)
مرحبابك من جديد ياصاحب الراي السديد ..
والحمد لله على عودتك ..
سجّل إعجابي وتقبل سلامي :)


..

أوصيـك يا عبـد الله أصمـد كمـا الحيـد
أصمـد تـرى حـمـل الزمـان إيتـزايـد
أصحى تخاف العاصفـه وإقطـع البيـــد
والبـحـر غـوصه للـعـقـود الـفرايـد

الله الله

ولاتهجـر الـقـرآن حـفـظِ وتـجويـد
أذكـر نـهـارٍ فـيـه للـرب عــايـد

ونعم الوصاه ,, صح لسانك وبيض الله وجهك ,,

سلامي عليك
..

طايل الذويبي


غبت وجبت


ياسنايدي


وصح لسااااااااااااااانك وبيض الله وجهك



اخوووووووك

الأخ الكبير والشاعر القدير / طايل الذويبي

مرحبا في مرحبا في مرحبا
هلا والله يا بو سعد والله يحييك


الحقيقه بعد هذه الدرّه .. العذر يقبل فعلا
.
كلمة خبير ورجل قدير ونصائح ثمينه وشعر عالي المستوى
.
الله يقي عبدالله من شرور الوقت ويجعله بارا بك ولعله يستفيد من هذه النصائح الثمينه ،


صح لسانك يا بوسعد .. مدد بلا عدد

ونوّر المرقاب ،،


..

الله الله

حكم حكم يا ابو سعد

صح لساانك ولا هنت

هنا دروس !!

..

قمه يا القمه

تطول ما لا يطال يا طايل

صح لسانك ملايين يابو سعد

دمت بكل ود

اخوك

جابر

اخوي الغالي سلطان الاسيمر
حجز يسعدني وننتظر العوده

اخوي الغالي سعود سالم

مرورك تشريف للقصيده وراعيها

اسعدني ذلك

اخوي نايف المقاطي

مرور أسعدني كثير
تحياتي لك

ارحب ارحب


طايل وحضور غير وابداع غير مستغرب


لاهنت ياطايل


وصح الله لسانك




.

الله يحفظ عبدالله ا ابوسعد ويصلحه

نصايح ذهب والله

صح لسانك ولاهنت يا استاذ

محبتي ومتابعتي

اخوك

هلا والله ياسعود مرور يشرفني

صح لسانك يابوسعد

ولاهنت يامُبدع


شاعر ومتمكّن


تحياتىىىىىى لك

يا هلا ومرحبا يا طايل الذويبي

وعزالله العزيز انها ذهب من اولها لخاتمتها


صح الله لسانك مدد وسلمت

صح لسانك ,, مبدع يا طايل,,,ومن جاء ما غاب

نحيتي