همس الحرووف
السلام عليكم ورحمة الله
أعزائي...أسعد الله أوقاتكم بكل خير في إحدى القنوات الفضائيه كان هناك لقاء مع أحد الشعراء سأله المذيع(ما رأيك بالشعر النسائي؟) فأجابه بسخرية مؤسفه..أنا لا أعترف بالشعر النسائي.. ومن هذه المناسبه كتبت هذه القصيده والتي أتمنى أن تنال رضاكم.. [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] يالشاعرالـفـنـان ودي اجـاريــك=لكن ظْروفـي عـن شفوفـي حدتنـي يعجبنـي اسلوبـك وصيغـة قوافيـك=وابيـات شعـرك كلهـا معجبتـنـي وش رايك ابشعر النسـا الله يخليـك=أهـل القلـوب الحاقـده موجعتنـي؟ بََسَجّـل ابياتي...والَحْكَـام تَكْفـيـك=أمـا اعجـب الشعـار والا انقدتنـي وترى الهدف والقصد ماهـو تحديـك=حبيـت اوضـح حاجة(ن)مشغلتـنـي أنا استمد البـوح مـن نبـع ساقيـك=الغصـن أنـا وجْذوركـم شايلتـنـي الله عطانـي موهبـه مثلمـا فـيـك=وابيـات شعـري لابغيـت اطربتنـي نعـم انـا أنثـى ولاهـوب خافـيـك=همـس الحـروف الذايبـه ذوبتنـي عندي عذوبه فـي حْروفـي تناديـك=واكتـب بكيفـي عمرهـا ماعصتنـي واعوم في بحـري واباهـي وورّيـك=والْعَـب علـى الامـواج ماغرقتنـي ومن عذب شعري أقطف الورد واهديك=نـزف المشاعـر لاتهيضـت جتنـي ناهيك عن بعـض التعابير...ناهيـك=توجـع نعـم!! لاشـك ماحطمتـنـي الشعر فـن وْ ذوق والْـوان تزهِيـك=وانا رسمت.... وْلوحتـي معجبتنـي [/poem] ملاحظه: لم يكن هذا الشاعر المقصود في مناجاتي في هذه القصيده ولم يكن الشاعر الفنان |
ليس هناك مسمى شعر رجالي وآخر نسائي
الشعر هو الشعر والمرأه أثبتت شاعريتها فالشعر منذو القدم وأي مشكك في أن المرأه ما تكتبه ليس بشعر او لم تجيده خلاف الواقع ماضيا وحاضراً ولا يتفوه بهذا الكلام الا شخص أفل نجمه وأظلم ويريد تسليط الضوء عليه عموما صح لسانك غيمار |
محد يقدر يغطي النور .. لو حاول البعض استمالة انتباه الجنس الناعم بهذه التصريحات الغبيه ..
تظل المرأه منبع مشاعر وعاطفه ,, والشعر النسائي حاضر وبقوه في المشهد الشعري القديم والحديث ,, صح لسانك اختي الكريمه شاعرة نجد ,, تحياتي |
صح الله لسانك يانقيه
وافيه وانتي وافيه لاعدمنا حضورك المشرق |
صح لسانك ياشاعرة نجد
وانتي من خيرة من يمثل الشعر النسائي شعر جزل ورائع تحياتي |
اقتباس:
ولاهنت عالتعليق الممتع لك شكري وتقديري’,, |
لو .. لم يكتبن بنات حواء .. الاّ هذه القصيده
لكانت كفيلة .. بإثبات تميّز الشعر النسائي - شاعرة نجد - سأعود مراراً .. لهذه الفاتنه . |
اقتباس:
وتسلم عالمرور ..تشرفت بحضورك لك تقديري واحترامي’,, |
وانا رسمت.... وْلوحتـي معجبتنـي
الله الله صح الله لسانك ودمتي بهذا الابداع |
شاعرة نجد
صح لسانك مدد ولاهنتي دمتي بخير |
صح لسانك ياشاعرة نجد
وانتي من خيرة من يمثل الشعر النسائي شعر جزل ورائع لايختلف عليه اثنان فعلا مايصح الا الصحيح وانتي اقرب مثال وتستاهلين تحياتي |
شاعرة نجد
صح لسانك وعلى شانك ابدعتي واجدتي تحيتي |
أنا استمد البـوح مـن نبـع ساقيـك
الغصـن أنـا وجْذوركـم شايلتـنـي الله عطانـي موهبـه مثلمـا فـيـك وابيـات شعـري لابغيـت اطربتنـي :) اختي شاعرة نجد يكفي هذا الرد الشعر النسائي متواجد وبقوة في الحاضر والماضي وسيظل كذلك ..صح لسااااانك اختي |
اقتباس:
وتسلم ولاهنت عالمرور طال عمرك إحترااامي’,, |
ناهيك عن بعـض التعابير...ناهيـك
توجـع نعـم!! لاشـك ماحطمتـنـي الله الله الله أبدعتي وأمتعتي صح لسانج ألف لاهنتي احتراااامي و ج د |
ياسلام ياسلام
على ماقال ابو تراحيب لو الشعر النسائي هالقصيده كفت ووفت صح لسانك ياشاعرة نجد |
ناهيك عن بعـض التعابير...ناهيـك
توجـع نعـم!! لاشـك ماحطمتـنـي .. توجـع نعـم!! لاشـك ماحطمتـنـي توجـع نعـم!! لاشـك ماحطمتـنـي الله الله ياسلاااااااااااااام عليك راااااائعه والله وصح لسااااااااااااانك حتى ترضين ياشاعرة نجد تحيتي لك |
صح لسانك وسلمتي وانتي اقرب مثال للجزاله والابداع
تقبل مروري |
عندي عذوبه فـي حْروفـي تناديـك00واكتـب بكيفـي عمرهـا ماعصتنـي
واعوم في بحـري واباهـي وورّيـك00والْعَـب علـى الامـواج ماغرقتنـي ومن عذب شعري أقطف الورد واهديك00نـزف المشاعـر لاتهيضـت جتنـي ناهيك عن بعـض التعابير...ناهيـك00توجـع نعـم!! لاشـك ماحطمتـنـي الشعر فـن وْ ذوق والْـوان تزهِيـك00وانا رسمت.... وْلوحتـي معجبتنـي لله درك ياشاعرة نجد وصح لسااانك ملااايين حنا انقول الشعر النسائي موجود بتواجد الشاعرات المبدعات امثالك سجلي اعجابي بما تسطرين ومتابعتي |
شاعرة نجد
الشعر موهبه للذكروالأنثى وليس حكرا للرجال وأكبر دليل الشاعره /بخوت المريه والشاعره/ عابرة سبيل يرحمهن الله برحمته الواسعه . ولكن تبقى بعض المواضيع التي يختص فيها الرجال. تقبلي تحياتي ,,, |
شاعرة نجد
الشعر النسائي باقي من عصر الاجداد امثال موضي الزغفيه وموضي البرازيه ولكل جواد كبوه |
اقتباس:
الرائع حضورك طال عمرك تقديري’,, |
اقتباس:
حياك الله أخوي شهادة أعتز بها لاهنت وشكرا لمرورك الكريم لك تقديري’,, |
صح لسانك الين ترضين أختي
قصيدة جميلة جداً بجمال روحك متابعتي واعجابي أختك |
سؤال
وش رايك ابشعر النسـا الله يخليـك أهـل القلـوب الحاقـده موجعتنـي؟ جواب الله عطانـي موهبـه مثلمـا فـيـك وابيـات شعـري لابغيـت اطربتنـي بيت مسكت واعوم في بحـري واباهـي وورّيـك والْعَـب علـى الامـواج ماغرقتنـي ياسلااااااام ياسلاااااااام تقديري |
| جميع الأوقات بتوقيت GMT +3. الساعة الآن 02:59 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية