المؤمن يحس بدنو أجله ( تمعنّوا في هذه القصيده )
 

اخواني الكرام في هذا المكان المبارك :)

السلام’ عليكم ورحمة الله وبركاته ,,,,

وددت أن أنقل لكم هذه القصيده / الموعظه ، للشاعر الكبير : محمد العسيلي ( رحمه الله تعالى )
والتي يبدو لي أنه كتبها في آخر حياته غفر الله له وأسكنه الجنه ,,
كما يتّضح من خلال أكثر أبياتها ، كقوله :-
واليوم ماباقي ألاّ أشوف طالبها
والموعد المنتظر تدنيه الأيامي

أترككم مع هذه الرائعه ، وعسى الله يرحم شاعرها رحمةٍ واسعه :)




.


.




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الناس ناموا وأنا العبرات أجاذبها=جذب الدلي من معينٍ وردها حيامي
بيدين بدوٍ مشافيحٍ تناهبها=في نقضة الجزو والماء ورده حزامي
أشوف وأنكر من الدنيا مذاهبها=تضرب بنا أمواجها في بحرها الطامي
ياكثر روعاتها وقسوة تقلبها=ماطاب فيها من الأحوال مادامي
اللي منول ركوبه فوق غاربها=ماحصّل ردوفها والمشي درهامي
تستدرج أهل الأماني في مكاسبها=لكن هيهات تصدق فيها الأحلامي
من صدّق الريح وعيونه يكذّبها=كنه يقارن غباه بفرصة الرامي
تمر الأيام ماكنّي مجرّبها=من تضحكه يوم يبكي باقي العامي
يالله يالله تكفينا نشايبها=ياواحدٍ عن قضايا الخلق مانامي
ياعالمٍ غيب نفسي لاتعذّبها=تكتب لها حجةٍ من نور الإسلامي
واليوم ماباقي ألاّ أشوف طالبها=والموعد المنتظر تدنيه الأيامي
لنا مواعيد مانقدر نجنّبها =توقيتها محكمٍ في وقته احكامي
ترمي المنايا ولاتخطي مضاربها=من صوّبنّه سهوم الوقت ماقامي
ساعة حياته ليا وقفت عقاربها=الروح تصعد ويبقى جرحه الدامي
والموت ماتصلح أرواحٍ يخرّبها=أبا أترك الزوج والأطفال الأيتامي
لا واعزا النفس من فرقا حبايبها=ياطول فرقاً تعثّر فيها الأقدامي
لابد من رحلةٍ مايعود غايبها=وعن الحقايق توارى كل الأوهامي
معي الوثايق مختّمةٍ قوالبها =والخوف من نقطة التفتيش قدّامي
في مفترق طرق ياكافي مصايبها=حدى الطريقين واحد منهن إلزامي
أمّا مع أهل اليمين وعز جانبها=وألاّ مع أهل الشمال وشرّها الحامي
رحماك رحماك يامذري هبايبها=ياوامر المسلمين بوصل الأرحامي
دعوة طريح الخطايا لا تخيّبها=أنا ضعيف الوسائل والهدف سامي
ياوردة النفس ناضبةٍ مشاربها=يالله من شربةٍ تقطع ظما الظامي
واجيرنا من الجحيم وحر لاهبها=وأنت الذي من لجى بحماك مايضامي[/poem]


شعر / محمد العسيلي الحربي


..

معـي الوثايـق مختّمـةٍ قوالبـهـا
والخوف من نقطة التفتيـش قدّامـي
في مفترق طرق ياكافـي مصايبهـا
حدى الطريقين واحد منهن إلزامـي
أمّا مع أهل اليميـن وعـز جانبهـا
وألاّ مع أهل الشمال وشرّها الحامـي



اللهم اجعلنا من أهل اليمين ومن يقرأ
وارحم اللهم المؤمنين والمؤمنات الأحياء منهم والأموات



وجزاك الله خير ياعبدربه ،،،

عليكم السلام ورحمة الله وبركاته

بارك الله فيك يا بوعتيق

حتى انتقائك مفيد بعون الله

رحم الله الشاعر الكبير / محمد العسيلي واسكنه فسيح جناته مع عباده الأبرار

هنا عبره فعلا لمن اراد ان يعتبر ،


لاهنت ،

رحم الله الشاعر محمد العسيلي


ولاهنت على الاختيار الموفق



كل الشكر

اللهُ اكبر


اسأل الله ان يحسن خاتمتنا جميعا

رحم الله العسيلي

وكتب الله اجررك ولا هنت ياعبدربه

الله يرحمه

ويجعلنا وياه من اهل اليمين

ياطيبك وياطيب اللي تجيبه

غيمار

رحم الله الشاعر الكبير / محمد العسيلي

واسكنه فسيح جناته ... وجزاك الله خير يابو عتيق ..

..

الله يرحمه رحمه واسعه ويغفر له

فعلا مثل ماقلت يابو عتيق كأنه يعلم بدنو اجله

وهذا واضح من البيت اللي ذكرته انت والابيات اللي بعده

شكراً شكراً نقلك موفق ومفيد بأذن الله :)

لااله الا الله محمد رسول الله

قصيده معبره ومؤثره

رحمه الله رحمه واسعه

وغفر لنا وله ولجميع موتا المسلمين

لاهنت

وعليكم السلام ورحمة الله وبركاته


رحم الله الشاعر الكبير / محمد العسيلي واسكنه فسيح جناته


ولااهنت


ودّي وتقديري

شكراً لك يابومشوط :)


..

عبدربه

كلك خير
ومواضيعك مفيده
الله يرحم العسيلي ويدخله جنات النعيم

الله يرحم العسيلي ويغفر له ويسكنه جنات النعيم

الرائع عبدربه:

مواضيع درر، جميلة ومفيده

لك كل التقدير والإعجاب

رحمه الله واسكنه جنته وبيض الله وجهك على نقلك المفيد

وفيك بارك ياسداح !



:)

الله يرحم العسيلي

واتمنا الاتعاظ بمثل هـ المواقف

لا هنت يا عبد ربه !


.....

وعليكم السلام ورحمة الله وبركاته
هلا اخوي عبدربه
الف شكر على هالاختيار الرائع
والله يرحم الشاعر محمد العسيلي ويرحم اموات المسلمين اللهم آمين

الله يرحم محمد ويسكنه فسيح جناته

وجزاك الله الف خير ياعبدربه

الله اكبر

سلمت يمناك

تحياتي لك

الله يرحمه رحمه واسعه

وعزالله انها قصيده كلها حكم

لاهنت يامطوع

أمّا مع أهل اليميـن وعـز جانبهـا
وألاّ مع أهل الشمال وشرّها الحامـي

اللهم اجعلنا من أهل اليمين ومن يقرأ
وارحم اللهم المؤمنين والمؤمنات الأحياء منهم والأموات
وجزاك الله خير ياعبدربه

الله يرحمه ويسكنه الجنة



عبدربه
لاهنت

رحمه الله واسكنه الجنه




عبدربه الله يعطيك العافيه


لاهنت