بناخيك يابن برجس يرحبك !!
 

بسم الله الرحمن الرحيم

نور المرقاب بإنضامك ياحمود وطاروق للفايده إذا وقتك سمح ..


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عد من طاف بيت الله وصلى وصام=مرحبا والهجوس تحد مخلابها
أنت خالي والك قدرٍ رفيع ومقام=والعرب فاللقا ماتحسب حسابها[/poem]

الله الله


يامشاري

في صف حمود وجار وابن عم
ضيف
واله حق الليل الليل

ياحمود العشاء عندنا

الله الله

مشاري

صح لسااااااااااانك وفي انتظار قبيلك

متاااابع

السلام عليكم ورحمة الله وبركاته

تحيه طيبه للجميع


وحياك الله يامشاري .. اعتذر عن التأخير كان حصل تأخير


تناولتني بطاورق لكن شكرا على الترحيب

والمرقاب منور بأهله والفايده لي

واستلم

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البقا ياكريم ٍ من رجال ٍ كرام = هاتها والذيابه فوق مرقابها

واذهن اذهن تدس السم وسط الطعام =ثم تصبح معك عاده وتضرى بها[/poem]


.

ابو سعود

يامرحبتين والله يحييك

اسعدتني بمرورك العطر

ووجودك في الصف تشريف


-------


محمد بن رشيد

مرحبا ...

ومتابعتك تسعدني

على هونك ياأبو برجس لين نرحب فيك


هلا وغلا نورت المراقيب كلها

والصف مع مشاري بدون قصورٍ فيك

الله الله



يا مشاري رح والصف عامر


ضد ابو برجس بكل ما اوتيت من قوّه

يحا يحا

على قولة عبدربه

مرحبا مرحبا مرحبا يابو برجس

شاعر وغني عن التعريف ويشرفنا انضمامك للمرقاب

والصف مع حمود ولايهون ابو عجاب

الله الله

طاروق جميل

وانا هنا للمتابعة والتصفيق

هااك هااك


[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كان سلعتك وسط السوق عيت تسام=ماخسر فالبضاعه غير جلاّبها
ماتردك شروط ولا يردك نظام=جعل بقعاء تحول فوق من جابها[/poem]

ضيف الله الغنامي


محمد رشيد

نواف نايف


خالد السيحاني


عفاس بن حرباش
نايف العليان

مرحباً الف
وحياكم وللي في صفي تحيه خاصه :) ..

الله الله

صحت السنتكم


ابو عجاب واللي في صف

حمود

الهم تحيه خاصه مني ههههههههه


الليل الليل على ماقال ابو عيضه

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من يعرف الحلال ولا يعرف الحرام =كيف يعرف زكاة المال ونصابها
انت هاجرت .. لكن مرنا بعد عام = ثم هاك السنه نعرف من اسبابها[/poem]

نواف نايف

مرحبتين ..

ورد مشاري وراه تغانمني مايطلبني شي (gn5909-


اسعدني مرورك يانواف


------

خالد السيحاني

ارحب ..

والله الظاهر لو العب مع يهودي لألقاك تطامر في صفه ضدي(jar-


بس مهيب مشكله .. اهم شي حضورك

------

بن حرباش

مرحبتين ... وياهلا

والله يغنيك دنيا واخره ..

والصف يتشرف بك يابعدي

------

نايف العليان

يامرحبا .. والله يجمل حالك

تسعدني متابعتك

------

ابو سعود

مرحبا بحضورك الثاني اللي اتوقع انه يسبب ضغط نفسي كبير على مشاري


مير لا اوصيك

هـ هاك
[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كان تبغاء الكلام اللي عليه الكلام=شالت العاصفه خيمتك بأطنابها
يابن برجس ترى ماكل من طاح قام=فيه طيحه من الطيحات يدعابها[/poem]

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ساكن ٍ في بيوت العز خل الخيام = مرت العاصفه ماصكت ابوابها
يامشاري عسى من خلفك للرحام = اهل مكه تراها تعرف اشعابها[/poem]

هـ هاك :) ..
[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
باقيٍ لك شهر وأقراء عليك السلام=يوم شفنا الأوادم تفتل أشنابها
كان منته مريحنا علي الحرام=أن باقي حياتك ماتهنابها[/poem]

الله الله

ياسلاااااام عليكم

لازلنا مستمتعين ,, بحضوركم وابداااعكم

تحيااااتي

ههههههههههههه


[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
باقي ٍ شهر واخذ بندقك والحزام = العمى لو رمى حولين ماصابها
انت عامل جميع الناس بالاحترام = لجل تمسك سيوف المجد بنصابها[/poem]

بن رشيد


متابعتك تسعدني


لاعدمتك

ياسلاام ياسلاام



محاوره من العيار الثقيل :)



مرحبا ومسهلا ياحمود


الليل الليل ،

أزهله يابو برجس

القصف راح يبدا

بعد صلاة الفجر

على صف مشاري

ومشاري عندك ياكحيلان

محمد بن رشيد

مرحبابك وشرفتنا بمتابعتك يالغالي ..



خالد فهد

صح بدنك

وشرفتنا بمتابعتك الله لا يهينك

فالح المصعوك

ياهلا ومرحبا

مار لو جنبت عن صف حمود كان غلاك قفل نسبه ..

ضيف الله الغنامي

ياهلا والله

وأنا عارفٍ قصدك ودك ترفع معنويات حمود وألا ودك تجي في صفي :) ..

حمود بن برجس
صح لسانك والله لا يهينك على هالمحراف ..
ويعلم الله أن تواجدك مكسب ..

معقوله

؟

حمود برجس منور المرقاب ؟

لا هذا يبي له ترحيب خاص ومن نوع اخر :)

مشاري الغنامي

الله يبيض وجهك يوم انك تناولته من البدايه لا يهدأ ليله واحده ولا يبيتنّ الا وهو مهجود هذا الحمود

صحت السنتكم و لله دركم

وياهلا مليون ويامرحبا تراحيب المطر يا حمود

عز الله انك شرفتنا بحضورك

تحيّتي