مرحبا ترحيبة فـي شيـوخ وفـي مقـام
 

السلام عليكم ورحمة الله وبركاته المعذرة عن طول الغياب ياهل المرقاب
قصيدة بمناسبة زيارة مشائخ عتيبة لمخيم قبيلة القثمة
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مـن ذعاذيـع النسايـم وهتـان الغمـام=ونفح طيب المبخره لاارتهج من عودهـا
والقراح ولذة النـوم فـي عيـن المنـام=لاانتهى ليل السهـر والنعـاس يرودهـا
يالله انـك تبعـد الشـك وعلـوم المـلام=عن ثبات الوقفه اللـي قدحـت زنودهـا
لين تعزل شرد الفكر عن هـزل الكـلام=والقريحـة تنثنـي لـي واحـل قيودهـا
مرحبا ترحيبة فـي شيـوخ وفـي مقـام=عـد ذعـذاع الهبايـب وهبـت نودهـا
وعد مركـاض السبايـا نهـار الألتحـام=والجمـوع اللـي تضـد العدابجنودهـا
مرحبا ترحيبـة ينجلـي منهـا الظـلام=مثل فرق أيامنـا المقمـرة عـن سودهـا
مرحبا من طيب خاطر وراحة وأنسجـام=خطوةٍ بلـت قلـوب العـرب وكبودهـا
لويجي فالحفل ربكة وضجـة وأزدحـام=والله أن العذر لأهـل الوفـاء ووفودهـا
كـل يمنـا ودهـا بالمصافـح والسـلام=فرصةٍ جعـل الولـي فالزمـان يعودهـا
مرحبا بشيوخنا أهل الزعامـة والزعـام=حربـة الهيـلا كعـام العـداء ولهوهـا
كيف مانطلق عنـان الرضـاء والابتسـام=والتحايـا نرفـع شعـارهـا ونقـودهـا
كيف ماسوق التحايا عل الروس الحشـام=واجتهد واكسي حروف الفخر ماهودهـا
وأنتم شيـوخ الفخـر يامذاخيـر الكـرام=ياذخـر روسٍ يفـك النشـب بارودهـا
ياذخر من يثني الرجل مـن دون الجهـام=فالنهار اللـي يطـش العـداء ويكودهـا
شيخةٍ ماهي بشيخـة مشالـح وأنفصـام=شيخةٍ تاصل نجـوم السمـاء وحدودهـا
يوم سوق القـوم للقـوم والعليـاء تـرام=احتضنتـوا نجـد بسهولهـا وحيـودهـا
سيرةٍ يدري بها العود والـورع الفطـام=دعـوة مثبـت سندهـا وقـول شهودهـا
من حدود العارض اللي خضع لابن الإمام=للحرار المرقبـات العـراض عضودهـا
قسمنا والله عطانـا مـن القسـم السنـام=ديـرةٍ يبـري هواهـا وشـوف بدودهـا
ماكسبناهـا وهايـب عطـا والا نـظـام=غيـر والشعلـة سناهـا يزيـد وقودهـا
عزوةٍ تضرب على المستحيل ولاتضـام=لو تعيش مـع القسـا ماتبيـح سدودهـا
والله ان اسم العتيبي على صدري وسـام=أفتخـر باسـم القبيلـة وفعـل جدودهـا
قلتها وأنـا قثامـي وساسـي مـن قثـام=عـزوةٍ يفخـر ولدهـا بسيـرة عودهـا
لاوردنـا فاللـوازم مثـل ورد الحـيـام=الحيـام اللـي يـدك الوطـا عرجودهـا
عزوةٍ تضرم على لطمة العايـل ضـرام=من سطر روسٍ يهـد الجبـل مجهودهـا
نورد الهيـاب وقـت المثـارا والزحـام=بم تـاج اللـي يفـج النحـر عبرودهـا
مـن كفـوفٍ ماتدايـن ومدتهـا شمـام=لاقصر كف الرخامـة وشـح ورودهـا
دون قاصـر فالقبايـل مـوردة الحسـام=القبايـل سلمنـا مايهـضـم جهـودهـا
لين جاء صقر الجزيرة وبالجنحان حـام=بن سعـود اللـي ملكهـا وزاد سعودهـا
وانتهاء عصر التناحر وجاء عصر السلام=والغصون اليابسه خضرت فـي عودهـا
أذعنت له عقب زرق الشلافي والسهـام=عقب دقـلات السرايـا وطـرد فهودهـا
جعل أبو تركي لجنـات عـدن وللرحـام=الزعيـم اللـي رسـم للبـلاد حدودهـا
وبارك الله في حرارٍ لهـم كـل أحتـرام=الملوك اللـي غشتنـا سحابـه جودهـا
وفي بداية مانظمته وفـي حـل الختـام=مرحبـا باسـم القبيلـة واسـم عبودهـا
عد ماساقاعـروق الضمـا وبـل الغمـام=من صدوق المزنه اللـي تـدن رعودهـا
بالضيوف اللي لفوانا على قـدر ومقـام=عـد ذعـذاع الهبايـب وهبـت نودهـا
[/poem]

سمران القثامي

صح السانك وعلا شانك

نص رااائع بروعه حضورك الجميل

تحياتي

بيض الله وجهك يا سمران


وصح لساااااااااانك ملايين


شاعر متمكن وقصيدة في محلها

صح لسانك





دمت بخير

سمران القثامي

صح السانك وعلا شانك

نص رااائع ومقيول فيمن يستاهله

غيمار

بيض الله وجهك يا سمران


وصح لساااااااااانك ملايين


شاعر لايختلف عليك اثنان

ابدعتتتتتتت يسلم راااسك


النااااايف

سمران القثامي

صح السانك وعلا شانك

نص رااائع بروعه حضورك الجميل

تحياتي

الغالي .. سمران القثامي


عليكم السلام ورحمة الله وبركاته

مرحبا ومسهلا
ونوّرت المرقاب بعد تنويرك للمحل الثاني :)


كـل يمنـا ودهـا بالمصافـح والسـلام
فرصةٍ جعـل الولـي فالزمـان يعودهـا


اعاد الله هذا الشمل بالخير والمسرات


والحقيقه انك شاعر لا تحتاج للاشاده


صح لسانك مدد ،

..

سمران القثامي

صح لسانك وبيض الله وجهك

جزاله وابداع ولاهي غريبه منك

سلامي عليك

الغالي / مسفر الجعيد مشكور على كرم مرورك العطر ،لاهنت

صح السانك


ياسمران





تحياتي

الغالي د/احمد الشهيب الف شكر على مرورك العطر

الغالي / عبدالله العويمر شكرا على مرورك الكريم

-


والله ونعم بالقثمه ، ومالك الا بياض الوجه يا سمران ، قصيده عز الله تجمّل


صح لسانك و على شانك

/
/
/

تقديري الجمّ

الشاعر / سمران


ونعم وكفو


صح لسااااانك


نص جميل وفاخر


مودتي لك ...

والله ومليون نعم يالقثامي

ابداع وتمكن وعوده جميله

صح لسانك مدد يا سمران

والله ان اسم العتيبي على صدري وسـام>>>أفتخـر باسـم القبيلـة وفعـل جدودهـا

الله الله


بيض الله وجهك


شاعر مواقف


وفيت وكفيت




تقديري

كـل يمنـا ودهـا بالمصافـح والسـلام
فرصةٍ جعـل الولـي فالزمـان يعودهـا


بيض الله وجهك يا سمران وما قصرت

قصيده جزله وتنومس من يقراها

صح لسانك ولا هنت يا مبدع



:)

الغالي /نايف المقاطي مشكور على مرورك العطر

سـمـران الـقـثـامـي..
كـفـو كـفـو والله بالـهـيـلا وشـيـوخـهـا..
..قـصـيـده فــاااااخــره و وافــيــه
وصــح الـسـانـك وبـيــض الله وجـهـك..
ولـك الـود والـتـقـديـر..

الغالي / نياف العتيبي سلمت يبن العم وشهادتك فخر

سمران القثاااااااااااامي


شاعر له بصمته المعروفه ...... وليس مستغرب عليه


شاعر يطرب أحساس القارئ والمستمع.... له صولاته وجولاته في عالم الشعر


تقبل خالص احتراااااااامي وتقديري




معجب الغنامي

الغالي / مطر العضيااني مشكور على كرم مرورك

الغاالي / سدااح مشكور على مرورك العطرر