الملحمـه الأسلاميه .!!
السلام عليكم ورحمة الله وبركاته
الاخوه الاعزاء .. اعضاء وزوّار بارك الله لكم فالعشر الاواخر .. وعيدكم مبارك مقدماّ .. كم يؤسفني هذا الانقطاع عنكم وذلك لظروف خارجه عن الاراده .. ويعلم الله العزيز انيّ احبكم فالله جميعاّ . اسمحولي على المقدمه المتواضعه .. لاشك ان الشاعر لسان قومه بشكل خاص .. ولسان لدينه بشكل عام .. قد تلهينا وتغرينا الدنيا بملذاتها وننسى بعض واجباتنا تجاه ديننا الحنيف .. وما حصل من تطاول على رسولنا الكريم عليه الصلاة والسلام .. واحوال الامّه الاسلاميّه بشكل عام ..فأسأل الله العلي القدير ان يغفر لنا عن سهوتنا والتهائنا عن ديننا .. واتمنى ان تكون هذه القصيده شافعه لنا في يوم لا ظل لنا الا ظل الرحمن تبارك وتعالى .. أسمحولي على الاطاله فالمقدمه .. وفالقصيده . [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] بسم الله الرحمن سيري يالاقلام = فاض الشعور ودوّني فالرساله الشعر له موقف بطولي من اعوام = يخلّد التاريخ وأثبت مقاله ماقالو الشعّار من سالف أيام = لازال تردييده وانا من خلاله أقرأ حضارات الامم وأرفع الجام = عن واقعٍ مشئوم يرثى لحاله ماكننا خير أمةُ بين الأنام = قوم الرساله هادمين الضلاله قومٍ لشرع الله يحثون الاقدام = تحت لواء الاسلام دين العداله دين التسامح والتراضي والأكرام = والعفو والتقوى وبر وسهاله وشهادتين وفرض والحج وصيام = وزكاة فطر ووصل رحم ودلاله قوم السيوف العادله والتقدّام = قوم الشهاده والظفر والبساله قومٍ لهم كسرى وعبّاد الاصنام = والروم والتبّع وعمّه وخاله والهند واهل السند والشرق والشام = واللي ورى غزوين والليّ بجاله واللي عرق من حام واللي معا سام = واللي على وجه البسيطه ارحاله طاحت بيارقهم تحت سيف الأسلام = ورمحٍ لشرع الله ماياقف قتاله وأبطال للدعوه سعو سعي مقدام = والكل منهم في سطره أحتفاله قوم ماتغريها ملذّات الأنعام = تزهد بملك وعرش كسرى وماله قومٍ لهم تفخر عذيّات الأنسام = والرمح والسيف وعروق الأصاله واعوام واللي من ورى العام والعام = والامس واليوم وضحاه وزواله والغد واللي من ورى الغد والهام = ان الفخر منّا ليوم الازاله وحنّا نخاف الموت والموت قدّام = ونرضى الاهانه من يدين الحثاله نسعى لكسب المال وانعد الارقام = وفالبورصه كلن يراجع حلاله نركض وتغرينا ملذّات الاحلام = وابليس يغوينا وينصب احباله من فيكم اللي قام ليله ولانام ؟ = ومن فيكم بربّه يجدد وصاله ومن فيكم الليّ ساع سمع الندا قام = ومن فيكم اللي يطلب الله ويساله ومن فيكم الليّ بطّل المصحف وهام = في حفظ اياته بصوتٍ جماله تخشع له قلوبٍ غشاها التندّام = على الذنوب الليّ جنتها افعاله حنّا ضحايا عولمة فكر وأعلام = ومظاهر وتقليد ماينعناله وموضه وتسريحه وبنطال وافلام = ونت وقنوات وشريط وبطاله وثوب انقليزي فاخر وشمغ بسّام = وموتر جديد ولازم انه وكاله وشغّل بلوتوثك وترقيم واهيام = تحت شعار ان التعارف زماله شباب كول وصوت مذياع وانغام = والليّ يعارضنا نقول انه عاله ساذج وتفكيره ولو دام مادام = رجعي وعايش في زمان الجهاله ماندري انّ مانفعله كلّه اثام = ونشيل فوق المتن عبئ وعباله الغرب يضحك والعرب قوم هندام = واللي يبيه الغرب لازم يناله الاسلام يخدش والمسلمين نيّام = وصرنا أرهاب ورعب في كل حاله رسولنا يهجى بكراتير رسّام = وحنّا مجرّد هيكل وعقل داله نستنكر ونشجب بلا فرد وحزام = الصوت عالي والفعول استحاله ماعندنا غيره ولا فيه ضرغام = الكل منا منشغل في حواله القدس محكومٍ على شعبه اعدام = وبغداد ينزف من يدين احتلاله في غنتنامو كم من مسلم انظام = وابو غريب اللي مايبغي دلاله تبّت يدين الذلّ مافيه عزّام = به من صلاح الدين والا اخصاله او معتصم بغداد ابوّ فيصلَ سام = الليّ يشل الروس ضرب اعتداله الى متانا بس هندام وأجسام = الفعل ماش وفالعزوم أنحلاله عرب تفاخرنا بجدّان وأعمام = وعقولنا لازال فيها خباله وأحزابنا واجد وخبلان وأجلام = مامن صلاح وللولاء أستحاله امسيرين وللأمر الحزب خدّام = وامناصفين القسم ذا له وذا له ماكننا قوم الوفاء والتشيّام = قوم الأصول معربين السلاله متنا مذلّه وأنحطاط وتحطّام = والذلّ ساسٍ مايجي منه طاله أمّا نعيش أقوام تفخر بنا أقوام = والا نصير لكوكب الأرض عاله وسلامتكم[/poem] |
[align=center]واحد والله وآحد
أرحب يابن قشعم لي عوده تليق بهذه العصمــآء :)[/align] |
الهاجري : فالح بن قشعم
شاعر .. مع كل نص اقرأه له .. أجده / متفرد ، يغرف من بحر ، يتميز اكثر . لن تكفي هذه الملحمه ، قراءة سريعه .. سأعود لها مره ومره .. تحياتي لك .. وبرايفت :) / تراني أنتظر اللي بالي بالك :) |
فالح بن قشعم
لله درك يابطل وصح لساااااااااااااانك وبيض الله وجهك اخوووووك |
صح لسااانكـ ياخوي ..ويسلم راسكـ على هالطرح
قصيدهـ من اول حرف ..لآخر حرف ..قمة في الابداااع لاخلا ولاعدم ياخوي ..وعساكـ عالقوهـ دومـ أختكمـ // تقـوى الهجـرـرـآ |
ابن قشعم ..
صح السانك يا بطل !! ولاهنت مبدع ورائع !! :) لك كل التقدير والاحترام .. سأكون هنا .. حتى ساعة النوم ! |
اقتباس:
ملايين يافالح بيض الله وجهك والله يجعلها في موازين حسناتك اشكرك على كل بيت قلته تقبل خالص تحياتي اخوك ((عبدالله العاطفي)) |
اقتباس:
الله الله الله الله الله ابن قشعم بيض الله وجهك وجعل ماقلت في موازين حسناتك تحياتي وتقديري |
ياسلام عليك يافالح
صح لسانك وبيض الله وجهك وجعل ماقلت في موازين حسناتك تقبل مروري ... |
[align=center]الله الله الله الله الله
ابن قشعم بيض الله وجهك وجعل ماقلت في موازين حسناتك تحياتي وتقديري[/align] |
بسم الله الرحمن سيـري يالاقـلام
فاض الشعور ودوّنـي فالرسالـه الشعر له موقف بطولي من اعـوام يخلّـد التاريـخ وأثبـت مقـالـه ماقالو الشعّـار مـن سالـف أيـام لازال تردييده وانـا مـن خلالـه أقرأ حضارات الامم وأرفع الجـام عن واقـعٍ مشئـوم يرثـى لحالـه ماكننـا خيـر أمـةُ بيـن الأنـام قوم الرسالـه هادميـن الضلالـه قومٍ لشـرع الله يحثـون الاقـدام تحت لواء الاسـلام ديـن العدالـه دين التسامح والتراضي والأكـرام والعفـو والتقـوى وبـر وسهالـه وشهادتين وفرض والحج وصيـام وزكاة فطر ووصل رحـم ودلالـه قـوم السيـوف العادلـه والتقـدّام قوم الشهـاده والظفـر والبسالـه قومٍ لهم كسـرى وعبّـاد الاصنـام والـروم والتبّـع وعمّـه وخالـه والهند واهل السند والشرق والشام واللي ورى غزوين واللـيّ بجالـه واللي عرق من حام واللي معا سام واللي على وجه البسيطه ارحالـه طاحت بيارقهم تحت سيف الأسلام ورمحٍ لشـرع الله ماياقـف قتالـه وأبطال للدعوه سعو سعـي مقـدام والكل منهم فـي سطـره أحتفالـه قـوم ماتغريهـا ملـذّات الأنعـام تزهد بملك وعرش كسرى ومالـه قومٍ لهم تفخـر عذيّـات الأنسـام والرمح والسيف وعروق الأصالـه واعوام واللي من ورى العام والعام والامس واليوم وضحـاه وزوالـه والغد واللي من ورى الغد والهـام ان الفخـر منّـا ليـوم الازالــه وحنّا نخاف الموت والموت قـدّام ونرضى الاهانه من يدين الحثالـه نسعى لكسب المال وانعد الارقـام وفالبورصه كلـن يراجـع حلالـه نركض وتغرينا ملـذّات الاحـلام وابليس يغوينـا وينصـب احبالـه من فيكم اللي قـام ليلـه ولانـام ؟ ومن فيكـم بربّـه يجـدد وصالـه ومن فيكم الليّ ساع سمع الندا قـام ومن فيكم اللي يطلـب الله ويسالـه ومن فيكم الليّ بطّل المصحف وهام في حفـظ اياتـه بصـوتٍ جمالـه تخشع له قلـوبٍ غشاهـا التنـدّام على الذنوب اللـيّ جنتهـا افعالـه حنّا ضحايا عولمة فكـر وأعـلام ومظـاهـر وتقلـيـد ماينعنـالـه وموضه وتسريحه وبنطال وافـلام ونت وقنـوات وشريـط وبطالـه وثوب انقليزي فاخر وشمغ بسّـام وموتر جديـد ولازم انـه وكالـه وشغّل بلوتوثـك وترقيـم واهيـام تحت شعـار ان التعـارف زمالـه شباب كول وصوت مذياع وانغـام والليّ يعارضنا نقـول انـه عالـه سـاذج وتفكيـره ولـو دام مـادام رجعي وعايش في زمان الجهالـه مانـدري انّ مانفعلـه كلّـه اثـام ونشيل فوق المتـن عبـئ وعبالـه الغرب يضحك والعرب قوم هنـدام واللـي يبيـه الغـرب لازم ينالـه الاسلام يخـدش والمسلميـن نيّـام وصرنا أرهاب ورعب في كل حاله رسولنـا يهجـى بكراتيـر رسّـام وحنّا مجرّد هيكـل وعقـل دالـه نستنكر ونشجب بلا فـرد وحـزام الصوت عالي والفعـول استحالـه ماعندنا غيـره ولا فيـه ضرغـام الكـل منـا منشغـل فـي حوالـه القدس محكومٍ على شعبـه اعـدام وبغداد ينزف مـن يديـن احتلالـه في غنتنامو كم مـن مسلـم انظـام وابو غريب اللـي مايبغـي دلالـه تبّـت يديـن الـذلّ مافيـه عـزّام به من صلاح الدين والا اخصالـه او معتصم بغداد ابوّ فيصـلَ سـام الليّ يشل الروس ضرب اعتدالـه الى متانـا بـس هنـدام وأجسـام الفعل مـاش وفالعـزوم أنحلالـه عـرب تفاخرنـا بجـدّان وأعمـام وعقولنـا لازال فيـهـا خبـالـه وأحزابنا واجد وخبـلان وأجـلام مامن صـلاح وللـولاء أستحالـه امسيرين وللأمـر الحـزب خـدّام وامناصفين القسـم ذا لـه وذا لـه ماكننـا قـوم الوفـاء والتشـيّـام قوم الأصـول معربيـن السلالـه متنـا مذلّـه وأنحطـاط وتحطّـام والذلّ ساسٍ مايجـي منـه طالـه أمّا نعيش أقوام تفخـر بنـا أقـوام والا نصير لكوكب الأرض عالـه [align=center]لله درّك لله درّك لله درّك ابن قشعم قصيده عصمـآء ومن شاعر لا يستغرب منه الإبدآع عز الله أنــك شاعر موقف وخير من يجسّد مـآيحيط بنــآ قلت بـأن الشاعر لســـآن قومه ودينه وأنت لك الله من أفصح الألسن لا عدمتك وعسى عمرك طويل وهذ1 هو الشعر الحقيقي اللي لـه هدف ويحمل رساله نفعك الله ونفعنـآ بمـآقلت وجزآك الله خير وجعل مـآكتبت في ميزآن حسنـآنك وبيّض الله وجهك يوم تبيّض وجوه وتسوّد وجوه .. الكلآم في هذه المعلّقه يقصر مـآ أقول اللا الله يجملّ حالك وعسـآك فالوجود صح لســـآنك عدد مـآغزت جيوش المسلمين كل عـآم وأنت بخير والله يتقبّل منـّآ ومنك الصيـآم والقيـآم سجّل إعجـآبي ( الأزلي ) إذ1 مـآ عليكـ أمــر خالص تقديري لكـ [/align] |
ماكننـا خيـر أمـةُ بيـن الأنـام
قوم الرسالـه هادميـن الضلالـه قومٍ لشـرع الله يحثـون الاقـدام تحت لواء الاسـلام ديـن العدالـه دين التسامح والتراضي والأكـرام والعفـو والتقـوى وبـر وسهالـه وشهادتين وفرض والحج وصيـام وزكاة فطر ووصل رحـم ودلالـه قـوم السيـوف العادلـه والتقـدّام قوم الشهـاده والظفـر والبسالـه قومٍ لهم كسـرى وعبّـاد الاصنـام والـروم والتبّـع وعمّـه وخالـه والهند واهل السند والشرق والشام واللي ورى غزوين واللـيّ بجالـه واللي عرق من حام واللي معا سام واللي على وجه البسيطه ارحالـه طاحت بيارقهم تحت سيف الأسلام ورمحٍ لشـرع الله ماياقـف قتالـه صح لسانك يابومحمد وجزاك الله خير |
[align=center]
مرحبا مرحبا ياشاعر المليون وين هالغيبه يابن قشعم نص اكثر من رايع صح لسانك ولاهنت [/align] |
فالح بن قشعم ..
صح السانك ابدعت .. وبيض الله وجهك .. |
ابو محمد
هلا وغلا صح بدنك وعساها شاهد لك لاعليك |
يا سلام يا سلام يابو محمّد وأمّا الشباب الكول فحدّث ولا حرج :)
الله يصلح احوال المسلمين كافه ويجزاك خير على هالنص الفارق صح لسانك وسلمت يمينك |
أبن قشعم
حضرت للمواصل وليس للتعليق هنا أنا أصمت لحضور الأبداع والجمال ,,, صح لسااانك يا عملاق ,,, تقبل مروري المتواضع ,,,, خالص مودتي ,,, |
ابن قشعم فالح
بيض الله وجهك وجعل ماقلت في موازين حسناتك وصح الله لسانك ملايين |
الغالي .. عايض النفيعي
بانتظارك يالغالي |
-
أمّا نعيش أقوام تفخـر بنـا أقـوام والا نصير لكوكب الأرض عالـه يا سلام بيت عن مليون قصيده يا فالح صح لسانك مدد وعساها في موازين حسناتك تحياتي لك ومتابعتي |
فالح بن قشعم
صح لسانك لاهنت يالقرم تحياتي لك |
رائع يافالح ..
وهنا شعرأروع من الرائع .. إعجابي ..ومحبتي :) |
صح لسانك يافالح
الأبداع حليفك دوماً لاهنت وتقبل تحياتي |
وعليكم السلام ورحمة الله وبركاته
مرحبا ومسهلا يا بومحمد كل عام وانت بخير ومن العايدين ان شاء الله مقدمه في محلها وشاعر مبدع عزالله بيض الله وجهك وصح لسانك عدد حروف هذه الملحمه الشامخه ، وسلامي عليك ،، .. |
عليكم السلام ورحمة الله وبركاته
بن قشعم شاعر متمكن وجزل بيض الله وجهك صح لسانك تقديري |
| جميع الأوقات بتوقيت GMT +3. الساعة الآن 06:45 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية