تهنئيتي لأخوي الغالي / سلمان المقاطي
أخوي الغالي/ سلمان مستور المقاطي ( أبو نايف ) أرفع لك أسمى آيات التهاني والتبريكات بمناسبة نقلك إلى منطقة مكة المكرمة راجيا ً المولى عز وجل أن يجعله مقدم خير عليك في خدمة دينك ومليكك ووطنك وان يكسبك رضاء والدينك 0 ------------------------------------------------------------- [poem=font="Arial,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] ياكم يروح من الجماعة والاقراب = وياكم يجي والبعض من غير داعي [/poem] [poem=font="Arial,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] تعرف عيال العم فديار الأجناب = يبين لك غير الطبيعي صناعي تلقى وجيه أحضور ووجيه غياب = ويطيح عن بعض الوجيه القناعي [/poem]لكن يبقى الباب فالازمه باب = باب ٍ لــربـعـه فـالـطـعــون الــوساعي لو راح ابو نايف على العــز ما هاب = كنه معي وادحم بجنب شجاعي سلمان بن مستور ياعرب الانساب = ياحر يا صوك راس يامجد ذراعي ابـناء عـمـك فاقــديـنك ولاصحـاب = في نـقـلـتـك عنهم تـنـوح النـواعي أشهد شهادة حق ماني بكذاب = ما قــلتها لي من وراها مساعي ولا جيت أشيد بيت و أجود أطناب = البيت مبني واسطه والرباعي من جدنا الأول يا أبو زيد وذياب = لنا بصلفات الزمان اجتماعي يوم أنت يا ابن العم فكاك الأنشاب = عطيت ما حملت حق المساعي يفداك مع بعض اللحى بعض الأشناب = اللي تكسر فالحساب وتراعي يتـرب جبـين اللي حملها على تراب =ماله مع أهل الذكر ذكر ٍ يشاعي مع كـرسي الحـلاق وثــلج لا ذاب = لا هوهجوم ولا موقــف دفاعي يستاهل اللي مثل سلمان الاعجاب = منصى ووجه وجاه حيد ٍ مناعي ماشـالها يـنصب بـها بـين الاحـباب = ولاهي لنصبات العيون الوساعي هي للعلا والله يـخـطـريك الأسـبـاب = يا كـفوا يا للي فـالـمـهمات واعي كان الـديـر طـلبت أهــلـها تــرحـاب = من الجموم إلى القــفـيــف أرتفاعي دار المـقـاطي في ربـيـع ٍ ومـلـهاب = عنها أحتمى شهب السباع السباعي يــوم أنـها شـلـفا وبـنـدق ومـشعــاب = مــحـد يـنـازعــنا عـليـها نــزاعي مـع أحمــدتـنا للـشجـيـعـين مضراب = تـهـدب هــديـبـة بـهـا الـوبـل مـاعي وادي الـعـقـيـق أمطاوليـنـه للارقـاب = ونـدوس من دونـه رقـاب الأفـاعي تعرف عشيره مغرق الضرس والناب = اللي لهم فـطوال الأبـواع بـاعـي صـنيدح الهـمـرق ومـيـشع وأبو حجاب = وقبلان بن ريف مغيث الجياعي وسحيم حـي أسـحيم فـكاك الاطلاب = أمـقـر له خصمه نهار الـنـزاعـي ذا غيض من فيض له البوس وثياب = راحوا وحنا من بعــدهم تبــاعي بــقى لهـم سـجـل زاخـر مـن كـتاب = مسطراً جمله ما جاهم قـــطاعي وسلمان من شجره لها جذور وأنساب = الأصل ثابت والفروع أطلاعي نـقـلك يأبو نايف مثـل قـرصت الــداب = أن سلتني بالطبع ويش أنطباعي ونـقــلك ماسوى بـيـنـنا حـدود وأتـعـاب = والله يـعـز اللي لـهم صيت ذاعـي أعـيال مـن وحـد كـيانــه من أســلاب = ذلـل مصاعيب الصعب لين أطاعي هـــذاك أخـو نــوره عـمى كل حــراب = سعوط من راسه ضربه الصداعي للسيف الأملح كـف فارس وقضاب = طب الكبود مع القلوب الوجاعي كم من صباح ٍ صاح للمـوت جـلاب = كـونـه عسام وصولته فيه سـاعي من البحر الأحمر لحقل لين مشعاب = ترعى وعين الله على كل راعي ماهي شعارات وتراهات وحــزاب = للـشـرع والسـنـه عـلـيـهـا أتـباعي |
حجز
ولي عوده تليق |
زيد
قصيدة طيبة . . . ويستاهل المدح :) صح لسانك |
يا مرحبا ومسهلا يا زيد
وسلمان من شجره لها جذور وأنساب الأصـل ثابـت والفـروع أطلاعـي والله ونعم الشجره والجذور والنسب ممدوحين كلكم وفالكم طيب ان شاء الله صح لسانك ويستاهل سلمان المقاطي ، .. |
زيد المقاطي صح لسانك ... صح لسانك ولا هان ممدوحك ويستاهل .. وعسى نقله معين له على الطاعة تحياتي .. |
الله يعطيك العافيه يازيد
وسلمان عسى الله يوفقه الف صح لسانك والف تحيه |
اخوي / ناصر برغش
والعود احمد والله محييك يا الوجه الطيب ودمت بخير |
وسلمان من شجره لها جذور وأنساب
الأصـل ثابـت والفـروع أطلاعـي الله محييك يا زيد وصح لسانك وافي وابو نايف يستاهل لا هنت |
عز الله ان ابو نايف يستاهل كل خير
وترانا فرحانين لنقله يوم جاء عندنا قريّب صح لسااانك يا زيد ولا هنت يالغالي تقديري . |
:)
صـح لسـانكـ ياخـالي ووزين ان ابـونايف .. انعتق من ديرتكم ..:) ---- > ما يواطن ديرتكم ..:) |
أخوي محمد فارس
الله يطيب حالك وماعليك زود وصح بدنك شاكر لك الحضورالكريم والمرور الجميل دمت بخير |
والله ونعم الساس والراس يازيد
ممدوحين كلكم وفالكم طيب ان شاء الله صح لسانك ويستاهل سلمان المقاطي |
الأخ سداح
ماعليك زود يا بعيد المدالي بيض الله وجهك شاكر لك الحضور الكريم والمرور الطيب يا طيب الساس دمت بخير |
الأخ محمد بلال
صح بدنك لا خلا ولا عدم والله يعطيك العافية شاكر لك الحضور الكريم والمرور الجميل تقبل مني أجمل التحايا |
وافي ايا زيد
وبيض الله وجهك صح لسانك مدد تقديري |
الأخ عبدالله العتيبي
الله يعطيك العافية ويوفقك صح بدنك وسلمت على المرور الكريم دمت بخير من الله |
الأخ سلطان العطاوي
الله يبقيك و يعطيك العافية ويطول بعمرك صح بدنك وسلمت على المرور الكريم يا الوافي دمت بخير من الله |
الأخ محمد بن مصوي
بداية اهنيك بحصولك على المركز الأول في جائز الشيخ سلطان بن حميد رحمة الله والف مبروك يا محمد صح بدنك وسلمت على المرور الكريم والله يوفق سلمان وين ماراح دمت بخير من الله |
صح لسااانك يا زيد العتيبي
وبيض الله وجهك ولا شك ان سلمان المقاطي يستاهل المدح ولا ننسا ان نباااااركله نقله الى منطقة مكه المكرمة. |
البناخي عبدالعزيز هليل
كل المملكة وكل شبر فيها غالي علينا وسلمان هنا ولا هناك ولا في اي مكان يبقى ابو نايف عزيز وغالي بغلاك يالبناخي شاكر لك الحضور المميز وسلمت ودمت بخير |
صح لسااانك يا بو ايمن
وكل رجال ٍ طيب يستاهل المدح كل الود |
الشاعر زيد العتيبي
رائعه بروعة سلمان وروعتك طال عمرك ... قصيدة وفاء لرجل الوفاء من شاعر وفي واصيل .. اتمنى التوفيق لسلمان وصح السان بالغالي .. |
الله الله الله
مبدع الله لا يعوقك تحيتي |
أخوي محمد السليس
أولا ً ياكبر حظي بشوفتك في متصفحي طيب وبخير ثانيا ً ماعليك زود يا سنايدي أنت الخير والبركة شاكر لك الحضور والمرور الكريم وصح بدنك وسلمت دمت بخير |
الأخ عيسى الشاطري
الله يعطيك العافية ويوفقك صح بدنك وسلمت على المرور الكريم دمت بخير من الله |
| جميع الأوقات بتوقيت GMT +3. الساعة الآن 05:13 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية