بمنا سبة سلامة سيدى مساعد وزير الداخليه حفظه الله ....
اتقدم بالتهاني القلبيه الى مقام خادم الحرمين الشريفين ولي عهده والنائب الثاني على سلامة الامير محمد بن نايف بن عبدالعزيز من الحادث الارهابي الذي تعرض له سموه ..
سائلا المولى جلت قدرته ان يحفظ للبلاد امنها واستقرارها وولاة امرهاا وان يخزي كل من تسول له نفسه الخزي والارها ب... [poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] اليوم شلفا الزناتي وقّعت في لحم = وطى برجله على الغار وبدت حيتّه اميرنا الشامخ المتواضع المحترم = اللي مع اردا الخلايق صافيه نيتّه امعدل الميل نصرة كل من ينظلم = الخير مرسوم في وجهه و ناصيتّه عدو الارهاب واهل الغدر عاش وسلم= من مدعين الوفا والنيه مبيّته !! ماحط دونه حرس تفتيش ولاخدم = ولاغّير اسلوبه وعطفه و اريحيّته وهذي عوايد لمنهم يخدمون الحرم = اموسس المملكه ماضاعت وصيّته على العدل والشريعه من أساس الحكم=والشعب له حقه وتحسين وضعيّته يبنون دور المعارف والضعوف تهدم = كم مسجدٍ تدعم القران جمعيّته هنا يعيش اليتيم ولايحس بيتم = وهنا تعوّد على المرضان عافيّته وهنا الفقارى غداهم مع عشاهم دسم = (والأمر والنهي) كلٍ يحترم هئيّته الشعب في خير متهني بحمر النعم=في ظف ابومتعب ويتعّب على رعيّته والله مانرضى بدال اهل الوفا والشيم = حكامنا اللي ظمنوا للشعب حريتّه يعني ؟؟ وبعدين معكم ياعقول البهم =والآدمي مايزين الا بعقليّته ؟ يافتنة الخزي منكم يعتصرنا الالم = اليا متى في الضلال اقلوبكم ميّته ؟؟ حنا نعبد الولي ياعابدين الصنم = شيطانكم مرتحلكم وانتم امطيّته بعد فتحنا القلوب ومدة ام الشحم = وقلنا من يعود للحق تنمحي سيتّه صرتوا في جسم امة الإسلام مثل الورم=صحيح بان اخر علاج المرض كيتّه حنا فدا للمليك وللوطن والعلم = واللي ماهو كفو يلبس برقع وخيّته ! [/poem] |
غلاب عايض مبدع طال عمرك ونحمدالله على سلامة صاحب السمو الملكي الامير محمد بن نايف من الاعتداء الآثم (وسيعلم الذين ظلموا أي منقلب ينقلبون )
|
اميرنا الشامـخ المتواضـع المحتـرم
اللي مع اردا الخلايـق صافيـه نيتّـه امعدل الميل نصرة كـل مـن ينظلـم الخير مرسوم في وجهـه و ناصيتّـه عدو الارهاب واهل الغدر عاش وسلم من مدعين الوفـا والنيـه مبيّتـه !! ماحط دونه حـرس تفتيـش ولاخـدم ولاغّير اسلوبه وعطفـه و اريحيّتـه ابو عايض صح لسانك قصيدة اعجبتني بصراحه جزله ولا بدعها الا شاعر جزل |
الله الله الله
صحّ لسانك ، ياغلاب مشاعر الحب والإخلاص ، والمواطنه الحقيقيه هنا لله درّك ، وحفظ الله وطننا و قادتنا |
الله الله الله
سلمتوا على هالابدااع والمشاعر الوطنيه تجاه الوطن وقيادته حجززز |
ماحط دونه حـرس تفتيـش ولاخـدم
ولاغّير اسلوبه وعطفـه و اريحيّتـه الله الله غلاب بن عايض صح لسانك .. وسلم بنانك ولا هنت على هذا الفيض الغامر من المشاعر مشعان صح لسانك .. كفيت ووفيت تحياااااااااااااتي .. |
ياسلام ياغلاب ياسلام
صح الله لسانك ملايين على هذا النص الكايف والرايق والنابع من حب الوطن والحمد لله على سلامة الأمير محمد بن نايف لـــ / مشــ ع ــــان البراق <<<<< صح لسانك على المجاراه الأكثر من رائعه لاهنت |
يا مال العز ياابو عايض
والحمد الله على سلامة اسد الوووووووطن وبيض الله وجهك يا غلاب مودتي |
صح لسانك ياغلاب
ابدعت الله يعطيك العافية وصح لسان مشعان على المجاراة تقديري . |
المبدع غلاب بن عايض
صح لسانك و سلم بنانك و نحيي فيك هذه الغيره على الوطن وولاة أمر السلمين و صح لسان مبدعنا مشعان البراق على المجاراه الرائعه تحياتي لكما |
،
الله الله الله الله صح الله السانك يا غلاب بن عايض ، كتبت ما يجول في خواطرنا مشعان / صح الله السانـك ، هذي وهي كيبورديييّه مشاالله تبارك الرحمن ، |
الله الله
غلاب عايض شعور وتفاعل مع الحدث ليس مستغرب على مثلك لله درك من شاعر صح لسااااااااااااااااااااااااانك |
ياسلام صح السانك لين ترظي كفو كفو
تفاعل ينم عن وطنيه فذه كلنا فداء الوطن |
الله يعطيك العاافية يا بو عاايض
وصح لساانك ... داااايم سباااااق للطيب دمت بخيــــــــر. |
بيض الله وجهك يابوعايض
وتسلم على هالمشاعر الصادقه نسأل الله أن يحمي وطننا وقادته وشعبه الغالي تحياتىىىىىى لك |
الحمد لله عل سلامة الامير
مشاعر ما هي غريبه على الطيبين اللي مثلك وشرواك صح الله لسانك ولا هنت |
لله درّك
لله درّك ياغلاب ابدعت وكيفتنا والحمدلله على سلامة الامير |
ابو عايض
وابو محارب ياسلام عليكم ياسلام عليكم مشاعرنا دونتوها شعراً هنا صح ألسنتكم وبيض الله وجيهكم لكم فائق احترامي وتقديري ....!! |
غلآب بن عآيض آلله لآ يهينك على كل حآل ,. و هذآ يدل على آلغيره آلطآغيه لبلآد آلحرمين ,. عسى آلله يحفظ آلديره ,. و أهلهآ عن كل متمرد و فكر منحرف ,. صح آلله لسآنك ,. و لسآن مشعآن ,. أبدعت يآ غلآب لآ فض فوك ,. لك آلتحيه ,. |
سمران القثامي الله يحييك وهذا اقل شي يمكن نسويه تجاه الوطن وقيادته الغاليه جدا جدا جدا على قلووب الشعب الاصيل ..
اخووك .. |
نايف القحطاني هلا وغلا ولاهنت يالغالي واعجابك يشرفني
اخوك .. |
الله الله الله الله
الله الله الله الله ابوعبدالله قسم بالله انك تكلمت عن الكثيرر وترجمت ماعجزنا عنه ... صح لساااانكـ صح لسااااانكـ انت مفخره للإبداع .. دمت كما تحب *********** ابو محارب لافض فووك على المجاراه التي لاتقل عن شموخ وابداع ابو عبدالله ... دمتم كما تحبون .. ********************* |
اقتباس:
الله الله عليك ياغلاب ايه هذا القصيد اللي يصحي من النوم الله يزيدك ابداعا من فضله وصح الله لسانك على كل حرف هنا يالمبدع |
اقتباس:
الله الله يامشعان اثرك هنا ماشاء الله تبارك الله مجاراه لا تقل روعه عن سابقتها ولا هنتوا ولا شنتوا |
لله درك يا غلاب
كتبت فاجدت والحمد لله على سلامة الامير يستاهل كل خير وشكرآ لمشاعرك على تفاعلها مع الحدث بآسرع وقت |
| جميع الأوقات بتوقيت GMT +3. الساعة الآن 04:37 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية