اللعبه المشهوره ..!
مصافحه موندياليه
تقبلوها :) [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] كل البشر في معظم الاوطاني=يناظرون لـ سآوث افريكاني يتابعون اللعبه المشهوره=والمستطيل الاخضر الميداني [2010 ] موندياله زحمه=فيه العلوم اشكال والا الواني وحنا نبي نشرب فـ كآس العالم=ونسكب سوالفنا مع الاخواني غياب الاخضر عنه اول حاجه=اللي طلع من سبة الفنساني لو لاعبينا ما عليهم قاصر=مجني عليهم والمدرب جاني ! والقاره الكبرى تأهل منها=كوري و كوري مع الياباني والاسترالي جابه الله معنا=حتى ضمن تأهله مجاني واما العرب تهاوشوا بالكوره=لين اصبحت نارٍ لها دخاني حاول يصلحها بشير الغفله=و حاول وحاول يفرع السوداني لكن عربنا دايماً مختلفه=حتى ولو تفزع حقوق انساني وافلح ولد سعدان واسعد ربعه=وحنا معه بالجانب الوجداني و حامل لقب هالكأس ماهو طيب=لا والله الا راحوا الطلياني تعادلوا والله ماادري عنهم=لو ودعوا من دون دورٍ ثاني واما الديوك الزرق ما من صيحه=ضاعوا و داخوا من بعد زيداني قامت قيامتهم وصارت هوشه=وانيلكا طاير بلا جنحاني ! واما البرازيل ابلشوا في دونغا=اللي ذبح ابداعهم بالعاني اوضاعهم شينه و حتى كاكا=ما هو بـ كاكا اللاعب الميلاني واما مارادونا فـ جاب الطعه=لحاله يصايح مع الخلياني ! لو غاب ميسي يبتلش فاللعبه=من يوم جمع باقي الشيباني فاللعب عز الله لاعب فني=لكن مدرب مفلس و تعباني ! واسبانيا ماهيب مثل اوروبا=ما كأنه اللي يلعب الاسباني جتكم طواحين الكره يا عالم=ان غاب روبن جاك روبن ثاني والانجليزي جاب معه الخيبه=من يوم روني ولع النيراني بيكهام لو يحلم ترى ما يكسب=غير الرجوع لـ ديرته خسراني وجتك المكاين تشتغل بالقوه=فيهم شجاعة هتلر الالماني ! هذي تفاصيل البطوله يا اللي=تبغى الخبر من قاصي و من داني ! حسب كلام المصدر المرقابي=اللي حضر في سآوث افريكاني[/poem] |
اقتباس:
مرحبا يا بو محارب ، مع اني متضامن مع ساحل العاج عشان جريتس كاد ان يدربهم :) الا أني اتمناها برازيليه عشانك :) سجل التضامن معك وسجل الانتظار المفعم لـ حين عودتك < طيب مفعم ويش ؟ |
جتكم طواحيـن الكـره يـا عالـم
ان غاب روبن جاك روبـن ثانـي :) :) ياسلاااام . ويا سلاااام نشرة أخبار مفصله عن ( المونديال ) المثير لله درّك أيها المبدع |
اقتباس:
مرحبا يا بو وليد ، ولله درك أكيد اعجبتك عشان شغل الاورنج فيها ، أبسط يا عم (ros00098- < لاحظ اللون |
اقتباس:
ههههههههههههههههههههه حي والله الحضور الاول والثاني واللي يجي ! الا أربكم مستعدين < يبي حجز ( 3 ) |
,
4(tlk- الله الله الله . . ابدااااااااااااع يا طلال . . . والله انها قصيده المونديال المرقابي . . . صح لسانك , وسلم فكرك الجميل . . محبتيIcon26 , |
اقتباس:
باذن الله السامبا امتاع ذا الليل :) |
اقتباس:
مرحبا يا صديقي العزيز ، والجميل مرورك ، صح بدنك بس تراك ما كشفت ميولك الى الآن |
اقتباس:
خلها 2 عصير برتقال يا معلم :) وكثّر الثلج |
:
: حجز يـ (( جميل )) .. !! ولي أكثر من عوده بأذن الله .. !! teeth: |
ح ــــج ــــــــز
|
الدعوه كلها حجز
:) , |
اقتباس:
الانيق : الدحمي ، مرحبا بـ حجزك وبانتظار عوداتك :) لا تنسى السيجار الكوبي معك :) |
اقتباس:
:) حجزك مهم وعودتك أهم لكن الله الله بـ ( مياه نوفا ) معك |
اقتباس:
|
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
طيب يابو نافع عليك الشرهه = يابادع الاوزان والقيفاني لنّك ياقلبي ماذكرت الخضرا = في موجز الصفران والحمراني وانته رئيس الرابطه الفخريه = اللي عليها حملة الفرساني حنا خسرنا والخساير واجد = من منطلق عطني ولا تنساني بعت النياق ولا بقى لي منها = اللي عطتنيها يد الشيباني والفلّه اللي فالخبر بعناها = عشان ندعم رابح السعداني حنا العرب واصل العروبه حنا = ان شاء ربي نهزم المركاني والبيت الابيض سوّد الله وجهه = مما عمل في شعبنا الافغاني بس المهم اسمع ولا تزعلني = وانته جميليٍ من الثبتاني اكتب قصيده فالجزاير يمكن = نسامحك في سفهة العرباني[/poem] :) صح لسانك يابو نافع على القصيدة ،، ماغير حبيت امازحك كيبوردياً :) دم تا / بخير |
آني ..
آني آني ما الله ومرك وجبت السيحاني يابو نافع عز الله انها ( على القاف ) teeth: وافــلــح ولــــد ســعــدان واســعــد ربــعـــه وحـــنـــا مـــعـــه بـالـجــانــب الــوجــدانـــي و حـامـل لـقـب هالـكـأس مـاهـو طـيـب لا والله الا راحــــــــــــــــوا الـــطـــلـــيـــانــــي راحوا الطليان على ددسن غماره <--- فاهم غلط teeth: ابو نافع ابداع مونديالي لا يستغرب :) صح لسانك ولاهنت |
اقتباس:
متصفح ابداع في متصفح .. مبدع , وجب الرد من طلال .. وجب فيصل يبيلك تعاقبه بعد .. على فعلته الشنعااااء :) ,, |
اقتباس:
الليل نبا السوالف قصيد ، كلٍ يدلي بدلوه :) وابو نافع بوريك فيه هذا اول الغيث :) ابو عيضه ،، عجل عليناني :) بقصيده دم تا / بخير |
تحليل للبطوله
الله ياطلال وصح لسانك يامراسل الساوث افريكاني |
اقتباس:
الله الله الله الله مبدع يا بو عبدالله واضفت جمال لهذا المتصفح و ابشر ان النياق والفله ما تروح على الفاضي ان شاء الله جائزة المركز الاول بتردها كلها لو نبيع الكأس و سم سم واعذرنا على القصور : [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يا مرحبا ترحيبةٍ يا استاذي=فيها من اليشموم والريحاني ترحيبةٍ ما هيب يعني ، الا=من الغلا تجري مع شرياني ! والشرهه اللي منك شرهة غالي=والعذر منّك يا اخطل الذرعاني واما الجزائر ما تجي مع ذولا=لازم قصيده بـ أعذب الالحاني لـ اهل العروبه والعروبه دايم=ترتيبهم الاول ما هو بالثاني ليا خذينا الكأس بنغنيها=ونقول : يا دانه يا دانه داني ![/poem] |
اقتباس:
عز الله ما هيب على القاف < على قول شفق والددسن لا تكون بتاعة الرآقل اللي باع الفرت صح بدنك وبانتظار عودتك بالاجمل |
اقتباس:
الله الله اسمع يا بو عيضه وعجل علينآني < على القاف عز الله :) |
--> يشرب مياه نوفا :)
ابو نافع , عز الله العزيز أنك عبرت عن المونديال بطريقه شعريه محببه و جميله ألف صح الله لسانك , الحقيقه انك أمتعتني بهذا التفصيل المونديالي بايات :) |
حجز مدري كم ..
بس ..{ حجز |
| جميع الأوقات بتوقيت GMT +3. الساعة الآن 02:22 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية