مجاراتي لقصيدة الشاعر الكبير رشيد الزلامي
أسعد الله جميع اوقاتكم بكل خير هذه القصيدة مجاراة لقصيدة الشاعر الكبير رشيد الزلامي والتي أسندها على عدد من الشعراء ذكر أسمائهم في القصيدة ولإعجابي بقصيدة الشاعر أبو جميل ولمعانيها الجميلة جاريتها بهذه القصيدة !! أرجو أن تنال اعجابكم ... يابن بديَع وقفت بي علـى الشـاط..............الموج عالـي والسباحـه مخيفـه تعبت ماباقـي مـن الجهـد قيـراط .............. دفيتها لين ابركـت فـي النصيفـه في رحلـةِ مابيـن تمـوز وشبـاط ..............عنوانها واضـح بصـدر الصحيفـه راحت سدى باسباب تفريط وافـراط ..............واستنزفـت دم القلـوب النظيـفـه لوكنت من شيد حضـارات الانبـاط ..............فوق الجبـال الشامخـات المنيفـه ولو كنت بالحكمه منافس لسقـراط ..............باح الكـلام , وصدرتبـي امعيفـه طال الزمان وجرح الايـام ماخـاط ..............ينـزف وعيـا لايوقـف نزيـفـه فقدت وقفات السـدارى هـل الغـاط .............. اهل المواقـف والنوايـا الشريفـه الياطرى لي شخص ابوزيد , تنساط ..............كبـدي ,,وقلبـي مايهـود رجيفـه وقدام يدخل خاطري يـاس واحبـاط ..............او يقتحمنـي سيـل وادي حنيفـه افزع وناد الهاجري وابـن شلحـاط ..............ومدغم وابن قضعان وايضا ابن ريفه ولابد لـك بمحمـد الذيـب تحتـاط ..............يكفيك عن عنتـر ورمحـه وسيفـه انا بذلت الجهد فـي كـل الاوسـاط ..............لكـن دنيـا خاتمتـهـا ضعيـفـه ماتصفي الا مـع منافـق وخـراط ..............ومعـوقِ باقـي لـجـده خليـفـه رزقه حـرام ولايجـي غيـر نقـاط ..............وغير النذالـه مالقـى لـه وظيفـه يجعل يلقطهـم مـن القـاع لقـاط ..............ومن الغضب تنـزل عليهـم قذيفـه تضرب جماجم روسهم ضرب مخباط ..............لين الوليـف يقـوم يلعـن وليفـه المجاراة سمعـت قـافٍ للزلامـي علـى آط..............قصيـدة تاطـا السهـل والحتيفـه عملية دارت علـى سعبـه اشـواط..............وكلن تلـوى فـي خطـام العسيفـه غنا وحـدد لـه مواضيـع وابنـاط..............ولا شفت لكبـار الشواعيـر شيفـه فقدت لي مطران وحروب وسـواط..............وباقي عتيبة مـا حواهـم ارشيفـه ولاني بمكلوفـن بتعديـل الاغـلاط..............ولا في المطيـه خرجهـا والسفيفـه حنا لنا في مجلس العـرف مقـلاط..............وانظارنا مـا هيـب والله قصيفـه نويت اوضح جمله حـروف ونقـاط..............ورمي الهدف يحتـاج يمنـاً ذريفـه ايامنـا قامـت تخـبـط تخـبـاط..............ودوراتهـا بعـض الليالـي عنيفـه رشيـد دارتبـه سريعـات ونشـاط..............اقفى ربيع العمـر واقبـل خريفـه شاعر وامير ولابسن تـاج وانـواط..............مقدام ربعـه فـي الامـور الكليفـه امسى يدير الفكـر والبـرق شعـاط..............امشوقـه بـرق الجنـوب برفيفـه شاف الربيع اللي على دار الاسبـاط..............وقالوا لـه ان الـدار دايـم مريفـه وفزع وفي مخباه عشريـن مغـاط..............يبـا يجيـب الفايـده فـي النكيفـه ومـن الذهـب وده يلمـه بملقـاط..............والاّ يحصل مـن عشاهـم غريفـه وأرض الكنانه شعبها نصفه اقبـاط..............كبار البطون أهل العقول الصخيفـه كذب ونفاق ومدت يديـن واهيـاط..............وطقوسهم وسـط الكنيسـه خفيفـه تنزيل روس ونار فانـوس وشيـاط..............واطيبهـم اللـي مـا يعلـم حليفـه وليا انتهوا ساحوا مع الارض هباط..............كلـن يدورلـه عـرب تستضيفـه ولو في بلاد الفرس للجـرح خيـاط..............شافت عيـون الـى عيونـه كفيفـه والاّ انت يابو زيد بالطيب منحـاط..............رجل عفيف ومـن رجـالٍ عفيفـه شربك من الزيمه وزادك من رهاط..............ورزق البحر للي سكن فوق سيفـه وان كان شفت الروس وصلت للاباط..............ممـات عـز ولا حيـاةٍ كسيـفـه وسلمتووو |
،’
عبدالله صح لسانك ، مجاراة قمة لـ قصيدة شاعر قي القمة شلمت وسلم لنا حضورك المشرف , تح ـياتي |
صح لسانك ياعبدالله شاعر قدير ومجاراة شاعر علم لاهنتوا
|
عبدالله مقبل
انت شاعر قوي ولك رمزيه قويه وصح السانك ولسان الزلامي |
صح لسانك يا محمد مقبل
قصيده جزله الى ابعد درجه |
الله الله الله روعه
قصيدة الزلامي على قافيه مميزه وبحر مميز وقويه كما عدنا منه ومجاراتك قويه وهادفه صح لسانك على مجاراتك القويه وصح لسان الشاعر الكبير رشيد الزلامي |
عبدالله
صح لسانك وبيض الله وجهك مجاراة على المستوى تحياتي , |
الله الله
سلام الله عليك يا بومقبل وصح لسانك مدد |
شربك من الزيمه وزادك من رهاط..............ورزق البحر للي سكن فوق سيفـه
وان كان شفت الروس وصلت للاباط..............ممـات عـز ولا حيـاةٍ كسيـفـه ياسلام عليك باللهجه العامية قصيده (ترعب القلب) |
صح لسانك مدد والله ولاهنت
|
الله الله
صح اللسانك يابن مقبل على القصيدة الجزله بالحيل :) |
صح لسانك ياعبدالله
شاعر مبدع مجاراه قويه لقصيده قويه لشاعر علم |
فقدت لي مطران وحروب وسـواط..............وباقي عتيبة مـا حواهـم ارشيفـه
ولاني بمكلوفـن بتعديـل الاغـلاط..............ولا في المطيـه خرجهـا والسفيفـه ^ ^ ^ شربك من الزيمه وزادك من رهاط..............ورزق البحر للي سكن فوق سيفـه وان كان شفت الروس وصلت للاباط..............ممـات عـز ولا حيـاةٍ كسيـفـه ^ ^ ^ ابو عبدالرحمن صح السانك مدد بلا عدد وفيت وكفيت هذا الشعر والا بلاشي لله درك |
غنا وحـدد لـه مواضيـع وابنـاط..............ولا شفت لكبـار الشواعيـر شيفـه
ايوالله مالهم شيفه السن له دور. حنا لنا في مجلس العـرف مقـلاط..............وانظارنا مـا هيـب والله قصيفـه صدقت في هالكلام شاف الربيع اللي على دار الاسبـاط..............وقالوا لـه ان الـدار دايـم مريفـه وفزع وفي مخباه عشريـن مغـاط..............يبـا يجيـب الفايـده فـي النكيفـه ومـن الذهـب وده يلمـه بملقـاط..............والاّ يحصل مـن عشاهـم غريفـه تبا هذا قصده مشكله. وأرض الكنانه شعبها نصفه اقبـاط..............كبار البطون أهل العقول الصخيفـه كذب ونفاق ومدت يديـن واهيـاط..............وطقوسهم وسـط الكنيسـه خفيفـه تنزيل روس ونار فانـوس وشيـاط..............واطيبهـم اللـي مـا يعلـم حليفـه وليا انتهوا ساحوا مع الارض هباط..............كلـن يدورلـه عـرب تستضيفـه يالله اني دخيلك . عبدالله مقبل صح لسانك على القصيده الجزله شاعر متمكن واجدت في كل ماذهبت اليه. دمت بخير |
اقتباس:
الاخ والشاعر فهد الزعبي مروركـــ أسعدني أخي العزيز وصح بدنكـــ ولا عليكـــ زود تحياتي لكــــ ... |
صح الله السان رشيد والسانك ياعبدالله
مجاراه في غاية الروعة دمت كما تحب |
ابوعبدالرحمن
لاخليت منك يالعزوه اسقاطات رمزيه تحتمل ماتؤل اليه لكن شاعر بقامتك نثر اللؤلؤ وترك للغير جمعه احسنت شاعرنا ولاخليت منك النااااايف |
محمد مقبل
انت شاعر وبواردي من الدرجه الاولى اشهد بالله انك جبتها ع الجرح كلامك صحيح ميه بالميه وعرفت شلون تدخل بالصميم صح لسانك ليت الزلامي يسمعها بس |
اقتباس:
صح بدنكـــــ يالذيب ولاعليكــــ زود كل التقدير على المرور الجميل لا عدمتكــــ |
عبدالله مقبل صح لسانك مليون
مجاراة جميلة مغلفة باالرمزية اللي تروع لكن الماء مايغطية النثيل ياابو عبدالرحمن كفيت وفيت ولاقصرت بيض الله وجهك مليون لااملك الا ان اقول بيض الله وجه مهندس هاالمولعة تقبل تحيات اخوك |
الله يبيض وجهك يا عبدالله على هالقصيدة
عزالله انك حطيت النقط فوق الحروف والحقيقه انا مبطي عن المنتدى ومريت اتصفح وقريت قصيدتك وقلت تستاهل الاشاده شاعر نفتخر بك وتنومس لله درك وتقبل تحياتي |
وفزع وفي مخباه عشريـن مغـاط
يبـا يجيـب الفايـده فـي النكيفـه الله الله ياسلام صح لسانك يابو مقبل |
اقتباس:
تشرفت بمروركـــ العذب أخوي غازي ولا عليكـــ زود لا عدمتكـــــ .. |
عبدالله مقبل
ماشاء الله أبدعت وصح لسانك مدد مجاراه قويه لقصيدة شاعر علم تقبل مني كل الاعجاب |
اقتباس:
صح بدنكــ أخوي صالح العضياني !!!!!!!! تشرفت بمروركــ العذب لاعدمتكـــ .. |
| جميع الأوقات بتوقيت GMT +3. الساعة الآن 05:54 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية