كـــُــش مــــلك !
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أدري إن الجو كله فيه غيم = غيمه يوقــّف دوران الفلك بس مهما صار ذعذع يا نسيم = كم نهار أشرق وكم ليلٍ حلك الخـُطا على الطريق المستقيم = والعطا من حُـر مال وممتلك الرجال أصلاً هم أولاد الحريم = ماحسبت اللي نجا واللي هلك الجديد أن كان هو ضد القديم = قلت يا يـوم المصايب والعَلَك إعتزال الناس نوع من الجحيم = من نـواه أما وقف والاّ سلك أما أنا قررت وإفهم يافهيم = أعتزل والجـد لي ماهو بإلـــك ! ركنـي الهادي تخيرته نـديم = قلت له ويش العمل؟ قال عْملـك قلت له من قاتل العقل السليم = قال شيً لو تغافلك قــْتلك المهم يالركن زبدة سين جيم = قل لمن هو سار صوبك وإسألك البـدايه كل نقــله في الصميم = والنهـايه رح وراك وكـُش ملك !! [/poem] |
إعتزال الناس نوع من الجحيـم
من نواه أما وقـف والاّ سلـك الله يكفينا شر الجحيم يا بو يحي :) متابعه دائمه يا قيصر وأبحر :woow55: |
,
تسجيل حضور ومتابع بإذن الله . . . :wardah::wardah::wardah: , |
أرررررحب ياعايض وأررررحب يانادر والف شكر على المتابعه وجايكمممممممم
|
جذبتني القصيده
لاكون من متابعينك موفق يالاحمري .. |
مرحبا ومسهلا يا سعد ومتابعتك تشرفني طال عمرك ووفقك الله
|
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إستوي يالمعاني وإستوي يالحروف = الله أكبر وصلينا صلاة البيان الصلاه مْعروفه والإمام معروف = ليه أعرّف فلان وليه أعلّم فلان وليه أعدّ الجلوس وليه أعد الوقوف = وليه أطمّن رفاع وليه أرفـّع طمان ماحسبت السمان ولا حسبت الضعوف = يا حليل الضعوف ويا حليل السمان قبل أزور المبرز والخبر والهفوف = قد تعلّمت كيف ألعب بساحر عمان أترك الخلق للبر الرحيم الرؤوف = خايفٍ من مقام الله ولي جنتـان البحور إتلاطم والهبايب تلوف = والمطالب كثيره والله المستعان كل عذرا تقول إنـْها عديمة وصوف = بس وش لي على هرج السعه من ضمان بين حسب الشفوف وبين عكس الشفوف = الهوى هب شرق وميّل الخيزران إختلاف المجالس وإختلاف الضيوف = نعمةٍ في طرف نقمه ومازان زان يمكن المجلس اللي كان دوم محفوف = يصبح اليوم كنــّه معرض ومهرجان القرب والمساحي فيه جنب السيوف = والسواره ذهب والمسبحه كهرمان كلما جيت بأتجاوز جميع الظروف = قام ظرف المكان يسوق ظرف الزمان! أول الوقت أمان وتالي الوقت خوف = ولا على الوقت خوف ولا من الوقت أمان راحت البكْر بكر وجات قد هي نصوف = وراحت العشر عشر وجات قد هي ثمان! [/poem] |
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل عـامٍ وأنت طيب ياركني الهادي = وكل عامٍ وأنتو بخير يازوّاره [/poem] :wardah: |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تستأمر الثيــّب وتستأذن البكر = سنة محمد لكن أمة محمد : تخالفو في القول والفعل والفكر = وراحو ضحيّه للدجاج المجمد [/poem] |
منكـم نستفيد !
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا هل الطايف عليكم تحيات وسلام = من هجوس الشاعر اللي يفيد ويستفيد والدواعي كلبوها محبه وإحترام = والتواصل حق لو بالهواتف والبريد يا عساكم كلبوكم على أحسن مايرام = في النعيم وفي السعاده وفي العيش الرغيد أنتو أنتو عندنا غير عن كل الأنام = وأنتو أنتو قدركم عندنا دايم يزيد وأنتو أنتو درع جنب وذرى راس وحزام = وأنتو أنتو راس مال وغنى حال ورصيد لأجلكم هليت الأبيات من عذب الكلام = الجديد أن قالو الناس لي ويش الجديد فيكم أبيات القصايد تباهى يالحشام = والقصيد أن قيل في غيركم ماهو قصيد والسوالف مع هل العرف والناس الكرام = غايه ومكسب ونوماس للشاعر وفيد وأنت يا هاجد نديبي إلى عالي المقام = عمك وعمي وعم القريــّب والبعيد رح لأبو مانع رجاءً يبو حاتم قوام = حب لي خشمه عسى عمرك وعمره مديد بلغه سلامي عداد من صلى وصام = والسلام الفال وعقاله الهرج الوكيد قل لأبو مانع يقود المطيه بالخطام = والبعير يقيّده لا يروح بدون قيد لا يطالع في المقاريد وعيال الحرام = ولا يلد العين صوب الموسوس والبليد ولا يعير مبهرجين الهروج أي إهتمام = ندري إن البهرجه للحريم وللعبيد وندري إن الشيخ أبو مانع إليا قام قام = يقدم ويدحم بجنبه وياخذ مايريد كل وقفاته تجمل وعداه الملام = وقفته بالحال والمال والراي السديد أشهد إنه قد كل المهمات الجسام = وأشهد إنه مايفل الحديد الا الحديد وأشهد إنه صقر ستـل جناحينه وحام = وأشقر الجنحان غير السمينه مايصيد وأشهد إنه بنك طيبً وذو ساسً تمام = وأشهد إنه قلب ذيبً وذو بأسً شديد والله إن البيض ترفع له بكل إنتظام = والجمايل كلها له وياهل من مزيد قلت كلمة حق تمضي مثل حد الحسام = والقوافي لو تعاند فأنا راسي عنيد والسلام أطيب بداية نبا وأطيب ختام = إقبلوها وإعذروني ومنكم نستفيد ! [/poem] |
1 جـرام !
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا نديبي فوق جيبً ماهو بأيات جيب = أفخم أفخم جيب من صنعة عيال الحرام لا يهمك كل كبري وتحويله وبيب = أنت سايق محترف من زمن عادك غلام شد حيلك وإنطلق قبل شمس الله تغيب = خطك معبّد ولو صادفك بعض الزحام هشـهم بالنور وإضرب عليهم بيب بيب = أنت مندوبي ولاهو يقيّدك النظام أدخل الدمام وإحفظ بقايا الوصف غيب = وجهتك سبعه وثلاثين وأوضاعك تمام فيه تلقى المجلس الشرح والصدر الرحيب = فالك الفنجال الأشقر ويقفاه الطعام في ضيافة من يسهّل لك الأمر الصعيب = مقصد الخطّار والنور جلاّي الظلام الرفيق الكفو وأكبر شرف صار النسيب = طايل الطالات نسل الرجاجيل الكرام هاك هاك عبارته مايداني جيب جيب = في مسا في صبح في صفو جو وفي عسام أبك هذا اللي يسمون طيب وقلب ذيب = وأي دربً تسكه معْه تلقى لك حزام راح للديره ومسكو العرب خط الركيب = كنـّهم حجاج وجهتهم البيت الحرام ولو نزل بشعيب راحو النشامى للشعيب = وأن توجّه شام راحو وساع العرف شام يا علي يا عم يا شيخ يا الراس الصليب = يا بعيد الشوح يالصيرمي عالي المقام يا علي يا عم يا شيخ يالوجه المهيب = إيه يا عد الروى وإيه يا حد الحسام يا علي يا عم يا شيخ يالفذ الأديب = كلبو الألقاب صفت وصار إسمك إمام ! أنت راع الأوله من بعيد ومن قريب = وأنت خيّال العبيّه وفكاك الجهام تدحم جنوب الرجاجيل وترد الذهيب = وتكسب الطاله وعلمك على الطاله شمام تسمح المخطي وتثني على الرجل المصيب = وتاخذ وتعطي وتقبل وعداك الملام يوم أسولف بك على راعي الجرح العطيب = ينبلج والجرح يبرى ويروون الحيام كن ماغيرك لتكفى بذا الدنيا مجيب = من نصاك وصاح بك قمت له والحظ قام والدليل وخير شاهد أنا من دون ريب = ما يشلّ أطرف جمايلك تسع إمية سنام من معاريفك وش آرد يالشهم العريب = لأجل أرد أصغر معاريفك أحتاج ألف عام وأدري إنك من فضل ربك البر الرقيب = ما تدوّر ردها والجمايل ما تسام أنت تفعلها مع أقرب بشر وأبعد غريب = جعلها لك في سعاده ودام العز دام وجعل ظنك فيّ لا جا لزومك ما يخيب = وجعلني لا رحت أجيب المطيه بالخطام القصيده فيك ما حيّرت فكر اللبيب = يسرد أفعالك وتطلع قصيده ياســلام من سكت عن كلمة الحق جعله في اللهيب = هافي وشيطان وأخرس وملعون وخمام للحراج محرّجينه وللمنبر خطيب = للورى در يا منافق ويا صادق أمام ودامني مومن ولي مع هل العليا نصيب = والله إن آميط عن كلمة الحق اللثام إنتبه ياعمّ والذيب ماهو في القليب = بين سكان العماير وسكان الخيام النقا ماهو سوالف تصيب أو ما تصيب = نـوّم الصاحين شف عكسها صح النيام! مامدحتك مدح صوّاغة الهرج الرهيب = بس صارحتك بما فيك مافيها خصام عمي وصارحتك بطيبك وباقي العجيب = بأذكر إن لك عيب ماعاد في الدعوى عمام أنت عيبك عيب والعيب ماهو بأي عيب = والعرب يدرون واللي يقول إش ذا الكلام قلت عيبك ماخذ الطيب كله طيب طيب = ما تركت لباقي الناس لو واحد جــرام ! [/poem] |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مبروك ما حصلت من زود يا صبيح = فكرك سليم وجا القرار إحترازي فعلك ومجهودك وطيبك مفاتيح = تفتح لك البيبان وإبليس خازي أفلحت وربوعك قرومً مفاليح = فوق الثرى والروس فوق الجوازي قالو بني مرّه وقلت الطحاطيح = في سلم والا في حروب ومغازي مثل الجبال يهبها عاتي الريح = تبقى رواسي مايجيها إهتزازي وأنا أشهد إنك رجم لايمكن تطيح = لو حاولو الرديان وأهل المخازي حققت مطلوبك بدون أي تجريح = طمرة حصان بكل الأشواط فازي هذا كلام الحق والحق تصريح = ماهو الكلام المعنوي والمجازي وأهل الكبود اللي تلاعب بها القيح = مابين ذا ضدي وذاك إنتهازي إصهل يبو سالم وكب المجاريح = في جحرهم يستقبلون التعازي ولا تعاين في وجيه المشافيح = ربع التهازي فالهم في التهازي للمجد بوابه وتبغى تصاريح = وفعلك يصرّح لك بدون إنحيازي تستاهل ومبروك مبروك ياصبيح = مبروك من قلبي وعقبال غازي! [/poem] |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا فهيد الرنج سبب لي مشاكل = والبلا حبه على طول يتـنامى هيكله غطّى على كل الهياكل = والمواتر كنــّها جنبه يتـامى صانعه يافهيد وش يشرب وياكل = شاربه منتوف وعيونه توامى القضيه لو هي أخشاب ونياكل = قلت لك ياما يبو سلطان ياما مير قدام السواليف إتواكل = لا تناظر في الجحلـّط والنشامى سجّل البي إم من ضمن السياكل = وسجّل اللكزس بعد والبانوراما! [/poem] |
سلامي واحترامي ومتابعتي ياقيصر
سجل حضوري الدائم في (كـــُــش مــــلك !) واسلم وسلم |
اقتباس:
الله لا يهينك وعساني عند حسن الظن |
يالبى الركن وراعيه
:) |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
:mad: يا بو سعيد المشكله مالها حل = المشكله عندي صعوبة مزاجي هذيك في الوادي وهذي على التل = وهذيك عاجيّه وفي برج عاجي تخالفت الألوان في قطعة الزل = والسوق كله مايناسب خراجي الدانيه راحت سوالف خذ وْخل = والنايده لاحت وشدت حجاجي للسيف حد وكل خوفي إلى كل = وأصبحت لاطايح ولاني بناجي وأن قلت عزمك قل بآقول ماقل = لو قل عزمي ماشرحت إنزعاجي لكن أنا لاجي وأدور على حل = لاجي سياسي ماني أيات لاجي ! [/poem] |
اقتباس:
|
الله الله ياناصرك :)
ابو يحيى ، المبدعون امثالك متابعتهم عن كثب واجب قريحي سعدت كثيراً بتواجدك في الركن الهادئ ياأخ العرب دم تا / بخير |
^
^ فيصل السواط يالك من احمق :( ابو يحي لاتهاوشت انا وابو ريما لاتفرقنا رجاءً :) |
اقتباس:
أرررررررحب يبو عبدالله والله يزيدك سعاده ومتابعتك تهمني كثير كثير وفقك الله |
اقتباس:
لا أبد خذووووو راحتكم شعار الركن : تهاوشو وأبشرو بالمشاعيب :icon31: |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الهجوس اللي من أصفى الموارد ناهله = تعرف الموضوع كله ولاهي جاهله جمليني يا هجوسي مع محمد سعد = وأنتي اللي في قضا لازمي متزاهله يوم حدتني عن مواجهه بعض الظروف = كلبوها مسرعه ماهي بمتماهله يامحمد دربي اللي سريت البارحه = صعب في تاليه والاّ أوله متساهله عاهل أية شعب لو كان مثلي سار فيه = قلت هذا الشعب ماهو يجمّل عاهله! تهادر فيه يبو سعد سحم الركاب = والمهار الشقر فيه إتهادر صاهله وأبن عمك صار بين المطايا والخيول = حد عين وعين مما تشوفه ذاهله أبن عمك ماتشكوى من الحمل الثقيل = بس عذره منك حملً بيكسر كاهله فالمعذره يارفيقٍ له الغالي رخيص = والله إن الوجه له مثل ما إن الجاه له مثل ماقال المقوّل عسى الله يرحمه = لحيةٍ ماتقبل العذر ما تستاهله !! [/poem] |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سياسة قرنتي الهرج سيده بلا تقديم = تعمدتها يوم الحكا صار متشابه على طول دون مقدماتٍ وسين وجيم = تخلي مضامين السواليف منسابه على ذا الأساس يجيك يالشيخي التعميم = وشاعر وميدانه وشيخٍ ومحرابه يامفتي شبابه حكم حلق اللحا التحريم = وذي مابها نشدة مطوّع فلا تابَه مع إنك ضليعً في الشريعه وفي التعليم = فلا بأنشدك عن حكم يمكنـّي أدرى به أنا حالمٍ لي حلم مايقبل الترهيم = بدى بي من الصحرا وفزيت في الغابه حلمت إني ألقى مضيم وأذبح عوال مضيم = على شان أفوز بخيل ذا العود وركابه ولا بقـي منهم كود واحد وضيمه ضيم = وما جات به يمناه حطه تحت نابه رميت ورمى وآنا فهيمٍ وهوّ فـْهيم = تركنا السلاح وقال جابه وأنا جابه فهو قال ملح وصلح ومذكرة ترسيم = وأنا آقول تمر وجمر هرجٍ بلا كتابه وقفـّى وأنا قفيت والجو فيه الغيم = وهو حاسب حسابي وأنا حاسب حسابه كذا الحلم خلــّص لا مهانه ولا تكريم = ولافيه للتفسير من نطرق أبوابه ياكود أنت يا إبراهيم شدّاد والاّ مقيم = تجيب الخبر وتعصّب الراس بعصابه طلبتك تقدّم فسّر الحلم يا إبراهيم = ونظرات عينك صادقه غير كذابه ترى إبهام كفك لو سحبناه للتبصيم = ماْ ينفعك لو عندك ثمانين سبابه! [/poem] |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
السنين مداوله والشقي عكس السعيد = والحياه مزاوله والعمل يبغى حماس ماضي الأيام قانونها الطارف سديد = وحاضر الأيام حسب إختبارات القياس يا سعد تالي زمنــّا نتاجر في الحديد = وأن تحسّن وضعنا شوي رحنا للنحاس المهم ياسيف حمزه وسيف أبن الوليد = أعطني رايك ترى الكهربه فيها إلتماس [/poem] (jar- |
| جميع الأوقات بتوقيت GMT +3. الساعة الآن 07:06 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية