منتديات المرقاب الأدبية - أنا عتيبي عريب الجد والخالي ....لبديوي الوقداني

من الارشيف ...

أخترت لكم هذه القصيده ...للاديب والشاعر بديوي الوقداني العتيبي

العذر والسموحه على التقصير...مثلكم يعذر لو حصل بعض الاخطاء

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أيامنــا والليالــي كــم نعاتبهـا= شبنـا وشابت وعفنـا بعض الأحوالـي
تاعد مواعيــد والجاهـل مكذبهـا= واللي عرف حدهـا من همهـا سالـي
إن أقبلـت يوم ما تصفـى مشاربهـا= تقفـي وتقبـل وما دامـت على حالي
في كــل يوم تورينـا عجايبهـا= واليوم الأول تراه احسـن من التالـي
أيـام فـي غلبهـا وايـام نغلبهـا= وايام فيهـا ســوا والدهـر ميالـي
جربت الأيام مثلـي من يجربهـا= تجريب عاقل وذاق المــر والحالـي
نضحك مع الناس والدنيا نلاعبـها= نمشي مع الفي طوعٍٍ حيـث ما مالـي
كم من علومٍ وكــم آدآب نكسبهــا= والشعر مازون مثقــالٍ بمثقالــي
اعرف حروف الهجاء بالرمز واكتبها= عاقل ومجنون حاوى كـل الأشكالي
لكن حظــي ردي والروح متعبهـا= ما فادني حسن تاديبي مـع أمثالـي
إن جيت ابي حاجـةٍ عزت مطالبها= العفو من واحدٍ فــي الناس يا والي
قومٍ الـى جيتهـم رفـت شواربهـا= بالضحك واقلوبها فيها الردا كالـي
وقومٍ الى جيتها صكـت حواجبهـا= وابدت لي البغض في مقفاي واقبالي
ما كنــي إلا فيها حــال مغضبهــا= والكل في عشرتـه ماكر ودجالـي
يا حيف تخفي أموراً كنت حاسبهـا= واللي على بالهـم كلـه على بالـي
الجار جافـي وكـم قومٍ محاربهـا= والأهل وأصحابنا والدون والعالــي
والنفس وش عذرها في ترك واجبها= راح الحسب والنسب في جمع الأموالي
نفسي تبى العز والحاجات تغصبهـا= ترمي بها بيـن أجاويـد وانذالــي
المال يحــي رجالاً لا حيـاة ابها= كالسيل يحي الهشيـم الدمدم البالــي
عفت المنازل وروحـي يوم اجنبها= منها غنيمـه وعنها البعـد أولا لـي
لا خير في ديرةٍ يشقـى العزيز ابها= يمشي مع الناس في هـمٍ وإذلالـي
دارٍ بها الخــوف دومٍ ما يغايبهـا= والجوع فيها ومعها بعض الاحوالي
جوعى سراحينها شبعـى ثعالبهـا= الكلـب والهـر يقـدم كل ريبالـي
عز الفتى راس ماله من مكاسبهـا= يا مرتضي الهون لا عزٍّ ولا مالي
دللت بالروح لين ارخصت جانبهـا= وانا عتيبي عريب الجـد والخالـي
قومٍ تدوس الافاعـي مع عقاربهـا= وإلها عزايم تهــد الشامـخ العالـي
خل المنازل وقل للبيــن يندبهــا= يبكي عليها بدمـع العيـن هطالـي
لا تعمـر الدار والقالات تخربهــا= بيع الردي بالخساره واشتر الغالـي
ما ضاقت الأرض وانسدت مذاهبها= فيها السعــه والمراجــل والتفتالِي
دارٍ بدار وجيــرانٍ نقاربهــا= وارضٍ بأرض وأطلالٍ بأطلالـي
والناس اجانيب لين إنك تصاحبهـا= تكون منهــم كما قالوا بالأمثالـي
الارض لله نمشــي فـي مناكبهـا= والله قدّر لنـا أرزاق وآجالـــي
حث المطايـا وشرِّقهـا وغرِّبهــا= واقطع بها كل فـجٍّ دارسٍ خالــي
واطعن انحور الفيافـي في ترايبهـا= وابعد عن الهم تمسي خالي البالـي
من كل عمليـةٍ تقطــع براكبهـا= فدافد البيــد درهـامٍ وزرفالــي
تبعدك عـن دار قـومٍ ودار تقربها= واختر لنفسـك للمنزال منزالــي
لو مـتّ فـي ديرةٍ قفراً جوانبهــا= فيها لوطـيّ السباع الغبس مدهالي
اخير مـن ديرةٍ يجفـاك صاحبهـا= كم ذا الجفا والتجافـي والتعلالـي
دوس المخاطر ولا تخشى عواقبهـا= الموت واحد وبعد العـز يجلالـي
ان المنايــا إذا مـدت مخالبهــا= تدركك لو كنت في جو السما العالي
ما قرت الأسد في عالـي مراقبهـا= تسعى على الرزق ما حنت للاشبالي
والشمس في برجها والغيـم يحجبها= تقفي وتقبـل لها في العرش مجداليِ
رب السماوات يا محصي كواكبهـا= يا مجري السفن في لجات الأهوالي
ضاقت بنا الأرض واشتبت شبايبهـا= والغيث محبوس يا معبـود يا والي
يا الله من مزنــةٍ هبـت هبايبهـا= رعّادها بات له في البحر زلزالي
ريح العوالي من المنشـا تجاذبهـا= جذب الدلى من جباء مطوية الجالي
ديمومةٍ سبّلـت وأرخت ذوايبهــا= وانهل منها غزير الوبـل همالـي
تسقي ديارٍ شديد الوقـت حاربهـا= ما عاد فيها لبعض الناس منزالـي
يا جاهل اسمـع تماثيـلٍ مرتبهـا= فيها معاني جميـع القيل والقالـي
مثـل المحابيـب زادت في قوالبها= في صرفها زايده عن قرش واريالي
يا رب توبه وروحي لا تعذبهــا= يوم القيامه إذا ما ضاقت اعمالـي
وازكى صلاةٍ على المختار نوهبها= شفيعنا يوم حشرٍ فيه الأهوالــي [/POEM]
بديوي الوقداني