وين مرزوق الروقي
اخوي الغالي/مرزوق الروقي استلم لاهنت مرزوق ناويني بحرب(ن)طاحنه والله يعين= لكن ببدا بالحرايب قبل لايبدا بها اباافتل القيفان واسمعني ودقق يافطين=انته ضربت بحدها وإلا كفاك إنصابها |
اخوي فارس يعلم الله بلي نويته والي صار والكن استلم والتفاصيل وسوف
تاصلك فالرسائل نشالله مرزوق يالطيب نواك بطيب يبن الطيبين -------------------------------واليا بديت بحرب شب النار ياشبابها لنا ورود وصدر يافارس على علم ويقين ----------------------------واقت الملاقا والقا نعرف لضرب حرابها مرزوق الروقي |
هلا يامرزوق
لاتبرر النيه مكشوفه دام عزك. مرزوق يوم إنه غزاني صارعنده نيتين=الأوله خبر بهاوالثانيه ماجابها. حناعلى جنبه بصكات النوايب والسنين=صكاتنا فالمعرك شر الملا يبلا بها. |
استلم طال عمرك
مرزوق وجهلك بعذره يالحبــيب رسالتين -----------------------يحسب حسابك كان مانت بحاسبٍ لحسابها مافيه شك انته على جمبي وناحصنٍ حصين --------------------------لياـــصعبت الدعوى ثنينا دونكم لصعابها |
الله الله الله
معركه حامية الوطيس بين فارس و مرزوق. و المنتصر في الاخير نحن معشر الجماهير. تحياتي لكم اخوكم شفق السريع |
اخي الغالي/شفق السريع
لاهنت ياابومهنا على المتابعة الكريمة التي تزيد الحماس وترفع الراس. |
اخوي الحبيب /مرزوق
استلم لاعدمتك مادام زانت نيتك وارسلت لي عذر(ن)سمين ---------------------------------الله يبيحك والشيم عندي وسيع(ن)بابها انته عوايدك الوفاء وانا على راسك ضمين ---------------------------------وانايزود بي الفخر في لحيتي واشنابها |
الله عليك يا فارس الله عليك
انته عوايدك الوفاء وانا على راسك ضمين ---------------------------------وانايزود بي الفخر في لحيتي واشنابها يا مال الشحم والله يا ابو مقبل |
اخي فارس اسعدالله وقاتك اسف على التاخير0
كان يوم امس عندي مشوار ولاجيت الاليوم وستلم الله يطول عمرك0 انا دوامٍ نيتي زينه عــــسى فالك يزين ---------------وسر السوالف غير زيد وعمر لايدرابها وانته ونعمٍ فيك اخوي ودايمٍ فعلك ثمين ------------------وراسي رفيع وقمةٍ عليا ماحد يرقابها |
أخوي الغالي
شفق دام عزك والله ياأبو مهنا وتستاهل الشحم |
أخوي
مرزوق الله يحييك وليا منك جيت ما كنك أبطيت أستلم لاهنت أنته معي وأنا معك دايم مع الدرب اليمين =========================لاتستمع فأهل الحسد وأسفه نبيح كلابها السر فالصندوق والصندوق له حارس وأمين =======================وأهل الحسد لو تقربه تبي تطير أرقابها |
يامرحبا والله بفارس ترحيبة المطر
تراي يمكن اتحيرشوي حيث اليله عندنا مناسبه ولادري متى نخلص واستلم يالغالي ياحي هذالقول قولٍ يشرح الصدر الحزين --------------------------------------واهل الحسد ماني بمن يـحسبلها واكذابها حنا على عهد الوفاء ورثٍ لهلـــنا الاولين ---------------------------------------ونرد روس اهل الحسد ياصـــاحبي لذنابها |
أخوي /مرزوق
آسف على التأخير أستلم طال عمرك0 مرزوق أنا جيتك بعد مدة بعد زاد الحنين ============================للصاحب اللي كلمته مثل الذهب لا جابها سافرت لي طرقة وشفت الناس فيها ميتين =============================وعودت للحيين والموتى ردمت ترابها |
استلم يافارس لاهنت
بمناسبة عودتك من طرقتك ياعبد المـعين ----------------------حييت يالصاحب مع الاصــــحاب في مرقابها انته من الحيين يافا رس وموتى المـــسلمين ----------------------واشلك بذكر اعلوم متوى الناس وش تبغابها |
فارس ومرزوق...
بيض الله وجيهكم... محاورة رائعة وشعار كبار واصلوا ..........المتابعة مستمرة |
معيض العتيبي
لاهنت مرورك كريم ومتابعتك تشرفنا وشهادتك نعتز بها. |
مرزوق استلم ياغالي.
انا من الحيين وافهم واستمع لي يارزين =========================حاضر بحاضر ماقفيت الناس وقت إغيابها. مرزوق به موتى ولو هم ياابن عمي عايشين ================================حياتهم مثل الممات الله يزود اصوابها. |
الاخ معيض مرورك شرف لنا0
اهلا وسهلا بفارس 0 واسف على التاخير يالغالي واستلم0 اناتراني فاهمن ماني بظمن الجاهلـــين ----------------------------اعرف هدف نيتك ورسالتك ياكتابها قلتلك ثم قلتلك خل القوم اهل غزوة حنين --------------------------لعلــــها ياصاحبي فارس طعام ذيابها |
================ أخوي /مرزوق
يامرحبا وهلا ومعذور وأستلم لاعدمتك حاشاك من ضعف الفهم بالعرف سيد العارفين ===========================لوقلت لي بعّدعن الشجرة وفارق دابها قلت لك حصني والحصيني بالثعاله يستعين ===============================مير الفهود بتلتفت ويبين لك مضرابها |
استلم يافارس لاهنت 0 وتراني احارب على جبهتين بينك وبين مطرالروقي ولكن كلكم
والله والنعم ومنتكم فالشحم0 يافارس انابغاك تزرع خوخ وانا اعطيك تين -----------------------------------ونهاك عن راس جبله وانته تباترقابها خل الحصـــــيني والثعل مادامهم متصالحين ----------------------------------ولالفهود اطربلها وفعولها نــــشقابها |
أخوي الغالي /مرزوق الروقي
ما شاء الله عليك والله العظيم هذا واللي يحارب معي على الجبهة الثانيه الشاعر الكبير/ مطر الروقي وعجزت فيك وشلون لوأني لحالي . والله بكل فخر تشرفت باللعب معك وأستفدت كثيراً وهذا شرف لي ياأبن العم لاعدمتك أستاذنك بالتوقف ونصائحك محل التقدير والتنفيذ يابطل. أشكر جميع من تابعنا تحياتي. |
اخي وعزيزي الشاعر فارس العصيمي0
اسعدالله جميع اوقاتك0 اقوللك صح لسانك0 وتشرفنا بالعب معك وانته من الشعار الفاهمين اللتي يرتاح الواحد بالعب معاهم 0 والمعذره ياعزيزي اذا صار منا بعض النقص غير المقصود 0 ونشالله لنا لقاعلى الطيب0 لك تحياتي مرزوق الروقي |
| جميع الأوقات بتوقيت GMT +3. الساعة الآن 12:17 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية