لمن هذه الرائعة المعرضه للاختطاف
 

الاخوه الافاضل


السلام عليكم ورحمة الله وبركاته


هذه القصيده الشامخه اعرف ان شاعرها من كبار شعراء الخليج ولكن لمن؟
قراتها لاكثر من اسم وبا اكثر من منتدى يتخاطفونها اطفال النت
الذين لايفقهون بالشعر شيٍ ويدعونها لهم


كلي امل ان اجد الاجابه منكم اهل الشعر بمرقابنا الشامخ



[ALIGN=CENTER]خـلاص حنـا تشبعنـا
.......... واللـي خذينـاه يكفينـا

ماهي مثـل مـا توقعنـا
.......... ولا هي شبيهـة امانينـا

تمـر الايـام شارعـنـا
.......... لا راح معنـا ولا جينـا

ما عاد هالدرب ياسعنـا
.......... ولا عاد تقـدر خطاوينـا

ياوقت بالله وش معنى ؟
.......... تمر مـا تلتفـت فينـا!

اللي بقى لك تـرا معنـا
.......... هـم ٍ رصيـده يغطينـا

هالحين لا شـي يقنعنـا
.......... بعدين لا شـيء يغرينـا

وش عاد يعني تواضعنـا
.......... مـادام لا شـيء يعنينـا

في الصدر شي ٍ يمزعنا
.......... شـيٍ عجـز لا يهدينـا

وشي ٍ سكن في مدامعنـا
.......... وشي ٍ رحل في محانينـا

قّلـه تـرانـا توجعـنـا
.......... نغلـي وجعنـا ويغلينـا

وقّله ترا الموج يرفعنـا
............لكن بحرنا بلا مينـا !!!!

عن حب غيـره ترفعنـا
.......... وفي حب مثلـه تمادينـا

وقّله ترا الحب جمّعنـا
.......... يوم ٍ انه اعلـن تحدينـا

على الحب تدافعنـا
.......... حتـى وصلنـا وعليّنـا

كان الورق هو مرابعنـا
.......... صار الورق هو منافينـا

واللحظه اللـي تولعنـا
.......... هي نفسها اللـي تطفينـا

ياشاعر الوجـد سمعنـا
.......... وجد ٍ على البعد يطوينـا

هذا القلم بيـن اصابعنـا
.......... يرثي القصيـده ويرثينـا

لا عاد صوره ولا معنى
.......... عيـت علينـا قوافيـنـا

ريح ٍ ورا الباب تدفعنـا
.......... وصوت ٍ ورا الليل يدعينا

وبرد ٍ على الوجه يلسعنا
.......... ياريـح ياريـح هبيـنـا

جينـا نغطـي مواجعنـا
.......... صار الوجع هو يعرينـا

لعبه كبيـره بـلا معنـا
.......... في وجه الايـام ترمينـا

لا مـا جبرنـاه يتبعنـا
.......... ولاهـو بكيفـه يمشينـا

لا ما شرينـا ولا بعنـا
.......... اكبرمن اللي طمـع فينـا[/ALIGN]




لكم تحياتي / عبيد الرشيدي

والله اول مره اسمعها واقراها ياعبيد ,,


ولكن منا لمن يعرف صاحبها :)


لاهنت ياعبيد ,,


احيي فيك غيرتك :)


ارق التحايا



اخوووكم

شرحكم سرى يالنشاما

عبد ربه


يسعد مسااك بكل خير ومسره



والربع وش يقولون مااحد معلمنا ياالله دخلك



تحياتي

السلام عليكم

القصيدة لعلي القحطاني وماني متأكد بالحيل

وتحيااتي

لا هنت يا عبيد




والقصيده والله ماره علي لكن مدري من شاعرها




ويجيب الله اللي يعلمنا ان شاء الله




لك التحيه والاحتراااام

محمد السليس


لاعدمتك مرورك وحده يكفي لاعدمتك




تحياتي لك

محمد صالح العتيبي


علي والاناصر القطاني


المهم اننا نعرف صاحبها لنصفع به
ادعاْ من قال انا شاعرها بالافترى

ياخي العزيز ولايهونون الاخوه هنا

هذه الرائعة ادعا عدة اشخاص انها لهم
فحين قارنت شعرهم بها وجدت الفرق شاسع
بينهم وبينها وتاكدت انها لن يقولو مثلها
الين يموتون فحبيت البحث عن صاحبها
من اجل الدفاع عن القصيده الجميله وفضح
الانترنت ومستشعريه دون ان اكلف بالمهمه
والهدف الاول والاخير هو تقليل سرقات الانترنت
المنتشره بشكل مخجل

تحياتي لكم جميعاً

جعلك تبطي حي ياعبيد

واهتمامك يدل على نقاء سريرتك وبياضها

عموما كنت أقصد على القحطاني الشاعر الذي تغنّت له قصائد عدّة مع العلم أني لم

أسمع له أي قصيدة مغنّاه فقط عن طريق بعض أبياته في المجلات وأعتقدت انها له

ولم أجزم , ان شاءالله نحصّل على صاحبها ونفيدك

لك التحية والتقدير

ودمت

السلام عليكم ورحمة الله وبركاته

ابو عابد .. مساءك الله بالخير


القصيدة حسب ما توصلت إليه للشاعر ناصر المطيري

وهي موجودة على هالرابط كاتبها شخصيا ً بأسمة

http://www.sh3byat.com/vb/showthread.php?t=8628&page=4


وايضا هنا

http://www.nzfalqlm.net/vb/showthread.php?t=3142


آمل اني افدت يا طويل العمر



تقديري

ابو نايف

:
:

حتى لاتختطف هذه الرائعه .. !!
الأخ عبيد الرشيدي :
هذه القصيدة هي كما قال الأخ شامخ الشامخ للشاعر :

ناصر المطيري

وهو اخ وصديق عزيز جداً واذكر ظروف كتابتها ومن ثما نشرها .. !!
جئت هنا لتأكيد كلام الأخ شامخ الشامخ ولاثبات ملكية القصيدة لــ (( ابوبدر )) .. !!


تقبلوا ودي .. !!


:)

بيض الله وجهك يا عبدالرحمن ..

و الله قصيدة جزلة ورائعة لأبعد حد .. وانا قريتها من سنة تقريبا ً بأحد المنتديات .. ولازالت راسخة بالذاكرة ..

ولما قريت سؤال الشاعر عبيد الرشيدي .. بحثت عنها وحصلتها ..

لاهنت على التأكيد .. وجعلك ذخر

لك تقديري
اخوك
ابو نايف