الشبـــح وعبيــــد
 

الله يمسيكم بالخير اخواني اعضاء منتدانا. هذي قصيده موجهه للاخ العزيز الشاعر الفذ/فارس العصيمي .....

امنياتي ان تنال على اعجابكم ..........

[poet font="Simplified Arabic,4,white,bold,normal" bkcolor="transparent" bkimage="backgrounds/10.gif" border="double,4,orange" type=0 line=200% align=center use=ex length=0 char="" num="0,black" filter=""]
ياعبيد عمّدتك من الناس تعميد= يوم انت لاهايب ولاانته بمرتاب
صميدع(ن) عندك فجوج الخلا عيد=لياهاب منها اللاش منته بهياب
ودليلة(ن) في مهلكات الجراهيد=من دون ماجلان ابوسهم وحساب
ابيك تركب فوق من يقطع البيد=اللي جماهيره تكنّ اله الاعجاب
شبح مورّد للمسافات توريد=500 اس أي ال عشرين صباب
كامل فل ابشن تتش تكييفه..وسيد=وفتحه ولونه حالك(ن)كنه غراب
ومنجد(ن) من مصنعه جلد تنجيد=ومراتبه كهرب معا شفط الابواب
شاريه بالربطات ماهوب تقصيد=سعره يعادل مهر معزول الاسلاب
غيداً تباها بالحلا كفت الغيد=تجيلها زحول الرياجيل خطاب
اسرح من الاردن كفيت التناكيد=وادخل حدود المملكه بالف ترحاب
طريف عندك ثم حزم الجلاميد=وعرعر ورفحا ثم على شعبة نصاب
ثم الحفر تاطاه وتواصل السيد= على الصداوي ثم على خط مشعاب
خط(ن) يحدر بك على شاطي الميد=تاخذ معه ثم قبل توقيت الاغياب
وانته بدار الخير دار الاجاويد=دار(ن)بها ياعبيد من كل الاجناب
نيرانها فوق السواري مواقيد=دايم سناها من على البعد جذاب
واليا دخلت الشارع العام ياعبيد= على يسارك به مناره ومحراب
ترى محله يالعتيبي بتحديد=شمال باب المسجد الباب بالباب
قصر(ن) مشيّّّّّّّّّّد باحدث البني تشييد=مدهال بالكرمات عكفان الاشناب
وقف وناد القرم قرم الاواليد=يجيك بالترحاب شفق(ن) وطراب
ابشر بترحيب(ن) يرده تراديد=من زود ترحيبه ينسيك الاتعاب
وابشر بفنجال الدلال البغاديد= وكبش(ن) من حوشة المصاليح ينجاب
وسوالف(ن)تقطف سوات العناقيد=تندار بين اهل المواجيب باداب
عند ابو مقبل مالك الطيب والجيد=الصاحب اللي بالوفا كف الاصحاب
عطه القصيده يافتى الجود بالايد=وهو قاري(ن) يقرى وفاهم وكتاب
شاعر وله يم المعاني مواريد=نوادره صعبات بالعسف واشباب
ليا حاروا بنظم القصيد المقاريد=ماحار فكره في تعاسيف الاصعاب
لي عنه مده والمعاني مقاييد=وفكيت قيد العوب تلعات الارقاب
غيد(ن) يجني بين جمع وتفاريد=ماخازر(ن) مخلوق بغضاي الاهداب
حجرتهن بالفكر عن كل رعديد= الهن عن دروب المهازيل مجناب
وسندتهن من دون ترديد تسنيد=للشاعر اللي عنده القاف ماشاب
ماهوب ضحضاح(ن)هجوسه مهاجيد= رس(ن) يسرسب في سريبه تسراب
لا والله الا مثل هداج ويزيد=يفوح لاهندب ضميره بهنداب
انا يابومقبل عن ديارك بعيد=في ديرة(ن)بالقرب من دار الارهاب
اقزر ايامي على غير ماريد=واحسب من الضيقه تواريخ الاوجاب
واطوع النفس العنيده بتعنيد=مر(ن) اسج ومر تنهار الاعصاب
البعد خلى بالضماير تعاقيد= ووهاج نار(ن)طول الايام شباب
الشوق ياخذني لدار الاماجيد=اللي وصوف ديارها عبال وهضاب
دار(ن) لنا دايم عليها مسانيد=ليا جيتها عقب البطا خاطري طاب
احبها يالقرم حب المواديد=واحبها من حب زاكين الانساب
ربع(ن)رسووا فيها كما يرسي الحيد=يوم الجهل يوم المغازي والانشاب
حماة العوايد والفخر والتقاليد= شر العدى عز الرفاقه والاقراب
عسى المطر لارجف ثقيل الرواعيد=ياخذ ثمان اوجاب بالوسم صباب
يسقي سهلها والوعر والاخاديد=وتلبس من زهور النواوير جلباب
تمت عقب مانهيت نظم الزماريد=من هاجس(ن)ينهال يمي وينساب
والك التحيه ياحفيد الصناديد=ينساق معها العود مع غال الاطياب


[/poet]

وتقبلو تحياتي.....













حسين علي العتيبي














عمان

الله ............الله ..............الله ..............الله



اخوي ابويزيد ...........شاعر بحجمك يفرض على المتلقي ....ان يقف احتراما لجزالتك



والحقيقه انك من الشعراء اللي يشار لهم بالبنان......حتى لو قيل شهادتي فيك مجروح



بحكم الرفقه اللي بينا ....لاكن اجزم انهم يوافقوني الرأي كنت من جماهيرك قبل ان


تجمعني معك الصدف السعيده...........وهذي من إيجابيات غربتي ........


وافي يابويزيد.............وتستحق الاشاده..




صح لسانك مهيب مره مليون مره واكثر .........وفي انتظار صدى المبدع فارس العصيمي....








اخوك /فالح










(عمّــان)

حسين علي العتيبي تسلم ياغالي وصح لسانك



على هذه القصيده ارد عليك وعيوني رايحه فيها



قصيده رائعه ويعطيك العافيه




وتقبل خاااالص تحياااااااتي :



أحمد,,,

ابويزيد


صح لسانك طال عمرك


القصيده وافيه ولا فيها كلام وسبق ان تشرفت بسماعها منك شخصيآ


ومسنده على شاعر كفو وقدها وقدود الشاعرالقدير فارس العصيمي



تقبل تحياتي وتقديري
........................................ شبيب

هلا وغلا بالاخ والشاعر المبدع.......



حسين العتيبي...



صح لساااااانك ملايييييييييييييييييييييييييييييييييين..



قصيدة رائعة وصادقة ....ومشاعر مفعمة بالاخوة الحقيقية....هذه قصيدة (الغربة) القاسية اخترت لها هذا الاسم لانني اعتقد انها تستحق التميز....

دار(ن) لنـا دايـم عليهـا مسانيـد
=== ليا جيتها عقب البطا خاطـري طـاب

احبهـا يالقـرم حــب المـواديـد
=== واحبها من حـب زاكيـن الانسـاب



بيض الله وجهك يبو علي اشهد انك قلت وأبدعت...ولاشك ان فارس شاعر مبدع وليس بحاجة لشهادتي....وهو كفؤ لأسنادك...


هذا هو الصوت الذي ننتظر صداه من ابو مقبل...


لكما ودي...





معيض

حسين العتيبى


صح الساانك الف


قصيدة واافيه مااقصرت يالشاااعر


شكراا على هذة الرااائعه

الشاعر الرائع

حسين بن علي

قصيده رااااااااااائعه وممتعه وصف بديع

وتمكن لاحدود له ......

صح لسانك وبانتظار الرد من شاعرنا القدير فارس

ولك كل الود

الله الله






الله الله






الله الله





جزل ومبدع



صح لسانك والله يا حسين



وننتظر الصدى من فارس

الله يبيض وجهك




تستاهل حبة خشم على هالجزله





حسين الله يردك سالم وغانم





وصح لسانك



يالقرم





بإنتظار المردود




للكل تحياتى

صح لسانك ياحسن علي

شاعر جزل وقصيده جزله والله

ولاهيب غريبه علي اللي مثلك

سجل اعجابي.

حسين بن علي العتيبي





ياسلام انا استوقفني الشعر الحقيقي عن شعر يسمونه الحداثه







عادتي القصايد الطويله ماكملها لكن ذي عدتها مرتين









جمال الوصف والقصيده اللي تجلس النايم عن نومه


سجل اعجابي

أخيو حسين علي العتيبي

شاعر يجبرنا على متابعته والوقوف عند هذا
الاسم الرائع ,,,,

صح لسانك .. والله يثربك لنا يالغالي ,,

تقبل تحياتي ,,,,,,,


أخوك / عبدالله مرّان

بيض الله وجهك ياحسين العتيبي

ولاهي غريبة منك...



وصف جميل وقصيدة جزلة



صح لسااااااااااااانك



تقبل تحياتي

حسين علي العتيبي

والله لا امل قرائت هذه القصيده الرائعه



بيض الله وجهك يابن العم





وصح السانك

دام تواصلك ودام ابداعك ودمت للجميع اخوي حسين





تحياتي لك

الأخ الشاعر الجزل / حسين علي العتيبي



صح الساااانك وافيه من وااافي ولا هي غريبه عليك والله



وحنا بعد ننهال وننساب مع هاجسك يا بويزيد


ومندوبك في القصيده ماوالله يضيع عني انا :)



تقبل إعجابي وسلامي ،،



أخوك / سداح

الشاعر الرائع / حسين علي



يقولون : خير الكلام ماقل ودل وأنا أقول :









تستاهل على هذه المعلقة قبلة لى الراس والخشم وكفى .

الاخ الشاعر الكبير حسين علي العتيبي

صح لسانك وبيض الله وجهك ماقصرت

قصيده جزله و راااااااااااااااائعه الى ابعد الحدود

وصف متناهي ا لروووعه

وبانتظاااار الصدى من فارسنا العصيمي


لك شكري وتقديري

اخوي العزيز ورفيق غربتي الشاعر / فالح بن راشد ال حثلان

اسعد الله اوقاتك بكل خير


لاهنت لاهنت على كلامك واشادتك اللى نوّرت فيها القصيده

وزدت من جمالها...


وشهادتك وسام احمله على صدري ماحييت وافخربها يابن حثلان


والحقيقه ان اكبر مكسب وفايده هي معرفتك



لقيت فيك الطيـب يـاطيـّب الصيت
..........................ولاهي غريبـه منك يابن الكرامــا




عسى امثالك واجد










وتقبل تحياتي











عـمّــــان

ابدعت ياحسين بن علي ...ابدعت ياحسين بن علي ...ابدعت ياحسين بن علي ...ابدعت ياحسين بن علي ...ابدعت ياحسين بن علي ...ابدعت ياحسين بن علي ...ابدعت ياحسين بن علي ...ابدعت ياحسين بن علي ...ابدعت ياحسين بن علي ...ابدعت ياحسين بن علي ...ابدعت ياحسين بن علي ...ابدعت ياحسين بن علي ...ابدعت ياحسين بن علي ...ابدعت ياحسين بن علي ...ابدعت ياحسين بن علي ...

صح لسااااااااانك مليووون ولايكفوون


دمت ودام ابداعك لاعدمنااك

تحياتي لك

الشاعر الكبير والصديق الوفي والإستاذ/حسين بن علي العتيبي



والله ياابو يزيدالتراحيب بالملايين ماتكفي والتعبير يعجز ان


يوفي بما اريد واتمنى ان اقوله .


بيض الله وجهك ودمت فخر وذخر ورمز للرجوله والبطوله


والصداقه والوفاءوالكرم والمروءه والشهامه والشعر .



ابويزيد والله مهما كتبت من النثر والشعر فلن اوفي شخصك

حقه ولن اصل للرد الواجب لهذه الجوهرة التي تطرقت فيها لكل


الأمور وابدعت وبيض الله وجهك واقدم لك إعترافي بالتقصير وارجو


من شخصك الكريم معذرتي على بساطة ردي مقارنة بهذه الجوهرة


وهذا الوسام الذي وشحتني إياه


واعظم وشاح على صدري واعظم تاج على راسي هو صداقتك وخوتك



ادامك الله لي فخر وذخر وصديق واخ وإستاذ.



وابشر بالردعلى القصيدة و كلي ثقة في عفوك عن تقصيري


تجاه هذه الدرة.

لله درك ياحسين واناخوك الف




قصيده فذه من شاعر فذ لشاعر فذ




على العز الله يجمعكم






دمت





................................................خا لد العتيبي

الأخ العزيز

حســــــــين ابن عـــــــلي العتيبـــــــــي

صح لســــــا نك مليـــــــــــــون,,,,, ولا يكفون

الله لايهينك يا ابو يزيـــــــــــــد

صحيح انــــــــك :

شــــــــــاعر,,,,,,شــــــــــاعر,,,,,,,شــــــــ ـاعر بما تحمل الكلمه من معنى

تسلم لي يا لغــــــــــــــــــــــــــالي

ننتظر رد ابو مقبل واللي اكيييييييييد ما رايح يقل جزاله لأنه كفو

تحيـــــــــــــــــــــــــــــــــــــــــــــــ ــــــــــــــــاتي

عبدالله موسى