حمد بن هادي المسردي وقصيدة النصح
 

قصيده اتمنى اني وفقت في الاختيار
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يـقــول الـلــي بــرســم الـقـافـيـاتي"="صوغ القاف صـوغ مجوهـرات
إلـــى مـنــه بـغــا نـظــم القـصـيـد"="فـــلا يـخـتــار غــيــر الـطـيـبـات
تـنـقــا مــــن نـظـيـفـات الـلـحــون"="عـلـى كيـفـه مــن الـقـاف كلـمـات
محـاريـف القـوافـي لــو تعـصـت"="أصخـرهـا ولــو هــي عاصـيـات
تـخـيــرت الــكــلام الــلــي يـفـيــد"="وجـنــبــت الــعــلــوم الـتـافــهــات
وأنـــا قـاسـيـت شـــدات الـزمــان"="وذقــــت أمــرارهــا والـحـالـيـات
ومـن قـاسـى عـلـى الدنـيـا شـدايـد"="يـفـيـد ويسـتـفـيـد مــــن الـحـيــات
وأنــا مـانـي بـقــول انـــي خـبـيـر"="ولانـــي بـــا أدعــــي بـمـقــولات
درسـت مـن المعـرفـه مــا تيـسـر"="وصرت أعرف علوم ٍ موجـزات
وعـشـت مــن الحـيـاة الله واعـلــم"="عـن اللـي مـن سنيـن العمـر فــات
عـرفـت أطــوار نـيـات الـرجــال"="وشـفــت أسـرارهــا المتخـالـفـات
ومـيـزت الرفـيـع مـــن الـوضـيـع"="وقـلــت الـحــق والـعـلــم الـثـبــات
ترى في الناس مـن يجلـى الهمـوم"="عــن المـضـيـوم عـنــد النـايـبـات
يـسـد الـنـوب مــن كــل النـواحـي"="ويــركــي لـلـحـمــول الـكــايــدات
عـزيـز النـفـس لـــو مـالــه قـلـيـل"="ايـديـنــه بـالـوفــا مـسـتـاصــلات
عـزيـز النـفـس لـــو مـالــه قـلـيـل"="احــبـــالـــه لــلــمــكـــارم واردات
عـزيـز النـفـس لـــو مـالــه قـلـيـل"="اشــبــوره لـلـمـراجـل طــايــلات
ولا ظـنـيـت بـــه ظـــن ٍ بـطـيــب"="تشـوف رســوم ظـنـك راسـيـات
ولـيـمـنـك نـخـيـتـه فــــي لـــــزوم"="بـذل لـك فــي قـضـاه المعـجـزات
وليمـنـك نصيـتـه وأنــت ضـيـف"="يـقــوم لـــك بـجـمـيـع الـواجـبــات
وفـيـهـم مـــن يـزيــد الــهــم غــــم"="ولا يـنـطـح وجــيــه الـمـكـرمـات
واضعيـف النفـس لـو مالـه كثـيـر"="ســواً بــه فــي حيـاتـه والـمـمـات
واضعيـف النفـس لـو مالـه كثـيـر"="عـن الطـولـه شـبـوره قـاصـرات
واضعيـف النفـس نـذل ٍ مــا يفـيـد"="وجــــوده والــعــدم مـتـسـاويــات
بـخـيــل ٍ فــــوق دنــيــاه وذلــيــل"="وعـن الامـجـاد طبـوعـه شــاذات
يـقـولـه واحـــد ٍ جـــرب وشـــاف"="وصـار يـقـول عـقـب التجـربـات
عـلـى قــول الــذي بـالـقـول فـــاز"="سبقنـي فـي العصـور الماضيـات
جـــزا الله الـشـدايــد كــــل خــيــر"="عـرفـت بـهـا الـقـدا والمخـطـيـات
وعرفـت بهـا العـدو مـن الصديـق"="جــزاهــا الله عــنـــي بـحـسـنــات
فـيـا سـامـع كـلامــي لـــك عـلــي"="نـصـايــح كـالـجـواهـر غـالـيــات
ولا أريــد الـجـزا إلا مـــن إلـهــي"="ثـــــواب الله خــيـــر الـجــايــزات
عـلـيـك بـطـاعـة الله ذو الــجــلال"="إلـــــه الــكـــون رب الـكـايــنــات
جليـل الملـك ذو الـعـرش العظـيـم"="ومــن الأفــلاك بـأمـره دايـــرات
مغيـث المستغـيـث إلـيـا أستـغـاث"="وقــهـــار الـجـبـابــرة الـطــغــات
ولـــي الأمـــر عـالــم كـــل شـــي"="ولا تـخـفــى عـلــيــه الـخـافـيــات
مـحــب الـعـفـو غــفــار الــذنــوب"="ولـه حسنـات الأسـمـا والصـفـات
وسـيــع الـحـلـم رحـمــن ٍ رحــيــم"="وعــفـــوه واســـــع ٍ لـلـمـغـفـرات
وهــو معبـودنـا المحـيـي الممـيـت"="وعـلــم الـفـقــر بــيــده والـغـنــات
علـيـك بطاعـتـه فــي كـــل حـيــن"="وقــم لــه بالـفـروض الـلازمــات
شـهـادتـك وصـلاتــك والـصـيـام"="وحــــج الـبـيــت واداي الــزكــات
وبــر الـوالـديـن احـــرص عـلـيـه"="وفــعــل الـبـاقـيـات الـصـالـحــات
وقل معـروف وأنـه عـن المناكـر"="وأتــق ذنــب رجـــم المحـصـنـات
ولا تـنــقــل كـــــلام ٍ بـالـنـمـيـمـه"="وتـظـلـم لـــك نـفــوس ٍ غـافــلات
تـرى المـولـى عــن العـالـم غـنـي"="ومـــن طـاعــه يـنــال الأمـنـيـات
كـريــم ٍ لا عـطــا مـاهــو بـخـيـل"="ومـــداتـــه جــــــزال ٍ وافـــيـــات
لـيـا مـنـه عـطـى جــزل العـطـايـا"="وهـو حــلال صـعـب المشـكـلات
تــراه الـلـي لـيـا ضـاقــت عـلـيـك"="يـفـرجـهــا مـجــيــب الـــدعـــوات
مــزيـــل الــهـــم رزاق ٍ مــعــيــن"="عـلــى خـلـقـه عـيـونـه مـرقـبــات
عظـيـم الـشـان حـــي ٍ لا يـمــوت"="مــديـــم ٍ والــخــلايــق فــانــيــات
وكـن مستامـن ٍ بـه وأمـش وامــن"="والأقـــــدار بـفـلـكـهـا مـاشــيــات
ولا تـحــزن وعــانــد كــــل هــــم"="ولا بــــــد الــشــدايــد زايــــــلات
ولا شــفــت المـحـقـريـه بــديـــره"="فـلــرض الله فـجــوج ٍ واسـعــات
بــدل دار ٍ جـفــاك الـلــي سكـنـهـا"="اتـحـصـل لـــك ديـــار ٍ ثـانـيــات
فحـث الـرجـل وأرحــل لا تبـالـي"="ولا تـبـقــى عــزومــك فــاتــرات
ودس بالـرجـل غـبـات المخـاطـر"="ولا تحسـب احـسـاب مخـاطـرات
فـلا يجـري لـك الا مـا كتـب لــك"="ولا يــاقــاك عــنـــه مــحـــاذرات
وهاجـر عــن ديــار الــذل تـربـح"="وســافـــر لـلــديــار الـنــازحــات
تــرى الأسـفـار سـجـات وغنـايـم"="وكــــم لـلـبــال فـيــهــا تـسـلـيــات
تـــرى الأسـفــار للـعـاقـل مـفـيـده"="تـفـيـدك مـــن جـمـيـع الـنـاحـيـات
تـعــرفــك الــرجـــال الـطـيـبـيــن"="ذوي ســـاس الـعـلـوم الـغـانـمـات
وتجـعـل هـمـة اعـزومــك قـويــه"="وتعـطـيـك الــــدروس الـكـافـيـات
وفيـهـا للمـعـاش أحـســن وسـيـلـه"="وفـيـهــا للـنـصـيـب مـصــادفــات
وسـجــات الـنـفَـس فـيـهـا وفـيـهـا"="لعمـر المـرء فــي الدنـيـا طــرات
تحـرك فــي فـجـوج الله الوسيـعـه"="يجيـك الـرزق مـن كــل الجـهـات
ولا تـرضـى الكسـافـه والمهـونـه"="تـشـوف مــن المعـاديـن الشـمـات
وتـرى عمـر الفـتـى مـاهـو بـدايـم"="وتـرى آجــال النـفـوس مـحـددات
ونـيـل الـمـجـد فـــي قـــوة الإراده"="وطـــلاب المـعـالـي مــــا يــبــات
يــدور لـلـعـلا لـــو كـــان يـتـعـب"="وعيـونـه فــي طلـبـهـا سـاهــرات
فــــلا تـغـتــر بـالـنــوم الـعـمـيــق"="تــراه يضيـعـك عـمــق الـسـبـات
تغـانـم دام لـــك قـــدر إستـطـاعـه"="ومــا دام الـفـرص لــك سانـحـات
وليـمـنـك بـذلــت الـجـهـد فـأعـلــم"="تـــرى أرزاق الـعـبـاد امـقــدرات
فـكــن صـابــر وأقـنــع بـالـمـقـدَرْ"="ولا تـنـدم عـلـى مــا كـــان فـــات
تــرى الأرزاق مــا تـاتــي بـقــوه"="ودنـيـانـا تــراهــا خــــذ وهــــات
ورزق الحـي مضمـون ٍ وجـاري"="إلــيــا حــتــى تـلاقـيــه الــوفـــات
ولـكــن التـسـبـب شــــي واجــــب"="ومــن يــزرع سيجـنـي الثـمـرات
وتـرى مـن جــد لابــد انــه يـاجـد"="كــلام أهـــل الـعـقـول الـزاكـيـات
وليمـنـه بــذل جـهـده ولا أحـــرز"="مــرامــه مــــا عـلـيــه مـعـاتـبـات
ونـفـسـه مـــا يلـحـقـهـا حـسـوفــه"="بـقـولـه مـــا عـمـلـت مــحــاولات
الــيــا مــــن الـلـيـالـي عـاكـسـنّــه"="وحـظـه مـــا سـعــى بمـسـاعـدات
فـيــدري بـــان هـــذي دبــــرة الله"="ويـبـقــى قــانـــع ٍ بـالـحـاصــلات
وخيـر النـاس مـن يعطـى القناعـه"="ولا أشقـى مـن نفـوس ٍ طامـعـات
وعنـدي غـيـر مــا قلـتـه وصـايـا"="على المعنـى الصحيـح امسيسـات
اليا منك بغيـت تصـون عرضـك"="وتـحـضـى بالـمـزايـا الـكـامــلات
فــلا تمـشـي مـعـا الأنـــذال دايـــم"="وسـايـر لـــك رجـاجـيـل ٍ ثـقــات
ومــن لا شــاورك لا تستـشـيـره"="ولــو عـنـد الـظـروف القـاسـيـات
وكُن صامت فإن الصمـت حكمـه"="وهـيــبــه داخـــــل الـمـجـتـمـعـات
وكُـــب الـثـرثـره بـالــك تـلـجـلـج"="فـلا يبـقـى عـلـى هـرجـك شـفـات
وكثـر الضحـك نقـص ٍ بالمهـابـه"="فــلا تضـحـك بـــدون منـاسـبـات
ولا تنـطـق بغـيـر الـصـدق دايـــم"="ولا تــبــدي اهــــروج ٍ كــاذبــات
وكُـــن مـتـواضـع ٍ بـالــك تـكـبَـر"="وخـــل أخـلاقــك دايـــم عـالـيـات
ولا تشكـي علـى حـي ٍ ســوى الله"="اليـا شفـت الـظـروف معاكـسـات
ولا تـبـدي عـلـى الأنــذال ســـدك"="ولا بــــــد الــشــدايــد زايــــــلات
ولا تنـسـى علـيـك بحـفـظ حـقــك"="تــرى لـيـس الـكـرم بمناضـحـات
وعن التبذير صُن مالك يصونـك"="الـيـا جــات الـظـروف القاسـيـات
تـرى ماكـل مـن يضحـك يفـيـدك"="الـيـا صـــارت يـديـنـك خـالـيـات
وعــز الـجـار فــان الـجـار قــدره"="عـلـى المسـلـم مــن المستـلـزمـات
وظيـفـك بــش فــي وجـهـه وقــدم"="لــه المـاجـود حـســب الـمـقـدرات
وحــذراك الخيـانـه فـــي خـويــك"="ولا تـرضــى عـلـيــه مـحـايـفـات
وحــذراك الـغـرور أول شـبـابـك"="تـرى طـرق الـغـرور مضيـعـات
ولـيـا ثــار النـشـب بـيـن الـمـقـرد"="فـجـنـب والـعـواقــب مـرضـيــات
ولا تخـطـي ولا يـخـطـى عـلـيـك"="وبـالــك تـعـتـرض لـمـعـرضـات
وليـا جـاك الخطـا مـن يـم جـاهـل"="فــــداره بـالــهــروج الـمـقـنـعـات
لـعـلـك تقـنـعـه بـأحـسـن وسـيـلــه"="وبـيــبــان الـحـمــاقــه مــقــفــلات
وان لــم يقـنـع الـجـاهـل بـعــذرك"="وأمـــــوره شـفـتـهــا مـتــوتــرات
فـكـن عـاقـل وحـــذراك الجـهـالـه"="وحــسّـــب لـلـقــوافــي قــافــيــات
ليـا جـهـل الجـهـول العـقـل ضــده"="فــلا تحـسـب لأمــور ٍ مـهـمـلات
مضى وقت الجهـل وأقفـى وولـى"="مـعــا غـبــر السـنـيـن الـمـدبـرات
ولـيـا مــد الجـهـول ايـديـه عـامــد"="وصــارت مـــا تـفـيـد مفـاهـمـات
فـحـاول تقنـعـه فــان كــان عـانــد"="فـــلا لـلـنـكـر غــيــر الـمـنـكـرات
وردع الجهـل مـا يحسـب خطـيـه"="ويحسـب مــن الأمــور المقـديـات
خصوصاً لأنتهى مقـدار صبـرك"="وشـفـت مــن الخصـيـم معـانـدات
فــلا يـرضـى عـلـى نفـسـه مـذلـه"="يـكـون الـلـي عـزومـه نـاقـصـات
ردي الـخـال نــذل ٍ وابــن هـامــه"="ولاش ٍ والـــروابـــع خـــــــاذلات
وليـا منـه قضـى صبـرك وغـلـق"="وشـفـت ان مالـحـلـول بمـجـديـات
فـدافـع دون عـرضـك والـكـرامـه"="وخاتمـتـك لـيـا مــا جــات جـــات
والأجــل مـقـدر ٍ والـمـوت واحــد"="والأنــفــس كـلـهــا لــــه ذايــقــات
ولا يـاقــى الـحــذر مــمــا يــقــدر"="لا بـــد أحــكــام ربــــك نــافــذات
وهـذا مـا أستطعـت مـن النصايـح"="نـصــايــح ثـابــتــه ومـــوكـــدات
يـقــولــه واحـــــد ٍ والـكــامــل الله"="يوصـي ومـا عـمـل بالتوصـيـات
أوصـيـكــم وأنــــا والله مـقـصــر"="قـصـور ٍ مــا تـغـطـه لأورقـــات
خصوصاً من جهة ما يرضي الله"="وهــذا الـلـي بـــه أكـبــر فـايــدات
عـسـى ربــي يسامحـنـي ويـغـفـر"="ذنــوبـــي الآتــيـــه والـسـالــفــات
ولكـن يـاهـل الـعـرف أعـذرونـي"="الـيـا قـصـرت فأبـغـى المـعـذرات
وصـلـى الله عـلـى المخـتـار طــه"="عـــــدد مـانـسـنـسـن الـــذاريـــات
شفـيـع الخـلـق فــي يــوم الـمـلاقـا"="وكـــل الـخـلـق حـافـيـن ٍ عـــرات
رســـول الـحــق سـيـدنـا مـحـمــد"="عليـه مـن الإلــه أزكــى صــلات
[/poem]
الشاعر

حمد بن هادي المسردي..

اخواني اعذروني ان كان به اخطاء لان الورقه واله ماهي وااااضحه واتمنى اني وفقت واللي عنده ملاحظه على الرحب والسعه..

ولا أريد الجـزا إلا مـن إلهـي""ثـواب الله خيـر الجـايـزات
عليك بطاعـة الله ذو الجـلال""إلـه الـكـون رب الكايـنـات
جليل الملك ذو العرش العظيـم""ومن الأفـلاك بأمـره دايـرات
مغيث المستغيث إليـا أستغـاث""وقهـار الجبـابـرة الطـغـات
ولي الأمـر عالـم كـل شـي""ولا تخفـى عليـه الخافـيـات
محـب العفـو غفـار الذنـوب""وله حسنات الأسما والصفـات
وسيع الحلـم رحمـن ٍ رحيـم""وعفـوه واسـع ٍ للمغـفـرات
وهو معبودنا المحيـي المميـت""وعلـم الفقـر بيـده والغنـات
عليك بطاعته فـي كـل حيـن""وقم له بالفـروض اللازمـات
شهادتـك وصلاتـك والصيـام""وحـج البيـت واداي الزكـات
وبر الوالديـن احـرص عليـه""وفعـل الباقيـات الصالـحـات
وقل معروف وأنه عن المناكـر""وأتق ذنـب رجـم المحصنـات
ولا تنقـل كـلام ٍ بالنميـمـه""وتظلم لـك نفـوس ٍ غافـلات
ترى المولى عن العالـم غنـي""ومن طاعـه ينـال الأمنيـات
كريم ٍ لا عطـا ماهـو بخيـل""ومداتـه جــزال ٍ وافـيـات
ليا منه عطـى جـزل العطايـا""وهو حلال صعـب المشكـلات
تراه اللي ليـا ضاقـت عليـك""يفرجهـا مجيـب الـدعـوات
مزيـل الهـم رزاق ٍ معـيـن""على خلقـه عيونـه مرقبـات
عظيم الشان حـي ٍ لا يمـوت""مديـم ٍ والخـلايـق فانـيـات
وكن مستامن ٍ به وأمش وامن""والأقـدار بفلكهـا ماشـيـات
ولا تحـزن وعانـد كـل هـم""ولا بـد الشـدايـد زايــلات
ولا شفـت المحقريـه بديـره""فلرض الله فجـوج ٍ واسعـات
بدل دار ٍ جفـاك اللـي سكنهـا""اتحصـل لـك ديـار ٍ ثانيـات
فحث الرجل وأرحـل لا تبالـي""ولا تبقـى عزومـك فـاتـرات
سبحانه

علي بن مبارك

اشهد لله ان اختيارك ما عليه كلام وانه من اجزل واجمل الاختيارات

ويدل على وجود ذائقه شعريه راقيه


رحم الله الشاعر رحمة واسعه

وقصيدة المسردي هذي والله انها عباره عن معلقه من معلقات الشعر


كن بخير ياعلي

انت طيب يا ابو مبارك ولاتجيب الا الطيب



والشاعر الكبير والمرحوم باذن الله حمد هادي المسردي ،، مدرسه شعريه تعلم وتتلمذ الكثير من الشعراء فيها ،، وشهادتي فيه مجرووحه بحكم معرفتي به وقربي منه رحمة الله عليه



كيف لا وهو صاحب الابيات التي لاتزال خالده عن الكثير من الناس ومنها :-




المال كم ساسٍ طمانٍ وعلاّه
ــــــــ والفقر كم حطّم روابع سنافي



وايضاً :-



ما حسبت ان للجمايل على الدنيا جحود
ــــــــــ لين حطّيت امعروفي بناسٍ وجحدوه
اشهد ان من يفعل الجود فاللي ما يجود
ــــــــــ مثل من حجّج على غاربه ذبّاح ابوه



وله الكثير الكثير من القصائد التي لا تزال عالقه في اذهاننا حتى الان ،، ولعل قصيدة (الطياره) والتي وصفها زميله ورفيق دربه الشاعر الكبير خلف بن هذال العتيبي بـ(المعجزه) من ناحية بحرها المبهم والوصف الذي تخللها لهو اكبر دليل على ما كان يتمتع به رحمه الله من موهبه قلما توجد في زمننا المعاصر




اخي العزيز علي مبارك ،، لك اجمل تحيه واحترام على حسن الاختيار وعلى ذوقك الراقي




اخوووك ،،

ولا شفـت المحقريـه بديـره""فلرض الله فجـوج ٍ واسعـات
بدل دار ٍ جفـاك اللـي سكنهـا""اتحصـل لـك ديـار ٍ ثانيـات
فحث الرجل وأرحـل لا تبالـي""ولا تبقـى عزومـك فـاتـرات
ودس بالرجل غبـات المخاطـر""ولا تحسب احسـاب مخاطـرات
فلا يجري لك الا ما كتـب لـك""ولا ياقـاك عنـه مـحـاذرات
وهاجر عن ديار الـذل تربـح""وسافـر للديـار النـازحـات
ترى الأسفار سجـات وغنايـم""وكـم للبـال فيهـا تسلـيـات
ترى الأسفـار للعاقـل مفيـده""تفيدك مـن جميـع الناحيـات
تعرفـك الـرجـال الطيبـيـن""ذوي ساس العلـوم الغانمـات
وتجعل همـة اعزومـك قويـه""وتعطيـك الـدروس الكافيـات
وفيها للمعاش أحسـن وسيلـه""وفيهـا للنصيـب مصـادفـات
وسجات النفَـس فيهـا وفيهـا""لعمر المرء في الدنيـا طـرات
تحرك في فجوج الله الوسيعـه""يجيك الرزق من كـل الجهـات
ولا ترضى الكسافه والمهونـه""تشوف من المعاديـن الشمـات






حكم سبحان الله العظيم



ابو مبارك بيض الله وجهك وكثر الله من امثالك


وهذا الشي المطلوب




رحم الله الشاعر حمد هادي المسردي

شاعر غني عن التعريف





لاهنت يابو مبارك

حكم .. كالدرر

وابيااات من ذهب

رحم الله الشااعر حمد المسردي

واسكنه فسيح جنانه

ومن القلب شكراً اخي الغاالي ابو مبااارك

ولك كل تقدير