معارضه / لـ تراحيب .. | إن قال حولا | قلت حولا !!
 

السلام عليكم ورحمة الله وبركاته



رداً على قصيدة الاخ الشاعر / تراحيب بن سويلم

(( إن قيل حولا قلت ماهيب حولا ))


http://montada.mergab.com/showthread.php?t=16944




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالله ياغالب ولا هو بمغلوب=خفف حمول اللي برك بالحمولا

من حبه الله فالبشر صار محبوب=أطلب رضى ربي وأسأل القبولا

وش رأيكم يامحيل فالشيخ ترحوب=ليتك سمعته فالغزل وش يقولا

رجلٍ ثقه ماهو من العقل مسلوب=ومن العيون الحول صابه ذهولا

سهوم العيون تصيب بعض العرب نوب=تقول شهبٍ نازله من علولا

قلبه خضر والجسم يا دوب يادوب=يطيح لو يركب شداد الذلولا

عليك دينٍ من هل البيت محسوب=أولا لك اولا ثم اولا لك اولا

تبع الهوى يا شيخ ماهوب مطلوب=خصٍ بعد جاوزت ستين حولا

ياشيخ مثلك للمناعير منصوب=وعقله دليله مايبي له دلولا

نصيحتي تستغفر الله وتوب=وتقفل طريق الغي عرضٍ وطولا

يالله يا من رد يوسف ليعقوب=عفوك عسى عبدك لعفوك ينولا

قلته وأنا ماني على الرد مغصوب=لكن أبا انصح طيبين العقولا[/poem]



ارجو ان تنال قبوله ورضاه ، ولكم كل تقدير وإحترام

حجز درجه اولى


مع سبق الاصرااار والترصد

ههههههههههههههههههههههههههههههههههه


صح لساااااااااااااااااانك ياضيف الله وبيّض الله وجهك


اشهدإنها قصيدةٍ فارعه


وترانا مانرضى الميل على تراحيب واكيد إنه يبي يرد علاااك رداً ثاني ولا تناوشناك كلنا ههههههههه


بيّض الله وجيهكم ياثنين

اهل علمٍ غانم ورايةٍ بيضا


تحياتىىىىىىىى لكم

ضيف الله

تراحيب

لا اله الا الله

صوت وصدى

دوهي العوازم هنا الاد عاصي

ياليت اني اعرفكم شخصياً ليس طمعاً في شي سوى السوالف معكم والاستفاده منكم

صح لسانك ولسان تراحيب

لا والمشكله اشركتو محيل لا والله حولتو كلكم من بعد جاء محيل

الف شكر على النصيحه القيمه هااااااااااااااااااه لاتكون انت تبغى البنت اللي يتغزل فيها تراحيب ومسوي منصح هههههههه

سعدت بتواصلكم

{سهيرالليل}

الله الله الله

شعلر كبار ومدارس شعريه مستغله

الله يحفضكم ولا يحرمنا من ابداعاتكم

الشاعر العلم / ضيف الله بن سويلم


صح لســــانك ودمت بصحة وسلامة وإن شاء الله إن أبوناصر يستمع النصيحة:)



كلكم شعراء أعلام نفتخر بوجودكم ونستفيد منكم الكثير



تحياتي وتقديري

من حبه الله فالبشر صـار محبـوب\\\\
\\\\\\\\\\\\\\\\\\\\\\\\\\\\\\أطلب رضـى ربـي وأسـأل القبـولا
يا سلام ياسلام

شكرا للشاعر ضيف لله بن سويلم على هذه القصيده الطيبه المتميزه بالابداع والمجارات الطيبه ولايعجب انك تبعدنا جزاك الله خير من القصيد الغزل حيث انه السن متقارب وشاعرنا الكبير تراحيب نقتدي به ونستفيد منه
ارجو من لله انه يسلم الجميع ويحفظكم انشالله بحفظه وتبقون على المداعبه الجذابه
تقبل تحياتي اخوك حسين الدوسري