11 سبتمبر !!
السلام عليكم ،
ابيات لحظيه وعابره المعذره عن ما رافقها من تقصير يا ( 11 سبتمبر ) ألفيــن وسنـه ميلادي .................... كيــف ننسى وقعتــك وأحداثك المشهــوده الثلوث اللـي نهــاره كـان ماهـو عادي .................... يا صباحـن فيــه شــرّ .. وزلتــــن مقصوده إنعقــاد النيّـه .. وعلمــن وراه إجهادي .................... والله أعلــم كــم لهــا ذا النيّــــه المعقـوده وإنطلاق الطايــره والمقصـد استشهادي .................... رحلتـن والله يكافـــي .. روحـه إبلا عوده مــا دروا ركابــها .. الاّ سيرها متحادي .................... طايــره مخطـــوفه .. وركابـــــها مقروده غمضّ الكبين عيونــه يوم جا من غادي .................... عقب نحــرّها لـراس البـــرج مـن مجهوده صورّوها فـ التلفزون .. وذكرها الرادي .................... وأنشروها فـ الصحافه .. عقدتن معقوده طاحت الهيبــه .. وردّت موسها الردادي .................... وأختموا في جبهتك يا بوش ختم الجوده نحسبـّنك يـوم صـدت القوم ما تنصادي .................... لين جتــك الهجمــه المرتــدّه المــردوده لك سنه وانته تصيح من القهر وتنادي .................... وسقت لـ الأفغان جيشك وأبتليت جنوده يــوم نزلّت المظليّ .. والمظليّ غادي .................... نـفــّذ يدينه .. وعــوّد صفقها فـ اخدوده ودوّر الشيخ ابن لادن بين ضلع ووادي .................... وقال اظنه مات ماله فـ البسيطه روده ؟ لعبـةٍ يافزعـة الله .. جمرها وقادي .................... والحبال المبهمـــه فـ ادروبنـا ممدوده ضاعـت الحيلــه ولكّن العوض بغدادي .................... وان غلبك الأمر عضناك اليمن بزيوده أنت راس الرعب والأرهاب خلّك هادي .................... يا زعيم الغرب دوب الشرق ذعذع نوده قـام كلّن يزهمك .. ياغايتي يامرادي .................... ممهلك ربّ العبــاد أيامـك المعدوده والبعير اللي نسوقه لو عليه اشدادي ................... خابرينه ترتخي عند الحمول عضوده سطوة الله للقلوب السود بالمرصادي .................... والمعادي ما يهوّن لين نكسر عوده ؟ وسلمتوا والمعذره ،، |
اخوي العزيز/سداح
صح لسانك قصيدة قوية ومناسبتها اقوى واكبت بهاالذكرى الأحدى عشر السبتمبرية والله يعز الإسلام والمسلمين ويدمر اعداء الدين . |
سداح
لك سنه وانته تصيح من القهر وتنادي .................... وسقت لـ الأفغان جيشك وأبتليت جنوده يــوم نزلّت المظليّ .. والمظليّ غادي .................... نـفــّذ يدينه .. وعــوّد صفقها فـ اخدوده ودوّر الشيخ ابن لادن بين ضلع ووادي .................... وقال اظنه مات ماله فـ البسيطه روده ؟ صح لسانك على هذه الجزله بيض الله وجهك تقبل تحياتى |
مبدع مبدع ياسدااح
دائما متابعينك وصح الساانك مليوووون |
ســــــــــــــــــداح
مواكب للاحداث شـــــاعر منوع يعزف اللحن بشتى انواعه ويطرق الشعر بكافة ابوابه سداح صح لسانك ..... والله يعز الاسلام ويدمر اعداء الاسلام |
مســـــــــاء الخيــــــــــــــــــر
اخي سداح يكفي انها صادقه
سلمت لكل حرفا نطقت به لله درك وصح لسااااانك تحياتي :) :) |
الرائع سداح
دائما مبدع ومتجدد صح لسانك واعز الله الاسلام واهله |
المبدع دائماً سداح
صح السانك والله لله درك كم انت مبدع والله أن هذه الفاتنه ابرك من كلام عبد الباري عطوان البارح لو وصلت هذه الباسقه لكريشان استفاد منها كثيراً في برنامحه يعطيك العافيه على هذا التفرد والتميز دائماً أطرب دائماً لطرحك يامبدع |
الرائع المتجدد دائماً الاخ الصديق سداح
صح لسانك طال عمرك و بيض الله وجهك ابداع لا يجيده سواك و جموح و قوه لا يستطيعه الا الشجعان امثالك. تقبل صادق الاعجاب اخوك شفق السريع |
سداح
يابعد راسى أنت أشهدنك جزل أنا طالبك طلبه لتحط إسمك الصحيح أنا أعرفه بس لازم الجميع يعرفه ياخوى شعرك يرفع الراس أنت علامك طلبه لاتردنى صح لسانك ملياااااااااااااااار لك تحياتى |
صح لسانك ياسداح
قصيده ممتازه وجزله ومن جزل اخوك الحجازي.:) |
|
اخوي الشاعر سداح
انت تعرف رأيي دائما بقصائدك وتعرف ان الجزاله مالها الا الجزل ومثل ماقيل مايفك الحديد كود الحديد اكرر ---- ماشالله عليك يابو سدحه اخوووك ابن عبدالهادي الكويــــــــــــــــــــــــت |
أخوي فارس العصيمي
شكرا على المصافحه الفوريه صح بدنك يا لغالي واللهم امين ، اخوك / سداح |
عزيزي محمد الكرشمي
صح بدنك والله يسلمك تقبل تحيات سداح ، |
الأخت .. عنــدل
شكرا ولاهنتي صح بدنك كثرهاا تحيتي |
اخي العزيز
ناصر الروقي لاعدمتك ومشاركه بسيطه صح بدنك وتقبل صادق التحية والله يعز الأسلام اخوك / سداح |
مســـاء النـــور
شكراا الأخت .. رحايل
صح الله بدنك أخوك / سداح |
أخوي العزيز عوض فراج
الله يسلمك ويبارك فيك صح بدنك يا عوض والله يعز الأسلام داائما وابداا أخوك / سداح |
لاعدمتك يا عقاااب
اخي الشاعر ... عقاب العماني
يسعدني والله اهتمامك ومتابعتك يا الغالي ولا عليك زود صح بدنك وشكرا على الإطراء الملحوظ تقبل سلامي الخاص أخوك / سداح |
الله يبيض وجهك يا شفق
اخي .. شفق السريع
وش اقول والله مدري ! صح بدنك يا شفق ولاهنت اخوك / سداح |
لي رد ثاني يا خالد ؟
الأخ العزيز الشاعر ابن الشاعر
خالد الذيااااابي عسااك سالم يا خالد ولا عدمتك ماعليك زوود يا القررررم صح بدنك ورايك اللي يرفع الراس بالنسبه للأسم المستعار لي وجهة نظر فيه الرساله الخاصه في الطريق لك اذا الله أراد :) اعذرني وتقبل سلالامي الخاص جدا جدا أخوك / سداح |
| جميع الأوقات بتوقيت GMT +3. الساعة الآن 04:47 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية