منتديات المرقاب الأدبية - أبيااات اعجبتني اهديها لكم

بسم الله الرحمن الرحيم
اخواني
اليكم هذه الابيات

تركي بن حميد قااال رايه بالدنيااا

من ياخـذ الدنيـا برايـه بلا قيـس=مثل الذي في جـوف بحـر يعومـي
* - * - * - *
ما ينبنـي بنيـان من غيـر تاسيـس=ومـن لا تعلـم مـا تفيـد العلومـي

بداح العنجري بالوصف

ياغصن موزٍ ميلـه نسمـة الريـح=يا أبـو نهيـدٍ تقـل فنجـال صينـا

بديوي الوقداني من قصيدة رائعه ايامنا والليالي كم نعاتبها اخترت هذه الابيات

قـومٍ إلى جيتـهم رفـت شواربـها=بالضحك واقلوبها فيها الردى كالـي
وقومٍ إلى جيتـهم صكـت حواجبـها=وأبدت لي البغض في مقفاي واقبالـي

بركات الشريف في التربيه والنصح

أدّب ولـدك إن كان تبغيـه يشفيـك=واستسعفـه من بعـد مربـاه بـالآك
* - * - * - *
يا ذيب وان جتك الغنـم في مفاليـك=فاكمن إلى حيـث الرعايـا اتّعـداك
مـن أولٍ يا ذيـب تفـرس بياديـك=واليوم جا ذيبٍ عن الفـرس عـداك

محمد السديري العلم الكير والهرم الشعري النادر قال

يابجـاد شـب النـار وادن الدلالـي=واحمس لنا يابجاد ما يقعـد الـراس
ودقـه بنجـرٍ يـاظريـف العيالـي=يجذب لنا ربعٍ على اكـوار جـلاس
* - * - * - *
لاخـاب ظنـي بالرفيـق الموالـي=مالي مشاريـهٍ علـى نايـد النـاس
لعـل قصـر مـا يجيلـه ظـلالـي=ينـهد مـن عـال مبانيـه للسـاس
لاصـار ما هـو مدهـل للرجالـي=وملجا لمن هو يشكي الضيم والبـاس

أبو دباس كان له تواجد معنا وناخذ منه

يا الله يا اللي رد من عقـب مايـاس=وسف على يعقوب وابصـر نظيـره
ترد علي دبـاس يا محصـي النـاس=يـا عالـم مـا بالخفـا والسـريـره

شليويح العطاوي وتعريف والمعرف مايحتاج تعريف

يـا ناشـدٍ عنـي ترانـي شليويـح=نفسي على قطع الخرايـم عزومـي
لا قلّـت الوزنـة وربعـي مشافيـح=أخلّـي الوزنـة لربعـي وأشومـي

نوره الهوشان كثيرا مايردد هذا البيت

اللي يبينــا عيّـت النفــس تبغيـه=واللي نبـي عيّـا البخـت لا يجيبـه

نمر بن عدوان في تصوير الونه

البـارحـة يـوم الخـلايـق نيـاما=بيّحـت من كثر البكـا كل مكنـون
لـي ونّـهٍ مـن سمعـها ما ينـاما=ونّة صويبٍ بين الأطـلاع مطعـون

محسن الهزاني اقراوا وش قااال

من ناظري دمعي على الخد مسكـوب=ومن الحوادث شاب راسي وأنا شـاب
لا لـذ لـي زادٍ ولا حلـو مشـروب=ولا لموق العين طيـب الكرى طـاب
* - * - * -
غنا النفس معروف بتـرك المطامـع=وليـس لمـن لا يجمـع الله جـامـع
ولا مانـع لمـا يعطـي الله حـاسـد=ولا صـاحـبٍ يعطيـك والله مانـع

فهد بورسلي هنا ايضاا

حل الفـراق وخافـي السـد باحـي=حاولت أصبر والصبر عـذّب الـروح
حالـي تـردى ومتكسـر جنـاحـي=حزين من كثـر الهواجيـس والنـوح
* - * - * -
ألا يا عضيدي وين راحوا هل الثنـا=نشدك حيثك باخـصٍ في أمورهـا
تراني بجي للموت تسلـوم شرعـي=إن قلت لي قضت وفاتت عصورهـا

عبدالله بن سبيل كتمان السر

وسـدك فلا تعطيـه عـمٍ ولا خـال=كـم واحـدٍ بالهـرج يبحـث كنينـه
* - * - * - *
قالوا نـدور لك من البيـض حليـاه=قلـت آه لـو غيـره بكفـي رميتـه
قالـوا تـزوج كـود تدلـه وتنسـاه=قلت آه لـو خـذت أربـعٍ ما نسيتـه
قالوا من أقصى الناس وين أنت ويـاه=قلت آه ما أنسا يـوم جانـي وجيتـه

صقر النصافي

ماني بمن يطـرد سـرابٍ بمضمـاه=شاف السراب ويحسـب أنه غديـري
* - * - * - *
لواهنـي اللـي ليـا ضـاق له يـوم=اليـوم الآخـر خاطـره ما يضيقـي
ما هو بمثلـي ضيقتـه دايـم الـدوم=أبي المليق شـوي وأزريـت اليقـي

شالح بن هدلان

ما ذكـر به حيٍ بكـى حي يا ذيـب=واليـوم أنـا ببكيـك لو كنـت حيـا
* - * - * - *
ياذيب انا بوصيـك لا تأكـل الذيـب=كم ليلـةٍ عشّـاك عقـب المجاعـة
كم ليلة عشـاك حـرش العراقيـب=وكم شيـخ قـوم كزته لك ذراعـه

سليمان بن شريم

هبـي بريحـه يا هبـوب الشمالـي=كود الجنوب ومطلع الشمس ينصـاه
يـامـا ويـامـا فرقتنـا الليـالـي=وعزي لمن يصفـق شمالـه بيمنـاه

زيد الحرب

ما تنفع الدنيـا بلا شـوف الأعيـان=وعـزي لمن مثلي عيـونه عصاتـه

راشد الخلاوي

نعـد الليـالـي والليـالـي تعدنـا=العمـر يفنـا والليـالـي بـزايـد
قولـوا لبيت الفقـر لا يامـن الغنـا=وبيت الغنـا لا يامـن الفقـر عايـد

الدقيس

من لا يستشيـرك لا تباديـه بالشـور=ومن لا يـودك سعـد عينـك فراقـه

سعود بن بندر

منـهو حبيبـك غايتـي بس أهنيـه=على حسـن حظـه عشانـك حبيبـه

أنـا أشهـد إن الله يحبـه ومعطيـه=اللي هـداك الـرب تصبـح نصيبـه
* - * - * - *
كرهني بنفسـك ولو بذنـب صغيـر=القى به اعـذاري واعـود لزمانـي
المشكل انه ما بـدى منـك تقصيـر=وهـذا يـزود واقعـك فـي كيانـي

محمد بن لعبون

عـلامـه مـا ينابينـي عـلامـه=ويخفـي مـا بقلبـه من غرامـه
ويخلـف سنـة العشــاق فيـها=ومثلـه مـا يغابـي فـي كلامـه

مساعد الرشيدي
جيتك بقايا حي كل اكثر مات = وصلت لك بأخر رمق من حياتي

عيد ابن مربح
يالمور خذ خانت الخامس من اليمنا= تحتر تبرد ترى الاخلاق خربانة

زعل الرشيدي
ان كان ماهو خايفن يفقد رجال= أناعلى فقد الرجاجيل خايف

مساعد ارشيدي
ول لا عادت طواريك ياليل الهجاد = من هنا كنت احتريها وجتني من هنا

عادل الذيابي
ربعي سلايل عبس .. ماضين الافعال = احفاد عنتر.. محتمين التوالي
يوم الفخر.. خيل .. وبواريد .. ورجال= وقفاتهم تشبه.. شموخ الجبالي
واليا اعتزوا مابين فارس .. وخيال = عدوهم .. من هول مابه ..يوالي !
عبس الفخر.. عبس الشجاعه .. والابطال = عبس الشهامه .. والكرم .. والمعاالي