منتديات المرقاب الأدبية - شاعر من سبيع من يعرفه وبعرف القصيده

الاخ العزيز \ معدي المرقاب

كل الشكرلك على هذا الســـــــؤال ..عن هذه الابيات التي تستحق البحث فعلاً

تفضل طال عمرك ..هذه القصيده وقصتها واسم شاعرها ..\ حثلان بن سميّر المداريه السبيعي

نقــلاً عن حفيده الشاعر \ فالح بن راشد بن حثلان..
.................................................. ...............هذه إجــــابه فالح عن قصيده جده كما كتبها هو ..

هلا يابو عبدالله.

هذي القصيده من احدى قصايد جدي الشاعر / حثلان بن سمّير المداريه السبيعي رحمه الله في الامير /عبدالله بن جلوي ال سعود امير الاحساء ..وقبلها قصه ..وهي اول معرفه بينهم ...عندما نزل ابن جلوي على قبيله سبيع ....نزل على جار لحثلان كان رجل كثير المال ولكنه بخيل وقد استضاف ابن جلوي على (تيسين) ...فما كان من حثلان الا وان طلب من الامير ان يستضيفه في بيته واجابه ابن جلوي لذلك ...وقام حثلان وكعادته رحمة الله (يعد من اشهر سبيع في الكرم ...وله قصص مشهوره وقيلت فيه قصائد كثيره) ..رغم قلة ماله بذبح (حائلين من الغنم) ..وكانت في ذلك الوقت قليل من يذبحها ..وبدأت المعرفه وبعد مرور 10 سنوات حيث استقرت الامور ..وتولى ابن جلوي على الاحساء كأمير ..ذهب حثلان الى الاحساء (مديد) والتقى صدفه بجاره ..وقال له جاره نريد الذهاب لأبن جلوي للسلام عليه ...قال حثلان (ماجيت فالحسا الا وبسلم عليه) ..بعد ماذهبوا لقصر الامير واحتفى بهم ..طلب الامير من (سبعان) وهو عبده ان يأتي (بحائلين) ويضعهم على صحن ..ويأتي (بتيسين) ويضعهم في صحن ...وفعل ماطلب الامير منه وبعد ماقاموا على العشاء ..كان حثلان يمشي وبجواره جاره فمنعه العبد من التقدم الى الصحن اللي فيه حايلين وجلسه على الصحن اللي فيه تيسين واخذ بيد حثلان وجلسه على الصحن اللي فيه حايلين وقال يقول عمي الامير عبدالله بن جلوي ...سموّا الله يحييكم على ماقدمت اياديكم ...وامر لحثلان (صرف عوايدله والى ابنائه) ..ولم تنقطع الا بعد وفاة ابن حثلان الشاعر المعروف فالح بن حثلان سنه 1412 رحمهم الله جميعاً ...وهذه القصيده واحد من عدة قصايد له في الامير عبدالله بن جلوي ....يقول حثلان
[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياراكب ٍ درعية ٍ تقطع البيد = بنت الخطل سمرٍ رثوع ٍ معناه
تفد فديد الربد زين التفاديد = تشدي ظليم ٍ صاعه الملح واخطاه
تلفي شجاع ٍ فالحسا مثل ابوزيد = عد الروى من جاه تشرب ضماياه
ابوفهد نمر الاسود المحاديد = مودع ولد سرحان يرتع مع الشاه
خزمّ فحول الزمل راحت معاويد = مراجع ٍ تمشي مع كل منحاه
وهجر جميع الحصن زود ٍ على القيد = والكل دنق مارفع سير علباه
ابوّه واجداده شيوخ ٍ بواليد =حكام نجد مطوعة كل منجاه
منهم جموع دهام ذهبت تواكيد = خلايق ٍ ذهبت مع كل مضماه
ربيع للخاطر كما ليلة العيد = داف الشحم بصحون (سبعان) تلقاه
ولامنّ ومر سبعان بالعلم لرشيد = عطيّته ماقط فيها مراواه
تخص سمحين الوجيه الاجاويد = منافعه ف بيوتنا لاعدمناه
لعل بطن ٍ شايله وارضعه ديد = عساه فالجنه على طيب ملفاه
هذا جواب ٍ فيه لااكذب ولا ازيد = من عند حثلان وعط الشيخ يقراه [/poem]
1- سبعان = عبد الامير

وسلامتكم................................