بعض قصائد جوهر غالب الحربي
 

[poem=font="Simplified Arabic,4,black,normal,normal" bkcolor="transparent" bkimage="" border="ridge,4,red" type=1 line=0 align=center use=ex num="0,black"]
السلام عليكم ورحمة الله وبركاته


اخواني اعضاء وزوار منتديات المرقاب


اضع لكم هذه القصائد وهي بناءأً على طلب احد الاخوه من خلال ال mirc

حيث وعده ان يجدها من خلال شبكة المرقاب

القصيده (1)


أنا لي شهر مدري من اللي يجي ويروح"=" قريبٍ غريبٍ عن عيون العرب جوه

ثلاثين يوم من الشقا والعنا والنوح"="ألا لـعــنبوهــا خـوة الليـل مــن خوة

أدوج مع أهل الدار جسم ٍ بليا روح"="ولا لي عـلى المقسوم حــيل ٍ ولا قوه

غريم الروابع والغنا مع حمام الدوح"="عسى الله يبلى من بلى الحال في سوه

بلاني بسو ولا ورى صحبته مصلوح"="ولــيــا قلت عــفـوك قــال تو الغلا توه

وجذبني بهمسٍ رامس ٍلامس ٍمملوح"="تـقــاسيم هــزج ٍ مــن شفــايــاه محلوه

حديثٍ به السلوى سحر مع غريب البوح"="يــهــز العــقـول بنــاعـم النطــق لا نوه

ومدارج شعاع الشمس عند انكسار الضوح"="أنـا أستغفر الله تاخذ الشمس من ضوه

على الوجنة اللي من نظر نورها مذبوح"="تـفـوق الــورود النـاعــمة لـين وطروه

وكأن العيون تقول لحظة تعال وروح"="فــؤادك مـعي والـلي تـبـي تـفعـلـه سوه

فظن الفؤاد وعرضنه شقا وجروح"="وبغــيت أستــرد القلب مــار أختلف نوه

يقولون يوم الثار ما ياخذه مطروح"="وأنــا طـحـت لي في واحــدٍ مـابه مروه


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>> >>

القصيدة (2)
تكلم ضمير الجمع لاجلال ذكراهم"="ولو إن سيتهم محت كل حسناهم

سلامي عليهم كل ما اوحيت طرياهم "="سلامي عليهم كل ما اوحيت طرياهم

بحس ٍ طواه الصبر والحزن أناجيهم"="وأنا والله إني عارف ٍ مقدر أجيهم

فيا الله من حسد هل الحسد تنجيهم"="لحي ٍ على طول الزمان يترجاهم

نجوم السما بالليل الاسود تسامرهم "="تسامر منازلهم وترعى مسامرهم

وأنا سامر ٍ ليلي علشان أسامرهم"="متى العين تارى بالنظر نور قمراهم

فهل يعلمون اليوم عن حال غايبهم"="جريح الضمير اللي من القلب يندبهم

ولو إن ما صاب المعاليق صايبهم"="نعوا وانشدوا عن حالنا عقب فرقاهم

ولكن مدري وش يجيب القدر مدري"="وأنا اللي جمعت أغلى غلا الناس في صدري

فهل يصبح الحرمان والصد من قدري"="فيـا الله بما تـجزى هل الكهف تـجزاهم

أجيهم على ضعف وحيا واتوسلهم"="مثل دافن الغالي على باب منزلهم

ولو عذبوني كل يوم أتحملهم"="أنا ويش أنا لولا المحبه ولولاهم

صبور ٍ على ميلاتهم وأتقربهم "="ولو شفت يوم الموت من كبر بلواهم

غلاهم على دقات قلبي يعذبني"="تشرب ضميري وإبتلاني وصوبني

ذهاب الذهوب بلوعة الحزن مذهبني"="وعلى كل هذا تنزع الروح ذكراهم

على كل مطلع شمس تبكي مراسيلي"="جموع الحمام اللي من الحزن تبكي لي

ولكن وين الصبح صبحي كما ليلي"="متى الصبح يطلع وتطلع لدنياهم

متى يرجع الغايب بعد طالت الغربه"=" يبشر غريب ٍ عاقه البعد عن قربه

اليا قام يشكي وإن مشى ماعرف دربه"="ولا يسمع العذال لا قال تنساهم

سبايب هنوف ٍ مطلع الشمس مفرعها"="كمال وجمال وعيبها في تواضعها

تولعت فيها لين قلبي غدى معها"="وخذوها بعد ما اسقوني السحر في ماءهم

فقولوا لحسادي وقولوا لعذالي"="كفايه ترايه ما اسمع القول فالغالي

أنا راضين ما حل في حال لحالي"=" ولو زرت من تعذيبهم دار موتاهم

فحيك عذاب ٍ مثل هذا تولجني"="مقامك طويل وصاحبك ما يعالجني

خلاص إنتهت حريتي وإبتدأ سجني "="عليهم ومنهم ما تصرف بلياهم

..................................................

القصيدة (3)
صدفه لقيت الشعر في قسم الأعصاب "="يبـي يشـق الثـوب ومحجزيـنـه


وأسمع وراه بغرفته صـوت وطـلاب"="أحد(ن) يبي يحماه وأحـد(ن) يدينـه
وسئلت عنه أهل العنايـه والأطبـاب"="وش صاب حال العود يـا معالجينـه
قالوا مريض ودخّل أشهار منصـاب"="والظاهـر انـه مقفيات(ن)سنيـنـه
قلت أبا زوره عجلـوا فكـوا البـاب"="قالوا مريض ويزعجـك فـي ونينـه
قلت أن هجرته عمد يلحقني أعتـاب"="تكفـون لا تقفـون بينـي وبيـنـه
قالوا تفضـل دون تقييـد وحسـاب"="لو كان حـال العـود ماهـي بزينـه
وجيته وهو من ضجة الناس مرتـاب"="وقام وتنهض فـي وقـار وسكينـه
عليه مـن لبـس العيـادات جلبـاب"="وسلك المغـذي رابطـه فـي يمينـه
وحبيت خشمه وأقبل الدمـع سكـاب"="وأبطـى يطالعنـي بعين(ن)حزينـه
جسمه نحيف ولحيتـه كلهـا تـراب"="وبعض الكوايا واسمـات(ن) جبينـه
معروف ما بين القرايـب والأجنـاب"="شكل بدوي معـروف ملـه وطينـه
قلت انت وشلونك عسى ما بك أسباب"="وقـام يتلقـف عبرتـه فـي يدينـه
قلت أنت لا تبكي ترى عندك أقـراب"="قرابـة المولـود مــن والديـنـه
ومش الدموع وقال ويش أنت يا شاب"="فـلان وبـن فـلان وفـلان وينـه
ناس(ن) ثنوا من دون حقي ولاغـاب"="يـوم إنهـم حيـيـن متوارثيـنـه
متوارثين الصيت والصيت ما خـاب"="ياطيـب صيتـي عندهـم حافظينـه
حامينني من كـل جاهـل وغصـاب"="مـن مـد كفـه للعبـث خاصمينـه
واليوم شوّه سمعتـي كـل مغتـاب"="يلعب على الحبلين محـد(ن) يهينـه
إلاّ قليل(ن) من كثير العـرب طـاب"="تالي رجايـه عقـب ذقـت الغبينـه
لعلهم يبنـون بيتـي بـلا طنـاب "="في وجـه صلفـات الليـال المتينـه
وحقي عليهم ذبـح تسعيـن كـذاب"="ومن فوق هـذا شرهتـي بالثمينـه
وإن ما فعلوا هذا ف أنا مالي أصحاب"="بكره تبي تصبـح عضامـي دفينـه
بلغ لي الشعار فـي كـل الأشعـاب"="تـراك فـي حكـم الوصيـه رهينـه
وأنته تنوب وكل شاعـر ليـا نـاب"="يصبح كما الربـان فـوق السفينـه
إما طلع و ألاّ هفـى هفيـة غـراب"="والشعر ماهـو شـي لـولا سمينـه
بلغ شواعيـر النبـط تصـدر كتـاب"="عن عالم(ن) شعـر النبـط ظالمينـه
قلت الوصيه واصله مابهـا أطـلاب"="أبـداً تطمـن والمـراسـل أميـنـه
وقام وتلحف وأنسدح وأغلق البـاب"="وبعد المرض عادت عليـه السكينـه



[/poem]

هذه ثلاث قصائد لجوهر غالب وطالبها حرامي -نمل وهناك ست قصااائد سارسلها لك لاحقاً

أخوي علي مبارك

مرقاب الامير محمد السديري

يستحق منا كل الجهد لأنه وضع لإضافة القصائد الجميلة لغير الأعضاء وكذلك القصص وعلوم الرياجيل الطيبين

وأشكرك على هذه الاضافة الجميلة لشاعرنا المتميز جوهر غالب


سلمت يمينك وإلى الأمام


وتقبل تحياتي وتقديري

علي بن مبارك

جهــدك واضح أيها المخلص لهذا المنتدى الراقي ، وجوهر بن غالب من الشعراء الذين نبحث باللي هو به

وأحمد الله أنني قرأت بعض من درره هنا ومن أتى بها هو أنت ، لاهنت على كل حال ، ولازلنا ننتظر منك

المزيد من نفس هذه النمونة من القصائد