عشرين خاطره
السلام عليكم ورحمة الله وبركاته
اهدي لكم هذه القصيد وآمل ان تنال اعجابكم [poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=sp length=20 char="" num="0,black" filter=""] سرى الليل والمهموم ماطاب خاطره من الضيقه اللي في ضميره تشاطره ليا اقبل ظلام الليل لحماه روحت ترازم على جاشه وزادت مخاطره تخالف روابع خاطرٍ من عنا الدهر تعب وتعبت من نايد البعد فاطره الى قلت طاب الكيف والهاجس انتحى خطر خاطر المخطور عشرين خاطره انالي زمن صابر على الجور وانتظر ومازال لي موعد مع الوقت ناطره لو الوقت ضدي ماتوني ركايبه وهمي مع الايام يزود قاطره ابصبر على الايام والضيم والعنا الين الفرج تنزل عليّه قناطره قناطر فرج من واحدن يملك الفرج تزيح الهموم اللي على القلب ساطره هو الواحد اللي كلنا تحت دبرته الهٍ ينشي الغيم ويهل ماطره ولاهمني هرجة هبيلٍ من الملأ هبيلٍ قليل حسان والمال باطره ولاجرب الشدات والضيق والسهر ولاقال قلبي جاير الوقت فاطره ولاهوب يفرح بالمسايير لااقبلوا لياشافهم كنك على الوجه ساطره وماقل دل ومطلب القلب ياملأ يبي سيرةٍ في عالم الطيب عاطره وسلامتكم شبيب شاهر [/poet] |
هلا وغلا ياشبيب
تسلم يمينك |
وماقل دل ومطلب القلب iiياملأ
يبي سيرةٍ في عالم الطيب عاطره شبيب شاهر اسعد الله اوقاتك اسم لامع في سماء الشعر وابداع في غاية الروعه لا يكتبه سواك سلمت يمينك وصح لسانك وسجل كامل اعجابي عوض فرج |
والله وسبعة انعام ياشبيب
اشهد لله انك مبدع ولاهوب يفرح بالمسايير لااقبلوا ــــــــــــــــــــــــــ ليا شافهم كنك على الوجه ساطره منتهى الأبداع الشعر بخير دام امثالك تكتبه والله اني اقوله صادق وبدون مجامله ياخوي هالبحر زايداً جمال القصيده عندي تقبل اعجابي ومتابعتي وتحياتي ســــــــــعود الدهيمي البقمي |
شبيب
صح لساانك يالذيب وااافيه من رااس واافي تحياااااااااااااااااتي |
ناصر النفيعي
الله يبقيك ياناصر ومرورك شرف لي لاهنت تقبل تحياتي شبيب |
شهادتي فيك مجروحه يا شبيب
بيض الله وجهك و صح لسانك على العشرين لؤلؤه. تحياتي لك يا ابو شاهر اخوك شفق السريع |
شبيب شاهر
هلا وغلا فيك صح لسانك يالغالي ابدعت كعادتك وتميزت بهذه القصيدة انت رائع وكلماتك رائعة سجل اعجابي وتقبل تحيااااتي |
عوض فرج
تسلم على هذا الشعور الطيب وشكرآ على مرورك الكريم تقبل تحياتي شبيب |
الشاعر الرائع شبيب شاهر..
هلا وغلا يالسبيعي...حضور مميز دائما سرى الليل والمهموم ماطاب خاطره.. مطلع جميل لما بعده من الجزالة والشعر الحقيقي والحكمة المتناهية شبيب شاعر علم يستحق الانصاف.. قصر معه الاعلام كثيرا..ليس بحاجة الى شهادتي..ولكنه صاحب اسم اقترن بالابداع..والروعة الشعرية المتمثلة في جميع قصائدة... هذه القصيدة اللتي بين ايدينا.. رائعة حد اروعة ومذهلة حد الاذهال.. اهداها لنا هنا لنستقي من معانيها كل ماهو جميل.. تمعنو فقط في قولة: ولاهوب يفرح بالمسايير لااقبلوا لياشافهم كنك على الوجه ساطره لله درك ياشبيب..صورة معبرة لمن يملك هذه الصفات اعاذنا الله واياكم منها.. تقبل تحياتي...واسمح لقلمي تقصيره في انصافك ايه الجزل معيض |
اخي الغالي // الشاعر شبيب شاهر
تستحق كل ماقاله الاخوان قبلي 0واكثر 00
ويكفي اني اشعر انها تعبر عن بعض مايجول في خاطري 00 ولواردت التعبير عنه مااتيت باحسن مماقلت 0 سرى الليل والمهموم ماطاب iiخاطره من الضيقه اللي في ضميره iiتشاطره ليا اقبل ظلام الليل لحماه روحت ترازم على جاشه وزادت iiمخاطره تخالف روابع خاطرٍ من عنا iiالدهر تعب وتعبت من نايد البعد فاطره الى قلت طاب الكيف والهاجس انتحى خطر خاطر المخطور عشرين iiخاطره === صح لسانك الي مالا نهايه وتقبل تحياتي وخالص احترامي ===================================== اخوك نديم الطيف |
اخي الكريم/ شبيب شاهر00
صح السانك مليون مرة وانت راعيها00 قصيدة شاعر رائع 00 تشكر عليها وعلى كل كلمة كتبتها00 سجل اعجابي00 ولك مني كل الحب والتقدير00 |
سعود الدهيمي
ماعليك زود ياسعود مرورك شرف لي واشكرك جزيل الشكر على هذا الكلام الطيب الذي يعطيني الدافع اكثر تقبل تحياتي شبيب |
الاخ الغالي/ شبيب شاهر
" " صح لسانك ولاهنت يالسنافي " " وليس غريب عليك هذا الابداع " " سجل اعجابي ولاهنت يالقرم " " تحياااتي لك " " " نااايف بن عيفااان |
صح لسانك
الاخ والشاعر الكبير والمبدع/ شبيــــــب الشاهر
الى قلت طاب الكيف والهاجس انتحى ----------------------------------- خطر خاطر المخطور عشرين خاطره ياسلام كلام كلام اخوي شبيب انا اشهدنك اجدت وابدعت بهذه القصيده التي اقول عنها انها اجمل من رائعه وصح لسانك مره ومرار!!!!!!!!!! وننتظر منك المزيد والمزيد سجل اعجابي!!!!!!!!!!!!!!1 ولك مني كل الشكر والعرفان اخوك/ فيحان المقاطي |
مدلهم العايضي
هلا بك .............. صح بدنك شكرآ على الشعور الطيب تقبل تحياتي شبيب |
اخوي العزيز الشاعر / شبيب بن شاهر
صح لسانك ولاهنت معودنا على الجزلات سعيد لتواجدك في المنتدى ومتابعه ابداعاتك تقبل تحياتي فالح |
شفق السريع
هلا وغلا ياشفق كتمل جمال القصيده بروعة قراءها وانت اولهم تسلم لاهنت تقبل تحياتي شبيب |
شاهر الشاهر
مرحبابك وشكرآ على هذا الحضور صح بدنك والله يعطيك العافيه تقبل تحياتي شبيب |
اخوي العزيز/شبيب شاهر
عشرين جوهرة لك عليها عشرين مليون شكر. السيرة عاطرة ياابو شاهر والكرب زائل باذن الله شاعرمبدع مثلك لايسعني الاان اشكره واستسمحه عن التقصير في حقه |
الرااااااااااااااااااااائع دوما
شبيب الشاهر ابداااااعك في ازدياد .....قصيده روعه قافيه مميزه ... يا مميز صح لسانك ......... واسلم ياغالي ........ |
معيض العتيبي
مرحبا والله يا معيض والله انك احرجتني بردك وطيبك وافي وافي والله اني اقولها صادق ومن رجالٍ وافين تقبل تحياتي وتقديري مع شكري الجزيل لك اخوك شبيب |
| جميع الأوقات بتوقيت GMT +3. الساعة الآن 10:48 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية