غن يامرزوق.
غن يامرزوق والشاعر نعرف طروقه
...................................بارك الله فى الرجال اللي على مبداها ياحليل الروقي اللي سد دون الروقه .................................... ماتجيه الكلمه الا فاهمن معناها |
يامرحبا
يالشاعر مطر الروقي استلم لاهنت ياهلاء يا مرحبــا بالروقي اللي ذوقه ---------------------------واختـــياره ذوق بلحــــونه ليــا غناها من وقف له فا ا لمواقف واقفةٍ ماثوقه --------------------------ياعسى الرديـان فدوه له والا يفداها |
مرحبا والله بالمطر
اشتقنا لك ياالمطر والحمدلله على هطولك علينا والذي نتمنى إستمراره. مرزوق الروقي إمطرنا بفضل الله ورحمته واصلوا دام تواصلكم وانعشونا بإبداعكم. ياحليل الروقي اللي سد دون الروقه .................................... ماتجيه الكلمه الا فاهمن معناها |
العزيز/ فارس العصيمي..........الله يبقيك ذخر.....ولاعليك زود..وتظل الوافي.
البقا يامرزوق......واستلم لاهنت. اللسان حصان والرجال من منطوقه ....................................البقا فى الاوله والثانبه بسراها العتيبي ياعتيبي ماتضيع حقوقه ...................................نجتهد والناس يامرزوق صعب ارضاها |
شكرا
ابومقبل متابعتك تشجيعأ نعتز بها استلم يابن روق لاهنت للسان حصان والطيب غلاه بسوقة ----------------------------------والرخـيصه والرديه مــاحدٍ يبــغاها ليابذلت الجهد لاحلك السعد ببروقة -------------------------------فزت برضاء الناس والدنيا على مجراها |
استلم يامرزوق........واعذرني على التاخير.
الذهب محفوظ يامرزوق فى صندوقه ....................................والثمينه كل شاعر يجتهد لشراها كل مطروده يقولون العرب ملحوقه ..................................وش نسوي فى شواعير بليس اغواها |
استلم يابن روق لاهنت
الذهب خلوه واســـط الخزنه المغلوقة --------------------وان دعى الداعي لصرفه قم وفك غطاها وكل مطرودن من السرعه تطيح اعلوقة ---------------------لاتــسوي الطيب باحزابٍ ابليس اغواها |
كل جاهل ياوسيع العرف ينفخ بوقه
....................................لا تحد الناس يامرزوق لين اقصاها تجتمع وا لا عساها دايمن مفروقه ....................................امدح الاصحاب يامرزوق لاتشناها |
اسعد الله اوقاتك يابن العم وستلم لاهنت
كل جاهل ياوسيع العرف جعله عوقه ---------------ماحـــسبناله حـــساب اذاجهل وخطـــاها و لا شربنا يا مطرــ للمويه المــطروقه --------------الهدف صــــــافي وربي يامطـــر صفاها |
مطر الروقي
مرزوق الروقي صح لســـــــــــــانكم وعشتو ... لا هنـــتـــوا مرزوق ترانـــــــــــــي ماسكن الصف معك... شــد حيـــلك ترى مطر خطيــــــر.. سررررررررررررررررررررى أخـــوكم / بيــــــــــــداء |
العزيز/ مرزوق........الله لايهينك على الكلام الثمين...واعتقد ان القاف اخذ حقه
مشكور....والقادم اجمل. بيداء..........مشكور اخوي الكريم...........واسعدنا متابعتك. |
شكرا بيداء0 على المتابعه نعتزبها اطال الله عمرك لك تحياتي
الاخ العزيز الشاعر الرائع مطر الروقي لك اجمل التحايا مني وتشرفت بالعب معاك واستمتعنا بمعانيك الجزله التي تدل على جزالتك وذوقك وعرفك المتفوق ولنا نشالله لقا نتشرف فيه بالعب معاكم على خير الجميع تقبل تحيات اخوك ابو خالد |
| جميع الأوقات بتوقيت GMT +3. الساعة الآن 04:26 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية