شليويح المطيري 00ومطلق الثبيتي
هذه المحاورة جرت بين الشاعر الكبير مطلق بن حميد الثبيتي رحمه الله والشاعر الكبير شليويح بن شلاح المطيري .
مطلق يا شليوح المطيري على راسك تحوم **********وحده يا ذيب ما انت بسالم شرها ما ينجيك العصيمي ولو أنه يقوم **********والكبود السود لازم تموت بحرها شليويح شايبٍ راسي من الهوش واهواي السهوم **********وان بغيت تجرها من زنودك جرها خابرينك لاوليت العرب ما أنت برحوم **********مير مابه ناقةٍ تحتلب من درها مطلق لك ثلاث الليال سهران تنظر بالنجوم **********والنجوم بعيد ماهي فلوس تصرها ما بعدها يا لمطيري يقع فرك الخشوم **********يالله الزم بحرها قبل يغرق برها شليويح يوم أحسب احساب ماني بحاسب للرخوم **********والضعيف لو يمر العرب ما ضرها ما عرفنا يالثبيتي متى حظك يقوم **********والخواجة جاب دشداشته مازرها مطلق ادعج العينين ما هو من الكحل محروم **********مير هات المكحلة للعيون وذرها أنت مالك في مشاكل هل المشرق لزوم **********وأنت راع الحره اللي شوتك بحرها شليويح لو يزيد الكحل في عين حانيت الرقوم **********ما يضر أعيونها كل يوم يسرها وأنت خليت الشلاوا وغازي للبقوم **********والشلاوا تكحل العين لو تمرها وتقبلوا تحياتي |
الغالي
سلطان المنصوري اختيار رااااااااااااااااااااااائع لشعراء الرواااائع لك تقديري وودي |
السلام عليك
ماقصرت بيض الله وجهك دائما مشاركاتك رائعه ولا تبخل علينا بمثل هذه المحاورات الجميلة اخوك العتيبي وشكرا |
الف شكر لك ياسلطان ...
نقل رائع لمحاوره اثنان من عملاقة الشعر ... تحياتي لك .. |
لاهنت ياسلطان
وبيض الله وجهك تقبل تحيااااتي |
| جميع الأوقات بتوقيت GMT +3. الساعة الآن 04:48 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية