يالعماني نادر انظر بعينك للامام
مع التحيه ولاحترام للاخ الشاعر0 نادر العماني0
يالعماني نادر انظر بعيــنك للامام -------------------شاشة المرقاب واقرا الرساله يافطين ودي اخذ معك محراف قبل انك تنام ----------------- كان ودك قـــول يالله ويالله حاـضرين مرزوق الروقي |
مرزوق الروقي
ألف تحيه وياهلا واستلم لاهنت ليش يامرزوق ما تبتدينا بالسلام ....................................... وأنت مسلم تعرف إنه ِشعار المسلمين وأبشر إني للمصلين يالروقي إمام ........................................... دايم ٍ قدام ، والله على الدنيا يعين |
اخي وعزيزي نادر العماني0
لك تحياتي وانا فعلٍ حصل مني التقصير بعدم البدايه بالسلام والكن المعذره والسموحه 0 واستلم لاهنت التحيه سقتها لك قبل سوق الكلام --------------------سقتها واسف على النقص يبن الطيبن ودنا انك طال عمرك على عال السنام -------------------انت واهل الطيب في كل وقت وكل حين |
لك الشكر وعلمك غانم ولا جاء تقصير
واستلم.. لاعدمتك ما تقصّر .. والملامه .. ترى مامن ملام ................................ طيبكم معروف عبر الليالي والسنين أدري إنك معك علم ٍ نشأ مثل الغمام ............................... مير تكفى لا تنــبّـه قلوب الغافلين |
نادر الله يمسيك ويصبحك بالخير الفرصه قليله واسف على التاخير
ما ء نعمد الايمه والفــخر لنا وسام ----------------------------ولاعليكم زود بالطيب دايم معتلين ياوسع العرف من فيه عرف وله مقام ----------------------------ما عليه ولايحسب الثلاثه والثنـين |
حياك يامرزوق
واستلم لا هنت الكرم ياأهل الكرم عادة الناس الكرام ................................... ما نمد إيسار للي يمد إلْنا اليمين لا تجيب العيد ياصاحبي قبل ارمضان ........................ شوف يامرزوق باقي على العيد اشهرين |
نادر..........
ومرزوق.... الله يعطيكم العافية... واصلواااااااااااااااااااااا المتابعة كبيرة |
استلم يانادر لاهنت
انتم اهل الطيب والطيبه وقت المهام ----------------------------------قلتها لك قلتهالك وحنا شاهدين ولا عليـكم نقص لا كن لاشد الحزام ----------------------------وصعبت الدعوى عليكم نجيكم فازعين |
معيض العتيبي
بيض الله وجهك الحي يحييك |
استلم
كل شيءٍ فيه تنظيم يمشي بالنظام ................................... وكل شيء بدون تنظيم لايمكن يزين ما نبي فزعه يامرزوق من روس النعام .......................... ولا نشدت الناس راس النعامه راح وين؟؟! |
استلم يانادر لاهنت
كل شين يالعماني على وقته تمام ----------وفا السعه يحقلك قول عنكم مغتنين انشد الشيبان واخذ الحقائق ياغلام ------وتعرف من سيرة القوم في ماض السنين |
كان أبوزيد آخر الوقت في خشمه عرام ........................ كم دهنا راس أبو زيد ورد وياسمين ياوسيع العرف والضرب فالميت حرام ........................... قول للحفار يحفر قبور الميتين |
ياسلام الله الله
ياعيني عليكم اشهد بالله طاروق يكتب بما الذهب لاهنتوا ترانا متابعين |
استلم يانادر
من قديمن وتالي والرسن والخطام --------------في يمين ابوزيد وخشم ابو نيتين لاتخـلي واراك من الذ خــيره غرام ------------وشبها وانت مانت بقدها عارفين |
اخي
مروزق الروقي انتظرت فتره لعلك تتنبه للخطأ الذي وقعت فيه ( تغيير الوزن ) ولكن .. استلم يامدير المدرسه ليش قصّرت الدوام ............................................ راجع الساعه ، وفكّر بقالك ساعتين!! وكان ما تدري عن الخبز والماء واليدام ........................................ إنشد الخباز عن وزنة الماء والطحين!! |
الشاعران مرزوق ونادر...
محاورة رائعة الله يعطيكم العافية |
الاخ العزيز ابو فيصل0000 طابت اوقاتك
متابعتك شرف لنا ونفخر بها لك تحياتي مرزوق الروقي |
| جميع الأوقات بتوقيت GMT +3. الساعة الآن 07:04 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية