$$ وقفات في حياة الشاعره بخوت المريـــه$$
[frame="10 80"][align=center]
نسبها بخيتة بنت عايض ال عذبة المري المعروفه بأسم بخوت موطنها : عاشت بداية عمرها جنوب منطقة الاحساء مع والدها على عد (الزرنوقة) وكذلك حول بير (فاضل) وكلاهما موارد لقبيلة مرة حياتها الاجتماعية كانت يتيمة الام وقد تزوجت ثلاث مرات ولكن لم ترزق بذريةوقد عاشت في بداية حياتها مع والدها عايض المري تنتسب بخوت لعائلة آل منيره ... والذي يقطن غالبيتهم في مدينة المره بجنوب قطر شاعريتها: كتبت بخوت الشعر وهي في سن مبكرة في الثامنة من عمرها تقربيا ولقد تطرقت لجميع اغراض الشعر النبطي من مدح وغزل ووصف ورثاء ومحاورة والشاعرة هي عمة ( الشاعره المعروفه.. الراسيه ) ليته يناديني وانـا بـس اناديـه=واجاوبه ياحسين ولو كان مـره عليه قلبـي يابسـات عراويـه=اقفا ابقلبي من ضلوعي يجـره ذالي ليال قاعده فـي حراويـه=ليننهـا زادت علـى المضـره قمت اتوجد وجد من مات غاليه=قبوه اقبالـه كـل يـوم يمـره أو وجد من خاوه والليل ممسيه=ينخا ولا حد من هل الهجن مره خلي طريح والضواري اتحاضيه=بالمقطعه وامقابله ضلـع حـره على الذي ماشفت حي ايحاليـه=شيخ على القوم المعادين شـره وفي اجمل قصايدها قالت : [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] جيت المنازل خاليه ما بها اونـاس=من عام الأول ارضها ما وطي به ولقيت مرح أهل المـروات دراس=علمه بهم يا بو مطر علمـي ابـه مريتهـا يـوم المعاليـق يـبـاس=ونزلتها يـوم الضمايـر عشيبـه وونس بصدري واهج الحر حماس=احسب من فارق هله لي يجي بـه واقفيت كن ابسرت القلب مـراس=واقنب كما يقنب من الجوع ذيبـه واعول كما تعول على البو عرماس=ومن لامني جعل حوالـه عطيبـه باللي يفكون الطلب عقب الادمـاس=ربعي مصخرت العدو بالغصيبـه اليا منهم ركبوا على سرج الافراس=وتحيزموا من فوق قـب عريبـه اليا اعتزوا ببعير عالـي السـاس=خلوا على جمع المعـادي حطيبـه ذكر الموده للعرب ما بهـا بـاس=لكنهـا علـى المولـع مصيـبـه حب الرفاقه شيب القلب والـراس=وباق المـوده لـه بديـل قريبـه باقي العرب تلقا بديله مـع النـاس=واخوك لو درت البدل مـا لقيبـه [/poem] ولها : [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] مل قلب ٍ فر وأفتـر مثـل المروحـه=فرهـا فـرت جديـد قـوي ٍسيرهـا ان ضحك لي صاحبي سر قلبي وافرحه=وان تغلى صاحبي زاد عينـي شرهـا صاحبي ناوي يذبحني وانا مقوى اذبحه=شب في كبدي سنـا نـار زوّد حرهـا [/poem] وقالت رد على من علق على جراءتها الشعريه [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] العب المنكوس وارفع بصوتي ماعلي=من هل المنقود واهل العلوم الهينـه [/poem] يقال انه كانت لها قصة عشق بين أحد ابناء عمومتها ويدعى " محمد " وكانت لا تخجل من هذا العشق الطاهر بل كانت تجهر به وكانت تذكر محمد في اغلب ابياتها وهذه احد ابياتها فيه ... [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] ياهل البيت المطرف تراني يوم جيت=عندكم لي حاجة ٍواستحي ماقولهـا [/poem] ايضاً في محمد ... [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] المحبه لا سطت ما يعالجها الطبيب=روحتك ياصاحبي ليت ربي لدهـا عادة الدنيا تفرق حبيبٍ عن حبيب=وقطعك يارفقة ٍوالمفارق ضدهـا [/poem] لها في الأحلام [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] البارحـه والحبـايـب كلـنـا لـمـا=يوم اصبح الصبح كل(ن) راح في داره حسبي على الحلم يكذب جعلـه الهمـا=سـوّى بحالـي كمـا عـود ونجـاره [/poem] ايضاً في ابن عمها " على " وكان بمثابة الأخ لها والأقرب إليها [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] ياعلي ياخـوي ويـن بدوانـي غـدو=لا خبـر ولا مديـد ولا قلبـي بنيـس راحوا العربان في شف قطعان البـد و=في هوى الخلفات ماراوزوا يوم الخميس نحف حالي ياعلي نحف مدراة السـدو=وزوع قلبي زوع حر ٍ إلى شاف القنيص [/poem] ولها ايضاً في الحكمه ... [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] تل قلبي تل طيرٍ على الجول مهـدود=يطرد المقفي وطرد المقافـي كايـده مهبلك ياللي تبي الوقت الأول لك يعود=من يرده كود محيي العظـام البايـده [/poem] نوادر من قصائدها [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] جعل وبل الغيث يسقي ديار المفرعين=منزل اللي كن حديثة حليـب معدّيـة ضيقيتي في خاصري دايم ماهوب زين=قومي اللي سم حالـي وبيـح سدّيـة ان سجنته قام يتبـع دروب الدالهيـن=وان نشدته قـال انـا علتـي متعدّيـة ان بغى خلي جنابي فلا غيـره ضـنيـن=وان بغى يقفي فيقفي مراح مودّيـة [/poem] ومن نوادرها ايضا هذة القصيدة اللي تشبه فية الحرية واستعادتها مثل طير شاهين ربيطة السبق [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] زوع قلبي زوع طير قطع قد هو حكير=من شياهين البحر واستخل اهجارهـا كل ما صاح االمصيح تعلوت تستديـر=عقب ما هي حكرة سعدهـا بطيارهـا [/poem] وقالت في الحزن ) [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] انا دمع عيني بالدقايق وبالساعـات=ولا هي على فرقا المحبيـن مستـره هواجيس قلبي كل ما أقول راحت جات=تعود علي باليوم خمسة عشر مـره [/poem] وقالت كذلك في وصف ناقتها التي كانت تسميها (ذروة) [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] كن ذيل ذروة راس بنت على زيان=يازين شوفه في العراقيب يجتالي يازين شوف حوارها بارك ريـان=في حرف روض والمضاهير نزالي [/poem] تقول بخوت المريه وهي أشهر من تكلم عن السيارات من النساء : [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] حن قلبي حن (( ماك )) على سمر العجل=عشق السـواق والـدرب ممسـوكٍ وراه ما بشفي لا دريـول ولا ريـس عمـل=شفي اللي كـل ماشـاف بـراقٍ رعـاه ونتي ونة خلـوجٍ ولدهـا مابعـد جـدل=تشـرف المرقـاب للـذود وتعـود وراه [/poem] وتقول أيضاً : [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] ياحن قلبي حن ماكٍ مع الطلعات=ليا عشقه بالعايدي والدبل جره جرمة ثقيل وحملوا فوقه البيبات=ويدعس عليه ببنزينه ولا سرّه [/poem] والماك : هي السيارة الكبيره .. أما في وصف السيارات فقد برعت الشاعره فيه [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] تل قلبي تل فرت ٍعلى سبر العجـل=عشقه راعيه والحوض تحته قد ملاه ان تسنّد عشّقـه ثـم لـده بالدبـل=وان تحرر ريّحه لين ياصل منتهـاه [/poem] ولها بوصف المرسدس [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] المرسدس محلاه في طلعت ام حويض=اليا عطي ثالث جاوب السير شكمانـه [/poem] ونلاحظ هنا دقة التعبير والوصف في هذا البيت وقالت في الفراق [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] ياجماعة وإن عزمتوا على أنكم راحلين=غمغموني عن مظاهيركـم لاشوفهـا كن في قلبي لهب نار ربـعٍ نازليـن=اشعلوهـا بالخـلا والهبـوب تلوفهـا ول عودٍ لاش رحمه ولا قلـبٍ يليـن=عسى ذودك في نحر قومٍ وانت تشوفها عيدوا بي في الخلا والفريق معيديـن=كل عذرا نقشت بالخضـاب كفوفهـا مايقرب دارهم كود صنـع الذاهبيـن=كود حمرا عزمها من صفـاة بلوفهـا كن حنين الويل يشبه لخلفات القطيـن=لينوا له بالقدم مـع طمـان اجروفهـا [/poem] وتقصد بالحمرا : السيارة .. وقالت في التوجد : [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] ياوجودي وجد من حط معروفه وضاع=بين بواراً ومن بيـن جحـاد الجميـل اووجود اغريراً فاقداً حلـو الرضـاع=ماتت امه والمنايح حلال القوم حيـل او وجود اللي فقد خوه ابن عمً شجاع=محزماً فالضيق وان جاه مختف الشليل [/poem] كما لها بالتوجد على حياة البر والباديه: [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] وجودي على بيت الشعر عقب بيت الطين=وجودي على شـوف المغاتيـر منثـره وجودي على خوة هل الموتـر المقفيـن=وجودي على شوف السهل من ورا الحره ليا حلوا البدوان وصـاروا علـى بيتيـن=ومن كان لـه خـل مـع ذاك ماغـره [/poem] وقالت ايضا : [poem=font="Simplified Arabic,4,white,normal,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] ما بشفي لا دريول ولا ريس عمل=شفي اللي كل ما شاف براق رعاه قاطنين فوق عد على جاله عبـل=طيب للبل وراعيه ما يقطع ضماه [/poem] وفاتها عندما تقدم العمر بشاعرتنا استقرت بقية عمرها في مدينة الدمام يمنطقة تسمى ( كمب البدو ) وحاليا اسمها ( حي البادية) حتى توفيت هناك عام 1995 ميلادي. الله يرحمها ويسكنها فسيح جناته... .. [/align][/frame] |
أخي الغالي محمد السليس
بيض الله وجهك عل ىهالموضوع الجميل المتنوع عن الشاعرة الكبيرة بخوت المرية التي لا يمل احد من ترديد قصائدها وكتابتك لهذا الموضوع تدل على ما بداخلك من الوفاء لاعلام الشعر الشعبي وحسن ذائقتك الشعرية تقبل تحياتي والى الأمام وشكرا اخوك محمد سعود الحربي |
يا سلالالالالالالالالالالالالالام يا محمد
والله العظيم اني ادور قصايدها من مببببببببببطي يا طيب راسك طيباااااااااااااااه عز الله غبت وجبت والحمد لله على السلامه :) اخوك /غالب |
بارك الله فيك على ما اوردت لنا من موضوع شيق ويستاهل القراءة
كل التقدير لك على مجهودك الطيب يا طيب بانتظار المزيد منك لا عدمناك بالتوفيق اخيك العجمـ بــدر ـي...@@ |
شاعرةٌ تفوقت .. وسجلت إسمها من الشاعرات الخالدات
بخوت المريه نسأل الله لها الرحمــه .. والمغفرة وشكراً يا محمد على هذا الطرح الراااقي |
مساء الغلااااااا اخي الفاضل وقفه جميله لمن يستحق شاعرة قرأتها وافتخرت ببدعها حقاااااا شكرا لك هذا الجهد الجميل تحيتي .. |
مرحبا يا محمد
لا هنت على كل حال بس الابيات هذي ياوجودي وجد من حط معروفه وضاع بين بواراً ومن بيـن جحـاد الجميـل اووجود اغريراً فاقداً حلـو الرضـاع ماتت امه والمنايح حلال القـوم حيـل او وجود اللي فقد خوه ابن عمً شجـاع محزماً فالضيق وان جاه مختف الشليل على ما اعرف انها للشاعر عبدالهادي بن سهل وهو من شعراء ال مره المعروفين وتقول بخّوت كل الشاعير في وادي .. وانا مع الضلع سديته ياكون ابن سهل هادي ... ظهر مع الريع ما ريته ولها معه مساجلات رائعه وهو شاعر معروف واظن الابيات له .. والله اعلم |
مرحبا يالسليس وبيّض الله وجهك
امّا من ناحيّة الابيات الليّ ذكرت فهي للشاعر : حمد ال عيطلي المري ومسندها على الشاعر : عمير بن راشد العفيشه ياوجودي وجد من حط معروفه وضاع بين بواراً ومن بيـن جحـاد الجميـل اووجود اغريراً فاقداً حلـو الرضـاع ماتت امه والمنايح حلال القـوم حيـل او وجود اللي فقد خوه ابن عمً شجـاع محزماً فالضيق وان جاه مختف الشليل والصبر منّه الى حان فرّاق الوداع & مثل فرقا عمير من صاحبه وقته طويل ورد عمير في هذه القصيده بقوله : ماجداه الا الزهم يوم شاف أبله تصاع مامعه ربعٍ يوطون سوّ اللي يعيل وعزّتالي جسم حالي من الهم استصاع من هوى زين التواصيف منسوع الجديل قد نسيته يابن خالي وخليت الولاع من جميع البيض وامحنت قلبي بالعويل ياحمد لابد عقب المفارق الاجتماع لاتبيّع بالعزا يوم فارقت الخليل كون دمعك هل وأوحيت قلبك يوم زاع يوم قال أستر على ماوزاك أنت الوكيل رحت من خلّك بسوق المشاري والمباع واقفٍ مانلت من وقفته عندك ذبيل مابداك الا التهجّي بشوفه كل ساع لابغيت اتسج قل ياحمد عمرّ سبيل كانها ضاقت عليك المناهيج الوساع ماتضيق الا على الاش وصحيب الذليل قم ترحّل فوق ماتطوي البيدا رباع منوّة الطارش تبوج الريادي بالهزيل لاوطت بالحزم قلت انها بأرضٍ خشاع كنه ضايمهاالى درهمت حملٍ ثقيل در عليها الكور وأنت البخيص بكل قاع وأنت راع الشف وأنت المعنّى والدليل وسلامتكم |
محمد :
اقسم بالله جهد تشكر عليه .. والف شكر لك يالغالي وبالنسبه للمرحومه بإذن الله : شاعره ولا اظن ان هناك شاعرات تعدّو شاعريّتها الأنثويّه ومبدعه .. رحمها الله شكرا ً لك .. ودمت بخير يالغالي . |
الله لايهينك يامحمد ..
جهد تشكر عليه .. ولايهونون الربع اللي عاونوك.. والله يرحم شاعرتنا .. اســـــــلم .. وســــــلّم,, |
ياويش قيس وليليه العامريه
ويالعنبو من لام بالحب بخوت الله الله الله يجزاك خير على هالقصيد اللي ادوره لي زمان انشهد ان الشاعره بخوت تستحق الوقفه والاطراء شاعره ولافيها حكي وانا من اشد متابعينها الله يرحمها ويغفر لها والله ماتمنيت الا اني وياها من جيل واحد الله يرحمها تحياتي وقبل لا انسى يااخوي محمد الله لايهينك اذا عندك لها قصيد لا تحرمنا اخوك خالد |
وجودي على بيت الشعر عقب بيت الطين
وجودي على شـوف المغاتيـر منثـره وجودي على خوة هل الموتـر المقفيـن وجودي على شوف السهل من ورا الحره ليا حلوا البدوان وصاروا علـى بيتيـن ومن كان لـه خـل مـع ذاك ماغـره حدثني احدهم رواية عن آخر كان يعمل على تاكسي له في مدينة الدمام قديما .. قال : مررت ومعي راكب في الامام واذا بامرأة طاعنة في السن حول "كمب البدو" حي البادية الآن في راس الشارع فأومأت فوقفت وركبت وكانت ريد مكانا قريبا فاوصلناها فقال لي الراكب المجاور هل تعرف من هذه .. قلت : لا .. قال هذه بخوت المرية ... فقلت لها ... حلفت ما يجيني منك شئ ومثلك يستاهل كل خير وانتي قصيدك خير شافع لك عندي .. فرفضت وقالت: حقك تأخذه .. ماركبت معك لانقص من حقك شي .. وما طلبتك مساعدة .. رحم الله بخوت المرية .. ورحم الله عصرا ضم اولئك الرجال والنساء المبدعين والمبدعات .. الف شكر يا محمد السليس .. ان ذكرتنا بهالسالفه اللي سمعتها قديما وانا صغير .. واتمنى انها لم تخني الذاكره .. داهم العصيمي |
محمد السليس
شكرا شكرا يالغاااالي تحياتي |
مرحبا اخوووي محمد صبحك الله بالرضـــــــــــى لك الف الف الف شكر على هالموضوع القيــّـــم بالفعل عن شاعرهـــا لاتـــُـــنســــــى ... واستسمحك العذر ببعض الاضافه لاهـــنت هذا حوار بينها وبين الموت على لسانها [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]أنا اشهد شهادة حق ماتستحي ياموت=وانا بشهد ان لا فيك خيرٍ ولا شيمه [/POEM] ثم ترد على نفسها فتقول [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] صلاتك رديّه والحكي شين يابخوت=وكلٍ خذيته من هله وانتي مقيمـه [/POEM] وهذا ماقالته في ابناء عمومتها بعد ان طال غيابهم في جنوب الجزيره [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] ايّست الأخبار من صوبكم ياهل الجنوب=داركم عقب البطا حظ ابو من زارهـا ارفعوا بشراعكم فوق نسناس الهبوب=في رجـا ربٍ كريـمٍ يفـك زرارهـا [/POEM] ولها ايضاً تتوجد على مرافقة اختها " مزنه " التي ذهبت الى لندن للعلاج من مرض السرطان ووافتها المنيه هناك .... [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] عسى من صنع ذا الهاتف ايديه ماتنشل=عسى داره الوسمي تغـرق بساتينـه تعلا الحراره وان تكلمـت بـه تنـزل=وعلى صوتهم قلبـي تريـح شرايينـه وجودي على طيـارةٍ صوبهـم تنتـل=علشـان مستشفـاه ابغـي مصاخينـه [/POEM] و في وصف بعض النساء وليس الكل تقول .. [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] إسمحو لي يامحمد علـى سـت كلمـات=ذا كلام ٍ فاضـي ٍ واستحـي لاطولـه .. يامحمـد ماالاناثـي بكفٌـو معـامـلات=قولهن لاهوب يصمـل ولاينـردّ لـه .. راكب اللي في سما الجو تمشي بحركـات=صوتها من سرعها من وراها تنقلـه ... روّحت وقت الضحى من محل الطايراات=وخطّرت راع الهجن مارح ٍ في منزله ... وخطّرت ركابة الدوج من دون ادمـوات=ومرّت الصلب الحمر والفرّيق باسفلـه.. دارب ٍ سواقهـا مايحـسـب للمـمـات=وغلقت خمس الدقايق على الطالب هله..[/POEM] وفي النهايه مانقول الا الله يرحم الشاعرهـ بخوت المريه ويرحم امواتنا وامواات المسلمين اللهــم آآآمين ولك الف شكر اخوي محمد اختك فوق الثريااا |
إسمحو لي يامحمد علـى سـت كلمـات
ذا كلام ٍ فاضـي ٍ واستحـي لاطولـه .. يامحمـد ماالاناثـي بكفٌـو معـامـلات قولهن لاهوب يصمـل ولاينـردّ لـه .. :) اعتقد ان بخوت هنا متطرفة لا وارهابية بعد :) لعلها ماتعمم هنا .. ربما انها حالة خاصة .. داهم العصيمي |
محمد السليس
بيض الله وجهك على اتحافنا بهذي الدرر الثمينه من قصايد بخوت المريه والله لايهينك تحياتي لك وتقديري |
ياحن قلبي حن ماكٍ مع الطلعات
ليا عشقه بالعايدي والدبل جره جرمة ثقيل وحملوا فوقه البيبات ويدعس عليه ببنزينه ولا سرّه الله يرحمهاااا وبيض الله وجهك يامحمد |
مثال راااائع للشعر النسائي
الله لا يهينك يا محمد .. و الله يرحم بخوت :) |
هلا اخوي محمد الف شكر على هذا الموضوع الرائع وقفات مميزه في حياة شاعره مميزه الله يرحمها ويرحم امواتنا واموات المسلمين |
رحم الله الشاعره بخّوت المريه الله يرحمها
الف شكر يا محمد بيض الله وجهك |
.
شاعره تكاد لا تتكرر لاهنت يامحمد . |
هلا اخوي محمد
الف شكر على هذا الاختيار الرائع لشاعره كانت ولازالت الاولى |
| جميع الأوقات بتوقيت GMT +3. الساعة الآن 05:24 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية