عبد الله بن عون في آخر قصائدة يتغزل في قصيدة ابن زويبن
 

السلام عليكم هذه قصيدة جديدة للشاعر عبد الله بن عون يجاري بها قصيدة للشاعر عبد الله بن زويبن الحربي قراها في مجلة الوجد تلك المجلة الجديدة التي بدات بدايه طيبة نتمنى لها الاسمرار واهدي لكم كل القصيدتين

الاولى قصيدة ابن زويبن حيث يقول :


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
إن كان تنشد عن علومي وأنا صبي =
ابتذكرها واعلمك عنها

لو هي بصفحات ٍ طواها الزمن طي=
جرة مطر جاها عجاج ودفنها

ألعب طواريق الهوى مع هل الغي=
اثقل المعنى واخفف لحنها

والشعر يبقى في قلوب العرب حي=
ولا كل من سوى القصيدة تكنها

وأنا حداها حدي الاصعاب بعصي=
واقودها قود الاديب برسنها

والحب مردوده على صاحبه سي=
كم ضحكة ونَات قلبي ثمنها

أذكر سنة تسعه وتسعين هجري=
الف وثلاثمية بداية زمنها

زلت بي الاقدام للشمس من فيَ=
اقدار والاقدار تومر وتنهى ّّ

غافل وجتني من كوت خافقي كي=
كية عطب لولا طبيب مكنها

أبعدت مضربها عن الصدر بيدي=
ولدَت على كبدي برمح طعنها

وعرفت ماتخفيه في صدرها لي=
من واقع النظرات مني ومنها

نظرت فيها مثل نظراتها في=
وعجزت اقاومها وصديت عنها

كل النساء ظلماء وهي بينهن ضي=
غطت شعاع الشمس أشعة بدنها

من الذهب تلبس خلاخيل وحلي=
سود محاجرها وحمر وجنها

مدري تسمى من ومنين ومن أي=
وش هي قبيلتها وموقع سكنها

راحت وانا مااعرف من اخبارها شي=
الا رموز الموتر اللي حضنها

مدينة من بين ابو ظبي ودبي=
لعلها كاننها هي وطنها

تمطر عليها السحب هذي ورى ذي=
وديم الليا قفى تراها ودنها




قال ابن عون :




ياحي عذب القيل ياحي ياحي = المهنة اللي قل من يمتهنها
اقفال ما يدخل على اسرارها عي = اللي يخبز السالفة ويعجنها
جواهرٍ قلبتها بين أيادي = وعجبت فاللي مع بعضها قرنها
واللي تبناها وموضوعها ني = واللي على افضل ما يناسب وزنها
جتني وانا غربي دراويش وهبي = في ديرة جعل الغشين ايغشنها
مثل الهنوف اللي عليها اجمل الزي = اللي مشاحن جيلها ما شحنها
حيث ان الاولى هي والفايزة هي = ولا قد وخذ عند المراهن رهنها
وعنها نشدني واحد من بنيخي = قلت انشدوا عنها مدير امخزنها
لابن زويبن فوقها طابع حي = ويكفي كتابة رمزها عن علنها
ولا ادري تسمى هند والا اسمها مي = والا تسمى باسمها اللي ضمنها
عند المواجه يوم حلت حوالي = حبيت منها مابدا من لدنها
ويوم المليحة حركت لي طواري = من حسن جوهرها وطيب امعدنها
نويت اجاريها لو اقدام رجلي = حفيا وهي يتعب مجارى ضعنها
ولديت اشوف اللي بقى في مخابي = واللي بوسمه صاحبي ما سجنها
وإلا سميي لاوٍ أرسانها لي = لين اذعنت له طايعة ما شطنها
طرايف من مآردٍ عذب ورهي = ما هو هجاج كل كبدٍ وسنها
المآرد اللي يكتفى منه بشوي = مثل الدوا لا جاء فتوقٍ وشنها
لا صار عذبٍ ماه ورهي ورخي = بصر العدود مهلكة من قطنها[/poem]

والسلام عليكم

الله يرحم من جابك يا محمد البيضاني ..

ما تأتي الا بالدر النفيس دائما


والله انهن جوهرتين من حسنهن وطيب امعدنهن

قصيدة علم ومجاراة علم آخر ..

هناك ادركت دور المفضله ‍


تسلم يمناك يا محمد

وصح لسان ابن زويبن وابن عون

مدارس شعر فعلا ،

ياجعلني ما ابتسيك يامحمّد اي والله ...


الف شكـر لك ولاتكفي :)


درتين لابـد لعاشق الشعر الحقيقي ان يتوق لمعانقتهما نظراً وسمعاً ,,

لاهنت ولاهانوا شعراءنا الكبار :)


اخوووكم

أخوي سداح

الله يجزاك خير ويتقبل دواعتك

ويرحم من جابوك انت بعد يالغالي

اما ما بذلته انا فهو واجب علي تجاه مرقاب المحبة والإخاء

تقبل تحياتي

بيض الله وجهك يا محمد البيضاني

عزالله أنك رجال نشمي تحب العلوم الغانمه والدليل هو نقلك لقصايد لها طعم وتعدها الرجال للرجال في المجالس

لاهنت لاهنت

لك مني جزيل الشكر والتقدير

اخي الشاعر مشعان البراق

اقول لا شكر علىىىىىى واجب واسعدتني بمرورك الكريم

تقبل تحياتي

رائعتان

من روااائع الشعر الحديث

بيض الله وجهك .. يالبيضاني محمد

وصح لسااان الشعراء الكبااار ابن زويبن وابن عوون