رابع الفال (رد على عيال الحراميه)
 

قصيدة عيال الحراميه لناصر

والصراحه اني تأخرت ولا هو الا من الشغل وقد علمته بردي من الراس في الراس

ولكن لا بد ان اعرض ردي على ناصر هنا لكي تعلمون اني قطرة ضاعت في محيط

ولكن ابلشنا الله يهديه

اقبلوها ولا تدققون



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياسيّد الشعر رمزه واميز رموزه=ياخير من يفتله معنى وقافيه
فالك ثلاثٍ من الكرمات مفروزه=ارحب ودلّه وكرْمة زاد منقيه
ماهي مثل غيرها سهله ومحروزه=ان رادها الله تجي رمزٍ للألفيه
من نيةٍ بالرفَق والود محفوزه=جعل المراوي يرى في الموت ماويه
ياناصر العلم لاتهوي بدهلوزه=خذ رابع الفال جعل اللاش للحيه
القدس لو سلْم من درزية دروزه=كان اليهودي نقوده بالف ربيه
عبدٍ مخرّص ولا نضحك من طنوزه=وان بار بعناه وندوّر على زيه
لكن ذبحنا الجهل والعين مقلوزه=كلٍ يرى الدرب يقصر عن هقاويه
كم واحدٍ هبّت الخامس سفت قوزه=أموال مرهونةٍ واموال مرعيه
الغله ان كان هي بالحرز ملزوزه=ماتنسرق لو تجي قوه وحزبيه
وان كان ماهي من الدوجان محروزه=فلاتدوّر على غبنتك ماريه
واصل على الدرب والطالات محيوزه=واحفظ لسانك ترى سبْحتْك عاجيه
منصاك رجْلٍ طرد عزران عاكوزه=يسند بك الريع ويدلّك نحاويه
وان قلت نفسي على مافات محزوزه=فلا عاش من بار والا جنّب الهيّه
المال والحال والفزعات والفوزه=والوجه والجاه في لازمْك مقنيه
واللحيه اللي كذا بالكذب مدزوزه=تشنى لك الحسنه وتبغى لك السيه
من خمس يمناي مرثومه ومجزوزه=في ذمّتي ماتجزّ الا بجنبيه
هدّف بشلفاك واعرف وزنة التوزه=واذبح عدوّك وسقني للعدا ديه
ترها بسيطه وباذن الـله منجوزه=أبشر وبشّر ترى حاجتك مقضيه
كل العوايق عدا ثنتين مقفوزه=ماحرّم الله وماعابت طواريه[/poem]




وسلامتكم جميع

عبد الله العسبل الشاعر الذي نفخر ونعتز بتواجده بيننا

حضور مميز من شاعر مميز

ومجاراه جزله من شاعر جزل لشاعر جزل مثل ناصر

تقبل التقدير والاحترام

ياسلالالام


صح لساانك ياسمي

وان قلت نفسي على مافات محزوزه
فلا عاش من بار والا جنّـب الهيّـه
المال والحال والفزعـات والفـوزه
والوجه والجاه فـي لازمْـك مقنيـه


الله الله

كفو يالعسبل وناصر يستاهل الوجه والجااه

صح لسانكم ياثنين


اخوووكم

المال والحال والفزعـات والفـوزه
والوجه والجاه فـي لازمْـك مقنيـه


كفو والله يا عبدالله


وناصر يستاهل هالوقفه والرد الرائع


صراحه كلكم من خيرة الشعراء ولا فيكم ادنى شك


وفقكم الله وصحت السنتكم ،

عبدالله


والله انك جزل ورااااااااااايق


يا سلام عليك يا مبدع


احترامي يا سيدي .

صح لسانك وفكرك ..


:

تحيتي ومحبتي ..

:

أخوك : ثاني الدهمشي ..

.

سلمت ودمت يالعسبل




صح لسان ابو يحيى وصح الله لسانك يامبدع .,


سلامي وإعجابي .,

ياسلام يالعسبل ياسلام

صدى لا يقل روعه عن الصوت
لله درك يا عبدالله ولله درك يا ابو يحيى

اعجاااابي

الله الله ياعبدالله


ياسلام ياسلام


خبره وتمكن وابداع


تقبل الاعجاب الشديد

اخوكـ

ياسلام الله علاكم يابني أحمــر :)

لعبكم مشوّق

:

ترها بسيطـه وبـاذن الله منجـوزه
أبشر وبشّر تـرى حاجتـك مقضيـه
كل العوايـق عـدا ثنتيـن مقفـوزه
ماحـرّم الله وماعـابـت طـواريـه


هذا الصحيح ياعبدالله :)


اسلم وسلم .

الله يابن عسبل









صح لسانك ولسان الاحمري
شعار صح ولا تلحقكم العلوم :)

اخوك / غالب

القدس لو سلْـم مـن درزيـة دروزه
كان اليهـودي نقـوده بالـف ربيـه

لله درررك


شعر فاااخر فاخر



احتراااامي



اخوووووووووووك

سعد براك

صح بدنك

تشرفت بوجودك


والله اني صادق


شكري وتقديري لحضرت جنابك

ابن قنيص


ياهلا وغلا


اعز وافد

وجودك هنا يسعدني واشادتك تشرفني

الدكتور سداح


ياهلا ياهلا

صح بدنك


ردودك ختم جوده


شكرا لك ولذوقك

ثاني الدهمشي

ياهلا ياحكومة المواهب

صح بدنك

الله لايهينك وعساني ما اعدمك

محمد صالح العتيبي


وانت سالم


لاهنت


متابعتك ماهي مثل غيرها


تحياتي وشكري وتقديري

لاهنت

يابو نجد


على راسي من فوء

مطلق القنديل


ياهلا وغلا


رأيك ثقّل موازيني الله يحييك


شكرا على متابعتك ومرورك

عبد ربه عشير الغانمين


يامال الغنيمه ان شاء الله


ياهلا وغلا



شكرا على متابعتك


تحيااااااااااااااااااااااااااتي

ارحب ياغالب

لاهنت وعساه مايلحقك الطارد



ارحب يالزميل



وجودك من جودك والا حن مقصرين معك رغم ابداعك

ارحب يابو محارب


صح بدنك



ارحب ارحب


وجودك في خاطري ماهو بشوي



لا هنت ولاشنت

ابو فالح

والله ان ترحب


عساني والله ما اعدمك


والله الشئ الفاخر والزاخر وجودك


سلم لي على خشمك




تحياتي وشكري وتقديري