يامعيض ماعاد منهاش
 

استلم يامعيض وتراني عليمي


سلام الله سلام مايساق الا على رجال


===========واناعندي علوم ماتساق الا على غالي



ولا يامعيض كبدي ماجرحها الا سراب الال


============ثلاث شهور ويدين المطيه تدرج الخالي

حياك الله....وفيك الخير..


استلم


هلايامرحبا ترحيبة الابطال بالابطال
................................... تفضل هات ماعندك ... تراني صافيٍ بالي


نقول الله يعينك .... والدروب القاسيات طوال
..................................... ترى الدنيا تبا صبر المهادي وبن هذالي

عشت تحيا وتدوم واستلم


عنود الصيد لاتذهن عن الرمّاي والختال


=============وانا مدري يجوز الصيد ولامايهيالي



صبرنا لين غاب هلال ثم هلال ثم هلال


================واناصدري وسيع ولا زعلت الموت والصالي

طيب طيب....



اخذ حذرك .. نشوف الدار محمي والحرس فالجال
............................. ولن حصّلت فرصة ... يالسنافي فالك عقالي !!


اشوف الحزن في وجهك وهرجك ياعريب الخال
............................ لكن اضحك..... لها الدنيا ... وغن... وجر موالي

عشت عشت


انا مرضا عليك التاليه والتاليات اهزال


=================ومع ذا يامواعدنا الجموم امسيت الاميالي


كلامي يبكي العود الحكيم ويضحك الجهال



==============وله بين السما والارض رعاد وزلزالي

مع الله...


وراعك تخلي الدرب القديم ... وتطلع الاقذال
............................ تراك ......اتعبتنا........ مابين منزالٍ.... ومنزالي


تهّرج.... والعلوم الطيبه فالك ....ياراع الفال
......................... وانا في خاطري لك ........ياعميل الخير سؤالي

ماخاب من هو مع الله


مع الله..



انا اصرف للجنيه اجنيه واصرف للريال اريال


=============ولا غيرت دربي ياعريب الجد والخالي


يقولون العرب كل على ليلاه فالموال


===========واثر طاروق ابو زيد الهلالي دايم هلالي

طيب...طيب

استلم


ذبحك العشق ... والعشق الحقيقي كم ذبح خيّال
.................... يحسبون .....التوالي... والتوالي مالها والي


نويت انشدك... ليه لحال... قلي... والجموع لحال
.................... تحاربنا ...... يافارسنا الملثم .. يوم وليالي

الله الله طيب يامعيض طيب


مع الله.


الا ياقاري عما وناسي سورة الانفال



==========تذكرها ترا بعض العلوم الوان واشكالي



انا الجدي الشمالي والنوادر ماتمر اجوال


============واناضد الحريب وفزعتك ياالصاحب الغالي

محاورة قمة



ولاغرابة




فالفارس الأول البازل





والفارس الثاني معيض







دام التواصل ودامت المعاني الجزلة







تحياتي لكل مبدع والصفوف عامرة لاتبخلون علينا بمواصلة




الإبداع.

الف شكر لك يبو مقبل.............متابعتك لها طابع خاص


استلم.........

تركد ياعميل الخير... وضح مصدر الاشكال
......................... قبل ما نعطي الريع الموالي... وانت تبرالي


انا ماقلت لا... لكن علام اسمك عليه ظلال
.......................... اشيك مالقيت الرقم.... في قاموس جوالي

مشرفنا وشاعرنا العظيم فارس العصيمي متابعتك لنا وخاصه لي انا تشجيع لي

لاني اتعلم منك ومن معيض



بيض الله وجهك يافارس

شاعرنا القدير معيض العتيبي تعلمت منك واستفدت كثيرا

ولنا جوله ثانيه فانا مازلت متشوق للعب معك والتعلم منك

اخوي البازل...

الف شكر لك وأهنئك على روحك العالية واسلوبك الراقي...


فقط اتمنى الوصول لمستواك ... فأبياتك قمة في كل شيء..


وسأعرفك يوما ما..


لك تحياتي