صديق صدق بكل معنى حروفه.......(مرثيه)
 

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مرثيه في أحد الزملاء رحمه الله رحمة واسعه(رجاء العتيبي)


هذي مقادير الزمان وصروفه=ياماخذت منا الليالي والايام
ياماخذت منا مغير ونكوفه=واليومه أقفت بالعزيز أبو بسام
النادر اللي له دروب معروفه=لاتارك الواجب ولاهوبنمام
زميل يثبت بالزماله وقوفه=وخوي يبرهن للاخوه بالاقدام
وصديق صدق ..بكل معنى حروفه=ورفيق لاجت للحميا والاخصام
الطيب اللي ماتعدد وصوفه=برٍ رحيم بوالدينه والارحام
له في حياته غير نظره وشوفه=ساطي على سانح فرصها وجزام
ودينه مجوّد من سنامه شعوفه=مدّي فروض الله مصلي وصوام
نفسه جبلتها الوفاء والمروفه=للمرجله حايز وللطيب غنام
وتندى بفعل الخير دايم كفوفه=ومباشرٍ ضيفه تراحيب وإكرام
يالله عسى له منك رحمه تحوفه=واجعل ثرى قبره ذعاذيع وأنسام
وبابٍ على الجنه تفتح دروفه=يرى بها له مقعد وظل وأنعام
ويأمن بيومٍ يذهل الناس خوفه=ويحشر نهار البعث مع خير الانام



وسلامة الجميع عبدالله العتيبي (البادي)

[/poet]

سلمت يا عبدالله


والله يغفر للمسلمين ويرحم امواتهم واحيائهم



صح السانك قصيده مؤثره




أخوك / سداح

اخوي / عبدالله العتيبي



قصيدة جزلة ومؤثرة والله يرحم صديقك ويسكنه فسيح جناته




وافي ومخلص والله يكثر الأوفياء امثالك.

اخوي الاشعر عبدالله العتيبي
 

صح لسانك وعظم الله اجرك


والله يرحم صديقك



ابيات مؤثره وشاعر جزل



تقبل اعجابي


اخوك



عبدالعزيز

العزيز / عبدالله العتيبي

صح لســــــــــــانك ...

قصيـــده موثره ... ونعــم الصديـــــــق أنــت...


الله يغفر له ويغفر لاموات المسلمين..


تقبــل أعجـابي..


أخــوك / بيـــــــداء

البادي

صح لسانك

ورحم الله رجاء

قصيده مؤثره

عبدالله قصائدك لها وضعها الخاص

في كل مجال تطرقه

مبدع

لك كل الود والحب

رحمك الله يارجاء

ولا هنت ياعبد الله

مشكرا على حضورك وحزن شعورك

لاهنت

فارس العصيمي





الف شكر على المرور والكلمات

عبدالعزيز الغنامي




الف شكر ولاهنت يالغالي

بيداء




مرحبا الف يالطيب




والف شكر على المرور والكلمات

ناصر تراحيب


مرحبا يالغالي



ومرورك يكفي يالطيب

ناصر النفيعي



مرحبا الف

وانت راع الاوله .....


شكرا على المرور والتعليق

الشاعر الرائع / عبدالله العتيبي




وافي والله وافي



وشاعر يكتب حروفه من ذهب



رحم الله ( رجاء ) وأسكنه فسيح جناته



تحياتي .

الله يرحم رجاء



ويسكنه فسيح جناته




لاهنت ياعبد الله



جزل



لك تحيات



أخيك الصغير

فراج الكرشمي



الف شكر على المرور والكلمات

خالد الذيابي



مرحبا بك يالغالي والف شكر على المرور

صح السااانك ياعبدالله

والرثاء بالخوي وفا

والله يرحم رجا

ويرحم اموات المسلمين اجمعين

ويسكنهم فسيح جناته


وعساك ماترا باس



الكويت

شاعرنا القدير عبدالله العتيبي

رحم الله رجاء وأسكنه فسيح جناته

وعظم أجركم وأحسن عزاءكم ..


صح لسانك ولك طول العمر

الرائع عبدالله العتيبي

رحم الله رجا

ودام راس الخوي الوفي

لافقدت غالي

وصح لسانك هذا من وفاك لاعدمناك

حسين بن علي لاهنت يالغالي



ومرورك يشرفني وانا من المتابعين

قهر يزيد



الف شكر على المرور