(( ابن جدلان ))
 

[frame="1 80"]
يالله لا إله إلا أنت يالقادر المتعال
............. عبدته جهر وأمنّت به قبل ما آشوفه

أنا في ذراه و من ظلاله علي ظلال
............. وهبني رجاه وشد قلبي على خوفه

أعوذ بجنابه من مقام الصغير الذال
............. ومن شمسٍ تبين اليوم والصبح مكسوفه

وعسى شايعتنا في عيون الرجال جلال
............. وعسى عايبتنا خافية غير مكشوفة

أنا والليالي كل يوم لنا موّال
............. موالٍ ينبيني عن الوقت وصدوفه

أسوق الرجاوي لين تآقف على الأطلال
.............و من وصّل حدود اليأس ما الحقته حسوفه

ماكل يسد الحال تشرح له الأحوال
............. العربان بالعربان ماهيب مكلوفة

أمّا يشرح الرجال ظرفه على رجال
............. و لاً يسكت الرجال لا يشرح ظروفه

عسى الله يبيّض وجه مبخوت إبن هذّال
............. عز الله العزيز إنه ملكني بمعروفه

لا ضاقت نصيت المسعري مكرم الهشّال
............. طويل الذراع اللي تباشر به ضيوفه

حميد النبا زين الطبيعة وسيع البال
............. يشيل الجناب الدمث في راحة كفوفه

شرهات المدايح رايمات الجناب العال
............. قدم الزايدي مثل البعارين مصفوفه

إذا ان المكارم عند ربي لها منزال
............. فهي بينه وبين الكريمين منصوفه [/frame]

اشكرك ياعلي على هذا النقل الرائع :)


أيو الله ..

أمّا يشرح الرجال ظرفه على رجال

............. و لاً يسكت الرجال لا يشرح ظروفه

مابقـّا لنا شي هالمجنووون !


سلام’ عليكم

ابو مبااارك


كل علومك زينه ومواضيعك زينه وصح لسان ابن جدلان


ولاهنت واقبل سلامي

عبدربه الله لايهينك على مرورك

واسمك في مواضيعي مهم


لانني افرح بوجهة نظرك

اام مابقا شي فانت عااادك من حوله واعبرhttp://montada.mergab.com/images/icons/icon7.

لاهنت

بن قنيص مرحبااابك


تدري وش الللي مايخليني ارد على قصايدك

خوفاً مني اني مااعطيك حقك بالرد



لذا اقرأها ولااضع اي حرف


فانت مبدع ورائع بقصائدك

والدليل انظر توقيعك وتعرف قمة الابداع


هذا بعض الابداع لديك فمابالك بااقي قصايدك
لاهنت

ياسلام ياسلام ياعلي بن مبارك

لاهنت وصح لسان بن جدلان

علي مبارك


شكرا على النقل المميز


لـ هذا الشاااعر العلم ..


تحيااتي