رثــــــــــــــــاء
اخواني واخواتي اعضاء المرقاب وزواره
استسمحكم بهذه المرثيه..وجعلكم ماترون مكروه هذه المرثيه بأخ ورفيق عزيز علىّ ومن المقرّبين لي وهو المرحوم/ نادر فالح هملول العتيبي .. وكان نعم الاخ ونعم الخوي بكل معنى للرجوله كان يكمل دراسته بالهندسه في جمهورية سلوفاكيا وتعرض لاطلاق نار لسرقته هناك واستقرت 8 طلقات بجسده, واخذ شهر بالعنايه المركزه وبعدها جاني نبا وفاته وانا بالاردن وانصدمت لهذا الخبر وجيت للكويت لتقديم العزاء لوالده واخوانه فالله يرحمك يابو فالح ويسكنك فسيح جناته تاريخ وفاته 21/10/2002.م يوم الاثنين واليكم المرثيه......[poet font="Simplified Arabic,4,white,normal,normal" bkcolor="transparent" bkimage="backgrounds/22.gif" border="double,4,gray" type=0 line=200% align=center use=ex length=0 char="" num="0,black" filter=""] لعل عين(ن) ماتفجّر دموعها=ولا حزّنت بالحزن واللى يلوعها تعطا العما لاصار ماهل دمعها=والله يقطع بين الانواع نوعها الحزن بالحزنان تظهر ملامحه=ودمعه يغصب العين ماهوبطوعها وانا عيوني بالعباير تفجّرت=وازريت لااهجع والعرب في هجوعها ماامرحت طول الليل من حزن خاطري=لين ان شمس الصبح بيّن طلوعها على عزيز(ن) راح واقفت ركايبه=اقفت ويا مصعب علينا رجوعها جاني نباه وشل فكري بصدمته=وكظّمت وعيوني تهامل دموعها والموت سنه بس يجي فيه فاجعه=وفواجعه كل(ن) شكا من وقوعها دنيا(ن) تبلّج بالبشاير ليا اقبلت=وليا ادبرت روس الخلايق قدوعها طبوعها هذي على اول زمانها=تطحن ولايمكن تغيّر طبوعها هي فانيه والخلق بالدور فانيه=ولابد من يوم(ن) تطفي شموعها ولعل دار(ن) راح فيها فقيدنا=عسى المصايب كل يوم(ن) تروعها الاّ هل الاسلام يذريهم الولي=وهي تندمر قدام تلحق فزوعها يصيبها الزلزال مع كل ناحيه=والارض تفتح بالحواري صدوعها ثم اتّهدّم كلها لين تنمحي=تساوي سهلها ماتكمّل سبوعها دار(ن) فقدنا فيه قرم(ن) مسالكه=فوق العلا والطامنه مايتوعها ستة عشر عام(ن) مضت لي برفقته=رفقة معزه بالجزايل رموعها يضحك حجاجه مايعقّد حواجبه=وناره سناها مايوقّف ولوعها مرحوم ياللي صورته قدم ناظري=اظما عليها في فراقه واجوعها ومرحوم ياللي ماشكا منه صاحبه=الا العلوم الطيّبه مع نفوعها الله يغفر له ويرفع منازله=في جنة الفردوس يقطف زروعها يثيبه المولى بجناته العلا=ويكمل شبابه في روابي ربوعها ولعل قبره نور ويعلّه الحيا=تتالا عليه من الوسامي ارجوعها وعسى البقا في ابوه واخوانه الذي=الكل منهم بالمراجل بتوعها ابوه مدهال الجماعه بمجلسه=الله يطمّن خاطره من فجوعها والله يبقيهم ويلهم قلوبهم=الصبر والسلوان من عقب روعها امين ياخالق ويا مفني البشر=يامنبت اثمار الشجر في فروعها ياقابل الدعوات ياقايد الرجا=ياللي لك الخلق اتخشع في ركوعها وسلامتكم وجعلكم ماترون باس الكويت [/poet] |
الله يرحم نادر العتيبى
ويسكنه فسيح جناته ويلهم أهله وذويه الصبر والسلوان لاحول ولا قوة ألا بالله أخى الغالى : حسين وافى والوفا ساسك صح لسانك يالقرم هناك غلط مطبعى أرجو تعديله والموت سنه بس يجـي فيـه iiفاجعـه وفواجعه كل(ن) شكـا مـن iiلقوعهـا كل شكا من وقوعها مرة أخرى رحم الله نادر وأسكنه فسيح جناته |
اولا ... اخوي حسين...
احسن الله عزاك في المرحوم ..نادر فالح هملول العتيبي وافي يبو يزيد.... صح لسااانك على هالقصيدة وبيض الله وجهك... |
الاخ الغالي حسين العتيبي
عظم الله اجرك و اجر اهل المرحوم باذن الله تعالى نادر العتيبي. و الموت حق و سنةٍ مضت على الاولين و تلحقين التالين. دنيـا(ن) تبلّـج بالبشايـر ليـا اقبلـت *** وليا ادبرت روس الخلايـق iiقدوعهـا طبوعهـا هـذي علـى اول iiزمانهـا *** تطحـن ولايمكـن تغيّـر iiطبوعـهـا صح لسانك على المعاني الجميله في هذه القصيده الدامعه. تقبل خالص الشكر و التقدير اخوكم شفق السريع |
عظم الله اجركم
احسن الله عزاك فى المرحوم نادر العتيبي
والهم الله اهله الصبر والسلوان وانا لله وانا اليه راجعون , جزاك الله خير يابو يزيد وصح السانك. ابوعفراء (2) |
انا لله وانا اليه راجعون
رحم الله نادر فالح هملول الفليت النفيعي واسكنه فسيح جناته والهم اهله الصبر والسلوان ابويزيد ليس الوفاء غريبا عليك |
انا لله وانا اليه راجعون
الشاعر الغالي / بويزيد الله لايهينك على المرثيه المؤثره في المرحوم باذن الله تعالي نادر العتيبي الللهم اسكنه فسيح جناتك وارحمه واغفر له فانت تعلم انه مات مغدورا لا اله الا انت الحي القيوم صح السانك ابويزيد وعسا الله يرحم اموات المسلمين ويصبر ذويهم ويغفر لنا جميعا أخوك / سداح |
الوافي / حسين العتيبي
وفي ورب الكعبة وفي , والوفاء من شيم الرجال رحم الله نادر رحمة واسعة وأسكنه فسيح جناته ومن دون ماتفصل في الموضوع نعرف أنك لن تصاحب ولن ترثي إلا الاخيار صح لسانك والبقا براسك . |
الله يرحم الفقيد
ويلهم أهله الصبر والسلوان وجزاك الله خير بابو يزيد أخوك عبدالله العتيبي (البــــــــــــــــــــادي ) |
الاخ العزيز الشاعر / خالد الذيابي
لاهنت على تنويهك للخطا وجزاك الله خير وعساك ماترا مكروه وتقبل تحياتي الكويت |
اسكنه الله فسيح جناته
قصيده حزينه ومؤثره لرجل يستحق الرثاء صاغ حروفها شاعر جزل ومبدع الله يعوضك خير ياحسين ويرحمه صح لسااانك ولاهنت. |
العزيز والغالي والاخ الكبير ورفيق غربتي ودربي
حسيــن بن علي العتيبي ((ابويزيد)) عشت معك لحظات وصول الخبر لك....وشاطرتك وقع المصاب الجلل ولقيت فيك الصبر والثبات ....رغم هول المصيبه... لاكن مااملك الا الدعاء لك بالثبات ولأهل الفقيد الصبر والسلوان والثبات وللفقيد الرحمه والمغفره .... وعسى الله يعوضه شبابه بالجنه والله كريم ورحمته اوسع من السموات والارض ومافيهن.. والموت لاشك حق لايعرف لاطيب ولاردي ولاصغير ولاكبير ...........ابويزيد عسى البقا في راسك وعساني مفقدك لاانت ولا كل طيب وافي نظيف .....صح لسانك على كل حرف في قصيدتك وعسى الله يقبل دعائك .........إنّا لله وإنا إليه راجعون اخوك فالح عمّان |
انا لله وانا اليه راجعون
الله يسكنه فسيح جناته ويلهمهم الصبر ابو يزيد جيت برد على مشاركاتى وتاثرت حتى القصيدة ما قريتها عابد عبدالله |
السلام عليكم ورحمة الله وبركاته
الشاعر : حسين الله يرحمه ويتغمد روحه الجنه أحسن الله عزاك وعزا ذويه إنا لله وإنا له راجعون تقبل تحيات أخيك : خوي العناتيت |
الله يغفر لنادر ويرحمه ويتقبله في جنانه ... اللهم آمين
فعلا كان فقيده ... لكن هذي سنة الحياه لا حول ولا قوة الا بالله اما انت يا حسين وفاك غير وانا من شهوده انت رصيدك رفيقك وحزام ظهره صح لسانك على شعورك الكبير مرحوم ياللي صورته قدم ناظري=اظما عليها في فراقه واجوعها مرحوم ياللي صورته قدم ناظري=اظما عليها في فراقه واجوعها مرحوم ياللي صورته قدم ناظري=اظما عليها في فراقه واجوعها الله عليك يا حسين صوره ابداعيه لا هنت |
الغالي / حسين العتيبي
احسن الله عزاك فى المرحوم نادر العتيبي والهم الله اهله الصبر والسلوان وانا لله وانا اليه راجعون وافي .. في خويك ... يالقـــــــــرم .. وماهي غريبه من أمثالك.. |
ابويزيد
إنالله وإنا إليه راجعون واحسن الله عزاك وعظم الله اجرك واجر اهل الفقيد رحمة الله عليه وتغمده بواسع رحمته هذه سنة الحياة والحمدلله على ماقدّر انت رمز الوفاء ورمز الصداقة ولايخفى وفاك على من تشرف بمعرفتك ورفقتك تعجز الكلمات عن وصفك ياأبا يزيد عسى الله يطول بإيامك اعذرني على تقصيري وتقبل اصدق إمنياتي القلبية ياوافي. |
لاهنت يامعيض
وجزاك الله خير وعساك بالوجود ولا ترا مكروه وتقبل تحياتي الكويت |
الاخ العزيز / شفق السريع
جزاك الله خير ولاهنت وعساك سالم وماترا باس وتقبل تحياتي الكويت |
جزاك الله خير يالسبع
وماتشوف مكروه ولك تحياتي الكويت |
يرحم نادر العتيبى
رب العالمين ويسكنه فسيح جناته ويلهم أهله وذويه الصبر والسلوان لاحول ولا قوة ألا بالله شكرا لبوحك المحزن ياحسين |
حسين بن علي العتيبي
الله يعوضكم بخير ان شاء الله ويحسن عزاكم قصيده في منتهى الحزن والجزاله والاحساس الصادق تحيتي لك |
| جميع الأوقات بتوقيت GMT +3. الساعة الآن 08:34 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية