المهرجان السياحي!!!
اعضاء وزوار منتدى المرقاب
اطرح بين ايدكم هذه المساجله بيني وبين الشاعر والاخ القدير عبد العزيز الرويس املا ان تحوز على اعجابكم وهذي قصيده عبد العزيز حيث قال: [poet font="Arial,5,white,bold,normal" bkcolor="darkred" bkimage="" border="groove,4,gray" type=2 line=200% align=center use=ex length=0 char="" num="0,black" filter=""] لا والله الا طول الليل يالسيف =واخوك طول الليل يالسيف صاحي صارن عيوني مع سهرهن مواليف = يفوت ليلي والرجا في صباحي وخدي شكى كثر الدموع الذواريف = ودمع الحزن للعين اصبح مباحي والقلب يشكي من هموم وصواديف = قامت توارد من جميع النواحي قلبي غدا للهم والبهذله ريف = تجتاح قلبي كل ليل اجتياحي مغير اصرف بعض الاوضاع تصريف =واظغط على نفسي بصبر وكفاحي واقول كيف الطيب يعود ضعيف = واثر الهوى يضعف بعيد المشاحي انشهد ان الحب ماهر وحريف = واخطر من الموت الحمر والسلاحي يلوف قلب اللي مشابه عواصيف = لا صار من واحد وذاك متناحي واخوك لحقه من زمانه تكاليف = واصبح مثل طير(ن) بليا جناحي باسباب منهو نتف القلب تنتيف = ابو رموش مثل روس الرماحي ادعج غنج ماله حلي بالتواصيف = الا غزال (ن) بين حزم وبطاحي قابلتها ضيفه وانا فالبلد ضيف = فالعاصمه لاعاد هاك المراحي ياليتني مارحت في تالي الصيف = ولا شفتها فالمهرجان السياحي وان جيت اكلمها يجون الملاقيف = ناس (ن) ملقف جعلهم بالصلاحي جو بيني اوبينه وانا اقول ياحيف = وشميت ريحت عطرهايوم فاحي وضيعتها واقول ضيعتها كيف =وكلن سمع فالسوق عالي صياحي ويالسيف دورها من السيف لسيف = وخلك على سرعة بساط الرياحي وان جبتها يالسيف كيف (ن) على كيف = هذا مناي ورغبتي وارتياحي [/poet] وهذا رد السيف المتواضع مقارنة بجزالة وقوة شاعرية ابو سعود[poet font="Simplified Arabic,5,white,bold,normal" bkcolor="darkblue" bkimage="" border="none,4,gray" type=2 line=200% align=center use=ex length=0 char="" num="0,black" filter=""] يامرحبا ترحيب خـــــــالي من الزيف=عد السحاب اللي به الـــبرق لاحي وعداد سكان الـــــــمدن واهل الريف= واعداد من جا للــــــحرم ثم راحي باللي كلامه فيه شدّه و وتخويف = واشقى عيوني ما اهتنيت بمراحي يابو سعود اعرفك ما ابغا تعاريف=ياراعي الوجه البشوش السماحي ياريف عيرات ٍ لفــــن لك مواجيف= كريم ســــبلا فاللـــــــــيال الشحاحي يالشاعر اللي تعسف القاف تعــسيف = تعسيف مهرة فارس ٍ مااسـتراحي جمّعت في شعرك حسين التصانيف= جزالة المعنى وقو لاً فصـــــــــاحي شاعر وماهر في جميع المحاريف=لاشفت قيفانك يزيــــــــــــــد انشراحي حلقت بي في عاليات المــــشاريف= ببيوتك اللي نقضــــــــت لي جراحي انا اتشرف فيك وازداد تشريــــف=من معرفة مثلك سبايب نجــــــاحي في خدمتك ماحسب حساب المصاريف= يرخص لك الغالي ولجلك متاحي حنا هل الطولات واهل المواقيف= بالمرجله والطيب نلبس وشاحي ون كان من حلو النظر جاك تخريف = واصبحت صاحي بس ما انته بصاحي هذا طريق الحب شرواك عرّيـــــــف= ذوقه نكد ماهوب عذب ٍ قراحي الحب ناره ولعت بالــــسراجــــيف = واظن منها ما يجي لــــــــك فلاحي ناره شوت روس الضلوع المهاديف= وكم واحد ٍ قام بســــببها وطاحي ون كان تبغينا نفل المضـــــــاريف = اخذ الصراحه والصـــراحه رباحي من يطرد المقفي يشوف التحاسيف = واللي عطش ما يرتوي بالضحاحي هذا كلام الصدق مافيه تحـــــــريف= وعمر الخطا ما يستوي بالصحاحي وصلات ربي عد وبل المــــــقانيف = على النبي اللي دعا للفـــــــــلاحي [/poet] |
اخوي السيف....مرحبا بعودتك... التي انتظرناها...
صح لسااانك ولسان الاخ عبد العزيز الروس قصيدتان........... قمة في الروعة والاصالة والرقي.... شكرا وكلنا فرح بهذه العودة الميمونة... تحياتي لك.. |
ياسلام عليك يالسيف
قصايد جزله والكل منها متسلسله بالمعنى والقوة لاهنتم ولكم تحياتي الكويت |
الشاعر المبدع / السيف
كثر من هالمتواضع !!! صح لسانك ولسانك عبدالعزيز صوت وصدى رائعان بالفعل لكما تحياتي . |
أخى الغالى : السيف
صح لسانك ولسان الرويس الصوت والصدى جزاله فى جزاله لله دركم للكل تحياتى |
العـزيز / السيف
هلا وغلا صح لســـــــــانك ... لاعــدمتـــك ... يالغــــالي .. مبـــــــــــدع كالعـــاده .. الاخ عبد العزيز الرويس صح لســانك... رائع.. |
صح لسان الشاعرين
ودام ابداعهما تحياتي |
الاخ والشاعر الجزل
معيض العتيبي اشكرك ياغالي على حضورك وتعليقك لا هنت لاهنت على ذلك اخوك السيف |
الاخ والشاعر القدير
حسين العتيبي اشكرك على تفضلك بالزياره والتعليق الجميل الله لا يهينك اخوك السيف |
فراج الكرشمي
مرحبابك في زيارتك ياشاعرنا الشهم حضورك اسعدني يا اخي العزيز. |
ابو منذر
مرحبا بحضورك 000 ورقي حرف 00 شعوركما لا هنت 000 ولاهان عبدالعزيز تحياتي |
الله الله الله
مساجله رايقه والله صح السانك يالسيف وصح السان الشاعر عبدالعزيز الرويس ولاهنتماا دمت وسلمت ، أخوك / سداح |
خالد الذيابي
صح بدنك ياغالي وشكرك على حضورك اخوك السيف |
الاخ بيداء
صح بدنك شكرا لك ياغالي على حضورك اخوك السيف |
صح بدنك يابو فيصل
حضورك اعتبره وسام على جبين قصائدنا الله لا يهينك على مرور اخوك السيف |
ابو بدر
وانت لا هنت بيض الله وجهك على تشريفك وتعليقك اخوك السيف |
الشاعر المبدع
سداح صح بدنك سعداء بزيارتك مفتخرين بتعليقك والله لا يهينك اخوك السيف |
لشاعر الأبي ابو منذر
حمدا لله على السلامه
حضور مميز دائما فكيف عندما اقترنت بالمبدع عبدالعزيز الرويس في هذه المساجله ثنائيه مشرقه وشعراء نحترمهم لما اثرونا به من ابداع سلامي واحترامي لك وللشاعر عبدالعزيز الرويس اخوك عامر عمار |
اخي وعزيزي السيف
اشكرك على عرض هذه المساجله وصح لسانك واقدم لك الشكر على مساعدتي في التسجيل شكرا لك ابو منذر |
هلا وغلا يابو عمار
الابداع والتميز منكم واليكم شكرا لك على زيارتك الغاليه والله يحفظك اخوك ابو منذر |
صح بدنك يابو سعود لنا الشرف بحضورك
ومشاركاتك مع اخوانك في مرقاب المناعير ولا شكر على واجب اخوك السيف |
صح لسان الجميع
إبداع وجزاله الف شكر |
| جميع الأوقات بتوقيت GMT +3. الساعة الآن 01:44 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية