الشعر ....... رساله
 

السلام عليكم ورحمة الله وبركاته ........
الأخوان الأعزاء في مرقاب الشموخ . اتشرف بوجودي بينكم واشكر من هيأ لي ذلك
وبما انها المشاركه الأولى وبأيماني بأن الشعر رساله يجب ايصالها للجميع بالشكل الصحيح
فأنني اشارككم ........ بأغلى قصيده من قصيدي .


[poem=font="Arial,6,white,normal,normal" bkcolor="transparent" bkimage="backgrounds/21.gif" border="inset,5,darkred" type=1 line=1 align=center use=ex num="0,black"]
كلٍ كتب بااللي يحبه ويهواه=وانا قصيدي باالغلا مايكفيه

لو للبشر نكتب دواوين تقراه=والله مانلحق جزاه وحسانيه

وصفه تعدى الوصف والرب سواه=له بالحشا مقدار ماحدٍ يساويه

رضاه غايه والمخاليق تفداه=هو نور عيني ياعسى الله يحميه

ماباالنساء مثله ولابه حلاياه=ومكانها بالقلب ماحدٍ يجي فيه

مع احترامي يالفتاة الخونداه=واهل الحسن وياك يابكرة التيه

ماقدر اميل وقلبي اليوم وياه=والمعذره لاقلت منتن حواليه

مسكانها قلبي ومسكاني اقصاه=لازاد عمري قام حبه يباريه

من الغلا ماطيع غيره بدنياه=تشّر واحضّر كنه ايعاز تعطيه

او استجابة خادمٍ عند مولاه=يجيه ويقبّل يدينه ورجليه

فيها حنان الكون والعطف والجاه=عريبة الجدين والضيف تقريه

ماتهتني بالنوم لاقلت انا آه=وتفز منه اليا سرقها بغداريه

لاضقت نستني الشقا والمعاناه=لاطحت شالتني كفوفه واياديه

تقول عبدالله ؟ واقول ايه ياياه=لبيه سمي ماتبينه اسويه

تقول تنساني؟ وانا اقول ويلاه !=يغضب علي اللّي عباده تناجيه

تقول تذكرني اذا مت باالله ؟=واقول عرق القلب ذكرك يغذيه

لكن ذاك اليوم ماريد طرياه=لا يابري حالي لو اسمع بطاريه

ارفع يديني للسما واطلب الله=يمد عمرك وبسلامه تعيشيه

(( اقرب مثل بكتاب ربي لقيناه=انتي كما الماء لاسقى شي يحييه ))

واذا سألتو منهو اللي قصدناه=اقول امي والغلا كيف راعيه . [/poem]

وسلامتكم ..

(( اقـرب مثـل بكتـاب ربـي لقيـنـاه
انتي كما الماء لاسقى شي يحييه ))


ياسلام عليك ياالبدراني

وعسى عمرها يطول ويكتبلك اجر برها

وصح لسانك عدد بلامدد

تقبل تحياتي وتقديري

لك كل الود

الشاعر القدير عبد الله ميزان ابدراي
قصيدة وافية وجزلة بحق
صح لسانك ودام ابداعك يا عبد الله
تحيتي وتقديري

عبدالله ميزان

هلابك ياعبد الله

سعدت بانضمامك بهذه الكوكبه وتشرفت ايضا


اهلا بك بين اخوانك

وصح لسانك على هذه الرائعه


تحياتي لك

تـقـول تذكـرنـي اذا مـــت بـــاالله ؟
واقـول عـرق القلـب ذكـرك يغـذيـه

لـكـن ذاك الـيــوم مـاريــد طـريــاه
لا يابري حالـي لـو اسمـع بطاريـه


ياســـلام ياســـلام

صح السانك يالميزاني

وبيض الله وجهك على هالمصافحه الاولى

فعلاً عرفت تختــار والأم مانلحق جزاهــا مهما كتبناا

وانت كفيت ووفيت لاعدمتك

اخوك

فيصل العتيبي

اوصلت الرساله بكل اقتدار :)


صح الله لسانك والقصيده طيبه وجزله يالغالي


لك اجمل التحايا

الأخ نواف نايف اسعدني مرورك وفرحت بأطرائك

الأخ عيد لاحق لك مني ايضاً كل تحيه وتقدير

اابو عبير دائماً ماتكون اخ وصديق ... وتراي انتظر اللي على بالي بالك

سعود بن مهدي كل شاعر قدير بأيصال الرساله وانت اهل لذلك وسعدت بتشريفك


...................

الأخ العزيز ابن العم : سلطان بن بتلا انا ايضاً سعدت بمرورك ومشاركتك لي

ولك مني كل الحب والتقدير ........ احتراماتي .

دامها أغلى اللي بالوجود

تستحق الأكثر وربي يوفقك على هذه المشاعر الجميله والقصيده الرائعه



صح لسانك ملايين



فمان الله

عزالله انك اخترت ويوم كتبت كتبت قصيده تعد معلقه
ونعم الاختيار كبدايه
ولاتخف مادام بدايتك بهذه الصادقه

تحياتي لشخصك الفذ

الأخت ولاء ... دائماً كبيره بتعاملك وبشهادتك

ولكي مني كل الشكر .. واطرائك سابق من قبل تواجدي

فلكي مني كل الأحترام والتقدير واسعدني مرورك

والسلام ,

الأخ طايل اسعدني تواجدك وتصفحك وشكراً على ماقلت

وشهادة شخص مثلك لن تمر مرور الكرام وأعتز بها



وأكرر شكري .

ابو عبير اول شي الحمد لله على السلامه


ثانياً عدل الأسم مو الميزاني

باااااااااااااااي ..

احتراماتي

عبدالله البدراني


صح لسانك

لين ترضى


جزل جزل جزل جزل جزل جزل جزل

قصيده في قمة الروعه صياغه ومضمون


الله يخليها لك ويطول بعمرها ويرزقك رضاها دائما


لاهنت يالغالي


اعجابي بهذه الشامخه


تحياتي

الشاعر :عبدالله البدراني


صح لسااااااانك وبيض الله وجهك


اخوووووووووووك