منتديات المرقاب الأدبية - مطـيـر قــوم ٍ خـلقـنـا الله لـتعذيبـهـا (( الزلامي × تركي 2000))

/

\

محاوره بين الشاعرين الكبيرين :

رشيد الزلامي .. وتركي الميزاني اتمنى ان تعجبكم

رشيد
ياتركي الفين نسمـع عنـك بعـض الكـلام
ومطيـر مـاودنـا نـشـذب عراقيبـهـا
امـا ليـا جيتنـا وقـف 00ورد الـسـلام
ولا نكبـنـاك نكـبـه مـانـت داريبـهـا

:

:
تركي
السـر مدفـون مابيـن اللحـم والعـظـام
واهـل المواجيـب ماننـقـص مواجيبـهـا
أنـا سلامـي عليكم00مـرةٍ كـل عــام
واهــل الهنـاديـب ماتنـفـع هناديبـهـا

:

:

رشيد
انته مـن العـام تخلطهـا حـلال وحـرام
ماعـاد لـك قبـلـةٍ تـعـرف تصليبـهـا
تشيـل عشريـن طلقـه ميتـه بالـحـزام
وتزهـب البـنـدق العـجـرا وترميبـهـا

:

:
تركي
اللـي يقـول الحقيقـه مايجـيـه الـمـلام
والنـار ياكثـر مـن يشعـل مشاهيبـهـا
إن كـان عيـن الزلامـي مايجيهـا المنـام
من يرخي إذنـه لهـرج النـاس يوحيبهـا

:

:

رشيد
تـرا معـي حيلـةٍ لمخالفـيـن النـظـام
والله لخلـيـك يـاتـركـي تهذريـبـهـا
وإني لطاردك وسط المملكـه شـرق شـام
لـيـن الـطـروق الرزيـلـه ماتغنيبـهـا

:
:
تركي

أنته00وانـا 00كلنـا متقاسميـن الطـعـام
لـكـن الايــام لاتـامـن عواقيـبـهـا
ياراعي الخشـم خشمـك لا يجيـه العـرام
لحيتـك تقديرهـا مـن قــدر أشانيبـهـا

:
:

رشيد
الوقت يـا شاعـر المطـران جالـه سنـام
لكـن عوجـة رقبـتـه00وش نسويبـهـا
والحر يشبك بفـرخٍ مـن فـروخ الحمـام
يـا طيبهـا يـوم جابـت صقـر ياطيبهـا

:

:

تركي
صل الفرايض وحج البيت واقـض الصيـام
لا عــاد سبحـتـك للعـالـم تواميبـهـا
النور يا شاعر الروقـه00 يزيـل الظـلام
وحـنـا صـقـور ٍ تعشيـهـا مخاليبـهـا

:

:

رشيد
انتـم قبيلـه لكـن الطـق فــك اللـحـام
مطـيـر قــوم ٍ خلقـنـا الله لتعذيبـهـا
سقنـاك مـن قلـة الحـره لغربـي نعـام
ديـار تصبـح بهـا00 وديـار تمسيبـهـا

:

:
تركي
أعرف عشيره واعرف الجمش واعرف جهام
ياشيب عينـك مـن المطـران يـا شيبهـا
تحمـد الله00 وريـح فـوق ريـش النعـام
ضيوفـكـم ماتـبـا تـجـرح معازيبـهـا

:

:

رشيد
انتـه تعـرف الدير00لكـن بيـاع خــام
ماغيـر تمشـي وكـل أرض ٍ تعشيبـهـا
حنا ليا حميـت الهيجا00وحصـل الزحـام
نشـرب فناجيـل خـلـق الله0ونرميبـهـا

:

:

تركي
أنا من اهـل الأشـده فـي نهـار الزحـام
رجليـك اباأنشـدك مـن كسـر عراقيبهـا
ياهـل الفناجيـل جاكـم ردهـا بالتـمـام
من حول أهـل المناصـب مـن مناصيبهـا

:

:

رشيد
صاحبك شايـب لكـن انتـه بسـن الفطـام
أعـرف علـوم ٍ ماظـن ألفيـن يدريبـهـا
والله يالولا حيـاي مـن الرجـال الحشـام
لا قولهـا صـح00 وآخلـيـك تسريبـهـا

:

:
تركي

انتـه تحلـم00ولا غشتـك غيـر الحـلام
راجـع دفاتـرك تلـقـا فــي مكاتيبـهـا
وراك مـا قلتهـا ياصاحبـي مـن شمـام
حتى إن حملتـك فـي ظهـرك تزوزيبهـا

:

:

رشيد

يامطيـر ماعـاد ينفعكـم شـراب وطعـام
مـن يـوم فارقتـم أم الرمـث وشعيبـهـا
قامـت عليكـم دروز ٍ ماتعـرف الـكـلام
وانتم كمـا العقـرب اللـي تلـوي ذنيبهـا

/

\

م
ن
ق
و
ل
الموضوع ×عنوانه