سؤال يبي اجابه
 

السلام عليكم ومساكم الله بالخير جميعا


فيه محاوره سألت عنها كثير ولا لقيتها اسمع عنها

اعتقد انها بين مستور وصياف ان ما خاب ضني وفيها

سلام رديتن تدخل بنوك الذهب

و اشوف مستور ما بين الرضا والغصب

هل صحيح ان اللعبه بين صياف ومستور هو اكيد مستور فيها لكن هل الطرف الثاني صياف ؟ :)

وماهو اسم الحفله او ان كانت بالكويت موجوده ربعنا الكويتيين افيدونا
وشكرا لكم

هلا وغلا يافالح البوص
بعد السؤال اخذ الاجابه ..:)

ان لم تخّني الذاكره ..

هذه المحاورة كانت فعلاً بين الشاعر الكبير صيّاف الحربي .. والشاعر الكبير ..مستور العصيمي ..
واعتقد انها كانت في حفلات الجامعه في اوائل الثمانينات ميلاديّه ..:) في مدينة الرياض ..
كانت هناك حفلات تسمى بحفلات الجامعه وكان المسئول عنها الشيخ عبدالله بن جبر الرشيد ..الله يطول عمره
قبل ان تبدأ حفلات المغترّه ..

وللاسف هذه المحاورة نادرة نوعا ما والمحفوظ منها بيتين او ثلاثة ابيات بالغالب .. ومن ضمنها ماذكرت انت .. لكن الاكيد انها بين صيّاف ومستور .. والاكيد ايضا انها كانت في الرياض وليس الكويت ..:)

من ضمن ابيات مستور تلك الليله ..
يالحربي افهق عن القلطات ... = قبل الشباري توقع فيك بنصابها ..

:)

سلامي عليكـ ..:)

يا مرحبا يا سلطان

اشكرك على المعلومات يكفي ردك حتى لو ما عرفتها :)

وجاري البحث :)

السلام عليكم ورحمة الله وبركاته ..

فالح البوص بالنسبة للمحاورة التي ذكرتها أعلاه كانت مثل ماقلت بين مستور العصيمي وصياف الحربي ..

لكن الإشكالية هي أنني لا أحفظ منها سوى مبدأ كل منهما ولا أدري أين كانت تلك المحاورة ..

صياف الحربي


سلام ردية(ن) تدخل بنوك الذهب
مادام بعض البنوك تفتح ابوابها
اشوف مستور مابين الرضا والغضب
واصل السبب من يميناَ ماتقهوابها


مستور العصيمي
يامرحبا من ضمير الي يسد الطلب
عندي خبر فالعلوم وحاسب احسابها
ياصاحبي لاتجنب عن دروب العرب
عان الاصايل بروك وتضرس انيابها


أتمنى أن أكون قد أفدتك ولو 1 % من المعلومة التي تبحث عنها ..

تقديري الجمّ ..

سعود النفيعي يا مرحبا بك

بيض الله وجهك وما قصرت

عز الله افدتني فالبيوت اللي نقلتها ويكفي ردك وكلامك

لاهنت