ليتنا كل خمس شهور نطلع اجازه
 

السلام عليكم

انا كثرت الاسئله هنا وهناك :)

فيه قصيده يشيلونها اللي فيها

ليتنا كل خمس شهور نطلع اجازه .. والمعاشات تمشي والاجازه مديّه

الاخوان اللي يعرفون صاحب القصيده هذي يعلمونا ولا يهونون :)

وشكرا مقدما

الحساء لو نمره مالنا فيه عازه .... إلخ


اي بالله قد سمعتها ولا ادري منهي له ؟؟


افيدونا افادكم الله ..

يعني مافيه احد من الرواه يساعدنا على قول ؟؟؟

:(

هذي القصيده :

ليتنا كل خمس شهور نطلع باجازه
ـــــــــــــــــ المعاشات تمشي والاجازه مديه

سعد من طاف ابو سمره وخرّج جوازه
ـــــــــــــــــ مطلعينه من التخريج والشمس حيه

فوق بنز جديد تو ورد طرازه
ـــــــــــــــــ مشترينه بكد ذراع والا هديه

والدريول يسوقه عارفن امتيازه
ـــــــــــــــــ مابقلبه لصنع الجرمني مرحميه

والحساء لو نمره ما لنا فيه عازه
ـــــــــــــــــ كل منا على الممشا يشجع خويه

ماحلا حدر ضوح الشمس لمعة قزازه
ـــــــــــــــــ يصفق الميل بالتسعين من فوق ميه

ناحر لي حبيب خز قلبي خزازه
ـــــــــــــــــ الله اللي سخرني له وسخرّه ليه



وان ما خاب ظني اني قد قريت انها لهاجري
عاد تلقى اسمه مع الهواجر :)

صباح الخير للجميع
القصيده للشاعر عبدالله بن قنيص الكدادات الهاجري رحمه الله
وتغنّا بها الكثير من عازفين الربابه في الخليج ... وهو شاعر له الكثير من القصائد الرائعه والجميله
وكان رحمه الله من شعراء الكويت المعروفين
والشكر للجميع

مشكووور يا فالح

وشكرا جزيلاً يا غالب

وشكراً من القلب .. يا مبارك

!
!

اتحتفتمونا .. بهذه الرائعه .. وبالتفصيل .. وربع تعاونوا ماذلوا :)

بيض الله وجيهكم .

فعلا ..

بدأها فالح وأكملها غالب وأوضحها مبارك ..

شكرا لكم ولقلوبكم ..

تقديري الجمّ ..

ها استلموا سؤالٍ ثاني :)


الشاعر / عبدالله بن قنيص الهاجري رحمه الله
وش يقرب
للشاعر / عبدالله بن قنيص الهاجري حفظه الله !


لاهنت يا فالح على تسائلك اللي يفيدنا ويفيد الجميع
ولا هان من وضّح الصوره



اخووكم :)

عبد ربه اشكرك على التعاون :)

غالب الشريف لاهنت لاهنت وتسلم ما قصرت
مبارك ابن عيينان بيض الله وجهك وما قصرت
ناصر تراحيب مرورك اسعدنا
سعود النفيعي يا مرحبا
خالد الحصين حياك طال عمرك والحين استلم العهده انت :)

شكرا جزيلا يافالح على تسائلك


والشكر ايضا موصول للجميع على هذا التفاعل الرائع

يامرحبا ياهلا ترحيبةٍ من جديد ..... يقوله حبيّب في محاوره مع اين وسام :) كذا ياخالد

لاشكر على واجب ياأخوان شمّأ هذا ابسط حقوقكم وحقوق المنتدى وجمهوره


خالد الحصيّن :::: ياجدّو تقول وش يصير لعبدالله بن قنيص رفيقنا ...أعتقد ياجدووووووو أنّه من عمّانه لزم أو قفا ..... الوكاد أن اسم قنيص معروف عند بني هاجر مايسميه الا الكدادات وبالذات ال قنيص اللي هم ربع عبدالله

زميلنا ....... وان كانك بطيعني اسال عبدالله براسه :)
لاهنتوا