الصبح وسط الشام والعصر فالنير
هات القلم والبوك لاهنت هاته
هاته يابو نواف من دون تاخير الرجل وشهو لازمه في حياته لاصار ما يارد على جمة البير حلمت في رجال يلبس عباته مدري وش اللي صار له يا المناعير ما شفت لي رجال سوى سواته الصبح وسط الشام والعصر فالنير!! الى بغى ديره يحرك عصاته ولاهزها تهتز في يده ويطير !! ساعه ولين الذيب يشتال شاته بغى يروح بها وجا دونه بعير يا مفسرين الحلم وشلون فاته انه يبى يصبح مثل سالم الزير كليب قبل يموت سجّل وصاته يقول لا تقبل جميع المعاذير كل القبايل بالوساطات جاته احدٍ يبى له شر واحدٍ يبى الخير بيتين دوّنها كليب بوفاته وعند اليمامه كان للغز تفسير الرجل وشهو لازمه في حياته لاصار عند البير ما يارد البير |
فقط انا هنا لااستقبالك مرحبا لا مفسرا للاحلام
هلا وغلا في محلك |
ناصر النفيعي
ترحيبكم الجميل في المرقاب دفعني للبحث عن تفسير الحلم شكرا لاستقبالك م |
مرحبا يا إبراهيم صح لسانك لاعدمتك
قصيدة جزلة والجزل هو الشاعر الذي صاغها وابدع فيها |
الرجل وشهو لازمه في حياته
لاصار عند البير ما يارد البير انا اشهد انك صادق.......;) صح لسانك يا ابو خليل...... وبعدين يا خوي...وجه الرجال لا جا من الشام ما ينتقارن به لا ابطى في النير....عجاج وسموم وملاهيب .... الله يجيب المطر ;) |
خطييييييييييييييييييييييييير يا ابراهيم
صح لسانك على العموم قصيده طيبه لا هنت اخوك شفق السريع |
الشاعر ابراهيم العتيبي
حياك الله فى مرقابك سعدنا بوجودك معنا جزل ماتجيب الا الجزل ما شفت لي رجال سوى سواته $$ الصبح وسط الشام والعصر فالنير!! الى بغى ديره يحرك عصاته $$ ولاهزها تهتز في يده ويطير !! ساعه ولين الذيب يشتال شاته $$ بغى يروح بها وجا دونه بعير يا مفسرين الحلم وشلون فاته $$ انه يبى يصبح مثل سالم الزير تقبل تحياتى وننتظر القادم |
حلم غريب
الغالي ابراهــــــــــــيم صح لساااانك وهلابك في مرقابك وتقبل تقديري |
اخي الكريم ابراهيم العتيبي
صح لسانك يامبدع قصيده قمه في الروعه لله درك تقبل اعجابي اخوك عبدالعزيز الغنامي |
ابراهيم العتيبي
قصيده لغز واعتقد ان المعنى يحتاج تمحيص حتى يكتشف ما شفت لي رجال سوى سواته الصبح وسط الشام والعصر فالنير بس النير مافيه مطار صح السانك ياشاعر |
هلا وهلا
ياهلابك
في محل ربعك صح السانك وفي انتظار القادم |
المبدع : براهيم العتيبي
قصيده جزله كما هو حال شاعرها يعطيك العافيه |
فارس العصيمي
تسسسسسسسسسسلم ولاهنت تحيااااااااااتي لك |
الكاسر
صح بدنك لاهنت |
ابراهيم........... صح لسااانك
مشاركة ثانية رائعة... تجعلنا نتابع حضورك وابداعك بكل دقة... اهلابك... وتقبل تحياتي |
| جميع الأوقات بتوقيت GMT +3. الساعة الآن 08:56 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية