( طلب مجاراه من شاعر ) !
 

أخواني وأخواتي أعضاء وزوار منتديات المرقاب الكرام ،

السلام عليكم والله يسعد أوقاتكم بالخير والمسرات ..



هذي فكره جديده مشابه لفكرة ( اتصال بشاعر ) ولكن بطريقه اخرى
فيها نوع من التغيير والتجديد ,,


وهي ( طلب مجاراه من شاعر ) .. بحيث يأتي احد الاعضاء بقصيده لا تتجاوز (10) ابيات ولا تقل عن (5) ابيات ويطلب من احد الاعضاء مجاراتها على نفس البحر والقاف والمعنى !


واليكم شروط هذه الفقره :-

1= يحق للشاعر ان يشارك بأكثر من قصيده ( ولكن ليست في آنٍ واحد ) ويطلب من اي شاعر ان يجاريها ..


2= لا يحق للشاعر ان يجاري اكثر من قصيدتين !


3= سوف نقوم في النهايه بعمل استفتاء للظهور بأجمل قصيده ومجاراه مرقابيه .



أخواني الكرام .. (( طلب مجاراة من شاعر )) هو منكم ولكم وأنتم نجومه ونجاحه يتوقف على مشاركاتكم التي تشرفنا وتسعدنا ..:)



لكم المشاركه وحياكم الله جميعا ..:)

رحيم طاحت العين عليك :)


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تعبنا ورى طرد الليالي والايام = نصارع ظروف ايامنا البيض والسود
ونسعى على الدنيا لتحطيم الارقام = والاعمار تاليها على القبر والدود
على كثر مانبني ونهدم فالاحلام = ماناخذ سوى المكتوب والعمر محدود
حياة القناعه كنز والضيق مادام = ولاضاع حق وخالق الكون موجود
نسوق المطايا سوق ونحث الاقدام = ونصبر على الشدات والصبر محمود
وانا والله انه ماحداني من العام = اغني واجر الصوت حاوي ومردود
سوى صفنا اللي راح يارحيّم اقسام = يفرح علينا سدود ويضيّق سدود
نقول الفرج في مقبل الوقت قدام = ونبني من الهقوات ضباط وجنود !
عسى الله يعز الدين ويعز الاسلام = وتطلع رجال ٍ تلحم العود فالعود
تمعن وعطني ردها يابن غنام = ماتنقص عن العشره ولاتقبل الزود [/poem]

الله الله الله الله
على الفكره يا سعد
وعلى القصيده
وعلى الاختيار


موضوع اجزم على نجاحه الكبير
وبيني وبينك خله يحرّك القرايح المتجمّده :)



لي عوده باذن الله .. وقبل العوده باخذ لي نسخه وانا ماشي :-


[frame="7 80"][poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تعبنا ورى طـرد الليالـي والايـام=نصارع ظروف ايامنا البيض والسود
ونسعى على الدنيا لتحطيم الارقـام=والاعمار تاليها على القبر والـدود
على كثر مانبني ونهـدم فالاحـلام=ماناخذ سوى المكتوب والعمر محدود
حياة القناعه كنز والضيـق مـادام=ولاضاع حق وخالق الكون موجـود
نسوق المطايا سوق ونحث الاقـدام=ونصبر على الشدات والطيب محمود
وانا والله انه ماحداني مـن العـام=اغني واجر الصوت حاوي ومـردود
سوى صفنا اللي راح يارحيّم اقسام=يفرح علينا سدود ويضيّـق سـدود
نقول الفرج في مقبل الوقـت قـدام=ونبني من الهقوات ضباط وجنـود !
عسى الله يعز الدين ويعز الاسـلام=وتطلع رجال ٍ تلحم العـود فالعـود
تمعن وعطني ردهـا يابـن غنـام=ماتنقص عن العشره ولاتقبل الـزود[/poem][/frame]

سعد الشيباني الله الله الله الله والله انه موضووووووووع جدا جدا رائع
وان شالله يجد تفاعل من الجميع


والله لايهينك ياسعد وكل الشكر على جهودك المبذوله لخدمة هذا الصرح الشامخ




وابشرك اني استوعبت الموضوع :)



ومشاركتك صح السانك عليهااا وبانتظار مجاراة رحيم



والدور جاي عليك بس مادري متى :)


وسلامي عليك ياسعد وبالتوفيق لك انت وموضوعك الشيق :)





اخوك / ذعار الديري

سعد الشيباني ..

فكرة ناجحة ناجحة مافيها كلام ولافيها نشدة شيخ ..

وبداية وإختيار ممتاز ياسعد ..

لي عودة ..

تقديري الجمّ ..

يا ســلام .. يا ســـلام

على كذا نضمن .. الابدااااع مدبووول

سعد .. اول شي صح لسااانك .. صراحـــه الراائعه هذي .. ما رااح تجيب الا راائعه من الراائع رحيم

سيكوون لي عوووده .. علشاان .. اتوصى لي بواحــد يستااهل :)

مع ان فيها سرقه لموضوعي عينك عينك بس ماهوب مشكله نطوّفها عشان سعد و المدير العام teeth:

السلام عليكم .. ورحمة الله و بركاته ..

فكره رائعه وفائدتها اكثر من فائدة موضوعي بصراحه :rolleyes:

لان كل قصيده راح تذيّل بأسم شاعرها عشان يستانس عبدربّه بس :)

و سلام الله على صاحب الموضوع ..

والموضوع و فكرته الرااااااااااااااااااااائعه .. و القصيده الباذخه بالجمااااال ..

الله يعيني على مجاراتها ياسعد و حسبي الله على عدّوك :(

اقسم بالله انك احرجتني وان قصيدتك هاذي مكانها الشعبي .. <-- جحد المواهب :)

انتظرني يمكن اخذ سبوع مير لاتباطاني teeth:

عزالله فكره حلووه ومتعوباً عليهاا

واحسن من فكرة بعض الناس :pteeth:

:)

ها انتظرني ياسعد

سلام عليك ياسعد وعلى فكرك :)
هلا وغلا يابعدي انت غير والله :)
المهم .. حبيت أسلّم عليك وأقولك
ل ا ا ا خ ل ا ا ا و ل ا ا ا ع د م
:)

ياااسلاام عليك يااسعد ويااسلام على افكااارك

فكرة اكثر من رااائعة ومميززة

وقصيدة كااايفة
بانتظاااار حبيب الألب رحيم :)


لي عودة :)

سلاااااااااام

مرحبا والله ومسهلا بالجميع بدون استثناء


والله يسلم اللي شاركني الفكره وهو عارف نفسه زين بس يقول لاتقول اسمي :)


على العموم الموضوع متوقف نجاحه على مشاركاتكم وارائكم ,,


برايفت لرحيم ( حرك العالم ياولد :) الهمام )


سلامي ومحبتي لكم :)

الغالي /سعد الشيباني ..

مساءك ورد ...

وأفكارك كلها رووووعه ..وجمال ..:)


ونص في غاية الروعة ..:):)

بانتظار رحيّم ..

بس عندي سؤال : ..ويمكن أكثر من سؤال:)

هل طلب المعارضة يتم بالتنسيق مع المشرف؟ولاّرلمن أراد ؟

هل نتظر رحيم حتى يرد على القصيده ؟ولاّ؟:):)
متااابع...

أبوشاهر

طلب مجاراة من شاعر ..

اخي العزيز سعد الشيباني .. بارك الله فيك ..
وبكل أمانه موضوع ناجح بكل المقاييس بإذن الله وخصوصا وانه

امتدادا ً لـ فكرة اخي العزيز ايضاً رحيم الغنامي ..
وبهذا يكون حفظ الحقوق _ ان جازت التسميه _ قد اصبح أمراً حتميا ً ..

وعمار يامرقاب ..


سلامي عليكمـ ..:)

هالحين أنت مانويت تطلدز عبدربــه عنك يارحيّم :(


الله يعين علاك بالصبر بـس :(

<- فرقني نفسك


تبا العلم :
مانيب مستانس مادام المجاراه .‘. ماتمشي الا بالعتب والمشاريه
.
.
.


وإذا الله قسم لي مشاركه في هذا الموضوع ، فترى هذا مطلعها :(

<- وش علانامنك


هاسمعت مني ياسعد ؟


من يوم شفت العنوان توقعت ان رحيم يبا يدق فالموضوع :(


وفعلاً ما أخطأ توقعي ، لكن ماعلاك منه يزينها الله وتزين ،



سلام’ عليكم

:) <- لابغا يبتسم

مرحبا والله ومسهلا يابو شاهر وحياك :)


هل طلب المعارضة يتم بالتنسيق مع المشرف؟ولاّرلمن أراد ؟

من ناحية استفسارك هذا والله مافهمت على كلمة معارضه ولكن اذا قصدك مجاراه مع شاعر
لاتحتاج لتنسيق مع المشرفين اختر الشاعر اللذي تود ان تسند عليه وهات مشاركتك وعليه الرد
عليها :)

هل نتظر رحيم حتى يرد على القصيده ؟ولاّ؟

العضو الموجود في نظري ليس لديه عذر <-- عانه ورط رحيم
اما العضو الغايب فالغايب عذره معه :)

ونقطه مهمه يوم ذكرتها يابو شاهر اللي عنده قصيده يضعها هنا ويحدد العضو اللذي
يريده ان يجاريها ولاهو ضروري ان ينتضر الاعضاء قصايد المجاراه يعني اللي عنده شي لايبخل
علينا وعلى المرقاب ليتم نجاح هذا الموضوع :)

اتمنى ان اكون جاوبت على ماتود معرفته يابو شاهر :)

هلا ومرحبا ياسلطان

وجودك ووجود امثالك كفيل بنجاح هذا الموضوع بإذن الله :)

هلا ومرحبا ياعبدربه والامور كلها سهالات ولكن تخير لك شاعر وسم بالله :)

سلامي ومحبتي لكم :)

.
.



فكره راااااااائعه

ولاهنت ياسعد

ولا هانوا المرقابيّين




.
.

موضوع رائع لاهنت يابن مشيب وصح لسانك على الاسناد الاروع والجزل في انتظار رد الشاعر رحيم الغنامي

لك مني كل تقدير واحترام ياسعد


دمت بخير

سعد الشيباني

فكره رائعه
وننتظر القصائد الابداعيه لهذه الفكره الجميله
وصح لسانك على ابياتك وننتظر بفارغ الصبر مجاراة الاخ رحيّم :)

بإنتظار الدرررره

هلا وغلا يا سعد
.
.
ولاخلا ولاعدم
.
.
فكره رائعه من رائع
.
.
وصح لسانك على القصيده وونتضر رد رحيم
.
.
لك خالص الود والتقدير............

احسنت ياسعد

فكرة موفقة

ياسلام على الفكره وعلى راعيها ..


نافذه لتفعيل المواهب المتراكمه (( ماشاء الله ))


وطلب المجاراه .. من المواضيع المحفزه للمشاركه فعلا


شكرا لسعد الشيباني ولكل من شارك وسيشارك هنا ،